ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐱᕙᓪᓕᐊᔪᑦ
ᐃᖃᓗᓐᓂ ᑲᑎᒪᔨᐅᔪᑦ ᖁᕕᐊᒋᔭᓕᒻᒪᕆᐅᔪᑦ ᐃᖃᓗᓐᓂ ᐅᒥᐊᒃᑯᕕᑦᓴᒥᑦ ᐊᒻᒪ ᐅᒥᐊᕋᓛᖑᓂᕐᓴᒃᑯᕕᑦᓴᒥᑦ ᑮᓇᐅᔭᓂᑦ ᐱᓕᕆᔾᔪᑎᐅᔪᓐᓇᖅᑐᓂᑦ ᑐᓴᖅᑎᑦᓯᔾᔪᑎᐅᔪᒥᑦ
ᔪᓚᐃ 30, 2015 (ᐃᖃᓗᐃᑦ, ᓄᓇᕗᑦ) ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᖁᕕᐊᒋᔭᖃᖅᑐᒻᒪᕆᐅᔪᑦ ᑲᓇᑕᐅᑉ ᒐᕙᒪᒃᑯᖏᑕ ᑮᓇᐅᔭᓂᑦ ᐱᓕᕆᔾᔪᑎᑦᓴᓂᑦ ᑐᓴᖅᑎᑦᓯᔾᔪᑎᖏᓐᓂᑦ ᑎᑭᒍᓐᓇᖅᑐᓂᑦ $63.7 ᒥᓕᐊᓄᑦ ᐅᒥᐊᒃᑯᕕᑦᓴᓕᐅᕐᓂᒃᑯᑦ ᐃᖃᓗᓐᓂ ᐱᓕᕆᔾᔪᑎᑦᓴᓂᑦ ᐸᕐᓇᐅᑎᓕᐊᖑᕋᑖᓚᐅᖅᑐᒥᑦ ᐃᓪᓗᓕᐅᕈᑎᑦᓴᓂᑦ ᑲᓇᑕᒥ.
“ᖁᕕᐊᒋᒻᒪᕆᑉᐸᒃᑲ ᑐᓴᖅᑎᑦᓯᔾᔪᑎᐅᖅᑲᐅᔪᑦ ᐊᒻᒪ ᖁᔭᓐᓇᒦᕈᒪᓪᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪ ᓄᓇᕗᑦ ᒐᕙᒪᒃᑯᖏᑦ ᐊᑯᓂᐊᓗᒃ ᐅᑕᖅᑭᔭᐅᔪᒥᑦ ᐱᓕᕆᐊᑦᓴᓕᐅᕐᒪᑕ ᐅᒥᐊᒃᑯᕕᓕᕆᓂᕐᒧᑦ ᑐᕌᖓᔪᒥᑦ. ᐊᕐᕌᒍᒐᓴᓄᑦ ᐅᖃᐅᓯᐅᖃᑦᑕᓚᐅᖅᑐᓂ ᑭᖕᖒᒪᔭᐅᔪᒻᒪᕆᐅᔪᖅ ᐅᒥᐊᒃᑯᕕᑦᓴᓕᐊᖑᖁᔭᐅᔪᖅ ᐊᒻᒪ ᐅᒥᐊᕋᓛᖑᓂᕐᓴᓄᑦ ᑐᓚᑦᑕᕐᕕᑦᓴᒥᑦ ᐱᐅᓯᑎᒋᐊᕈᑎᑦᓴᓕᕆᓂᕐᒥᑦ, ᐱᐅᔪᒻᒪᕆᐊᓘᔪᖅ ᓴᖅᑭᕐᓂᖓ ᑕᑯᓪᓗᒍ.
ᐃᓱᒪᒋᒻᒪᔭᕋ ᓄᓇᓕᓐᓂ ᐃᖅᑲᓇᐃᔮᑦᓴᓂᑦ ᓴᖅᑮᒐᔭᕆᐊᖏᓐᓂᑦ ᐱᐅᓯᑎᒋᐊᕈᑎᑦᓴᓂᑦ ᐃᓅᓯᖏᑎᒍᑦ ᐅᑭᐅᖅᑕᖅᑐᒥᐅᑕᐃᑦ. ᐱᕙᓪᓕᐅᑎᒻᒪᕆᓐᓂᐊᕐᒥᔪᑦ ᐱᓕᕆᐊᕆᕙᑦᑕᖏᑎᒍᑦ ᕿᓂᖅᑏᑦ ᐱᑕᖃᕈᓐᓃᑎᑦᓯᔾᔪᑎᐅᓗᑎᒃ ᐅᓗᕆᐊᓇᕈᓐᓇᖅᑐᓂᑦ ᐊᑐᖅᑕᐅᔪᓐᓇᖅᑐᓂᑦ ᕿᓂᖅᑎᓄᑦ,” ᐅᖃᖅᑐᖅ ᒪᐃᔭᐅᑉ ᑐᓪᓕᕆᑲᐃᓐᓇᖅᑕᖓ ᓴᐃᒪᓐ ᓇᑖᖅ.
ᐱᔭᕇᖅᑕᐅᑉᐸᑕ, ᓄᑖᖑᒐᔭᖅᑐᖅ ᑐᓚᑦᑕᕐᕕᑦᓴᖅ ᐊᒻᒪ ᐅᒥᐊᕐᔪᐊᒃᑰᖅᑐᓂᑦ ᓂᐅᕋᐃᕕᑦᓴᖅ ᕿᓚᒥᐅᓂᕐᓴᖅ ᓂᐅᕋᐃᕕᐅᔪᓐᓇᕐᓯᓕᕋᔭᖅᑐᖅ ᐅᒥᐊᕐᔪᐊᓂᑦ; ᐃᖅᑲᓇᐃᔭᖅᑎᑦ ᐊᑦᑕᓇᖏᑦᑐᒦᓐᓂᕐᓴᐅᓕᕐᓗᑎᒃ ᐊᒻᒪ ᓄᓇᐅᑉ ᐊᕙᑎᐊᓂᑦ ᓱᕈᐃᖏᓂᕐᓴᐅᓕᕈᓐᓇᕐᓗᑎᒃ ᐱᕐᕈᓗᐊᕿᓂᒃᑯᑦ ᓱᕋᐃᔭᐃᓂᒃᑯᓘᓐᓃᑦ; ᐊᒻᒪ ᐊᑐᖅᑕᐅᔪᓐᓇᑦᓯᐊᕋᔭᖅᑐᖅ ᐅᒥᐊᕐᔪᐊᓄᑦ ᐊᔪᓕᕐᓯᒪᔪᓄᑦ ᑐᓚᕝᕕᐅᓯᒪᕙᓪᓗᓂ. ᐱᐅᓯᑎᒋᐊᖅᑕᐅᑉᐸᑦ ᐅᒥᐊᕋᓛᖑᓂᕐᓴᓄᑦ ᑐᓚᑦᑕᕐᕕᒃ ᐅᒥᐊᑦ ᓱᕋᓐᓂᐅᓴᖏᓂᕐᓴᐅᓕᕋᔭᖅᑐᑦ ᐊᒻᒪ ᑕᕆᐅᕐᒨᕋᓐᓂᓂᕐᓴᐅᓕᕐᓗᓂ ᑎᓂᖕᖓᑎᓪᓗᒍ, ᐊᑲᐅᓯᑎᒋᐊᕈᑎᐅᓗᓂᓗ ᐃᖃᓗᒐᓱᓐᓂᒃᑯᑦ ᐊᒻᒪ ᐊᖑᓇᓱᓐᓂᒃᑯᑦ.
ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:
ᐄᕙ ᒪᐃᑯᓪ, ᑐᓴᐅᒪᔭᐅᔭᕆᐊᓕᓂᒃ ᑲᒪᔨ,
ᓄᓇᓕᐸᐅᔭᐃᑦ ᐃᖃᓗᐃᑦ,
ᐅᖄᓚᐅᑦ: (867) 975-8525
ᐅᖄᓚᐅᑎᕋᓛ: (867) 222-5728
