ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖅ – ᐊᑦᑕᕐᓇᖅᑕᐃᓕᒪᔪᒦᓐᓂᖅ ᐱᒋᐊᓲᖅ ᐳᔪᕐᒧᑦ ᖁᖁᐊᕈᑏᑦ ᐱᔪᓐᓇᖅᑎᓪᓗᒋᑦ
ᐅᑦᑑᐱᕆ 5, 2025 – ᐃᖃᓗᐃᑦ, ᓄᓇᕗᑦ
ᐃᖃᓗᐃᑦ ᓄᓇᓕᐸᐅᔭᖓ ᐅᐱᒍᓱᑦᑐᖅ ᐱᒋᐊᖅᑎᑦᑎᔭᕆᐊᑦᓴᖅ ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖓᓂᒃ ᑕᒫᓂ ᐊᕐᕌᒍᒥ ᑐᙵᕕᒋᔭᐅᓂᐊᖅᑐᓂ: ᓯᕗᒧᐊᕝᕕᒋᒍᑦ ᐃᑭᑦᑕᐃᓕᓂᕐᒧ ᐊᑦᑕᕐᓇᐃᖅᓯᒪᓂᖅ – ᐃᖅᑲᐃᑎᑦᑎᒍᑎᐅᔪᖅ ᖃᓄᐃᓕᐅᒐᓚᑐᐃᓐᓇᕐᓗᓂ ᐊᖏᔪᐊᓗᒻᒥᒃ ᐃᑲᔫᑎᖃᕈᓐᓇᕐᒪᑦ ᐃᑯᐊᓪᓚᑦᑐᖃᖅᑕᐃᓕᒪᖁᓪᓗᒍ ᐊᒻᒪᓗ ᓴᐳᔾᔭᐅᓗᑎᑦ ᐃᓪᓗᒥᐅᑕᓯ.
ᐃᓚᖓᑦ ᐊᐅᓚᓂᖃᑦᑎᐊᓛᖑᔪᖅ ᑕᐃᒪᐃᖁᓪᓗᓯ ᖃᐅᔨᒪᑦᑎᐊᕐᓗᓯ ᖁᖁᐊᕈᑎᓯ ᐃᑭᑦᑐᖃᓕᖅᑎᓪᓗᒍ ᖁᖁᐊᕈᑏᑦ ᐱᔪᓐᓇᑦᑎᐊᕋᓗᐊᕐᒪᖔᑦ. ᐋᖅᑮᓗᓯ ᐳᔪᕐᒧᑦ ᖁᖁᐊᕈᑎᒥᒃ ᑕᒪᐃᓐᓂ ᖄᖅᑎᒥ ᓇᑎᖏᓐᓂ ᐊᖏᕐᕋᔅᓯᖕᓂᒃ ᐊᒻᒪᓗ ᓯᓚᒥ ᓯᓂᕝᕕᐅᓲᓕᒫᕐᓂ. ᖃᐅᔨᓴᖃᑦᑕᕐᓗᒋᑦ ᐊᒻᒪᓗ ᕚᑕᓖᖏᑦ ᐊᓯᔾᔨᖃᑦᑕᕐᓗᒋᑦ ᐊᓯᔾᔨᖅᑕᐅᔭᕆᐊᖃᓕᕋᐃᑉᐸᑕ.
ᐱᔪᓐᓇᕈᓂ ᖁᖁᐊᕈᑎ ᐱᒻᒪᕆᐊᓗᓐᓂᒃ ᐊᓂᓵᕈᓐᓇᕐᓂᔅᓯᖕᓂᒃ ᐊᓂᓵᖅᑎᑦᑎᒍᓐᓇᕋᔭᖅᑐᖅ ᐱᕕᖃᖅᑎᑕᓪᓗᓯ ᐃᑭᑦᑐᖃᓕᖅᑎᓪᓗᒍ.
ᖃᐅᔨᒪᑦᑎᐊᕐᓗᑎᑦ ᐃᓪᓗᒥᐅᖃᑎᑎᑦ ᐊᑦᑕᕐᓇᙱᑦᑐᒥᒃ ᐊᒻᒪᓗ ᐃᒃᑮᓇᙱᑦᑐᒥᒃ ᑲᑎᕝᕕᖃᑦᑎᐊᕐᕋᓗᐊᕐᒪᖔᑦ ᖃᓂᑦᑐᒥᒃ, ᓲᕐᓗᒃ ᓴᓂᓪᓕᓯ ᐊᖏᕐᕋᖓᓅᕐᓗᓯ ᐅᕝᕙᓘᓐᓃᑦ ᐃᖏᕐᕋᔾᔪᑎᒨᕐᓗᓯ. ᓯᓚᒦᑦᑐᖅᓯᐅᑏᑦ ᓲᕐᓗᒃ ᔭᐃᑲᓯ ᕘᑦᑎᓯᓗ ᑐᖅᑯᖅᓯᒪᓗᒋᑦ ᐊᓂᕕᑉ ᖃᓂᒋᔭᖓᓂ, ᑎᒍᔭᐅᑲᐅᑎᒋᔪᓐᓇᕋᔭᕐᒪᑕ ᐊᓂᒋᐊᖃᓕᕈᔅᓯ ᑐᐊᕕᕐᓇᖅᑐᖃᓕᖅᑎᓪᓗᒍ.
ᑖᓐᓇ ᓯᕗᓪᓕᖅᐹᖑᕗᖅ ᐱᓇᓱᐊᕈᓯᓕᒫᕐᒥ ᑐᓴᒐᑦᓴᐅᑎᖃᑦᑕᕐᓂᐊᖅᑕᑦᑎᓐᓂᒃ ᑲᒪᒋᔭᖃᓗᐊᕐᓗᑕ ᐃᑭᑦᑕᐃᓕᒪᑎᑦᑎᓂᕐᒥᒃ ᐊᑦᑕᓇᖅᑐᒨᖅᑕᐃᓕᒪᑎᑦᑎᓂᖃᖅᑎᓪᓗᑕ ᐊᖏᕐᕋᑦᑎᓐᓂ ᓄᓇᓕᑦᑎᓐᓂᓗ. ᐅᑕᖅᑭᑐᐃᓐᓇᕆᑦ ᐱᓇᓱᐊᕈᓯᕐᒥᒃ ᓈᓚᒐᓱᖃᑦᑕᕐᓗᑎᑦ ᐊᑐᕋᑦᓴᐅᔪᑦ ᐃᑲᔫᑎᓂᒃ ᐃᑲᔪᕋᔭᖅᑐᑦ ᐃᓕᖕᓂᒃ ᐃᓚᓐᓂᓪᓗ ᐊᑦᑕᕐᓇᖅᑕᐃᓕᒪᔪᒦᖁᓪᓗᓯ ᑐᑭᓯᒋᐊᕈᑎᖏᓐᓂᒃ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
