ᐃᖃᓗᓐᓂ ᖃᑦᑎᕆᔨᒃᑯᑦ ᐅᐸᓚᐅᖅᑐᑦ ᐃᓪᓗᒥᑦ ᐃᑭᑦᑐᖃᖅᑎᓪᓗᒍ ᕼᐋᐱ ᕚᓕᒥ

08/12/2020

ᐃᖃᓗᓐᓂ ᖃᑦᑎᕆᔨᒃᑯᑦ ᐅᐸᓚᐅᖅᑐᑦ ᐃᓪᓗᒥᑦ ᐃᑭᑦᑐᖃᖅᑎᓪᓗᒍ ᕼᐋᐱ ᕚᓕᒥ

 

9:56-ᑎᓪᓗᒍ ᐅᓛᓴᒃᑯᑦ ᑏᓰᐱᕆ 7, 2020, ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᖏᑦ ᐅᖄᓚᕕᐅᓚᐅᖅᑐᑦ ᕼᐋᐱ ᕚᓕᒥ ᐃᖃᓗᓐᓂ ᐃᓪᓗᒥᑦ ᐃᑯᐊᓚᔪᖃᕐᓂᕋᐃᔪᒧᑦ. ᐃᖃᓗᐃᑦ ᖃᑦᑎᕆᔨᖏᑦ 14−ᖑᓚᐅᖅᑐᑦ ᐊᒻᒪ 7−ᖑᓪᓗᑎᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᐅᔪᑦ ᐅᐸᓚᐅᖅᑐᑦ.

ᑎᑭᒃᑲᒥᒃ, ᖃᑦᑎᕆᔩᑦ ᑕᑯᓚᐅᖅᑐᑦ ᐃᑯᐊᓚᔪᖅ ᐄᒐᓛᒃᑰᓕᕇᓐᓂᖓᓂᑦ, ᐃᓪᓗᒧᑦ ᐃᓯᓵᓕᓚᐅᖅᑐᑦ ᐊᒻᒪ ᐃᑯᐊᓚᔪᖅ ᐃᓪᓗᕈᓯᕐᒥᒃ ᐃᑭᒋᐊᖕᖓᓚᐅᖅᑐᒥᑦ ᓯᓚᑖᓅᕈᓐᓇᕐᓯᓚᐅᖏᓪᓚᑐᖅᑐᖅ.

ᐊᑕᐅᓯᖅ ᐃᓪᓗᒥ ᓇᔪᓚᐅᖅᑐᖅ ᕿᑭᖅᑕᓂ ᐋᓐᓂᐊᕕᖓᓅᕈᔾᔭᐅᓚᐅᖅᑐᖅ ᖃᐅᔨᓴᖅᑕᐅᖁᔭᐅᓗᓂ ᖃᓄᐃᖏᒃᑲᓗᐊᕐᒪᖔᖅ.

ᐊᓪᓚᕝᕕᖓ ᖃᑦᑎᕆᔨᒻᒪᕆᒃᑯᑦ ᖃᐅᔨᓴᖅᐸᓪᓕᐊᓕᖅᑐᑦ ᖃᓄᖅ ᐃᑭᒋᐊᖕᖓᓚᐅᕐᒪᖔᖅ.

ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᖏᑦ ᖁᔭᓐᓇᒦᕈᒪᔪᑦ ᓄᓇᓕᓐᓂ ᑲᑐᔾᔨᖃᑎᒌᕙᑦᑕᒥᓂᒃ ᐱᖃᓯᐅᑎᓪᓗᒋᑦ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐃᒥᖅᑕᐅᑎᓂᑦ ᐊᑐᐃᓐᓇᐅᑎᑦᑎᓚᐅᕐᓂᖏᓐᓂᑦ, ᒪᓕᒐᕋᓛᓕᕆᔨᒃᑯᓐᓂᑦ, ᐊᓪᓚᕕᒻᒥᐅᑕᓂᑦ ᖃᑦᑎᕆᔨᒻᒪᕆᒃᑯᓐᓂ ᐊᒻᒪ ᑲᓇᑕᐅᑉ ᐸᓖᓯᒃᑯᓐᓂᑦ.

ᐃᖃᓗᐃᑦ ᑐᐊᕕᕐᓇᖅᑐᓕᕆᔨᒃᑯᑦ ᐃᖅᑲᐃᑎᑦᑎᒍᒪᔪᑦ ᓄᓇᓕᕐᒥᐅᑕᓕᒫᑦᑎᐊᓂᑦ ᖃᐅᔨᓴᖃᑦᑕᖁᔭᐅᓗᑎᒃ ᐳᔫᖅᑐᖃᓕᕋᐃᒻᒪᑦ ᖁᖁᐊᕈᑎᖏᓐᓂᑦ ᖁᖁᐊᕈᓐᓇᑦᑎᐊᕋᓗᐊᕐᒪᖔᑕ ᓱᓕ. ᐃᓪᓗᕈᓰᒃ ᒪᑐᖏᑦ ᒪᑐᓯᒪᑦᑎᐊᕋᓗᐊᕐᒪᖔᑕ ᖃᐅᔨᓴᖅᑕᐅᕙᓪᓗᑎᒃ ᓯᓂᑦᑐᖃᖅᑎᓪᓗᒍ, ᒪᑐᓯᒪᔪᑦ ᐃᑯᐊᓚᔪᒧᑦ ᐳᓚᕕᐅᒍᓐᓇᖏᓂᕐᓴᐅᒻᒪᑕ ᐊᒻᒪ ᐳᔫᓗᐊᔾᔭᐃᑎᑦᓯᓯᒪᓲᖑᓪᓗᑎᒃ ᐊᒻᒪ ᐊᓂᓵᖅᑐᖃᕈᓐᓇᕐᓯᓗᓂ.

 

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

ᓖᓴ ᒥᓗᓵᕝᔨᕕᒃ 
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ 
ᓄᓇᓕᐸᐅᔭᐃᑦ ᐃᖃᓗᐃᑦ 
L.Milosavljevic@iqaluit.ca 
867-979-5607

 

Notice: