ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ: ᓂᕈᐊᕐᓗᑎᑦ ᐊᑦᑕᓇᖏᑦᑐᒥᑦ,
ᓇᓗᓇᐃᒃᑯᑎᑲᖅᑐᑦ ᓂᐅᕕᐊᔅᓴᐃᑦ
ᐅᑦᑑᐱᕆ 06, 2025 – ᐃᖃᓗᐃᑦ, ᓄᓇᕗᑦ
ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ ᑲᔪᓯᑎᓪᓗᒍ, ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑕᖏᑦ ᓄᓇᓕᒻᒥᐅᑕᐃᑦ ᐃᑭᒍᓐᓇᖅᑐᓂᑦ ᐊᑦᑕᓇᐃᖅᓯᒪᓂᕐᒧᑦ ᐱᒋᐊᖅᓯᒪᔪᑦ ᓂᐅᕕᖅᑎᓪᓗᒋᑦ.
ᓂᐅᕕᓕᕋᐃᒍᕕᑦ ᑭᓱᑐᐃᓐᓇᕐᒥᑦ ᐃᓗᓕᖃᖅᑐᓂᑦ ᓕᑎᐊᒻ−ᐊᐃᐋᓐ ᐹᑕᓖᓂᑦ, ᓲᕐᓗ ᓴᓇᕐᕈᑏᑦ, ᐱᓐᖑᐊᑦ, ᐸᑕᓖᒨᖅᑐᑦ ᑐᒃᑲᕆᐊᓖᑦ, ᐊᒻᒪ ᐊᓯᖏᑦ ᑲᑉᐳᔭᖅᑐᑦ, ᖃᐅᔨᒋᒋᐊᖏᓐᓇᖃᑦᑕᕐᓗᒋᑦ ᐃᓕᓴᕆᔭᐅᓯᒪᔪᓂᑦ ᑲᓇᑕᒥ ᓇᓗᓇᐃᒃᑯᑎᖃᖅᑎᑕᐅᓂᖓᓄᑦ ᓇᓗᓇᐃᒃᑯᑕᖓᓂ, ᓲᕐᓗ CSA, cUL, ᐅᕝᕙᓘᓐᓃᑦ ETL Canada. ᑖᒃᑯᐊ ᓇᓗᓇᐃᒃᑯᑕᐃᑦ ᓂᐅᕕᐊᔅᓴᒥᑦ ᑎᑎᕋᖅᓯᒪᔪᓃᒐᔪᑦᑐᑦ, ᐴᖏᓐᓂ, ᐅᐊᔭᖓᓂ, ᐊᒻᒪ ᓇᓗᓇᐃᕐᓗᒍ ᖃᐅᔨᓴᖅᑕᐅᓯᒪᓂᖓᓄᑦ ᑎᑭᑦᑎᓪᓗᑎ ᑲᓇᑕᒥ ᐊᑦᑕᓇᐃᖅᓯᒪᓂᕐᒧᑦ ᐊᑐᐊᒐᕐᓂᑦ.
ᓂᐅᕕᖅᑕᐃᓕᒪᓗᑎᑦ ᐊᑭᑭᑦᑐᒥᑦ ᐅᕝᕙᓘᓐᓃᑦ ᓇᓗᓇᐃᒃᑯᑎᖃᖅᑎᑕᐅᖏᑦᑐᒥᑦ ᐱᓪᓚᕿᐅᖏᑦᑐᓂᑦ ᐊᔾᔨᖏᓐᓂ. ᑖᒃᑯᐊ ᓂᐅᕕᐊᔅᓴᐃᑦ ᓴᓇᓯᒪᓂᖃᑦᑎᐊᕈᓐᓇᖏᑦᑐᑦ ᐊᒻᒪ ᐱᒻᒪᕆᐅᔪᒥᑦ ᐊᑦᑕᓇᕈᑎᖃᕈᓐᓇᖅᑐᑦ ᐆᓇᖅᓯᓗᐊᕐᓂᖏᓐᓄᑦ, ᐃᑭᓐᓂᖏᓐᓄᑦ ᐊᒻᒪ ᖄᕐᓂᖏᓐᓄᑦ.
ᐱᖃᕇᕈᕕᑦ ᓇᓗᓇᐃᒃᑭᑯᑎᖃᖅᑎᑕᐅᖏᑦᑐᒥᑦ ᐅᕝᕙᓘᓐᓃᑦ ᓱᕋᔅᓯᒪᔪᒥᑦ ᐹᑕᓖᒨᖅᑐᓂᑦ, ᐊᑐᖃᑦᑕᕈᓐᓃᑦᑕᐅᑎᒋᓗᒍ ᐊᒻᒪ ᐃᒋᓪᓗᒍ ᐊᑦᑕᓇᖏᑦᑐᒥᑦ. ᓄᓇᓕᐸᐅᔭᒃᑯᑦ ᐃᖃᓗᐃᑦ ᐊᔅᓯᕕᖓ ᐱᖃᑦᑕᖅᑐᑦ ᓕᑎᐊᒻ−ᐊᐃᐋᓐ ᐹᑕᓖᓂᑦ ᐊᒻᒪ ᒥᑭᔪᓂᑦ ᑲᑉᐳᔭᖅᑐᓂᑦ ᐃᒋᔭᐅᔪᓂᑦ ᓄᓇᓕᒻᒥᐅᑕᑐᐊᓄᑦ. ᖃᐅᔨᒃᑲᕐᓗᒋᑦ ᐊᔅᓯᕕᒻᒥ ᐃᖅᑲᓇᐃᔭᖅᑏᑦ ᐊᔅᓯᕕᒻᒨᕈᕕᑦ ᓵᒻᒪᑦᑐᒥᑦ ᐊᐅᓚᑕᐅᓂᐊᕐᓂᖏᓐᓄᑦ ᐊᒻᒪ ᐃᒋᑕᐅᓂᖏᓐᓄᑦ.
ᐃᑭᑎᑦᑎᑦᑕᐃᓕᓂᕐᒧᑦ ᐃᑲᔫᑏᑦ ᑐᓂᔭᐅᓂᐊᖅᑐᑦ ᐱᓇᓱᐊᕈᓯᓕᒫᒥᑦ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
