ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᒃ ᒪᑐᔭᐅᔪᖅ: ᒥᕝᕕᒃ ᐊᑐᕆᐊᖓ ᖁᐊᑕᖅᑐᓕᖅᑕᐅᓂᖓ ᐱᓕᕆᐊᖅ 3
ᐋᒡᒌᓯ 02, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᐃᑦ ᖃᐅᔨᒃᑲᐃᔪᒪᔪᑦ ᓄᓇᓕᒻᒥᐅᑕᓂᑦ ᐊᑐᖅᑕᐅᓂᐊᖅᑐᒥ ᒥᕝᕕᒃ ᐊᑐᕆᐊᖅ ᒪᑐᓯᒪᓂᖓᓄ ᐱᒋᐊᕐᓗᓂ ᔪᓚᐃ 10, 2024, ᑎᑭᓪᓗᒍ ᐋᒡᒌᓯ 10, 2024. ᑖᓐᓇ ᒪᑐᓯᒪᓂᖓ ᑕᐃᒪᐃᒋᐊᖃᖅᑐᖅ ᓂᕆᐅᒋᔭᐅᓯᒪᑦᑎᐊᖅᑐᓄᑦ ᖁᐊᑕᖅᑐᓕᖅᑕᐅᑲᓐᓂᕐᓂᖓᓄᑦ ᒥᕝᕕᒃ ᐊᑐᕆᐊᖅ, ᐱᑕᖃᕆᐊᖃᖅᑐᑦ ᐱᖁᑎᕐᔪᐊᒧ ᐱᓕᕆᐊᖅ ᑮᓇᐅᔭᖃᖅᑎᑕᐅᔪᖅ ᓄᓇᓕᒻᒧ ᐊᑭᑐᔪᓄᑦ ᑮᓇᐅᔭᖃᖅᑎᑕᐅᓂᕐᒧᑦ.
ᒥᕝᕕᒃ ᐊᑐᕆᐊᖅ ᖁᐊᑕᖅᑐᓕᖅᑕᐅᓂᖓ ᐱᓕᕆᐊᖅ ᐱᖃᓯᐅᔾᔨᔪᖅ ᐊᑕᖏᖅᑐᒍ ᐲᔭᖅᑕᐅᓂᖓ ᐊᒻᒪ ᐊᓯᔾᔨᖅᑕᐅᓂᖓ ᒫᓐᓇᐅᔪᒥᑦ ᖁᐊᑕᖅᑐᖓ ᐊᒻᒪ ᐊᑐᕆᐊᒧᑦ ᑐᓐᖓᕕᖏᑦ ᐊᖏᓂᖃᐸᓗᑦᑐᒥᑦ 5400 ᑭᑉᐹᕆᑦᑐᑦ ᒦᑕᐃᑦ. ᑖᓐᓇ ᐃᖅᑲᓇᐃᔮᖑᔪᖅ ᐱᖃᓯᐅᔾᔨᔪᖅ ᖃᓗᕋᓂᒥᑦ, ᐃᒋᑕᐅᓂᖏᓐᓄᑦ ᓱᓇᒃᑯᑖᑐᖃᐃᑦ, ᓱᓇᒃᑯᑖᖃᖅᑎᑕᐅᓂᖓ ᐊᒻᒪ ᐋᖅᑭᑦᑕᐅᓂᖏᑦ ᓄᑖᑦ ᐅᔭᕋᓛᑦ ᐊᑖᓄ ᐊᒻᒪ ᐊᑎᒃᑲᓐᓂᐊᓄ ᓱᓇᒃᑯᑖᑦ, ᐊᒻᒪ ᐊᑐᖅᐅᓂᖓ ᓄᑖᖅ ᐆᓇᖅᑐᑦ ᑲᑎᓐᖓᔪᑦ ᖁᐊᑕᖅᑐᑦ ᒪᕐᕉᓐᓂ ᖁᓕᕇᓪᓗᑎ. ᑖᓐᓇ ᐱᓕᕆᐊᖅ ᐃᓚᒋᔭᖓ ᑲᔪᖏᖅᓯᒪᔭᑎᓄᑦ ᐱᐅᓯᑎᒋᐊᖅᑕᐅᓂᖏᓐᓄᑦ ᐱᖁᑎᕐᔪᐊᑦ ᐃᓗᐊᓂ ᐃᖃᓗᓐᓂ, ᓇᓗᓇᐃᖅᓯᓗᑎ ᐊᑦᑕᓇᖏᓂᖅᓴᒥᑦ ᐊᒻᒪ ᑐᓐᖓᕕᒋᔭᔅᓴᐅᓂᖅᓴᐅᔪᓂᑦ ᐊᑐᕆᐊᓂᑦ ᐅᕙᒍᑦ ᓄᓇᓕᒻᒥᐅᑕᖏᓐᓄᑦ.
ᐱᓕᕆᐊᖑᓕᕐᓂᖓ 3:
- ᐱᒋᐊᕐᕕᖓ ᐅᓪᓗᖓ: ᐋᒡᒌᓯ 4, 2024
- ᐱᔭᕇᕐᕕᔅᓴᖓ ᐅᓪᓗᖓ: ᐋᒡᒌᓯ 10, 2024
ᒪᑐᓯᒪᑎᓪᓗᒍ, ᐅᐸᒐᔅᓴᐅᓂᖏᑦ ᐱᖁᑎᐅᔪᑦ ᒥᕝᕕᒃ ᐊᑐᕆᐊᖓᒍᑦ ᑭᓪᓕᖃᖅᑎᑕᐅᔪᓐᓇᖅᑐᑦ, ᐊᒻᒪ ᓄᓇᓕᒻᒥᐅᑕᐃᑦ ᓂᕆᐅᓐᓂᖃᕆᐊᓖᑦ ᑭᖑᕙᖃᑦᑕᖅᑐᓂᑦ. ᐅᖃᐅᔾᔨᒋᐊᖅᑐᒍᒍᑦ ᓄᓇᓕᒻᒥᐅᑕᓂᑦ ᐸᕐᓇᓯᒪᓗᑎ ᐃᖏᕋᓂᕐᒧᑦ ᐊᖅᑯᑎᖏᓐᓂ ᒪᓕᓐᓂᖃᕐᓗᑎ ᐊᒻᒪ ᖁᕕᐊᒋᔭᕗᑦ ᑐᑭᓯᓂᖏᓐᓄᑦ ᐊᒻᒪ ᐱᓕᕆᖃᑎᖃᑦᑎᐊᕐᓂᖏᓐᓄᑦ ᐱᓕᕆᐊᖃᖅᑎᓪᓗᑎ ᑖᒃᑯᓂᖓ ᐱᑕᖃᕆᐊᖃᖅᑐᓂᑦ ᐱᐅᓯᑎᒋᐊᕈᑎᓂᑦ.
###
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | g.byrne@iqaluit.ca
