ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᒪᑐᐃᓛᖅᑐᖅ ᐊᒻᒪ ᑕᕐᕆᔭᖅᑎᑕᐅᓗᑎᒃ ᓱᕈᑦᓰᑦ ᒪᐃ 17

14/05/2019

ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᒪᑐᐃᓛᖅᑐᖅ ᐊᒻᒪ ᑕᕐᕆᔭᖅᑎᑕᐅᓗᑎᒃ ᓱᕈᑦᓰᑦ ᒪᐃ 17
ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᖃᐃᓛᖁᔨᓕᕆᕗᑦ ᓄᓇᓕᕐᓂᒥᐅᑕᓂᑦ ᒪᑐᐃᖅᑎᓪᓗᒍ ᐊᒻᒪ ᑕᕐᕆᔭᖅᑎᑕᐅᓗᑎᒃ ᓱᕈᑦᓯᑦ ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᕐᒥ ᓂᐊᖁᖕᖒᑎᓂ ᑕᓪᓕᕐᒥᐅᓕᖅᐸᑦ, ᒪᐃ 17. ᐱᖃᑕᐅᔪᒪᓛᖅᑐᑦ ᕿᒥᕐᕈᐊᕈᓐᓇᓛᖅᑐᑦ ᓄᑖᒥᑦ ᐃᓗᐊᒍᑦ ᓴᓇᔭᐅᒋᐊᓚᐅᖅᑐᒥᑦ ᐊᒻᒪᑦᑕᐅᖅ ᑕᒧᓗᒐᖅᑎᑕᐅᓗᑎᒃ.
5:30-ᒥᑦ 6:30-ᒧᑦ ᐅᓐᓄᓕᖅᑎᓪᓗᒍ, ᓄᓇᓕᕐᓂᒥᐅᑕᐃᑦ ᕿᒥᕐᕈᐊᕈᓐᓇᓛᖅᑐᑦ ᐱᓕᕆᕝᕕᒻᒥᑦ, ᐊᒻᒪ ᓂᕆᓗᑎᒃ ᐃᓄᑦᓯᐅᑎᓂᑦ, ᐸᐅᓛᖅᑐᕐᓗᑎᒃ, ᐊᒻᒪ ᑏᑐᕐᓗᑎᒃ. 6:45-ᒥᑦ 8:15-ᒧᑦ ᐅᓐᓄᒃᑯᑦ, ᐱᖕᖑᐊᖅᑐᓕᕆᔨᒃᑯᑦ ᑕᕐᕆᔭᖅᑎᑦᓯᓛᕐᒥᔪᑦ ᓈᒻᒪᑦᑐᒥᑦ ᓱᕈᑦᓯᓄᑦ ᐊᕐᕌᒍᓕᓐᓂᑦ 6-ᓂᒃ 12-ᓄᑦ. ᐃᒥᒐᑦᓴᖅᑕᖃᓛᖅᑐᖅ ᐊᒻᒪᑦᑕᐅᖅ ᑕᕐᕆᔭᕐᕕᔭᕐᓂ ᐹᑉᑯᐊᕐᓐᓕᐊᖑᕙᑦᑐᑦ ᐊᔾᔨᖏᓐᓂᑦ ᐹᑉᑯᐊᕐᓐᑐᖅᑎᑕᐅᓗᑎᒃ, ᑕᑲᓇᓂ ᓴᓇᔭᐅᕙᓪᓗᑎᒃ.
ᐃᐳᕈᒥᓂᒃ 2019 ᒪᑐᓯᒪᓚᐅᖅᑐᖅ, ᐱᖕᖑᐊᕐᕕᕋᓛᖅ ᐃᓗᐊ ᓴᓇᔭᐅᒋᐊᓚᐅᖅᑐᖅ ᐊᑭᖃᖅᑐᒥᑦ $111,000-ᓂᑦ. ᓴᓇᔭᐅᒋᐊᓚᐅᖅᑐᑦ ᓄᑖᒥᑦ ᓇᑎᓕᖅᑕᐅᓗᓂ, ᓴᓇᔭᐅᒋᐊᖅᑐᑎᒃ ᐅᐊᓴᕐᕕᖃᕐᕕᖏᑦ ᐊᓇᕐᕕᖃᕐᕕᖏᑦ,, ᐊᒻᒪ ᓂᖅᑎᐅᕐᕕᖓ ᐃᓗᓕᒫᖓ ᐊᓯᔾᔨᖅᑕᐅᓗᓂ ᕿᐳᖅᑳᓗᐊᕈᓐᓇᖏᑦᑐᓂᑦ ᓴᕕᕋᔭᓄᑦ ᓴᓇᓯᒪᓪᓗᑎᒃ ᓱᓇᒃᑯᑖᖏᑦ, ᓈᒻᒪᑦᑎᑕᐅᓇᓱᐊᖅᑐᑎᒃ ᐊᔾᔨᒌᖏᑦᑐᓄᑦ ᐊᑐᖅᑕᐅᔾᔪᑎᒋᕙᓐᓂᐊᖅᑕᖏᓐᓂᑦ ᐃᓱᒪᓪᓗᑎᒃ.
ᐃᓗᐊ ᓴᓇᔭᐅᒋᐊᕐᓯᒪᔫᑉ ᐱᓕᕆᕝᕕᐅᑉ ᐊᑲᐅᓂᕐᓴᐅᓗᓂ ᐊᑐᖅᑕᐅᔪᓐᓇᓛᓕᖅᑐᖅ ᐃᓂᖃᑦᓯᐊᓕᕐᒪᑦ ᖃᓄᐃᓕᐅᕈᑎᓄᑦ, ᓲᕐᓗ ᐃᓕᓐᓂᐊᕇᕋᐃᑉᐸᑕ ᐱᓕᕆᐊᑦᓴᓄᑦ ᐊᒻᒪ ᑕᕐᕆᔭᕐᕕᐅᖃᑦᑕᕐᓗᓂ. ᐃᓪᓗᑦᑕᖓ ᐊᑐᖅᑐᐊᕋᑦᓴᐅᓛᕐᒥᔪᖅ - ᐱᔾᔪᓯᒍᑦ ᐱᖕᖑᐊᖅᑐᓕᕆᓂᕐᒧᑦ ᐊᑭᓕᐅᑎᐅᕙᑦᑐᓂᑦ ᐊᑐᓛᕐᒥᔪᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒋᑦ ᐱᔨᑦᓯᕋᐅᑎᓕᕆᔩᑦ 979-5611-ᒧᑦ ᐅᖄᓚᕕᒋᓗᒋᑦ, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ recreation@city.iqaluit.nu.ca.