ᐃᓄᖕᓄᑦ ᑐᓴᕋᑦᓴᖅ ᐃᒥᖃᖅᑎᑕᐅᕙᑦᑐᓄᑦ ᓱᓪᓗᓕᒃᑯᑦ ᐊᑭᓕᕐᓱᐃᔾᔪᑎᓕᕆᓂᖅ

27/10/2023

ᐃᓄᖕᓄᑦ ᑐᓴᕋᑦᓴᖅ

ᐃᒥᖃᖅᑎᑕᐅᕙᑦᑐᓄᑦ ᓱᓪᓗᓕᒃᑯᑦ ᐊᑭᓕᕐᓱᐃᔾᔪᑎᓕᕆᓂᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᐃᓘᓐᓇᖏᓐᓂᑦ ᐃᖃᓗᒻᒥᐅᑕᓂᑦ ᐊᒻᒪ ᓇᖕᒥᓂᖃᖅᑎᓂᑦ ᐃᒥᓕᕆᔾᔪᑎᓄᑦ ᐊᑭᓕᕐᓱᐃᑎᑕᐅᕙᑦᑐᓂᑦ ᓱᓪᓗᓕᒃᑯᑦ ᐃᒪᖃᖅᐸᑦᑐᓂᑦ ᑕᑯᓛᕐᓂᖏᓐᓂᑦ ᐊᓯᔾᔨᕐᓯᒪᔪᓂᑦ ᑕᖅᑭᖓᓄᑦ ᓰᑏᐱᕆ. ᑕᐃᒃᑯᐊ ᐱᔨᑦᓯᕋᐅᑎᐅᔪᑦ ᐊᑦᑐᖅᑕᐅᔾᔮᖏᑦᑐᑦ ᓄᓇᒃᑰᔫᒃᑯᑦ ᐃᒪᖃᖅᑎᑕᐅᕙᑦᑐᑦ.

ᓄᓇᓕᐸᐅᔭᒃᑯᑦ ᐱᒋᐊᖅᑎᑦᓯᕋᑖᓚᐅᕐᒪᑕ ᓄᑖᒥᑦ ᐃᒥᓕᕆᔾᔪᑎᓄᑦ ᐊᑭᓕᕐᓱᐃᔾᔪᑎᒥᑦ ᐊᐅᔭᐅᕋᑖᓚᐅᖅᑐᖅ ᓱᓪᓗᓕᒃᑯᑦ ᐃᒥᖃᖅᐸᑦᑐᓂᑦ. ᐱᒋᐊᖅᑎᑕᐅᕙᓪᓕᐊᑎᓪᓗᒍ, ᐃᒥᓕᕆᔾᔪᑎᓄᑦ ᐊᑭᓕᕆᐊᓖᑦ ᒪᓕᑦᓯᒪᕙᓚᐅᕐᒪᑕ ᓇᓚᐅᑦᑖᖅᑕᐅᓯᒪᕙᑦᑐᑎᒃ ᐊᒻᒪ ᖃᐅᔨᓴᐅᑎᒍᑦ ᐱᓯᒪᔪᓂᑦ ᒪᓕᑉᐸᒐᑎᒃ. ᑕᐃᒪ ᐱᓕᕆᔾᔪᑎᐅᔪᖅ ᐊᐅᓚᑦᓯᐊᓕᕐᓂᖓ ᐱᓪᓗᒍ, ᖃᐅᔨᓴᐅᑎᒍᑦ ᑎᑎᕋᖅᑕᐅᓯᒪᔪᓂᑦ ᒪᓕᑉᐸᓐᓂᐊᓕᖅᑐᑦ ᐊᑭᓕᕐᓱᐃᔾᔪᑏᑦ. ᐊᑭᓕᑦᓴᖃᐅᑎᖃᕐᓂᖏᑦ ᐊᑭᓖᑎᑕᐅᓯᒪᓗᐊᖅᑐᑦ ᑕᑯᒐᔭᖅᑐᑦ ᐅᑎᖅᑎᑕᐅᓯᒪᔪᓂᑦ ᐊᑭᓕᕐᓱᐃᔾᔪᑎᖏᓐᓄᑦ, ᐊᒻᒪ ᑕᐃᒃᑯᐊ ᐊᑭᓕᕐᓱᕆᐊᓕᖏᓐᓂᑦ ᑐᖔᓃᓗᐊᕈᑎᖃᖅᑐᑦ ᓇᓚᐅᑦᑖᖅᑕᐅᓯᒪᔪᓂᑦ ᑕᑯᒐᔭᕐᒥᔪᑦ ᐊᖑᒻᒪᑎᒋᐊᕈᑎᑦᓴᓂᑦ ᐊᑭᓕᕆᐊᓕᓐᓂᑦ ᐊᑭᓖᖏᓗᐊᕐᓯᒪᓂᖏᓐᓄᑦ. ᐊᑭᓕᐅᑎᐅᖁᔭᐅᔪᑦ ᐱᐅᓯᕆᓂᐊᖅᑕᒥᓂᑦ ᑎᑎᕋᖅᑕᐅᓯᒪᑦᓯᐊᓛᖅᑐᑦ ᑭᖑᓪᓕᕐᒥ ᐊᑭᓕᕐᓱᐃᒋᐊᖃᓕᕐᒥᒍᑎᒃ.

ᓄᓇᓕᐸᐅᔭᒃᑯᑦ ᒪᒥᐊᑦᓯᐊᖅᑐᑦ ᐱᑦᓯᐊᕐᓯᒪᓐᓂᖏᒻᒪᑕ ᐊᑭᓕᕐᓱᐃᔾᔪᑎᐅᔪᑦ ᐊᑐᖅᑕᐅᓚᐅᖅᑐᓂ ᑕᖅᑭᕐᓂ, ᐊᒻᒪ ᓄᓇᓕᕐᒥᐅᑕᐃᑦ ᖃᐅᔨᒋᐊᖁᔭᐅᒐᓗᐊᑦ ᓄᓇᓕᐸᐅᔭᒃᑯᓐᓂᑦ ᐸᕐᓇᐅᑎᓕᐅᖃᑕᐅᖁᓪᓗᒋᑦ ᐊᑭᓕᕆᐊᓖᑦ ᐊᑭᓕᖏᓗᐊᕐᓯᒪᓂᖏᑦ ᐱᓪᓗᒋᑦ ᕿᑐᕐᖏᐅᑎᖃᖏᓪᓗᑎᒃ ᐊᑭᓕᕐᓱᖅᑕᐅᒐᔭᖅᑐᑦ.

ᐸᕐᓇᐅᑎᓕᐅᕈᒪᔪᑦ ᐊᑭᓕᕆᐊᓕᓐᓂᑦ ᐊᑭᓕᖅᑕᐅᓯᒪᖏᓗᐊᖅᑐᓂᑦ ᐱᔾᔪᑎᖃᖅᑐᑦ, ᖃᐅᔨᒋᐊᖁᔭᐅᔪᑦ ᐆᕕᖓ: ᔨᓃᕙ ᓯᔅᓚᑦ, ᐊᐅᓚᑦᓯᔨ ᑮᓇᐅᔭᓕᕆᔨᓂᑦ 867-979-5610  g.chislett@iqaluit.ca

Notice: