ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐃᑯᐊᓪᓚᑦᑕᐃᓕᒪᓂᕐᒥᑦ ᐅᔾᔨᕈᓱᒋᐊᖅᑎᑦᑎᓂᖅ ᓄᓇᓕᐸᐅᔭᐃᑦ ᐃᖃᓗᓐᓂᑦ - ᕿᔪᓐᓂᒃ ᐃᑯᐊᓚᑎᑦᑎᓂᖅ ᐊᒻᒪ ᐃᑭᑎᑦᑎᒍᓐᓇᓂᕐᒥᑦ ᐴᕐᒥᑦ ᐱᔪᓐᓇᐅᑏᑦ
ᔪᓚᐃ 12, 2019 (ᐃᖃᓗᐃᑦ, ᓄᓇᕗᑦ) - ᑕᑯᓇᓱᑉᐸᓂᐊᖅᑯᓯ ᐱᓇᓱᐊᕈᓯᑕᒫᑦ ᐃᑯᐊᓪᓚᑦᑕᐃᓕᒪᔪᓕᕆᓂᕐᒥᑦ ᐃᖅᑲᐃᑎᑦᓯᔾᔪᑎᑦᓴᓂᑦ ᐊᐅᔭᖅ ᓄᓇᑦᑎᓐᓂ ᐃᑯᐊᓪᓚᑦᑕᐃᓕᒪᐅᑎᑦᓴᓂᑦ.
ᐃᑯᐊᓚᑎᑦᑎᓂᐊᕈᕕᑦ ᕿᔪᓐᓂᒃ ᓯᓚᒥ, ᖃᐅᔨᒋᐊᖃᖅᑐᓯ ᓄᓇᓕᕐᒥᐅᑕᓕᒫᑦᓯᐊᑦ ᐱᔭᕆᐊᖃᖅᐸᒻᒪᑕ ᐃᑭᑎᑦᑎᒍᓐᓇᓂᕐᒥᑦ ᐴᕐᒥᑦᒥᑦ ᐱᔪᓐᓇᐅᑎᒥᑦ ᒪᓕᑦᑐᒍ ᓯᑎᒃᑯᑦ ᒪᓕᒐᕋᓛᖁᑎᖓᑦ 324. ᓄᓇᓕᐸᐅᔭᐃᑦ ᐃᖃᓗᐃᑦ ᐃᑭᑎᑦᑎᒍᕐᓇᓂᕐᒥᑦ ᐴᕐᒥᑦᒥ ᑎᑎᕋᕐᓯᒪᔪᑦ ᐃᓘᓐᓇᑎᒃ ᐃᑯᐊᓚᑎᑕᐅᓂᐊᖅᑐᑦ ᐅᖓᓯᓐᓂᖃᕆᐊᖃᖅᐸᒻᒪᑕ 30 ᒦᑕᓂᑦ ᐅᕝᕙᓘᓐᓃᑦ ᓇᓗᓇᐃᖅᑕᐅᓯᒪᔪᒥᑦ ᖃᑦᑎᕆᔨᒃᑯᓐᓂᑦ ᓇᐸᑎᑕᐅᓯᒪᔪᒥᑦ ᐅᕝᕙᓘᓐᓃᑦ ᖄᕈᓐᓇᖅᑐᓂᒃ ᓱᓇᑐᐃᓐᓇᕐᓂᒃ.
ᐱᒻᒪᕆᐅᕗᖅ ᐴᕐᒥᑦᑖᖅᑎᑕᐅᓯᒪᔪᑦ ᖃᒥᑦᓯᔾᔪᑎᖃᕆᐊᖃᕐᓂᖏᑦ ᓲᕐᓗ ᖃᑦᑕᒥᒃ ᐃᒪᖃᕐᓗᒍ, ᓯᐅᕋᕐᒥᒃ ᐃᓗᓕᖃᕐᓗᒍ ᐅᕝᕙᓘᓐᓃᑦ ᑎᒻᒥᑳᓲᒥᑦ ᖃᒥᑦᓯᔾᔪᑎᒥᑦ ᐊᑐᐃᓐᓇᕆᓗᒍ.
ᓯᑎᒃᑯᑦ ᐃᖅᑲᐃᑎᑦᑎᒍᒪᒻᒥᔪᑦ ᓄᓇᓕᕐᒥᐅᑕᓂᑦ ᓱᕋᐃᔪᑦ ᑕᒪᒃᑯᓂᖓ ᒪᓕᒐᕐᓂᒃ ᐊᑭᓖᑎᑕᐅᑐᐃᓐᓇᕆᐊᖃᕐᓂᖏᓐᓂᑦ ᖃᑦᑎᕆᔨᓄᑦ ᐱᓕᕆᔾᔪᑎᐅᔪᓂᑦ ᒪᓕᑦᑐᒋᑦ ᑲᑎᕐᓱᕐᓯᒪᔪᑦ ᐊᑭᓕᕆᐊᓕᓐᓂᑦ ᒪᓕᒐᕋᓛᕐᒥ (ᒪᓕᒐᕋᓛᖅ 324).
ᓄᓇᓕᕐᒥᐅᑕᐃᑦ ᐅᐸᒍᓐᓇᖅᑐᑦ ᖃᑦᑎᕆᔨᒃᑯᓐᓄᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᓪᓗᒃᑯᑦ ᐃᑲᕐᕋᓂ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ 9-ᒥᑦ ᐅᓪᓛᒃᑯᑦ 5-ᒧᓄᑦ ᐅᓐᓄᓴᒃᑯᑦ ᐃᑭᑎᑦᑎᒍᓐᓇᓂᕐᒥᑦ ᐴᕐᒥᑦᑖᕈᒪᒍᕕᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑐᓴᕋᑦᓴᓂᒃ ᐱᓕᕆᔩᑦ
ᑐᓴᐅᒪᐅᑎᓕᕆᓂᕐᒥᑦ ᐊᐅᓚᑦᑎᔨᐅᑲᐃᓐᓇᖅᑐᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: R.HOQUE@CITY.IQALUIT.NU.CA
