ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ ᐃᓚᒋᔭᐅᕙᑦᑐᑦ ᒪᐃᔭ ᐊᒻᒪ ᑎᓴᒪᐅᔪᖅᑐᑦ (8) ᓄᓇᓕᐸᐅᔭᐃᑦ ᑲᑎᒪᔨᖏᓐᓂᑦ ᐊᕐᕌᒍᓄᑦ ᑎᓴᒪᓄᑦ ᑲᑎᒪᔨᐅᕙᑦᑐᓂᑦ.
ᐃᓚᒋᔭᐅᔪᑦ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ ᑲᑎᒪᕙᑦᑐᑦ ᐅᓪᓗᕐᓯᐅᑎᓂ ᐋᖅᑭᑦᑕᐅᓯᒪᕙᒌᖅᑐᓂᑦ ᐊᕐᕌᒎᑉ ᐃᓗᐊᓂ, ᐊᒻᒪᑦᑕᐅᖅ ᑕᒪᐅᓇᑐᐃᓐᓇᖅ ᑲᑎᒪᓚᐅᖅᐸᒻᒥᔪᑦ ᑲᑎᒪᒋᐊᖃᕋᐃᒐᒥᒃ.
ᒪᐃᔪ ᓵᓚᒪᓐ ᐊᕙ
ᓵᓚᒪᓐ ᐊᕙ ᐃᓅᓚᐅᔅᓯᒪᕗᖅ ᖃᒻᒪᒻᒥ ᐃᒡᓗᓕᐅᑉ ᖃᓂᒋᔮᓂ. ᒪᒃᑯᕕᔾᔪᐋᑦᑎᓪᓗᒍ, ᖃᐅᔨᔪᒪᖃᑦᑕᓚᐅᔅᓯᒪᒻᒪᑦ ᑭᓱᑐᐃᓐᓇᓕᒫᓂᒃ; ᐊᒡᓛᓪᓗᓂᒃ ᐃᒍᑦᑎᔅᓯᓚᐅᔅᓯᒪᔪᖅ ᓇᔭᖓᑕ ᐱᙳᐋᖓᓂᒃ ᒥᔅᓲᑎᖑᐊᕈᓗᐋᓂᒃ – ᑕᐃᓐᓇᓗ ᓇᔭᖓᑕ ᐊᔅᓱᐋᓗᒃ ᓂᙵᒍᑎᒋᓚᐅᔅᓯᒪᓪᓗᓂᒃ. ᓵᓚᒪᓐ ᐊᔪᕈᓐᓃᓐᓂᑰᒻᒪᑦ ᐊᒥᓱᓂᒃ ᐱᖅᑯᓯᒃᑯᑦ ᐱᓕᕆᒍᓐᓇᑦᑎᐋᓐᓂᐅᔪᓂᒃ ᐊᖓᔪᖄᖏᓐᓂᒃ ᐊᒻᒪᓗ ᑯᕕᐊᒋᔭᖃᒃᑐᓂ ᐅᓂᒃᑳᑦᑐᐊᕆᐊᔅᓴᖅ ᐃᓕᓚᐅᔅᓯᒪᔭᒥᓂᒃ ᐊᑖᑕᖓᓂᒃ. ᐅᓂᑳᕕᖃᓲᖑᓪᓗᓂᓗ ᑕᕌᓂ ᐃᓄᓕᒫᓄᑦ, ᐸᐃᕆᕕᓐᓂ, ᐊᒻᒪᓗ ᐃᓕᓐᓂᐋᕕᓐᓂ; ᐊᒻᒪᓗ ᐃᓕᓴᐃᔨᐅᓯᒪᓪᓗᓂ ᐅᑭᐅᑦᑕᑑᑉ ᓯᓚᑦᑐᔅᓴᕕᖓᓂ ᐱᖅᑯᓯᒻᒥ ᖃᐅᔨᒪᓂᐅᔪᓂᒃ.
ᓵᓚᒪᓐ ᒫᓐᓇ ᐃᖃᓗᒻᒥᐅᑕᐅᔪᖅ, ᓄᓇᕗᑦ ᓄᓕᐊᖓᓗ, ᔪᑎ ᐊᒻᒪᓗ ᒪᕐᕉᒃ ᒪᒃᑯᒃᑑᒃ ᕿᑐᙵᖏᒃ. ᑕᓪᓕᒪᓂᓪᓗ ᐃᓐᓇᐅᓕᑦᑐᓂᒃ ᕿᑕᙵᖃᕆᓪᓗᓂ, ᓯᕗᓪᓕᒻᒥ ᑲᑎᑎᑕᐅᓯᒪᖃᑎᒋᓚᐅᑦᑕᖓᓂᒃ, ᐃᓚᒋᔭᐅᒋᓪᓗᑎᒃ ᖃᔅᓯᑲᓪᓚᐃᑦ ᐃᕐᖑᑕᖏᑦ ᐊᒻᒪᓗ ᐊᑕᐅᓯᒻᒥᒃ ᐃᓗᓕᖃᕆᓪᓗᓂ.
ᑐᖏᓕᖓ ᒪᐃᔪ ᑭᒻᐳᓕ ᓯᒥᑦ
ᑭᒻᐳᓕ ᐃᓅᓚᐅᔅᓯᒪᕗᖅ ᐃᖃᓗᓐᓂ. ᓅᓚᐅᔅᓯᒪᓪᓗᓂ ᐃᓚᒋᓪᓗᒋᑦ ᐃᓚᓂ ᐋᑐᕚᒧᑦ 2005−ᒥ ᐅᑎᓚᐅᖏᓐᓂᒻᒥᓂ ᐃᖃᓗᓐᓄᑦ 2014−ᒥ ᐱᒐᓱᐋᕈᒪᓪᓗᓂ ᐃᖅᑲᓇᐃᔭᔅᓯᓐᓈᕈᒪᓪᓗᓂ ᐃᒡᓗᓕᐅᓂᒻᒥ ᐅᐋᔭᓕᕆᔨᐅᓂᒻᒥᒃ. ᑭᖑᓂᖓᒍᑦ ᐱᓚᐅᑦᑎᓪᓗᒍ ᐊᐅᐸᑦᑐᒥᒃ ᓇᓗᓇᐃᑯᑕᑦᑖᓚᐅᑦᑎᓪᓗᒍ 2018−ᒥ, ᐃᖅᑲᓇᐃᔭᓕᓚᐅᔅᓯᒪᒻᒪᑦ ᓄᓇᕗᑦ ᒐᕙᒪᒃᑯᓐᓂ ᓴᓇᓯᒪᓂᓕᐅᔅᓯᓪᓗᓂ ᑲᐃᕗᓕᐅᔅᓯᓂᒻᒥ ᐊᒻᒪᓗ ᐅᐋᔭᐅᖁᔨᔪᑦ ᑕᑯᓴᐅᑎᑦᑎᒍᑎᓕᕆᓂᒻᒥ ᐋᖅᑭᑦᑎᐊᔅᓯᒪᒋᐊᖃᑦᑐᓕᕆᔨᐅᓪᓗᓂ. ᐊᖏᔪᐋᓗᒻᒥᒃ ᖁᔭᓕᒍᑎᖃᔅᓯᒪᒻᒪᑦ ᐃᖅᑲᓇᐃᔮᒥᒃ ᓂᐅᕐᕈᒍᓇᑦᑎᑦᑎᔪᒥᒃ ᐊᒻᒪᓗ ᐃᖅᑲᓇᐃᔭᑉᐸᓪᓗᓂ 24−ᓂ ᐅᑯᓇᙵᑦ 25−ᓂᒃ ᓄᓇᓕᓐᓂᒃ ᓄᓇᕗᒻᒥ ᐊᒻᒪᓗ ᒫᓐᓇᑦᑎᐊᕈᓗᒃ ᐅᖃᕈᓐᓇᔅᓯᒍᒪᓪᓗᓂ ᐅᐸᑦᑕᐃᓇᕆᓯᒪᓕᓐᓂᕋᕈᓐᓇᕈᒪᓪᓗᓂᒋᑦ ᑕᒪᒻᒥᒃ.
ᑭᒻᐳᓕ ᐃᓚᒋᔭᐅᓯᒪᓕᒻᒪᑦ ᑲᑎᒪᔨᓂᒃ ᑐᑭᒧᐊᑦᑎᑦᑎᔨᓂ ᐱᓕᕆᑦᑎᐊᕈᓐᓇᓐᓂᒻᒧᑦ ᑲᓇᑕ ᓄᓇᕗᒻᒧᑦ ᐊᑐᓚᐅᑦᑐᓂ ᐱᖓᓲᔪᑦᑐᓂ ᐊᕐᕌᒍᓂ ᐊᒻᒪᓗ ᑲᔪᓯᓪᓗᓂ ᐊᑐᐃᓐᓇᓗᓂᐅᒃ. ᐅᐱᒍᓱᑦᑎᐊᑦᑐᖅ ᑐᓴᑦᑕᐅᑎᑦᑎᒋᐊᔅᓴᖅ ᐊᒻᒪᓗ ᐱᔭᐅᓂᔅᓴᐅᑎᑦᑎᒐᓱᒋᐊᔅᓴᖅ ᐃᖅᑲᓇᐃᔮᓂᒃ ᐃᖅᑲᓇᐃᔮᖃᓐᓂᒻᒥᒃ ᐊᒻᒪᓗ ᐱᓕᕆᐋᕆᑦᑎᐊᕆᐊᓕᓐᓂᒃ ᐃᓕᓐᓂᐊᑦᑎᓄᑦ ᓄᓇᕘᓕᒫᒥ.
ᑲᑎᒪᔨᑦ ᑲᑎᒪᔨᕋᓛᑦ
ᐃᒃᓯᕙᐅᑕᖅ, ᐸᕐᓇᓂᒻᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᒻᒧᑦ ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᐱᙳᐊᖅᑐᓕᕆᔨᒃᑯᑦ ᑲᑎᒪᔨᕋᓛᖏᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᐊᑲᐅᓴᖏᑦᑐᓕᕆᓂᒻᒧᑦ ᑲᑎᒪᔨᕋᓛᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᓄᓇᓕᓐᓂ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ
ᑲᑎᒪᔨᒃᑯᓐᓂ ᐃᓚᒋᔭᐅᓪᓗᓂ, ᐃᓄᓕᒫᓂᒃ ᐊᑦᑕᓇᑦᑕᐃᓕᑎᑦᑎᓂᒻᒧᑦ ᑲᑎᒪᑯᔨᕋᓛᑦ
ᐃᓇᖐᓯᒪᔪᖅ ᑐᖏᓕᖓ ᒪᐃᔪ ᕼᐋᓕ ᕙᓚᐅᕋᑎ
ᑲᑎᒪᔨᑦ ᑲᑎᒪᔨᕋᓛᑦ
ᐃᒃᓯᕙᐅᑕᖅ, ᓴᓇᓯᒪᓂᒃᓴᓕᐅᖅᑎᒃᑯᑦ ᐊᒻᒪᓗ ᓴᓇᔪᓕᕆᔨᒃᑯᓐᓂ ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ
ᐃᒃᓯᕙᐅᑕᖅ, ᐊᑲᐅᓴᖏᑦᑐᓕᕆᓂᒻᒧᑦ ᑲᑎᒪᔨᕋᓛᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᐸᕐᓇᓂᒻᒧᑦ ᐊᒻᒪᓗ ᐱᕙᓪᓕᐊᑎᑦᑎᓂᒻᒧᑦ ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᑮᓇᐅᔭᓕᕆᔨᒃᑯᑦ ᑲᑎᒪᔨᕋᓛᖏᑦ ᑲᑎᒪᑐᐃᓐᓇᓐᓂᒻᒥ
ᑲᑎᒪᔨ ᐋᒻᐳ ᐊᒡᓘᒃᑲᖅ
ᑲᑎᒪᔨᑦ ᑲᑎᒪᔨᕋᓛᑦ
ᐃᒃᓯᕙᐅᑕᖅ, ᐃᓄᓐᓄᑦ ᐊᑦᑕᓇᐃᖅᓯᒪᑎᑦᑎᓂᕐᒧᑦ ᑲᑎᒪᔨᑦ
ᑲᑎᒪᔨᒃᑯᓐᓂᒃ ᐃᓚᒋᔭᐅᓪᓗᓂ, ᐱᙳᐊᑦᑐᓕᕆᔨᒃᑯᑦ ᑲᑎᒪᑯᔨᕋᓛᖏᓐᓂᒃ
ᑲᑎᒪᔨ ᒪᑐᓯᓚ ᑯᓄᒃ
ᑲᑎᒪᔨᑦ ᑲᑎᒪᔨᕋᓛᑦ
ᐃᒃᓯᕙᐅᑕᖅ, ᐃᓗᕕᖅᓯᕕᒻᒧᑦ ᑲᑎᒪᔨᕋᓛᑦ
ᐃᒃᓯᕙᐅᑕᖅ, ᓄᓇᓕᓐᓂ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᓴᓇᓯᒪᓂᒃᓴᓕᐅᖅᑎᒃᑯᑦ ᐊᒻᒪᓗ ᓴᓇᔪᓕᕆᔨᒃᑯᓐᓂ ᑲᑎᒪᔨᕋᓛᑦ ᑲᑎᒪᑐᐃᓐᓇᖅᑎᓪᓗᒋᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᑖᒃᓯᖃᑦᑕᕈᑎᓂᒃ ᕿᒥᕐᕈᔨᑦ ᑲᑎᒪᔨᕋᓛᑦ
ᑲᑎᒪᔨ ᓴᐃᒪᓐ ᓇᑖᖅ
ᑲᑎᒪᔨᑦ ᑲᑎᒪᔨᕋᓛᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᐃᓗᕕᖃᕐᕕᒃ
ᒥᐋᔭᐅᑉ ᑭᒡᒐᖅᑐᐃᔨᖓ, ᓂᖅᑎᑦ ᐊᒻᒪᓗ ᐃᓅᓕᓯᒐᓱᐊᖅᑎᑦ
ᑲᑎᒪᔨ ᑲᐃᔪ ᓯᐊᐳᑦ
ᐃᓅᓯᒪᓪᓗᓂ ᐱᕈᔅᓯᒪᓪᓗᓂᓗ ᐅᖅᑯᒃᐸᓯᐊᓂ ᐊᓐᑎᐅᕆᔪ, ᑲᐃᔪ ᐱᒋᐊᓚᐅᔅᓯᒪᒻᒪᑦ ᑮᓇᐅᔭᒃᑯᕕᒻᒥ ᐃᖅᑲᓇᐃᔮᖓᓂᒃ ᕈᐃᔪᓪ ᕚᓐᒃ ᑲᓇᑕ ᐱᒋᐊᓕᕋᑖᓐᓂᖓᓂ 2002. ᓅᓚᐅᔅᓯᒪᒻᒪᑦ ᑲᖏᖅᖠᓂᒻᒧᑦ 2003−ᒥ, ᑕᐃᕙᓂᓗ ᐊᑭᐅᑦᑕᑦᑐᒥᐅᑕᕈᓚᐅᔅᓯᒪᓪᓗᓂ, ᑲᑎᓪᓗᓂᐅᒃ ᓄᓕᐋᕆᓕᑦᑕᓂ ᐊᒻᒪᓗ ᐱᒋᐊᓕᑦᑐᑎᒃ ᐃᓚᒌᓂᕆᔭᒥᓐᓂᒃ.
ᑲᐃᔪᓪ ᐃᓚᒋᔭᐅᓯᒪᓕᒻᒪᑦ ᐊᕐᕌᒍᑐᐃᓐᓇᒻᒥ ᕼᒪᓚᒃᑯᓐᓂ ᑲᑎᒪᔨᐅᖃᑕᐅᓗᓂ ᖃᖏᖅᖠᓂᒻᒥ ᐊᒻᒪᓗ ᐃᖅᑲᓇᐃᔭᓚᐅᔅᓯᒪᓪᓗᓂ ᔨᐋᓗᓇᐃᑉᒥ ᐊᕐᕌᒍᓄᑦ ᐱᖓᓱᓄᑦ ᓅᓕᒻᒥᓗᓂ ᐃᖃᓗᓐᓄᑦ 2016−ᒥ ᒪᓐᓇ ᐃᖅᑲᓇᐃᔮᕆᓕᑦᑕᖓᓄᑦ ᑮᓇᐅᔭᓕᐅᕋᓱᐊᓐᓂᒻᒧᑦ ᑮᓇᐅᔭᒃᑯᕕᓕᕆᓂᒻᒥ. ᑲᐃᔪ ᓂᕈᐊᑦᑕᐅᓚᔅᓯᒪᒻᒪᑦ ᓄᓇᓕᐸᐅᔭᒃᑯᓂ ᑲᑎᒪᔨᐅᖃᑕᐅᓕᓪᓗᓂ ᐊᐃᕆᓕ 2017−ᒥ ᐊᒻᒪᓗ ᓂᕈᐋᑦᑕᐅᒃᑲᓂᕆᓪᓗᓂ 2019−ᒥ. ᑲᐃᔪ ᐊᒡᓚᒡᕕᒻᒦᖓᔅᓯᒪᓗᓂ ᐃᓚᒋᔭᐅᒻᒪᑦ ᐅᖂᑕᖅ ᑲᑐᔾᔨᖃᑎᒌᑦ ᑲᑎᒪᔨᖏᓐᓂᒃ, ᑭᒡᒐᑦᑐᐃᓪᓗᓂ ᓄᓇᓕᐸᐅᔭᒃᑯᓐᓂᒃ.
ᐃᓱᒪᔅᓱᓕᕌᖓᒥ, ᑲᐃᔪ ᓅᓯᒪᒍᒪᖃᑦᑕᑦᑐᖅ ᐃᖃᓗᒐᓱᐋᓪᓗᓂᓗ ᐱᖃᑎᒋᓗᓂᒋᑦ ᐃᓚᓂ.
ᑲᑎᒪᔨᑦ ᑲᑎᒪᔨᕋᓛᑦ
ᐃᒃᓯᕙᐅᑕᖅ, ᑮᓇᐅᔭᓕᕆᔨᒃᑯᑦ ᑲᑎᒪᔨᕋᓛᖏᑦ ᑲᑎᒪᑐᐃᓐᓇᓐᓂᒻᒥ
ᐃᒃᓯᕙᐅᑕᖅ, ᑖᒃᓯᖃᑦᑕᕈᑎᓂᒃ ᕿᒥᕐᕈᔨᑦ ᑲᑎᒪᔨᕋᓛᑦ
ᑲᑎᒪᔨᐅᖃᑎᒋᔭᐅᔪᖅ, ᓄᓇᓕᓐᓂ ᐱᕙᓪᓕᐊᔪᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ
ᑲᑎᒪᔨ ᕈᒥᓐ ᓯᑏᕙᓐᓴᓐ
ᕈᒥᓐ ᐊᑖᑕᒋᔭᐅᒻᒪᑦ ᑎᓴᒪᓄᑦ ᐃᓐᓇᐅᓕᑦᑐᓄᑦ ᕿᑐᙵᖏᓐᓄᑦ ᐊᒻᒪᓗ ᐊᑖᑕᑦᑎᐊᕆᔭᐅᓪᓗᓂ ᒪᕐᕉᓐᓄᒃ ᓂᕕᐊᔅᓯᐋᓐᓄᒃ. ᐊᕙᑎᓄᑦ ᐊᕐᕌᒍᓄᑦ, ᐃᓕᓐᓂᐊᑦᑎᑦᑎᔨᐅᓚᔅᓯᒪᒻᒪᑦ ᓄᓇᕗᒻᒥ. ᕈᒥᓐ ᐃᖃᓗᐃᑦ ᓄᓇᓕᐸᐅᔭᖓᓂ ᑲᑎᓯᔨᐅᓯᒪᓕᒻᒪᑦ 2009−ᒥᓂᒃ, ᐃᓚᒋᔭᐅᓪᓗᓂ ᑐᖓᓕᕆᔭᐅᑲᐃᓐᓇᓪᓗᓂ ᒥᐊᔪᒧᑦ.
ᒫᓐᓇ ᐃᖅᑲᓇᐃᔭᑦᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᐊᒻᒪᓗ ᐃᑉᐱᒍᓱᑦᑎᐊᑦᑐᓂ ᓄᓇᓕᐸᐅᔭᖓ ᐃᖃᓗᐃᑦ ᑕᑯᒥᓇᓐᓂᔅᓴᐅᑎᒍᒪᓪᓗᓂᐅᒃ, ᐱᐅᓂᔅᓴᐅᑎᒍᒪᓪᓗᓂᐅᒃ ᓇᔪᕆᐋᙵ.
ᑲᑎᒪᔨᑦ ᑲᑎᒪᔨᕋᓛᑦ
ᐃᒃᓯᕙᐅᑕᖅ, ᑎᑎᕋᖅᑎ, ᑲᑎᒪᔩᑦ ᐋᖅᑭᒋᐊᖅᓯᓂᕐᒧᑦ
ᐃᒃᓯᕙᐅᑕᖅ, ᐱᕙᓪᓕᐊᑎᑦᑎᓂᕐᒧᑦ ᖃᐅᔨᒋᐊᖅᑎᑎᒃᑲᓂᓂᕐᒧᑦ ᑲᑎᒪᔩᑦ
ᑲᑎᒪᔨ ᓴᒥᐅᓪ ᑎᓪᓖ
ᓵᒻ ᑎᓪᓖ ᐃᓅᓚᐅᖅᓯᒪᔪᖅ ᑰᔾᔪᐊᒥᑦ, ᒫᓂᑑᐸ, ᐊᒻᒪ ᓱᕈᓯᐅᓪᓗᓂ ᐱᕈᖅᓴᓚᐅᖅᑐᖅ ᐊᕐᕕᐊᓂᑦ ᐊᒻᒪ ᑲᖏᕐᖠᓂᕐᒥᑦ ᓅᒃᑲᓐᓂᓚᐅᖅᑎᓐᓇᒍ ᐃᖃᓗᓐᓄᑦ ᐋᒡᒌᓯ 2002. ᑲᑎᒪᔨ ᑎᓪᓖ ᐱᓚᐅᖅᑕᖓ ᑮᓇᐅᔭᓕᐅᕋᓱᓂᕐᒧᑦ ᖁᓛᒎᓕᓄᑦ ᓚᐃᓴᓐᓯᖓ ᐱᔭᕇᕋᑖᖅᑐᒥᓂᐅᑎᓪᓗᒍ ᐃᓕᓐᓂᐊᕐᕕᐊᓗᒻᒥᑦ, ᐊᑐᕈᓐᓇᑎᔅᓯᒪᔭᖓ ᐊᔾᔨᒌᖏᑦᑐᓂᑦ ᐃᓚᖏᓐᓂ ᑲᓇᑕᒥ ᐃᓕᓐᓂᐊᕐᓂᖓᒍᑦ ᐊᒻᒪ ᖃᖓᑕᖃᑦᑕᕐᓂᖓᓄᑦ. ᒫᓐᓇ ᐃᖅᑲᓇᐃᔭᖅᑐᖅ ᓄᓇᕗᑦ ᒐᕙᒪᒃᑯᑦ ᓂᐅᕕᖃᑦᑕᖅᑐᓕᖑᕆᔨᒃᑯᑦ, ᓵᒻ ᐱᓕᕆᐊᓪᓗᐊᑕᖃᖅᑐᖅ ᖃᖓᑕᓲᓂ ᓵᑕᖅᑕᐅᔪᓂᑦ ᐊᒻᒪ ᕿᓂᓂᕐᒧᑦ ᐊᒻᒪ ᐸᖅᓴᐃᓂᕐᒧᑦ ᐱᔭᐅᔪᓂᑦ.
ᖃᓄᐃᓘᕋᔅᓴᖃᕈᓐᓃᕋᐃᒻᒪᑦ, ᓵᒻ ᖁᕕᐊᒋᔭᖃᖅᑐᖅ ᐊᓴᐅᑦᑕᒐᕐᓂᖅ, ᑕᑯᓐᓇᖅᑐᒋᑦ ᕗᑦᐹᓪᐊᒻᒪ ᖁᕕᐊᒋᔭᖃᖅᑐᓂ ᐊᐅᓪᓚᖅᓯᒪᓪᓗᓂ ᓄᓇᒥ ᐊᖑᓴᓱᑦᑐᓂ ᐱᖃᓐᓇᖏᓪᓗ ᐃᓚᒋᓪᓗᒋᑦ.
ᑲᑎᒪᔨᑦ ᑲᑎᒪᔨᕋᓛᑦ
ᐃᒃᓯᕙᐅᑕᖅ, ᐱᙳᐊᖅᑐᓕᕆᔨᒃᑯᑦ ᑲᑎᒪᔨᕋᓛᖏᑦ
ᑐᖓᓕᖅ−ᐃᒃᓯᕙᐅᑕᒻᒧᑦ, ᐃᓄᓐᓄᑦ ᐊᑦᑕᓇᐃᖅᓯᒪᑎᑦᑎᓂᕐᒧᑦ ᑲᑎᒪᔨᑦ