ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐅᐊᔅᑦ 40-ᒦᑐᖅ ᐊᑎᓯᕕ ᓴᕕᕋᔭᓄᑦ ᐊᖏᔫᑎᓄᓪᓗ ᐸᐃᐹᓄᑦ ᐃᑯᐊᓚᓚᐅᖅᑑᑉ ᐊᒻᒪᓗᑦ ᓄᓇᓕᒻᒥ ᐱᔨᑦᓯᕐᑏᑦ ᐅᓪᓗᒥᒧᑦ ᑐᓴᒐᒃᓴᖅ
(ᐃᖃᓗᐃᑦ, ᓄᓇᕗᑦ) – ᔫᓂ 21, 12:00 ᐅᓐᓄᓴᒃᑯᑦ
ᐅᐊᔅᑦ 40-ᒦᑐᖅ ᐊᑎᓯᕕ ᓴᕕᕋᔭᓄᑦ ᐊᖏᔫᑎᓄᓪᓗ ᐸᐃᐹᓄᑦ ᐃᑯᐊᓚᓚᐅᖅᑑᑉ ᖃᒥᑕᐅᓯᒪᓕᖅᑐᖅ. ᐅᐊᔅᑦ 40 ᓱᓕ ᒪᑐᓯᒪᓂᐊᖅᑐᖅ ᑭᒃᑯᑐᐃᓐᓇᕐᓄᑦ ᐱᓕᕆᓂᖏᓐᓂ ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᑦᑎᕆᔨᖏᑕ ᐃᖅᑲᓇᐃᔭᕐᕕᖓᑦ ᐊᒻᒪᓗ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᕐᕕᖓᑦ ᓱᓕ ᐃᒥᕐᒧᑦ ᒪᓴᑦᓯᑎᓯᒪᐃᓇᕐᓗᑎᒃ ᑕᐃᒃᑯᓄᖓ ᐃᑭᓴᕋᐃᑦᑐᓄᑦ ᐊᒻᒪᓗᑦ ᐊᖓᓯᒌᑎᓗᒋᑦ ᓱᓇᒃᑯᑖᑦ ᐃᑯᐊᓪᓚᑲᓐᓂᖁᓇᒍ.
ᓇᒻᒥᓂᓕᓐᓄᑦ ᐊᑦᑕᕐᑏᑦ ᓄᖅᑲᕐᑎᑕᐅᑲᐃᓐᓇᕐᑐᑦ ᐅᓪᓗᒥ ᐱᒋᐊᒃᑲᓐᓂᓛᕐᑐᑦ ᑕᐃᑲᓂ ᑭᖑᓪᓕᕐᒥ ᐅᓪᓗᕐᓯᐅᑎᖓᓂ ᒪᓪᓕᓪᓗᒍ. ᐊᖏᕐᕋᒋᔭᐅᔪᓄᑦ ᐊᑦᑕᕐᑐᐃᓂᖅ ᐊᑦᑐᕐᑕᐅᔾᔮᖏᑦᑐᑦ. ᐊᑦᓯᕕᒃ ᒪᑐᐃᖓᔫᒐᓗᐊᖅ ᐃᖃᓗᒻᒥᐅᓄᑦ ᐊᒻᒪᓗ ᓇᒻᒥᓂᓕᓐᓄᑦ ᐊᑦᑕᑯᓄᑦ. ᑭᓯᐊᓂᓕ, ᐊᖏᔫᑎᑦ ᓴᕕᕋᔭᑦ ᓴᕕᕋᔭᐃᓪᓗ ᐱᔭᐅᔪᓐᓇᑦᔮᖏᑐᑦ ᐊᓯᐊᒍᑦ ᑐᓴᕐᑎᑦᓯᓚᐅᙱᓂᒃᑎᓐᓂ.
ᐃᒥᕐᑕᖅᑏᑦ ᓄᖅᑲᖓᑲᐃᓐᓇᖅᑐᑦ ᐅᓪᓗᒥ ᖃᐅᐸᑦ ᐱᒋᐊᒃᑲᓂᕐᓗᑎ ᖃᐅᑉᐸᑦ. ᓄᓇᓕᒻᒦᐅᑕᐃᑦ ᐃᒪᐃᕐᓂᕈᑎ ᐅᖄᓚᒍᓐᓇᕐᑐᑦ ᓄᓇᓕᐸᐅᔭᒃᑯᑦ ᐃᖃᓗᓐᓂ ᑭᐅᔨᖏᓐᓄᑦ ᐃᒻᒥᕐᑕᐅᒍᒪᔪᓄᑦ . ᐅᖄᓚᔪᑦ ᐊᑭᓖᒋᐊᖃᕋᔭᖅᑐᑦ ᑭᓯᐊᓂ 5-ᒦᒋᖅᓯᒪᓕᖅᐸᑦ ᓯᕿᕐᖑᔭᖅ ᐅᓐᓄᓴᒃᑯᑦ.
ᓄᓇᓕᐸᐅᔾᔭᑯᑦ ᐃᖃᓗᓐᓂ ᓇᑯᕐᒦᕈᒪᔫᒐᓗᐊᑦ ᐃᓘᓐᓇᓯᓐᓂᒃ ᐃᑲᔪᓚᐅᕐᑐᓂᒃ ᓯᐊᒻᒪᕐᑎᑦᑕᐃᓕᓪᓗᒍ ᐊᒻᒪᓗ ᖃᒥᑕᐅᓪᓗᓂ ᐃᑯᐊᓚᔪᖅ ᐱᖃᓯᐅᑎᓗᒋᑦ ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᑦᑎᕆᔨᖏᑕ ᐃᖅᑲᓇᐃᔭᕐᕕᖓᑦ, ᖃᑦᑎᕆᔩᓗ ᐊᑭᓕᕐᓱᕐᑕᐅᕙᙱᑐᑦ ᐊᒻᒪᓗ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᕐᕕᖓᑦ ᒥᑦᑕᕐᕕᒻᒥᓗ ᖃᑦᑎᕆᔩᑦ ᐃᖅᑲᓇᐃᔭᕐᕕᖓᑦ ᐊᒻᒪᓗ , ᓄᓇᓕᒻᒥ ᐊᑐᓕᕐᑎᑦᓯᔩᑦ ᐊᑦᓱᕈᖅᑐᑎᒃ ᐃᖅᑲᓇᐃᔮᖃᓚᐅᕐᓂᖏᓐᓄᑦ . ᐃᓪᓗᓐᓇᑕᓗ ᖁᔭᓐᓇᒦᕈᒪᕗᒍᑦ ᐃᖃᓗᒻᒥᐅᑕᐃ ᕿᒧᒃᓯᖅᑏᑦ ᓅᑦᓯᓴᐅᑎᒍᓐᓇᓚᐅᕐᓂᖏᓐᓄᑦ ᕿᒻᒥᖏᓐᓂᒃ ᐊᒻᒪᓗ ᑭᒃᑯᑐᐃᓐᓇᐃᑦ ᐅᑕᖅᑭᑦᓯᐊᕈᓐᓇᓚᐅᕐᓂᖏᓐᓄᑦ.
###
ᑐᑭᓯᒋᐊᒃᑲᓐᓂᕕᑦᓴᖅ:
ᐄᕙ ᒪᐃᑯᓪ
ᑐᓴᐅᒪᔭᕆᐊᓕᓐᓂᒃ ᑲᒪᔨ
867-975-8525
e.michael@city.iqaluit.nu.ca
