ᐃᓄᖕᓄᑦ ᑐᓴᕋᑦᓴᖅ ᕼᐋᓗᐄᖑᓕᖅᐸᑦ ᐳᓚᕋᓐᓂᐅᔪᖅ ᐅᓐᓄᒃᑯᑦ ᑭᖑᕙᒋᐊᖅᑕᖅ

ᐃᓄᖕᓄᑦ ᑐᓴᕋᑦᓴᖅ

ᕼᐋᓗᐄᖑᓕᖅᐸᑦ ᐳᓚᕋᓐᓂᐅᔪᖅ ᐅᓐᓄᒃᑯᑦ ᑭᖑᕙᒋᐊᖅᑕᖅ

ᐱᔾᔪᑎᐅᓗᓂ ᓯᓚᐅᑉ ᖃᓄᐃᓐᓂᖓ ᐊᒻᒪ ᑕᑯᕕᑦᓴᐅᓯᐊᖏᓐᓂᖓ, ᓄᓇᓕᐸᐅᔭᐃᑦ ᐃᖃᓗᐃᑦ ᑭᖑᕙᒋᐊᕆᔪᒪᔪᑦ ᕼᐋᓗᐄᖑᓕᖅᐸᑦ ᐳᓚᕋᓐᓂᐅᔪᒥᑦ. ᐳᓚᕋᓐᓂᐅᔪᖅ ᐊᑐᖅᑕᐅᖔᖁᔭᐅᓕᖅᑐᖅ ᐱᖓᑦᓯᕐᒥ, ᓅᕖᐱᕆ 1.

ᐊᑏ ᐳᐃᒍᑦᑕᐃᓕᒋᑦᓯ ᖃᐅᔨᓴᕆᐊᑦᓴᖅ ᖁᕕᐊᓱᑦᑐᒻᒪᕆᐅᔪᓂᑦ ᓄᑲᑉᐱᐊᓂᑦ, ᐊᒻᒪ ᐃᓚᒋᔭᐅᔪᓄᑦ ᐃᖃᓗᓐᓂ ᒪᓕᒐᕋᓛᓕᕆᔨᒃᑯᓐᓂᑦ ᐊᒻᒪ ᐃᖃᓗᓐᓂ ᑐᐊᕕᕐᓇᖅᑐᓕᕆᔨᒃᑯᓐᓂᑦ ᑕᑯᒍᕕᒋᑦ ᐳᓚᕋᑦᑐᖃᕐᓂᖓᓂ. ᑐᓂᓯᒐᑦᓴᖃᕐᒪᑕ ᐱᔪᒥᓇᖅᑐᓂᑦ.

ᐊᑦᑕᓇᔾᔭᐃᕐᓯᒪᓂᐊᖅᑯᓯ, ᐊᒻᒪ ᖁᕕᐊᓱᓪᓗᓯ ᐳᓚᕋᓕᕈᑦᓯ.

 

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᔨᓂᑦ ᐊᐅᓚᑦᓯᔨ 867-979-5607 k.driscoll@iqaluit.ca