ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓯᑦᑎᑉᐱᕆ 2, 2015 (ᐃᖃᓗᐃᑦ, ᓄᓇᕗᑦ)
ᓄᓇᓕᒻᒥ ᐊᑐᓕᖅᑎᑦᓯᓇᓱᐊᕐᑏᑦ ᒪᓕᒐᕋᓛᓂᒃ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓯᐅᕐᑎᓕᒫᓂᒃ ᐃᓕᓐᓂᐊᕐᓂᖅ ᐅᑎᕐᒥᒻᒪᑦ.
ᓄᓇᓯᐅᕐᐸᑦᑐᐃᑦ ᐅᔾᔨᕈᓱᔾᔪᒥᖁᔭᐅᕗᑦ ᓱᕈᓯᓂᒃ ᐃᓕᓐᓂᐊᕐᕖᑦ ᖃᓂᒋᔭᖏᓐᓃᑐᓂᒃ.
ᓄᓇᓯᐅᕐᐸᑦᑐᐃᑦ ᐅᔾᔨᕈᓱᑉᐸᓪᓗᑎᒃ ᐃᖏᕐᕋᔭᕋᖅᑎᓪᓗᒋᑦ ᓄᓇᓕᐅᑉ ᐃᓗᐊᓂ ᒪᓕᓗᒋᑦ ᐊᑐᕐᑕᐅᔭᕆᐊᓖᑦ ᐊᑐᕆᐊᒥ, ᓄᖅᑲᕐᑕᕐᕕᓂ ᓄᖅᑲᐸᓪᓗᑎ, ᓱᑲᓐᓂᕆᔭᐃᑦ, ᖃᐅᔨᓴᕐᐸᓪᓗᒋᑦ ᐱᓱᑦᑐᑦ ᐊᑐᕆᐊᒃᑯᑦ ᐃᑳᕐᕕᓂᒃ.
ᑲᒪᔩᑦ ᐊᑐᓕᕐᑎᑦᓯᓇᓱᐊᕐᓂᕐᒧᑦ ᖃᐅᔨᓴᖃᑦᑕᓚᖓᒻᒪᑕ ᐃᓕᓐᓂᐊᕐᕖᑦ ᓴᓂᐊᓂ ᐊᒻᒪᓗ ᐃᓄᒋᐊᕝᕕᐅᕙᑦᑐᓂᒃ ᒪᓕᒐᕐᓂᒃ ᓱᕋᐃᔪᖃᙱᒃᑲᓗᐊᕐᒪᖔᖅ.
ᑲᒪᔨ ᐅᖄᓚᕕᑦᓴᐅᔪᖅ ᐃᑲᔪᕈᓐᓇᕐᓗᓂ ᓇᓕᐊᓂᑐᓐᓇᖅ ᑐᐊᕕᕐᓇᖏᑦᑐᖅ ᐊᑐᕆᐊᓕᕆᓂᕐᒧᑦ ᐱᔾᔪᑎᓕᓐᓂᒃ ᓴᖅᑭᑦᑐᖃᕈᓂ ᐅᖄᓚᓗᑎ 979-6363 ᐅᐃᒍᖓ 224
ᓄᓇᓕᒻᒥ ᐊᑐᓕᖅᑎᑦᓯᓇᓱᐊᕐᑏᑦ ᒪᓕᒐᕋᓛᓂᒃ ᐱᓕᕆᕕᖓᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᐃᖃᓗᒻᒥᐅᑕᓕᒫᓂᒃ ᓇᓕᐊᑐᐃᓇᖅ ᑲᒪᔨ ᐅᖄᓚᕕᒋᔭᑦᓴᐅᒻᒪᑦ ᑕᐃᑯᑎᒎᓇ ᓄᓇᓕᐸᐅᔭᒃᑯᑦ ᐃᖃᓗᓐᓂ ᑭᐅᔨᖏᑦᑕ ᐃᓪᓗᖁᑎᐊᓄᑦ ᐅᕙᓂ 979-5650 ᐃᑲᔪᕐᑕᐅᒍᒪᒍᕕᑦ ᖃᓄᑐᐃᓐᓇᖅ ᐊᑐᕆᐊᓕᕆᓂᐅᑉ ᒥᑦᓵᓄᑦ, ᑖᒃᓰᑦ, ᐆᒪᔪᓕᕆᓂᕐᒧᓪᓘᓐᓃᑦ ᐅᕝᕙᓘᓐᓃᑦ ᐊᓯᐊᓄᑦ ᒪᓕᒐᕋᓛᓄᑦ ᐱᔾᔪᑎᓕᓐᓂᒃ.
ᑭᐊᕕᓐ ᔅᓗᐴᑕ
ᐊᖏᔪᕐᑳᖅ ᓄᓇᓕᒻᒥ ᐊᑦᑐᓕᕐᑎᑦᓯᓇᓱᐊᕐᑎᓄᑦ ᑲᒪᔨ
ᐃᖃᓗᐃᑦ ᓄᓇᓕᒻᒥ ᐊᑦᑐᓕᕐᑎᑦᓯᓇᓱᐊᕐᑎᓄᑦ
ᐅᖄᓚᐅᑦ: (867) 979-6363 ᐅᐃᒍᖓ: 222
