ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ- ᐋᓱᕉ ᐃᒡᓗᕐᔪᐊᖅ - 8-ᓂᑦ, ᓇᑎᓕᒃ 6-ᓂᑦ ᓇᑎᓕᒃ ᐊᒻᒪᓗ ᑲᔪᖅ ᐃᒡᓗᕐᔪᐊᖅ ᐋᒐᓯ 23, 2023 – ᐃᖃᓗᐃᑦ, ᓄᓇᕗᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ-

ᐋᓱᕉ ᐃᒡᓗᕐᔪᐊᖅ - 8-ᓂᑦ, ᓇᑎᓕᒃ 6-ᓂᑦ ᓇᑎᓕᒃ ᐊᒻᒪᓗ ᑲᔪᖅ ᐃᒡᓗᕐᔪᐊᖅ

ᐋᒐᓯ 23, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᑎᓴᒻᒥᖅᐋᒐᓯ 24, 2023 1pm-5pmᒧᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ:

ᐋᓱᕉ ᐃᒡᓗᕐᔪᐊᖅ - 8-ᓂᑦ, ᓇᑎᓕᒃ 6-ᓂᑦ ᓇᑎᓕᒃ ᐊᒻᒪᓗ ᑲᔪᖅ ᐃᒡᓗᕐᔪᐊᖅ

ᐃᒥᖅ ᐳᓪᓚᖃᕈᓐᓃᓂᖅᐸᑦ, ᐊᖏᔪᖅᑳᖓᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᓄᓇᕘᒧᑦ ᓴᖅᑮᕙᑦᑐᑦ ᐅᔾᔨᕈᓱᒋᐊᖁᔨᔾᔪᑎᒥᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᖅᐸᑦᑐᑎᒃ. ᑕᒪᓐᓇ ᐃᒥᒃᑯᑦ ᓄᖅᑲᑎᑦᓯᒍᑎᐅᔪᖅ ᐊᑦᑐᐊᓯᒪᒍᓂ ᐃᕝᕕᑦ ᓇᔪᒐᖓᓐᓂᑦ, ᐅᔾᔨᕈᓱᒋᐊᕈᑎᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᕗᑎᑦ.

ᐊᖏᔪᖅᑳᖓᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᑐᓴᖅᑎᑦᓯᒍᓂ ᓄᓇᓕᐸᐅᔭᐃᑦ ᐃᖃᓗᓐᓂ ᑎᒥᖁᑎᖏᓐᓂᑦ ᐅᖃᐅᔾᔪᐃᔾᔪᑎᐅᓯᒪᔪᖅ ᐊᑐᕈᓐᓃᕐᒪᑦ, ᓄᓇᓕᕐᒥᐅᑕᐃᑦ ᑐᓴᖅᑎᐸᑦᑕᕗᑦ.

ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓯᒪᑎᓪᓗᒋᑦ, ᓄᓇᓕᐸᐅᔭᒃᑯᑦ ᐃᒥᕐᒥᒃ ᐃᒥᖅᑕᐅᓂᐊᖅᑐᓂᑦ ᐅᕝᕙᓘᓐᓃᑦ ᓂᕆᔭᐅᓂᐊᖅᑐᓄᑦ ᐃᓚᓕᐅᔾᔭᐅᕙᓐᓂᐊᖅᑐᓂᑦ ᐅᐊ ᒪᓇᐅᒐᓗᐊᒥᑦ ᑎᖅᑎᑎᑦᑎᖃᑦᑕᖁᔭᐅᔪᑦ ᐊᑯᓂᐅᓂᕐᓴᓘᓐᓃᑦ.

ᐃᒥᓕᒫᑦ ᐊᑐᖅᑕᐅᓂᐊᖅᑐᑦ ᐅᑯᓅᓇ ᑎᖅᑎᑎᑕᐅᓯᒪᒋᐊᓖᑦ:

• ᐃᒥᖅᑕᐅᓂᐊᖅᑐᑦ;

• ᐱᐊᕋᕐᓄᑦ ᐊᒫᒪᓕᐅᕈᑎᐅᓂᐊᖅᑐᑦ;

• ᐃᒥᒐᑦᓴᓕᐅᕈᑎᐅᓂᐊᖅᑐᑦ ᐊᒻᒪ ᓂᓚᕋᓛᓕᐅᕈᑎᐅᓂᐊᖅᑐᑦ;

• ᐱᕈᖅᑐᒥᓂᕐᓂᒃ ᐊᔾᔨᒌᖏᑦᑐᓂᑦ ᐃᕐᕈᖅᑑᑎᐅᓂᐊᖅᑐᑦ;

• ᓂᖅᑎᐅᕈᑎᐅᓂᐊᖅᑐᑦ; ᐅᕝᕙᓘᓐᓃᑦ

• ᑭᒍᓯᑎᐅᕈᑎᐅᓂᐊᖅᑐᑦ.

ᐃᒥᖅ ᑎᖅᑎᑎᑕᐅᒍᓐᓇᖅᑐᖅ ᐅᒃᑯᓯᒻᒧᑦ ᐅᕝᕙᓘᓐᓃᑦ ᑏᓕᐅᕈᑎᒧᑦ ᐃᒐᒥ ᐅᕝᕙᓘᓐᓃᑦ ᐅᐊᔭᒨᖅᑐᒧᑦ ᑏᓕᐅᕈᑎᒧᑦ ᐃᖕᒥᓂᒃ ᖃᒥᑦᑕᖏᑦᑐᒧᑦ. ᐃᒥᕐᒥᒃ ᑎᖅᑎᑎᑦᑎᒋᐊᑐᖕᖏᑦᑐᖅ ᐊᑐᖅᑕᐅᓂᐊᖅᑎᓪᓗᒍ ᐊᓯᖏᓐᓄᑦ ᑎᑎᕋᖅᑕᐅᓯᒪᔪᓄᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑭᒃᑯᑐᐃᓐᓇᕐᓂᑦ ᑐᓴᖅᑎᑦᑎᓛᕐᒥᔪᑦ ᐅᔾᔨᕈᓱᒋᐊᕈᑎᒥᑦ ᑎᖅᑎᑎᑦᑎᒋᐊᑐᒍᓐᓃᖅᐸᑕ ᐃᒥᕐᒥᒃ.

                                                                                ###

ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:

ᐃᓘᓐᓇᑎᒃ ᐊᐱᖅᑯᑎᐅᔪᑦ ᐱᔾᔪᑎᖃᖅᑐᑦ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᑦ ᐅᕗᖓ ᐊᐱᖅᑯᑎᐅᒋᐊᓖᑦ:

ᑖᓇᕈᐊᐃ ᓴᒧᕐᕕᐅᓪ

ᑐᓴᐅᒪᑎᑦᓯᓂᕐᒥᑦ ᑐᑭᒧᐊᑦᑎᑦᓯᔨ  

ᒐᕙᒪᒃᑐᑦ ᓄᓇᕘᒧᑦ ᐋᓐᓂᐊᓇᖕᖏᑦᑐᓕᕆᓂᖅ

867-975-5712

dsommerville1@gov.nu.ca

ᐅᖃᐅᓯᖃᕈᒪᒍᕕᑦ ᑐᐊᕕᕐᓇᖅᑐᒥᑦ ᐃᒥᓕᕆᔪᒥᑦ (ᓱᓪᓗᓕᒻᒥᑦ ᐊᒻᒪᖅᑐᖃᕐᓂᖅᐸᑦ ᐅᕝᕙᓘᓐᓃᑦ ᐳᓪᓚᖃᖏᓗᐊᖅᐸᑦ) ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓄᓇᓕᐸᐅᔭᒃᑯᑦ ᑭᐅᔨᖏᑦ 867-979-5650