ᐃᖅᑲᐃᑎᑦᑎᔾᔪᑎ: ᓇᓴᖅᓯᒪᔭᕆᐊᓖᑦ/ᓇᓪᓕᐅᒃᑯᒫᖃᕆᐊᓖᑦ/ᒪᐃᓴᖃᕆᐊᓖᑦ ᑕᒪᕐᒥᑦᑎᐊᖅ ᐃᖏᕐᕋᔪᓐᓇᐅᑎᑦ ᓄᓇᒃᑯᑦ (ᑎᓴᒪᓖᑦ)

ᐃᖅᑲᐃᑎᑦᑎᔾᔪᑎ: ᓇᓴᖅᓯᒪᔭᕆᐊᓖᑦ/ᓇᓪᓕᐅᒃᑯᒫᖃᕆᐊᓖᑦ/ᒪᐃᓴᖃᕆᐊᓖᑦ ᑕᒪᕐᒥᑦᑎᐊᖅ ᐃᖏᕐᕋᔪᓐᓇᐅᑎᑦ ᓄᓇᒃᑯᑦ (ᑎᓴᒪᓖᑦ)
ᔪᓚᐃ 19, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᕗᑦ ᓄᓇᖃᑦᑎᐅᔪᓂᒃ ᓇᓪᓕᐅᒃᑯᒫᑦᑖᖅᓯᒪᓗᑎᒃ ᐊᒻᒪᓗᒃᑕᐅᖅ ᓚᐃᓴᑖᖅᓯᒪᓗᑎᒃ ᐱᓕᕆᕝᕕᐊᓂᒃ ᓄᓇᓯᐅᑎᓄᑦ ᑭᓇᑐᐃᓐᓇᑦᑎᐊᖅ ᐊᑐᕐᓂᐊᕐᕈᓂ ᐊᖅᑯᑎᓯᐅᑕᐅᖏᑦᑐᑦ ᐃᖏᕐᕋᔾᔪᑎᓂᒃ (ᑎᓴᒪᓕᓐᓂᒃ), ᐱᖃᓯᐅᑎᒻᒥᔪᑦᑕᐅᖅ ᒪᕐᕉᓐᓂᒃ ᐊᒃᓴᓗᐊᓖᑦ ᐃᖏᕐᔪᔾᑎᑦ. ᒪᓕᓪᓗᒍ ᑖᓐᓇ ᐊᖅᑯᑎᓯᐅᑕᐅᖏᑐᓄᑦ ᑐᕌᖓᔪᑦ ᒪᓕᒐᕋᓛᖅ ᓇᒻᒪ 557, ᖄᖓᒍᑦ ᐊᑭᓕᐅᑎᒋᔭᕆᐊᓕᖓᑕ ᑎᑭᐅᒪᔪᖅ $200−ᒧᑦ, ᐊᖁᑎᐅᔪᑦ ᐊᖅᓵᖅᑕᐅᔪᓐᓇᕐᒥᔪᑦ ᐃᖏᕐᕋᔾᔪᑎᒥᓂᒃ ᓄᖅᑲᑦᑎᑕᐅᒍᓂ ᐊᒻᒪᓗ ᓇᓪᓕᐅᒃᑯᒫᖃᖏᒃᑯᓂ. ᐊᖅᓵᖅᑕᐅᔪᖃᕈᓂ ᐃᖏᕐᕋᔾᔪᑎᒥᒃ, ᓇᒻᒥᓂᖃᑦᑎᐅᔪᑦ ᐊᑭᓖᒋᐊᖃᓕᕋᔭᖅᑐᖅ ᐱᓯᒪᔭᐅᓂᖏᓐᓄᑦ ᐊᑭᓖᔾᔪᑎᓂᒃ.
ᐊᒻᒪᓗᒃᑕᐅᖅ, ᐃᖅᑲᐃᑎᑦᑎᔾᔪᑎ, ᒪᓕᓪᓗᒍ ᒪᓕᒐᕋᓛᖅ ᓇᒻᒪ 557, ᓇᓴᖅᓯᒪᔭᕆᐊᓕᒃ ᑭᓇᑐᐃᓐᓇᑦᑎᐊᖅ ᐊᑐᕈᓂ ᐃᖏᕐᕋᔾᔪᑎᒥᒃ ᑎᓴᒪᓕᒻᒥᒃ. ᐊᑐᓐᖏᒃᑯᓂ ᐊᑭᓖᑎᑕᐅᔪᓐᓇᕐᒥᔪᑦ $100−ᒥᒃ. ᐱᖃᑕᐅᖏᑎᑕᐅᔪᓐᓇᖅᑐᑦ ᐊᑐᓐᖏᑦᑐᑦ ᓇᓴᕐᒥᒃ ᐊᖑᓇᓱᒃᑏᑦ, ᐃᖏᕐᕋᓂᐊᑐᐊᕈᑎᒃ ᐅᐸᑦᑕᒥᓄᑦ ᐊᒻᒪᓗ ᐅᑎᓕᕈᑎᒃ ᐊᐅᓚᖅᕕᒋᔭᒥᓄᑦ. ᐊᓯᓕᒫᖏᓐᓄᓪᓕ, ᓇᓴᖅᓯᒪᔭᕆᐊᓖᑦ.
ᐊᒻᒪᓗᒃᑕᐅᖅ, ᑎᓴᒪᓕᖃᑦᑎᐅᔪᑦ ᐃᖅᑲᐃᑎᑕᐅᒻᒥᔪᑦ ᐃᖏᕐᕋᔪᓐᓇᕐᓂᖓᑕ ᓱᒃᑲᓕᓂᖓᓄᑦ ᑭᓪᓕᒋᔭᐅᔪᑦ ᒪᓕᒃᑕᐅᔭᕆᐊᖃᓐᓂᖏᓐᓂᑦ. ᒪᓕᓪᓗᒍ ᐊᖅᑯᑎᑯᑖᓂ ᐃᖏᕐᕋᖃᑦᑕᖅᑐᓄᑦ ᒪᓕᒐᕋᓛᖅ ᓇᒻᒪ 319 ᐊᒻᒪᓗᒃᑕᐅᖅ ᒪᓕᒐᕋᓛᖅ ᓇᒻᒪ 557, ᐊᑭᓕᐅᑎᒋᔭᕆᐊᓖᑦ ᓱᒃᑲᓕᓂᖓᓄᑦ ᐃᒪᓐᓇᐅᔪᓐᓇᖅᑐᑦ $250.
ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᕗᑦ ᓄᓇᖃᑦᑎᐅᔪᓂᒃ ᐃᑲᔪᖅᑐᐃᓂᖏᓐᓄᑦ ᐊᒻᒪᓗ ᑐᑭᓯᑦᑎᐊᕐᓂᖏᓐᓄᑦ.