ᐃᒥᕐᒧᑦ ᐃᒥᕋᔅᓴᓄᑦ ᑐᑭᓯᒋᐊᕈᑏᑦ − ᐃᒥᕐᒥᑦ ᐃᒥᖅᑯᔨᖏᓐᓂᖅ ᐱᐅᓂᖓᓄᑦ ᐅᖃᐅᔾᔨᒋᐊᕈᑦ

13/10/2021

ᐃᒥᕐᒧᑦ ᐃᒥᕋᔅᓴᓄᑦ ᑐᑭᓯᒋᐊᕈᑏᑦ − ᐃᒥᕐᒥᑦ ᐃᒥᖅᑯᔨᖏᓐᓂᖅ ᐱᐅᓂᖓᓄᑦ ᐅᖃᐅᔾᔨᒋᐊᕈᑦ

ᐱᒋᐊᕐᓂᖃᑦᑕᐅᑎᒋᓪᓗᓂ, ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓴᖅᑭᑎᑦᑎᓯᒪᔪᑦ ᐃᒥᕐᒥᑦ ᐃᒥᖅᑯᔨᖏᓐᓂᖅ ᐱᐅᓂᖓᓄᑦ ᐅᖃᐅᔾᔨᒋᐊᕈᑦ. ᓄᓇᓕᐸᐅᔭᒃᑯᑦ ᖃᐅᔨᓴᐃᓐᓇᖅᑐᑦ ᐃᓱᒫᓘᑕᐅᔪᓄᑦ ᐱᔾᔪᑎᖃᖅᑐᓂᑦ ᐅᖅᓱᐊᓗᔅᓱᓂᑦᑐᒥᑦ ᐃᒥᕐᒧᑦ ᐃᒥᕋᔅᓴᓄᑦ. ᐃᓚᒋᒋᓪᓗᓂᐅᒃ ᖃᐅᔨᓴᕐᓂᐅᕙᓪᓕᐊᖏᓐᓇᖅᑐᖅ, ᓄᓇᓕᐸᐅᔭᒃᑯᑦ ᓇᓂᓯᓯᒪᔪᑦ ᑎᐱᖃᕐᓂᕆᔭᖓᓂ ᐃᒪᖓᓂ ᐃᒥᕐᒧᑦ ᓴᓗᒻᒪᖅᓴᐃᓂᕐᒧᑦ ᐊᒻᒪ ᓱᓪᓗᓕᓄᑦ ᐊᑐᖅᑕᐅᔪᓄᑦ. ᖃᐅᔨᓴᕋᔅᓴᐃᑦ ᓄᐊᑕᐅᕙᓪᓕᐊᔪᑦ ᐊᒻᒪ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓂᕆᐅᓐᓂᖃᖅᑐᑦ ᐱᒃᑲᓂᕐᓂᐊᖅᑐᑎᑦ ᖃᐅᔨᓴᕈᑎᓂᑦ ᖃᓄᐃᓐᓂᕆᔭᖏᓐᓂᑦ ᓯᓚᑖᓂ ᓄᓇᕗᒻᒥ ᐊᕙᑎᓕᕆᓂᕐᒧᑦ ᖃᐅᔨᓴᕐᕕᓂᑦ ᖃᓂᒋᔭᖏᓐᓂ ᑕᓪᓕᒪᑦ ᐃᖅᑲᓇᐃᔭᕐᓇᐃᑦ ᐅᓪᓗᐃᑦ.

ᐃᒥᕐᒥᑦ ᐃᒥᖁᔨᖏᓐᓂᖅ ᑐᓴᖅᑎᑎᔾᔪᑎ ᐊᖅᑕᐅᔭᕆᐊᓕᒃ ᐊᑦᑕᓇᕈᑎᐅᔪᓐᓇᖅᑐᖅ ᓇᓗᓇᐃᖅᑕᐅᑎᓪᓗᒍ ᐊᒻᒪ ᐊᑦᑐᐊᓂᓕᓐᓄᑦ ᐃᒥᕐᑐᖅᑕᐅᕙᖅᑐᓄᑦ ᓈᒻᒪᑦᑐᒥᑦ ᐱᓕᕆᐊᖑᔪᓐᓇᖏᑦᑐᒥᑦ ᑎᖅᑎᑎᓪᓗᒍ ᐃᒥᖅ ᐅᕝᕙᓘᓐᓃᑦ ᑐᓂᓯᓗᓂ ᐃᒥᕐᒧᑦ ᐱᐅᓂᖓᓄᑦ ᐅᖃᐅᔨᒋᐊᓂᕐᒥᑦ. ᑖᓐᓇ ᐱᖃᓯᐅᔾᔨᔪᓐᓇᖅᑐᖅ, ᐆᑦᑑᑎᒋᓗᒍ, ᐃᓚᓕᐅᕈᑎᓕᒻᒥᑦ ᑯᕕᔪᖃᕐᓂᕈᓂ ᖃᓂᒋᔭᖓᓂ ᐃᒻᒪᕝᕕᖓᓂ, ᐅᕝᕙᓘᓐᓃᑦ ᐃᒥᕐᒧᑦ ᐊᑐᖅᑕᐅᔪᑦ ᓱᕋᑦᑎᖅᑕᐅᓐᓂᕈᑎ, ᐅᕝᕙᓘᓐᓃᑦ ᐱᔪᓐᓇᑎᑦᑎᖏᑦᑐᓂᑦ ᐋᖅᑭᒍᑎᓂᑦ ᓴᓗᒻᒪᖅᓴᐃᒃᑲᓂᕐᓂᒃᑯᑦ ᐊᑐᖅᑕᐅᔪᓂᑦ.

ᓄᓇᓕᒻᒥᐅᑕᐃᑦ ᓄᓇᓯᐅᑎᒃᑯᑦ ᐃᒻᒪᑦᑕᐅᕙᑦᑐᑦ ᐃᒪᐃᔭᕆᐊᓕᖏᑦ ᐃᒪᖃᐅᑎᖏᑦ ᐊᖏᕋᖏᓐᓂ ᑭᓯᐊᓂ ᐃᒥᖅ ᐊᑐᖅᑕᐃᓐᓇᐅᔭᕇᖅᑲᑦ. ᑖᓐᓇ ᑕᐃᒪᐃᑕᐅᔪᓐᓇᖅᑐᖅ ᑯᕕᑎᔾ;ᒋᑦ ᑯᕕᕕᖏᑦ ᐊᒻᒪ ᑯᕕᑎᓪᓗᒋᑦ ᐊᓇᕐᕖᑦ.

ᐊᑐᖅᑕᐃᓕᓗᒍ ᑯᕕᑎᑦᑎᕕᓐᓂᑦ ᐃᒥᖅ ᐃᒥᕋᔅᓴᐅᓗᓂ ᐅᕝᕙᓘᓐᓃᑦ ᓂᖅᑎᐅᓂᕐᒧᑦ.

ᑯᕕᑎᑦᑎᕕᓐᓂᑦ ᐃᒥᖅ ᓱᓕ ᐊᑐᖅᑕᐅᔪᓐᓇᖅᑐᖅ ᐅᑯᓄᖓ ᐱᔾᔪᑎᖃᖅᑐᓄᑦ:
- ᐊᓐᓄᕌᓂᑦ ᐅᐊᓴᐃᓂᖅ
- ᓴᓗᒻᒪᖅᓴᐃᓂᖅ
- ᐅᕕᓂᓐᓂᐊᕐᓂᖅ

ᓇᔾᔨᔪᑦ ᐊᕐᓇᐃᑦ, ᐃᓅᕋᑖᒥᓃᑦ ᐊᒻᒪ ᐱᐊᕋᐃᑦ ᐅᕕᓐᓂᐊᕆᐊᖃᖏᑦᑐᑦ ᐅᕝᕙᓘᓐᓃᑦ ᐅᕕᓂᓐᓂᐊᖅᑕᐅᓗᑎ ᑯᕕᑎᑦᑎᕕᓐᓂᑦ ᐃᒥᕐᒧ. ᐊᑐᖅᑕᐃᓕᓗᒍ ᑯᕕᑎᑦᑎᕕᓐᓂᑦ ᐃᒥᖅ ᐃᓚᓕᐅᑎᓗᒍ ᐱᐊᕋᕐᓄᑦ ᐊᒫᒪᒐᔅᓴᖏᓐᓄᑦ.

ᓄᓇᓕᐸᐅᔭᒃᑯᑦ ᑯᓘᕇᓐᓕᒻᒥᑦ, ᓴᓗᒻᒪᓴᖅᓯᒪᔪᒥᑦ ᐃᒥᕐᒥᑦ ᐊᑐᐃᓐᓇᐅᑎᑦᑎᓂᐊᖅᑐᑦ ᓄᓇᓕᒻᒥᐅᑕᓄᑦ. ᓄᓇᓕᒻᒥᐅᑕᐃᑦ ᓄᓇᓯᐅᑎᒃᑯᑦ ᐱᔨᑦᑎᖅᑕᐅᔪᑦ ᑖᔅᓱᒥᖓ ᐃᒥᕐᒥ ᐃᒪᖃᐅᑎᖏᓐᓄᑦ. ᓄᓇᓕᒻᒥᐅᑕᐃᑦ ᓄᓇᓯᐅᑎᒃᑰᖏᑦᑐᖅ ᐱᔨᑦᑎᖅᑕᐅᔪᑦ ᑖᔅᓱᒥᖓ ᐱᓂᐊᖅᑐᑦ ᑐᓂᐅᖅᑲᖅᑕᐅᓂᖏᑎᒍᑦ ᓴᓇᔪᓕᕆᔨᒃᑯᓐᓂᑦ ᐃᒥᕐᒧᑦ ᐃᒻᒪᕝᕕᐅᔪᓂᑦ.

ᒪᕐᕉᒃ ᐃᒦᓱᕐᕕᒃ ᐊᑐᐃᓐᓇᐅᓂᐊᖅᑐᑦ ᐊᐃᑉᐱᖅ, ᐅᑦᑑᐱᕆ 12, 2021 ᐱᒋᐊᕐᓗᓂ 6:30 ᐅᓐᓄᒃᑯᑦ ᑎᑭᓪᓗᒍ 9 ᐅᓐᓄᒃᑯᑦ ᐅᑯᓇᓂ ᓇᒦᕝᕕᒋᔭᖏᓐᓂᑦ:

- ᐅᑭᐅᖅᑕᖅᑐᒥ ᐱᙳᐊᕕᒡᔪᐊᕐᓂᕐᒧᑦ ᐱᙳᐊᕐᕕᒃ
- ᐅᖃᓕᒫᒐᖃᕐᕕᒻᒥ ᐃᒥᕐᒥᑦ ᐃᒦᓱᕐᕕᒃ

ᓄᓇᓕᒻᒥᐅᑕᐃᑦ ᓇᒻᒥᓂᖅ ᐴᔅᓴᒡᒋᖁᔭᐅᔪᑦ ᐃᒥᓲᕐᓗᑎ.

ᐃᒦᑦ ᑐᓂᐅᖅᑲᖅᑕᐅᔪᑦ ᓄᓇᓕᐸᐅᔭᒃᑯᓐᓄᑦ ᐃᖃᓗᐃᑦ ᓴᓗᒻᒪᓴᖅᓯᒪᓂᐊᖅᑐᑦ ᑯᓘᕇᓐᖃᕐᓗᑎ ᐊᒻᒪ ᐊᑦᑕᓇᖏᑦᑐᖅ ᐅᑯᓄᖓ:

- ᐃᒥᖅᑕᐅᓂᖓᓄ
- ᓂᖅᑎᐅᓂᕐᒧᑦ ᐊᒻᒪ ᓂᕿᓕᕆᓂᕐᒧᑦ
- ᑭᒍᑎᓯᐅᕐᓂᖅ
- ᐃᒻᒥᒧᑦ ᐅᐊᓴᕐᓂᖅ
- ᓂᕆᔾᔪᑎᓂᑦ ᐅᐊᓴᐃᓂᖅ
- ᐊᓐᓄᕌᓂᑦ ᐅᐊᓴᐃᓂᖅ

ᓄᓇᓕᐸᐅᔭᒃᑯᑦ ᐱᓯᒪᔪᑦ ᐃᑲᔪᖅᑕᐅᓂᕐᒧᑦ ᐅᖃᐅᔾᔨᒋᐊᓂᕐᒧᑦ ᓴᓇᓯᒪᔪᓕᕆᓂᕐᒧᑦ ᑎᒥᐅᔪᒥᑦ ᐊᒻᒪ ᐃᖅᑲᓇᐃᔭᖃᑎᖃᖅᑐᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᔨᖏᓐᓂ. ᓄᓇᓕᐸᐅᔭᒃᑯᑦ ᑐᑭᓯᒋᐊᕈᑎᖃᖅᑎᑦᑎᓂᐊᖅᑐᑦ ᑐᑭᓯᒋᐊᕈᑎᔅᓴᑲᓐᓂᕐᓂᑦ ᐊᑐᐃᓐᓇᐅᓕᕈᑎ. ᓄᓇᓕᒻᒥᐅᑕᐃᑦ ᓴᓂᐊᓅᖁᔨᖏᑦᑐᑦ ᐃᖃᓗᐃᑦ ᐃᒥᕐᑕᕐᕕᖓᓄ.

ᓄᓇᓕᐸᐅᔭᒃᑯᑦ ᐋᖅᑭᔅᓯᓯᒪᔪᑦ ᐃᒥᕐᒧᑦ ᐃᒥᕋᔅᓴᓄᑦ ᐅᖄᓚᕕᔅᓴᒥᑦ, ᐊᑐᐃᓐᓇᐅᔪᖅ ᓇᒡᒐᔾᔭᐅᒥ ᑎᑭᓪᓗᒍ ᑕᓪᓕᒥᕐᒧᑦ ᐱᒋᐊᖅᑐᓂ 9-5 (ᐱᖃᓯᐅᑎᖏᑦᑐᑦ 12 ᐅᓐᓄᓴᒃᑯ – 1 ᐅᓐᓄᓴᒃᑯᑦ) ᑲᒪᒋᔭᖃᕐᓗᑎ ᐊᐱᖅᑯᑎᓂᑦ ᐱᔾᔪᑎᖃᖅᑐᓂᑦ ᐃᒥᕐᒥᑦ ᐃᒥᕋᔅᓴᒥᑦ. ᐅᖄᓚᐅᑎᖓ ᐊᑐᕈᓂ, ᓂᐱᓕᐅᕐᓂᐊᖅᑯᑎᑦ ᐊᒻᒪ ᓄᓇᓕᐸᐅᔭᒃᑯᓃᖔᖅᑐᖅ ᐃᓕᓐᓄᑦ ᐅᖄᓚᓂᐊᖅᑐᖅ ᐃᓗᐊᓂ 24 ᐃᑲᕋᓂᑦ.

ᐃᒥᕐᒧᑦ ᐃᒥᕋᔅᓴᓄᑦ ᐅᖄᓚᐅᑎᖓ:
867-979-5603

ᑐᑭᓯᒋᐊᒃᑲᓐᓂᕈᒪᒍᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐃᑲᕋᖏᓐᓂ ᖃᐅᔨᒋᐊᕐᕕᒋᒍᒃ: 
ᔨᐅᑉᐳᕇ ᕙᕐᓂ
ᑭᖑᕝᕕᐅᑎᓯᒪᔪᖅ/ᑐᓴᐅᒪᔾᔪᑎᓕᕆᔨᒃᑯᓐᓂ ᐊᒻᒪᓗ ᐅᐸᒍᑎᖃᑦᑕᖅᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ 
G.Byrne@iqaluit.ca | 867-979-5619

Notice: 
Notices Categories: