ᐃᒥᖅᑕᐅᔪᓐᓇᖅᑐᒥᒃ ᑐᓴᒐᒃᓴᖅ - ᐊᐱᖅᑯᑕᐅᒐᔪᒃᑐᑦ (FAS’s)

14/10/2021

ᐃᒥᖅᑕᐅᔪᓐᓇᖅᑐᒥᒃ ᑐᓴᒐᒃᓴᖅ - ᐊᐱᖅᑯᑕᐅᒐᔪᒃᑐᑦ (FAS’s)

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᓕᐸᐅᔭᕐᒥᐅᑦ ᐃᒥᕐᒧᑦ ᐅᖄᓚᕕᐅᔪᓐᓇᖅᑐᑦ (979 5603) ᑖᓐᓇᓗ ᑖᔅᓱᒧᖕᒐᑐᐊᖅ ᐊᑐᖅᑕᐅᔪᖅ. ᓄᓇᓕᖕᒥᐅᑦ ᑲᔪᖕᒋᖅᓴᖅᑕᐅᔪᑦ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᓄᑦ ᑎᑎᕋᑲᑕᖁᔭᐅᓇᑎᒃ ᑕᕝᕘᓇ ᑭᐅᔪᓐᓇᖃᑦᑖᔾᔮᖕᒋᒻᒪᑕ. ᓈᓚᑦᑎᐊᑐᐃᓐᓇᕐᓗᓯᐅᒃ ᑐᓴᒐᒃᓴᑦ ᑐᓂᔭᐅᔪᑦ ᐃᖃᓗᖕᓂ ᓄᓇᓕᐸᐅᔭᒃᑯᓐᓂᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖕᒋᓐᓂᑦ ᐊᓯᖕᒋᓐᓂᐅᖕᒋᑦᑐᖅ.

ᐃᖃᓗᖕᓂ ᓄᓇᓕᐸᐅᔭᒃᑯᑦ ᓴᖅᑮᓯᒪᔪᑦ ᐊᐱᖅᑯᑕᐅᒐᔪᒃᑐᓂᑦ. ᑖᒃᑯᐊ ᐊᐱᖅᑯᑕᐅᒐᔪᒃᑐᑦ. ᑖᒃᑯᐊ ᑎᑎᕋᖅᓯᒪᔪᑦ ᑕᑎᒋᔭᐅᔪᓐᓇᖅᑐᑦ ᐅᖄᓚᔭᕆᐊᖃᓪᓚᕆᒃᑐᑦ ᐱᕕᖃᖁᓪᓗᒋᑦ ᓄᓇᖅᑲᑎᒌᑦ ᐃᒻᒪᒃᑕᐅᔭᕆᐊᖃᕐᓂᖕᒋᓐᓄᑦ.

ᐊᐱᖅᑯᑕᐅᒐᔪᒃᑐᑦ

ᐊᐱᖅᑯᑎ: ᖃᖕᒐ ᐃᒥᖅ ᐊᑐᐃᓐᓇᐅᓕᕐᓂᐊᖅᐸ?
ᑭᐅᔾᔪᑎ: ᓴᓗᒻᒪᖅᓯᒪᔪᖅ ᐊᑐᐃᓐᓇᐅᓂᐊᖅᑐᖅ ᖃᐅᑕᒫᑦ 11 ᐅᓪᓛᒃᑯᑦ ᐅᓐᓄᒧᑦ 6-ᒧ

ᐊᐱᖅᑯᑎ: ᓇᒥ ᐃᒥᖅ ᐊᑐᐃᓐᓇᐅᓂᐊᖅᐸ?
ᑭᐅᔾᔪᑎ: ᓴᓗᒻᒪᖅᓯᒪᔪᖅ ᐃᒥᖅ ᐊᑐᐃᓐᓇᐅᓂᐊᖅᑐᖅ ᐅᖃᓕᒫᒐᖃᕐᕕᐅᑉ ᓴᓂᐊᓂ

ᐊᐱᖅᑯᑎ: ᐃᖅᑲᓇᐃᔭᕐᓇᐅᖖᒋᑦᑐᒃᑯᑦ ᐅᖄᓚᕕᔅᓴᐅᕙ ᐃᒻᒪᒃᑕᐅᔪᒪᓗᓂ?
ᑭᐅᔾᔪᑎ: ᐋᒃᑲ, ᐃᖅᑲᓇᐃᔭᕐᓇᐅᖕᒋᑦᑐᒃᑯᑦ ᐅᖄᓚᐅᑎᑦ ᐊᑐᐃᓐᓇᐅᖖᒋᑦᑐᖅ

ᐊᐱᖅᑯᑎ: ᓄᓇᓕᐸᐅᔭᒃᑯᑦ ᐃᒥᒃᑯᕕᖃᖅᐸᑦ ᓄᓇᓕᖕᒥᐅᓄᑦ?
ᑭᐅᔾᔪᑎ: ᓄᓇᓕᐸᐅᔭᒃᑯᑦ ᐊᒥᒐᖅᑐᑦ ᐃᒥᒃᑯᕕᖕᓂ. ᑭᓇᑐᐃᓐᓇᖅ ᐃᑲᔪᖅᑕᐅᔭᕆᐊᖃᖅᐸᑦ ᐅᖄᓚᔭᕆᐊᓕᒃ
(979-5603)

ᐊᐱᖅᑯᑎ: ᐃᒥᖅᑕᕈᑦᑕ ᑰᖕᒥ, ᑎᖅᑎᑎᖅᑳᕆᐊᖃᖅᐱᑕ?
ᑭᐅᔾᔪᑎ: ᐄ, ᑎᖅᑎᑎᖅᑳᖁᔭᐅᔪᖅ ᐃᒥᖅ 1 ᐃᑲᕐᕌᕈᓯᕐᒥᒃ

ᐊᐱᖅᑯᑎ: ᖃᑦᑕᕗ ᖃᓄᐃᖖᒋᓚᖅ ᐃᒻᒪᓪᓗᒍ?
ᑭᐅᔾᔪᑎ: ᓄᓇᓕᐸᐅᔭᒃᑯᑦ ᐃᒪᐃᖅᑳᖁᔨᕗᑦ. ᐃᒻᒪᒃᑕᐅᒃᑲᓐᓂᖅᐸᑦ, ᑎᖅᑎᑎᖅᑳᕆᐊᓕᒃ 1 ᐃᑲᕐᕌᕈᓯᕐᓄᑦ ᐃᒥᓚᐅᖕᒋᓐᓂᕐᓂ.

ᐊᐱᖅᑯᑎ: ᖃᓄᖅ ᐅᐊᓴᕈᓐᓇᖅᐸᕋ ᖃᑦᑕᖅ?

ᑭᐅᔾᔪᑎ: ᓄᓇᓕᐸᐅᔭᒃᑯᑦ ᐃᒪᐃᖅᑳᖁᔨᔪᑦ, ᓄᓇᓕᖕᒥᐅᑦ ᐃᕐᕈᐃᖅᑳᕆᐊᓖᑦ ᐅᐊᓴᐃᓗᑎᓪᓘᓐᓃᑦ ᐅᐊᓴᐃᔪᒪᑉᐸᑕ

 

ᐊᐱᖅᑯᑎ: ᐃᒥᖅᑕᐅᒻᒦᑦᑐᖅ ᐃᒥᖅ ᓴᓗᒪᕙ?
ᑭᐅᔾᔪᑎ: ᐄ, ᐃᒥᖅ ᑰᖕᒦᖖᒑᖅᑐᖅ ᓴᓗᒻᒪᖅᑕᐅᖅᑳᖅᓯᒪᔪᖅ, ᑭᓯᐊᓂ ᓄᓇᓕᐸᐅᔭᒃᑯᑦ ᑎᖅᑎᑎᑦᑎᖅᑳᖁᔨᔪᑦ 1 ᐃᑲᕐᕌᕈᓯᕐᓄᑦ ᐃᒥᓚᐅᖖᒋᓐᓂᕐᓂᒃ.

 

ᐊᐱᖅᑯᑎ: ᖃᖕᒐ ᓄᓇᓕᖕᒥᐅᑦ ᐃᒥᖅᑕᖅᑕᐅᓛᖅᐸᑦ?
ᑭᐅᔾᔪᑎ: ᐃᒥᖅᑕᖅᑕᐅᕙᒃᑐᑦ ᐃᒥᖅᑕᖅᑕᐅᕙᓕᕐᓂᐊᖅᑐᑦ ᐱᒋᐊᕐᓗᓂ ᐊᒃᑑᕙ 13, 2021. ᓂᕆᐅᓐᓂᐊᖅᐳᓯ ᑭᖕᒍᕙᓯᓐᓂᐊᕐᒪᑦ ᐱᔨᑦᑎᕋᖅᑕᐅᓂᖅ. ᓄᓇᓕᖕᒥᐅᑦ ᓱᓪᓗᓕᒃᑯᑦ ᐃᒪᖃᓲᑦ ᐱᔨᑦᑎᕋᖅᑕᐅᔾᔮᖕᒋᑦᑐᑦ ᐊᖕᒋᕐᕋᖕᒋᓐᓄᑦ, ᑭᓯᐊᓂ ᐊᑐᐃᓐᓇᐅᓂᐊᖅᑐᖅ ᐊᐃᒃᓯᖃᑦᑕᕐᓂᕐᒥᒃ ᖃᐅᑕᒫᑦ.

 

ᐊᐱᖅᑯᑎ: ᓂᕆᔭᖅᑐᕐᕖᑦ ᐃᒥᖅᑎᑦᑎᔪᓐᓇᖅᐸᑦ ᐅᕝᕙᓘᓐᓃᑦ ᓂᕆᑎᑦᑎᓗᑎᑦ ᐃᒥᖅᑐᖃᕆᐊᖃᖅᑎᓐᓇᒍ?
ᑭᐅᔾᔪᑎ: ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ ᐊᓱᕆᖅᓲᔾᔨᖃᑦᑕᕐᓂᐊᖅᑐᑦ ᓂᕆᔭᒃᓴᓂᒃ ᐃᒥᒐᒃᓴᓂᒡᓗ ᓂᕆᔭᖅᑐᕐᕕᖕᓂ ᓄᓇᓕᐸᐅᔭᒃᑯᓪᓗ ᖃᐅᔨᒪᑎᑕᐅᓗᑎᑦ.

 

ᐊᐱᖅᑯᑎ: ᓄᓇᓕᐸᐅᔭᒃᑯᑦ ᐅᑎᖅᑎᑦᑎᓂᐊᖅᐹᑦ ᑮᓇᐅᔭᓂᑦ ᖃᑦᑕᖕᒋᑦ ᐅᐊᓴᖅᑕᐅᑉᐸᑕ?
ᑭᐅᔾᔪᑎ: ᐋᒃᑲ, ᓄᓇᓕᐸᐅᔭᒃᑯᑦ ᐊᑭᓖᔾᔭᖖᒋᑦᑐᑦ.

 

ᐊᐱᖅᑯᑎ: ᓄᓇᓕᖕᒥᐅᑦ ᐃᑭᑦᑎᔭᕆᐊᖃᖅᐸᑦ ᑰᐱᓕᐅᕈᑎᖕᒋᓐᓂᑦ, ᕿᐅᒃᑲᖅᑎᕆᔾᔪᑎᓂᑦ, ᐊᓯᖕᒋᓐᓂᓪᓗ?
ᑭᐅᔾᔪᑎ: ᐋᒃᑲ, ᐃᒋᑦᑎᒋᐊᑐᖕᒋᑦᑐᓯ.

 

ᐊᐱᖅᑯᑎ: ᖃᓄᐃᑉᐸ ᔨᐅᕈᑏᓐ ᑕᓯᖕᒐᑕ ᐃᒪᖕᒐ?
ᑭᐅᔾᔪᑎ: ᐃᒪᖅ ᔨᐅᕈᑏᓐ ᑕᓯᕐᒦᑦᑐᖅ ᐱᐅᔪᖅ, ᓄᓇᕗᑦ ᒐᕙᒪᒃᑯᖕᒋᑦ ᖃᐅᔨᓴᖅᑐᑦ ᐊᒻᒪᓗ ᓱᕈᖅᓯᒪᖖᒋᒃᑲᓗᐊᕐᒪᖕᒑᖅ.

 

ᐊᐱᖅᑯᑎ: ᑭᓲᕙ ᓱᕈᖅᓯᒪᔪᖅ?
ᑭᐅᔾᔪᑎ: ᐅᖅᓱᐊᓗᒃᓴᒧᑦ ᓱᕈᖅᓯᒪᔪᓱᕆᔭᐅᔪᖅ (BTEX), ᓇᓗᓇᐃᖅᓯᕙᓪᓕᐊᓂᖅ ᖃᐅᔨᓴᖅᑕᐅᕙᓪᓕᐊᔪᖅ. ᓄᓇᓕᐸᐅᔭᒃᑯᑦ ᐅᑕᖅᑭᔪᑦ ᖃᐅᔨᓴᖅᑕᐅᔾᔪᑎᓂᒃ ᓇᓗᓇᐃᖅᓯᓇᓱᒃᑐᑦ. BTEX ᑐᑭᓕᒃ ᐅᖅᓱᐊᓗᑲᒦᓲᑦ ᐃᓚᔅᓴᖕᒋᑦ. ᑖᒃᑯᐊ ᓇᓂᔭᐅᓪᓗᐊᑕᓲᑦ ᐅᖅᓱᐊᓗᒃᓴᓂᑦ, ᓲᕐᓗ ᒑᓯᓂ ᐊᒻᒪᓗ ᐅᖅᓱᒃᓴᓂᑦ, ᐅᕝᕙᓘᓐᓃᑦ ᓴᓇᕕᐅᓲᓂᑦ ᐅᕝᕙᓘᓐᓃᑦ ᓴᕕᕋᔭᒃᓴᓂᑦ. ᐃᒥᕐᒨᕈᓐᓇᖅᑐᑦ ᓱᕈᖅᓯᒪᔪᖃᖅᐸᑦ ᖃᓂᒋᔭᖕᒐᓂ ᐅᕝᕙᓘᓐᓃᑦ ᓴᓇᕝᕕᖕᓂ ᑯᕕᔪᓂᑦ, ᐅᕝᕙᓘᓐᓃᑦ ᕿᕐᓛᖅᑐᖃᕐᓂᖅᐸᑦ.

 

ᐊᐱᖅᑯᑎ: ᖃᓄᖅ ᑭᓇᑐᐃᓐᓇᖅ ᐅᖅᓱᐊᓗᕈᔪᒥᑎᕈᓐᓇᖅᐸ?
ᑭᐅᔾᔪᑎ: ᓯᒡᒐᓕᐊᖅᑐᕈᓐᓇᖖᒋᑦᑐᓄᑦ, ᐅᖅᓱᐊᓗᕈᔪᒥᑎᕐᓇᕈᓐᓇᖅᑐᖅ ᐊᓂᖅᑎᕆᔭᑦᑎᒍᑦ, ᐊᒻᒪᓗ ᐊᔾᔨᒌᖖᒋᑦᑐᓂᑦ ᐊᑐᕐᓂᖅ, ᐱᖃᓯᐅᑎᓪᓗᒍ ᒑᓯᒥ, ᐅᖅᓱᐊᓗᖕᒥ, ᐃᓚᐅᖅᑐᖅᓯᒪᔪᓂᒃ, ᐃᓯᖅᓯᒪᓗᓂ ᐊᕙᑎᑦᑎᓐᓂ. ᓯᒡᒐᓕᐊᖅᑐᓲᑦ ᐱᔪᓐᓇᕐᓂᖅᓴᐅᕗᑦ. ᐃᓯᖅᓯᒪᓪᓗᓂ ᐱᔪᓐᓇᕐᓂᖅᓴᐅᕗᒍᑦ, ᒍᓛᔾᔨᓂᑦ ᐊᒻᒪᓗ ᓯᒡᒐᓕᐊᓂᑦ. ᐊᓯᖕᒋᓪᓗ ᐱᖃᓯᐅᑎᓪᓗᒋᑦ ᓂᐱᐅᑎᑦ, ᐊᒥᐊᕈᑎᑦ, ᕿᓪᓕᖅᓴᐃᔾᔪᑎᑦ ᐅᕝᕙᓘᓐᓃᑦ ᐅᐊᓴᐅᑎᓂᑦ.

 

ᐊᐱᖅᑯᑎ: ᖃᓄᖅ ᐅᖅᓱᐊᓗᕈᔪᒃ ᐃᒪᕐᒨᕈᓐᓇᕐᒪᑦ?

ᑭᐅᔾᔪᑎ: ᓄᓇᓕᐸᐅᔭᒃᑯᑦ ᖃᐅᔨᓇᓱᐊᖅᑐᑦ. ᐃᒥᕐᒧᑦ ᓴᓗᒻᒪᖅᓴᐃᕕᐅᑉ ᐊᑖ ᖃᐅᔨᓴᖅᑕᐅᔪ, ᑭᓯᐊᓂ, ᓱᓕ ᖃᐅᔨᔭᐅᖖᒋᑦᑐᖅ. ᓄᓇᓕᐸᐅᔭᒃᑯᑦ ᖃᐅᔨᓴᖅᑐᑦ ᓇᓗᓇᐃᖅᓯᑦᑎᐊᕋᓱᒃᑐᑦ ᐊᒃᑐᐃᓂᐅᔪᓂᑦ.

 

ᐊᐱᖅᑯᑎ: ᖃᓄᖅ ᑐᑭᖃᖅᐸᑦ BTEX?
ᑭᐅᔾᔪᑎ: ᑲᓇᑕᒥ ᐋᓐᓂᐊᖃᕐᓇᖕᒋᑦᑐᓕᕆᔨᒃᑯᑦ ᐋᖅᑭᒃᓯᓯᒪᔪᑦ ᐊᖕᒋᓛᖕᒍᔪᓐᓇᖅᑐᒥᒃ ᑲᑎᑎᓯᒪᔪᓂᒃ (MAC) ᐃᒪᒃᑎᐊᕗᑉ ᐱᐅᓂᖕᒐᓂ. ᑭᒃᑯᑐᐃᓐᓇᕐᓄᑦ ᐃᒥᕆᔭᐅᔪᓐᓇᖅᑐᑦ ᒪᓕᒃᑕᐅᔭᕆᐊᓖᑦ. ᐊᖕᒋᖅᑕᐅᓯᒪᔭᕆᐊᓖᑦ (MACs) ᐋᖅᑭᒃᓯᒪᔪᑦ ᖁᕝᕙᓯᓐᓂᓕᕇᖕᒍᓪᓗᑎᒃ ᓴᖅᑭᔮᕐᕕᐅᓂᖅ ᐊᕐᕌᒍᑦ 70 ᐅᖕᒐᑖᓄᑦ ᒥᑭᑦᑐᒥᒃ ᐊᑦᑕᕐᓇᖅᑎᑦᑎᔪᓐᓇᖅᐳᖅ. MACs ᒪᓕᒃᑐᑦ ᑎᒥᑦᑎᓐᓄᑦ ᐊᑦᑑᑎᔪᓐᓇᖅᑐᓂᑦ.

 

ᐊᒃᑐᐃᔪᓐᓇᖅᑐᑦ (AOs) TEX-ᒧᑦ ᐋᖅᑭᒃᑕᐅᓯᒪᔪᑦ ᐊᑦᑎᓛᒧ ᐅᖃᐅᓯᐅᓯᒪᔪᒥ ᑎᐱᖃᕐᓂᖕᒐ ᑭᒡᓕᖃᖅᑎᑕᐅᓪᓗᓂ. ᖁᑦᑎᓐᓂᓕᕇᑦ ᒪᓕᒃᑐᒋᑦ ᓇᐃᒪᔪᓐᓇᖅᓯᕙᑉᐳᒍᑦ ᐃᒥᕐᒥᒃ ᒪᒪᖕᒋᓐᓂᖕᒐᓂᒃ.

 

ᖃᐅᔨᓴᖅᑕᐅᓂᖕᒋᑦ                              MAC (ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᑦ ᑐᖖᒐᕕᖕᒋᑦ)                             AO

Benzene                                          0.005 mg/L                                                                            ᐱᑕᖃᖖᒋᑦᑐ

Toluene                                            0.06 mg/L                                                                              0.024 mg/L

Ethylbenzene                                   0.14 mg/L                                                                              0.0016 mg/L

Total Xylenes                                    0.09 mg/L                                                                              0.02 mg/L

 

ᓄᓇᓕᐸᐅᔭᒃᑯᑦ ᐋᖅᑭᒃᓯᓯᒪᔪᑦ ᐅᖃᓚᐅᕕᐅᔪᓐᓇᖅᑐᒥᒃ, ᐊᑐᐃᓐᓇᐅᓂᐊᖅᑐᖅ ᓇᒡᒐᔾᔭᐅᒥ ᑕᓪᓕᕐᒥᕐᒧᑦ 9-ᒥ 5-ᒧ (ᐃᓚᓕᐅᑎᓇᒋᑦ 12-ᒥᑦ ᐅᓐᓄᓴᒃᑯᑦ 1-ᒧᑦ ᐅᓐᓄᓴᒃᑯᑦ) ᐊᐱᖅᑯᑎᔅᓴᓕᓐᓄᑦ ᐃᒥᐅᑉ ᒥᒃᓵᓄᑦ. ᐊᑐᖅᐸᑦ, ᓂᐱᓕᐅᕐᓂᐊᖅᐳᑎᑦ ᑭᐅᔨᒧᓪᓗ ᐅᖄᓚᕕᐅᒐᔭᖅᑐᑎᑦ ᐃᑲᕐᕋᑦ 24 ᑐᖕᒑᓂ. ᐃᓐᓇᑐᖃᐃᑦ ᐊᔪᕈᑎᓖᓪᓗ ᑎᒥᒥᒍᑦ ᐅᖄᓚᖃᑦᑕᖁᔭᐅᔪᑦ ᐃᑲᔪᖅᑕᐅᓂᐊᕐᒪᑕ ᐃᒥᕐᒥᒃ ᐋᑦᑎᕕᐅᓗᑎᑦ ᐊᖕᒋᕐᕋᖕᒋᓐᓄ.

##

 

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᒃᑯᑦ ᐅᖄᓚᔪᓐᓇᖅᑐᑎᑦ: 
ᐃᒥᖃᕈᒪᓂᐅᑉ ᐅᖄᓚᐅᑎᖕᒐ
867-979-5603

Notice: 
Notices Categories: