ᐃᖃᓗᐃᑦ ᓄᓇᓕᐸᐅᔭᖓᑦ ᑐᓴᕐᑎᑦᓯᔪᒪᕗᑦ ᑐᐊᕕᕐᓇᕐᑐᒥᑦ

12/08/2022

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᖃᓗᐃᑦ ᓄᓇᓕᐸᐅᔭᖓᑦ ᑐᓴᕐᑎᑦᓯᔪᒪᕗᑦ ᑐᐊᕕᕐᓇᕐᑐᒥᑦ   

ᐋᒋᓯ 12, 2022 – ᐃᖃᓗᐃᑦ, ᓄᓇᕗᑦ

 

  • ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑦ ᑐᓴᕐᑎᑦᓯᔪᒪᕗᑦ ᑐᐊᕕᕐᓇᕐᑐᒥᑦ ᐃᒪᑭᓪᓕᓯᒪᓂᑦᑎᓐᓂᑦ   
  • ᐃᖃᓗᐃᑦ ᓯᓚᓗᖃᑦᑕᑦᓯᐊᖏᓐᓂᖓᓄᑦ ᐊᐅᔭᖅ.    
  • ᐃᒻᒥᖅᓱᐃᕙᒃᑲᓗᐊᕐᑎᓪᓗᒋᑦ ᓱᓪᓗᓕᒃᑯᑦ ᓂᐊᖁᓐᖒᑉ ᑰᖓᓂᑦ, ᒫᓐᓇ ᓯᓚᓗᒐᔪᓐᖏᓂᖓᓄᑦ, ᑕᓯᖅ ᔨᐅᕈᑏᓐ ᐃᒥᖅᑕᕐᕕᖓ ᐃᒥᖅᓱᒃᑲᓂᕈᓐᓇᔾᔮᖏᒻᒪᑦ ᓯᑯᓚᐅᖏᓂᖓᓂ.    
  • ᓂᐊᖁᓐᖒᑉ ᑰᖓ ᐊᕐᕌᒍᑦ 40ᓂ ᐊᓂᒍᕐᑐᓂ ᑰᖏᓂᖅᐹᖑᓯᒪᒻᒪᑦ ᑕᒪᑐᒪᓂ.    
  • ᓄᓇᓕᐸᐅᔭᒃᑯᑦ ᖃᓄᖅᑑᖅᓯᒪᒻᒪᑦ ᒪᓕᒐᕐᑎᒍᑦ ᐊᖏᖅᑕᐅᓇᓱᐊᖅᑐᑦ ᐃᒻᒥᖅᓱᐃᒃᑲᓐᓂᕈᓐᓇᕐᒪᖔᑕ ᓂᐊᖁᓐᖒᑉ ᑰᖓᓂᑦ ᐊᒻᒪ ᐊᓯᐊᓂᑦ ᑕᓯᕐᒥᑦ (“ᐊᑎᖃᓐᖏᑦᑐᖅ” ᑕᓯᖅ), ᐃᒥᖅᓱᐃᕕᐅᖃᑦᑕᖅᓯᒪᔪᖅ ᐃᒪᑭᓪᓕᒐᐃᒐᑦᑕ.    
  • ᓱᓪᓗᓕᒃᑯᑦ ᐃᒥᖅᓱᖅᑕᐅᒐᔭᕐᓂᖓ ᐃᒻᒪᖃ ᐅᓪᓗᓂᑦ 40ᓂᑦ ᐃᒥᖅᓱᐃᒋᐊᖃᕋᔭᕐᑐᑦ, ᐅᖓᑖᓅᔾᔮᕋᓂ ᐅᒃᑑᕝᕙ 15, 2022.

 

ᐋᒋᓯ 12, 2022ᖑᑎᓪᓗᒍ, ᐃᖃᓗᐃᑦ ᓄᓇᓕᐸᐅᔭᖓᑕ ᑲᑎᒪᔨᖏᑦ ᓇᓗᓇᐃᕐᓯᓚᐅᕐᖓᑕ ᑐᐊᕕᕐᓇᕐᑐᒦᓕᕐᓂᑎᓐᓂᑦ ᐃᒪᑭᓪᓕᓯᒪᓂᑦᑎᓄᑦ.  

ᐃᖃᓗᐃᑦ ᓯᓚᓗᒐᔪᑦᓯᒪᓐᖏᒻᒪᑦ ᐊᐅᔭᖅ ᐊᒻᒪ ᑰᑦᓯᐊᕈᓐᓃᕐᑐᓂ ᓂᐊᖁᓐᖒᑉ ᑰᖓ − ᓄᓇᓕᐸᐅᔭᒃᑯᑦ ᐊᐃᑉᐹᓂᑦ ᐃᒻᒥᖅᓱᐃᕕᒋᕙᑦᑕᖓ – ᐊᕐᕌᒍᓂ 40ᓂᑦ ᑕᐃᒪᐃᓐᓇᓵᑦᑕᓚᐅᕐᑐᓂ ᑰᓗᐊᕈᓐᓃᕐᓯᒪᒻᒪᑦ.  ᒫᓐᓇ ᓯᓚᓗᒐᔪᓐᖏᓂᖓᓄᑦ, ᐃᖃᓗᐃᑦ ᓄᓇᓕᐸᐅᔭᖓᑕ ᐃᒥᖅᑕᕐᕕᖓ ᐃᒪᑭᓪᓕᓯᒪᓂᐊᕐᑐᒋᔭᐅᓂᖓᓄᑦ ᓈᒻᒪᖏᑐᐃᓐᓇᕆᐊᖃᕐᖓᑦ, ᓯᑯᓚᐅᖏᓂᖓᓂ, ᐊᖑᒻᒪᑎᔪᓐᓇᔾᔮᖏᑐᐃᓐᓇᕆᐊᓕᒃ ᓄᓇᑦᑎᓂ ᐃᒪᖃᕆᐊᖃᕐᓂᑎᓐᓄᑦ.  

ᑕᐃᒪᐃᓐᓂᖓᓄᑦ, ᓄᓇᓕᐸᐅᔭᒃᑯᑦ ᒪᓕᒐᕐᑎᒍᑦ ᐊᖏᖅᑕᐅᓇᓱᐊᕐᖓᑕ ᐃᒥᖅᓱᐃᕕᑦᓴᒥᑦ.  

 

ᐊᖏᖅᑕᐅᑉᐸᑦ ᓄᓇᓕᐸᐅᔭᒃᑯᑦ ᐱᔪᓐᓇᕐᓯᓂᐊᕐᑐᑦ ᐃᒫᖕ:     

  • ᓱᓪᓗᓕᒃᑯᑦ ᒥᓪᓗᐊᑎᑦᓯᓗᑎᑦ ᐃᒥᖅᓯᐃᔪᓐᓇᕐᓯᖁᓪᓗᒋᑦ ᓂᐊᖁᓐᖒᑉ ᑰᖓᓂᑦ, ᐅᖓᑖᓄᒃᑲᓐᓂᖅ ᓚᐃᓴᓐᓯᖓᑎᒍᑦ ᐃᒻᒥᖅᓱᐃᔪᓐᓇᕐᑎᑕᐅᓂᖏᓐᓂᑦ; ᐊᒻᒪ  
  • ᓱᓪᓗᓕᒃᑯᑦ ᒥᓪᓗᐊᑎᑦᓯᓗᑎᑦ ᐃᒥᖅᓯᐃᔪᓐᓇᕐᓯᖁᓪᓗᒋᑦ ᐊᓯᐊᓂᑦ ᑕᓯᕐᒥᑦ, ᐱᖃᓯᐅᔾᔭᐅᓯᒪᓐᖏᑦᑐᖅ ᒫᓐᓇ ᓚᐃᓴᓐᓯᖃᐅᑎᖓᓄᑦ (ᐊᑎᖃᓐᖏᑦᑐᖅ ᑕᓯᖅ).  ᐊᑎᖃᓐᖏᑦᑐᖅ ᑕᓯᖅ ᐃᒥᖅᓱᐃᕕᐅᒃᑲᓂᓚᐅᕐᓯᒪᒻᒥᔪᖅ ᐊᕐᕌᒍᖓᓂ 2019.

 

ᐊᖏᖅᑕᐅᑉᐸᑦ, ᐋᖅᑭᒋᐊᕈᑦ ᐊᔪᕈᓐᓃᑎᑦᓯᓂᐊᕐᖓᑦ ᓄᓇᓕᐸᐅᔭᒃᑯᓐᓂᑦ ᑐᐊᕕᕐᓇᕐᓯᓂᖓᓄᑦ ᐃᒪᑭᓪᓕᓯᒪᒧᑦ ᓱᓪᓗᓕᒃᑯᑦ ᒥᓪᓗᐊᕐᑎᑦᓯᔪᓐᓇᕐᓯᓗᑎᑦ ᐊᑎᖃᓐᖏᑦᑑᑉ ᑕᓯᖓᓂᑦ ᐃᒥᖅᓱᖅᑕᐅᑲᓐᓂᖁᓪᓗᒍ ᑕᓯᖅ ᔨᐅᕈᑏᓐ ᐃᒥᖅᑕᕐᕕᖓ, ᐊᖅᑯᑕᐅᓗᓂ ᓂᐊᖁᓐᖒᑉ ᑰᖓ.     

 

ᐊᑎᓐᖓᓐᖏᑦᑐᖅ ᑕᓯᖅ ᐃᒻᒪᖃ ᐅᖓᓯᓐᓂᓕᒃ 3.5km ᑭᓚᒦᑕᓂᑦ ᐅᐊᓐᓇᖓᓄᑦ ᓂᐊᖁᓐᖒᑉ ᑰᖓᑕ ᓱᓪᓗᓕᒃᑯᑦ ᒥᓪᓗᐊᕐᕕᐅᕙᑦᑐᒥᑦ.  ᓄᓇᓕᐸᐅᔭᒃᑯᑦ ᐊᖅᑯᑎᖃᕐᓂᐊᕐᑐᑦ ᒫᓐᓇ ᐊᑐᕆᐊᒥᑦ, ᐊᑐᕆᐊᓕᐅᕐᑕᐅᓚᐅᕐᓯᒪᔪᖅ 2019ᖑᑎᓪᓗᒍ, ᐅᓯᔭᑦᓴᓂᑦ ᓄᓇᓯᐅᑎᒃᑯᑦ ᐱᖁᑎᖏᓐᓂᑦ ᓱᓇᒃᑯᑎᓂᓪᓗ ᐊᑐᖅᑕᐅᕙᑦᑐᒥᑦ.  ᑕᕝᕙᑦᓴᐃᓐᓇᖅ, ᓄᓇᓕᐸᐅᔭᒃᑯᑦ ᐊᑐᖅᑕᐅᑲᐃᓐᓇᓂᐊᕐᑐᓂᑦ ᐊᐅᓚᔾᔪᑎᑦᓴᖏᓐᓂᑦ ᓴᓇᓂᐊᕐᑐᑦ ᓱᓪᓗᓕᓂᑦ ᒥᓪᓗᐊᕈᑎᓂᓪᓗ, ᓄᓇᓕᐸᐅᔭᒃᑯᑦ ᐃᒥᖅᓱᐃᔪᓐᓇᕐᓂᐊᕐᖓᑕ ᒥᓪᓗᐊᕈᑎᒃᑯᑦ ᓂᐊᖁᓐᖒᑉ ᑰᖓᑕ ᒪᔪᕐᕕᖓᒍᑦ ᒫᓐᓇ ᐃᒻᒥᖅᓱᖅᕕᐅᑲᐃᓐᓇᖅᑑᑉ ᒥᓪᓗᐊᕐᕕᖓᓄᑦ.  ᐃᒻᒥᖅᓱᖅᕕᐅᑲᐃᓐᓇᐸᑦᑑᑉ ᒥᓪᓗᐊᕐᕕᖓ ᐊᑐᖅᑕᐅᓂᐊᕐᑐᖅ ᓂᐊᖁᓐᖒᑉ ᑰᖓᓂᑦ ᐃᒻᒥᖅᓱᐃᔾᔪᑕᐅᓗᓂ ᑐᕌᖓᔪᒥᑦ ᑕᓯᖅ ᔨᐅᕈᑏᓐ ᐃᒥᖅᑕᕐᕕᖓᓄᑦ.  ᓄᓇᓕᐸᐅᔭᒃᑯᑦ ᓂᕆᐅᑦᑐᑦ ᐃᒻᒪᖃ 500 ᒥᓕᔭᓐ ᓖᑕᓂᑦ ᖃᓪᓗᑎᓪᓗᐊᓂᑦ ᐃᒥᖅᓱᐃᓂᐊᕆᐊᑦᓴᖅ.   

ᒥᓪᓗᐊᕈᑎᒃᑯᑦ ᐃᒥᖅᓱᐃᒋᐊᓂᐊᕐᑐᑦ ᐊᖏᖅᑕᐅᒌᑐᐊᕐᐸᑕ ᒪᓕᒐᕐᑎᒍᑦ ᐊᒻᒪ ᓂᕆᐅᓇᕐᑐᖅ ᐅᓪᓗᓂᑦ 40ᓂᑦ ᐃᒥᖅᓱᐃᓂᐊᕆᐊᑦᓴᖅ ᒪᓕᓐᓂᐊᕐᒥᔪᖅ ᑭᓯᐊᓂ ᓯᓚᓗᖃᑦᑕᕐᓂᖓᓂᑦ.  ᓂᕆᐅᑦᑐᒍᑦ ᐱᔭᕇᕋᔭᕆᐊᖏᑦ ᐃᒥᖅᑕᕐᕕᒃ ᑕᑕᑐᐊᖅᐸᑦ ᐊᒻᒪ ᐅᖓᑖᓅᔾᔮᖏᒋᐊᖓ ᐅᒃᑑᕝᕙ 15. 

ᐃᒥᖅᓱᕐᑕᐅᑲᓂᕐᓂᐊᕐᓂᖓ ᐃᒥᖅᑕᕐᕕᒃ ᓱᕐᕋᐃᔾᔮᖏᑦᓯᐊᕐᑐᖅ ᐃᒥᑦᓯᐊᕙᐅᓂᖓᓂᑦ ᓄᓇᓖᑦ ᐃᒥᖃᑦᑕᕐᑕᖓᓂᑦ.   ᐃᖃᓗᐃᑦ ᓄᓇᓕᐸᐅᔭᖓᑕ ᐃᒪᖓ ᐃᒥᑦᑎᐊᕙᐅᓂᖓᓄᑦ ᐊᖑᒻᒪᑎᑦᓯᐊᕐᑐᑦ ᐃᒥᑦᑎᐊᕙᐅᓂᕐᓴᒻᒪᕆᓪᓘᓐᓃᑦ ᓄᓇᕗᒥ ᒪᓕᒐᕐᑎᒍᑦ ᐃᒥᖅᑕᕐᕕᐅᔪᓐᓇᕐᑐᓂᑦ ᐊᒻᒪ ᑲᓇᑕᒥ ᐃᒥᑦᑎᐊᕙᐅᒋᐊᖃᕐᓂᖏᓐᓄᑦ ᓂᐅᕋᑦᓴᑦ ᒪᓕᒐᖏᓐᓂᑦ.  

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᔪᒪᕗᑦ ᓄᓇᖃᖅᑐᓂᑦ ᐱᒻᒪᕆᐅᓂᖓᓂᑦ ᐃᒥᕐᒥᑦ ᐱᐅᖅᓱᐊᕆᐊᖃᕐᓂᖕᒥᑦ, ᐊᔪᕐᓇᖏᒐᐃᑉᐸᑦ.  ᓱᓕᒃᑲᓐᓂᖅ, ᓄᓇᖃᕐᑐᑦ ᐃᖅᑲᐃᑎᑦᑐᒪᕙᕗᑦ ᐃᒪᑦᑎᓐᓄᑦ ᓄᓇᓯᐅᑎᓂᑦ ᐅᐊᓴᖃᑦᑕᖁᓇᒋᑦ ᓱᓕ.    

ᐃᑉᐳᕈ 1−ᖑᑎᓪᓗᒍ, ᒐᕙᒪᑐᖃᒃᑯᓐᓂᑦ ᑮᓇᐅᔭᕐᑖᕈᑎᑦᓴᓂᑦ ᐅᖓᑖᓂ $214 ᒥᓕᔭᓐ ᑐᓴᕐᑎᑕᐅᓚᐅᕋᑦᑕ ᐊᖅᑯᑕᐅᓪᓗᓂ ᐱᕐᕈᓗᐊᕿᔪᖃᕐᐸᑦ ᓯᓚᒧᑦ ᐊᑦᓱᔾᔫᒥᐅᒍᑎᑦᓴᓪᓗ ᓱᖏᐅᑎᕙᓪᓕᐊᓂᒃᑯᑦ ᑮᓇᐅᔭᒃᑯᕕᖓᓂᑦ ᐅᓗᕆᐊᓇᓐᖏᑦᑐᒥᑦ ᐊᑯᓂᐅᓂᐊᕐᑐᒧᓪᓗ ᐊᓐᓇᐅᒪᔪᓐᓇᖁᓪᓗᒋᑦ ᐃᖃᓗᒻᒥᐅᑦ ᐃᒥᖅᑕᕐᑕᐅᔪᓐᓇᖁᓪᓗᒋᑦ ᐊᐅᓚᔾᔪᑎᖏᑎᒍᑦ.  ᑖᒃᑯᓇᓐᖓᑦ ᓴᓇᔾᔪᑎᑦᓴᑦ ᐃᒥᖅᓱᐃᔾᔪᑕᐅᒃᑲᓐᓂᕈᓐᓇᕐᖓᑕ ᐊᖑᒻᒪᑎᔪᓐᓇᖁᓪᓗᒋᑦ ᒫᓐᓇᒃᑯᑦ ᐊᒻᒪ ᓂᕆᐅᓇᕐᑐᒃᑯᑦ ᐃᒥᕐᑕᕐᕕᖃᕈᓐᓇᖁᓪᓗᒋᑦ ᐃᒥᕋᑦᓴᒥᑦ ᓄᓇᓕᐸᐅᔭᓂ ᓄᓇᓕᓐᓄᑦ ᐱᖃᓯᐅᑎᓗᒋᑦ ᕿᓂᕐᓂᖅ ᐊᓯᐊᓂᑦ ᐃᒥᖅᑕᕐᕕᐅᔪᓐᓇᕐᑐᒥᑦ, ᓄᑖᒥᑦ ᐃᒥᖅᑕᕐᕕᑦᓴᓕᐅᕐᓗᑎᑦ ᑕᓯᖅ ᔨᐅᕈᑏᓐ ᐃᒥᖅᑕᕐᕕᐅᑉ ᓴᓂᐊᓂ ᐃᒪᖃᐅᑎᐅᒐᔭᕐᑐᒥᑦ ᐊᒻᒪ ᐋᖅᑭᒋᐊᕈᑕᐅᓗᑎᑦ ᓄᓇᓕᐸᐅᔭᒃᑯᑦ ᐃᒥᕐᒧᑦ ᓱᓪᓗᓕᑯᑖᒃᑯᑦ ᐃᒥᖅᓱᐃᔾᔪᑎᒋᕙᑦᑕᖏᓐᓂᑦ.  ᓴᓇᔭᐅᒐᔭᕐᑐᑦ ᐋᖅᑭᑉᐹᓪᓕᕈᑕᐅᓪᓚᕆᓐᓂᐊᕐᑐᑦ ᓄᓇᖃᕐᑐᑦ ᐊᑐᐃᓐᓇᖃᑦᓯᐊᖁᓪᓗᒋᑦ ᐊᓐᓇᐅᒪᔪᓐᓇᕐᑐᒥᑦ, ᐃᒪᖃᐃᓐᓇᕈᓐᓇᕐᓯᓗᑎᑦ.  ᓄᓇᓕᐸᐅᔭᒃᑯᑦ ᒫᓐᓇ ᐅᐸᓗᖓᐃᔭᐃᒻᒪᑕ ᐸᕐᓇᐅᑎᑦᓴᖏᓐᓂᑦ ᓴᓇᔭᐅᒐᔭᕐᓂᖏᓐᓄᑦ.     
 

 

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ:

 

ᐊᓕᒃᓯ ᑳᒧᕋᓐ

ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓕᕆᔨᓄᑦ ᐊᓪᓚᕝᕕᒻᒥᓗ ᐱᔨᑦᓯᕐᑎᓄᑦ 

ᐃᖃᓗᐃᑦ ᓄᓇᓕᐸᐅᔭᖓᑦ

867-979-5607 | a.cameron@iqaluit.ca

 

 

Notice: 
Notices Categories: