ᑰᕕᑦ-19 ᓄᕙᕐᔪᐊᓇᖅᑐᖅ ᐱᓪᓗᒍ ᑐᓴᕋᑦᓴᑦ

29/12/2021

ᑰᕕᑦ-19 ᓄᕙᕐᔪᐊᓇᖅᑐᖅ ᐱᓪᓗᒍ ᑐᓴᕋᑦᓴᑦ

ᓄᓇᓕᐸᐅᔭᐃᑦ ᐱᔨᑦᓯᕋᐅᑎᖏᑦ

ᐃᓘᓐᓇᑎᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᐊᒻᒪ ᐃᓪᓗᖁᑎᖏᑦ ᒪᑐᓯᒪᔪᑦ ᑭᒃᑯᑐᐃᓐᓇᕐᓄᑦ ᐊᓯᐊᒍᑦ ᓇᓗᓇᐃᕆᒃᑲᓐᓂᓚᐅᖏᓐᓂᖏᓐᓂ.

ᐊᑐᖅᑕᐅᖏᓐᓇᕆᐊᓖᑦ ᓄᓇᓕᓐᓂ ᐱᔨᑦᓯᕋᐅᑏᑦ ᐊᐅᓚᑕᐅᖏᓐᓇᓂᐊᖅᑐᑦ. ᐱᖃᓯᐅᔾᔭᐅᓗᑎᒃ ᐃᒥᕐᒧᑦ ᐊᒻᒪ ᑭᓈᓗᓕᕆᓂᕐᒥᑦ ᐱᔨᑦᓯᕋᐅᑏᑦ, ᓴᓂᕐᓂᒃ ᓄᐊᑦᑎᔩᑦ ᓴᓂᒃᑯᕕᓐᓂᑦ ᐊᑐᕆᐊᑦ ᑭᓪᓕᖏᓐᓃᑦᑐᓂᑦ, ᓄᓇᓕᓐᓂ ᐊᑦᓯᕕᒃ, ᐊᑐᕆᐊᓕᕆᔩᑦ, ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐊᒻᒪ ᖃᑦᑎᕆᔨᒃᑯᑦ ᐊᒻᒪ ᑐᐊᕕᕐᓇᖅᑐᓕᕆᔪᓂᑦ ᐱᔨᑦᓯᕋᖅᑎᐅᔪᑦ.

ᐅᖃᐅᓯᖃᕈᒪᓐᓂᕈᕕᑦ ᑐᐊᕕᕐᓇᖅᑐᓂᑦ ᐃᒥᓕᕆᔪᓂᑦ ᓲᕐᓗ ᓄᓇᓕᐸᐅᔭᒃᑯᑦ ᐃᒥᕐᒧᑦ ᓱᓪᓗᓕᖓᓂᑦ ᐊᒻᒪᖅᑐᖃᕐᓂᖅᐸᑦ ᐅᕝᕙᓘᓐᓃᑦ ᐃᒥᓕᕆᔾᔪᑏᑦ ᐳᓪᓚᖃᕈᓐᓃᖅᐸᑕ, ᕿᒻᒦᕐᓯᓯᒪᔪᑦ, ᐅᕝᕙᓘᓐᓃᑦ ᒪᓕᒐᕋᓛᓕᕆᔪᒥᑦ ᐃᓱᒫᓘᑎᓖᑦ, ᐅᖄᓚᒍᓐᓇᖅᑐᑦ ᐃᓄᖃᐃᓐᓇᖅᑐᒧᑦ ᓄᓇᓕᐸᐅᔭᒃᑯᑦ ᑭᐅᔨᖏᓐᓄᑦ ᐅᕗᖓ 979-5650.

ᐅᖃᐅᓯᖃᕈᒪᔪᑦ ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᐃᓱᒫᓘᑎᒥᓂᒃ, ᐅᖄᓚᖁᔭᐅᔪᑦ ᐃᒥᓕᕆᔪᓄᑦ ᐅᕗᖓ 979-5603.

ᐊᑭᓖᔪᒪᔪᑦ ᐊᑭᓕᑦᓴᒥᓂᒃ

ᓄᓇᓕᐸᐅᔭᒃᑯᑦ ᒫᓐᓇᒃᑯᑦ ᐊᐅᑦᑕᔫᓂᑦ ᐊᑭᓕᑦᓴᒃᑯᑦ ᐊᑭᓕᕐᓱᐃᔾᔪᑎᓂᑦ ᐊᑐᕈᓐᓇᖏᑲᓚᐅᕐᓂᖏᓐᓂᑦ ᐱᔾᔪᑎᖃᖅᑐᑎᒃ ᑭᓇᑐᐃᓐᓇᖅ ᑕᐃᒪᐃᑦᑐᓄᑦ ᐊᑭᓕᑦᓴᐃᔭᖅᐸᑦᑐᖅ ᐱᑎᑦᓯᓯᒪᓗᓂᓗ ᓈᓴᐅᑎᖏᓐᓂᑦ ᓇᓗᓇᐃᔭᐃᑎᖏᓐᓂᓪᓗ ᐊᑭᓕᑦᓴᐃᔭᐅᑎᖏᑕ ᑕᕝᕘᓇ ᐊᑭᓕᑦᓴᐃᔭᕈᓐᓇᖏᑲᐃᓐᓇᖅᑐᑦ. ᐊᓯᐊᒍᑦ ᓇᓗᓇᐃᓚᐅᖏᓐᓂᖏᓐᓂ ᑕᐃᒪᐃᑦᑐᓂᑦ ᐊᑐᖕᖏᑲᐃᓐᓇᓂᐊᖅᑐᑦ ᐊᑭᓕᑦᓴᐃᔭᐃᑎᑦᓯᓗᑎᒃ.

ᓄᓇᓕᐸᐅᔭᐃᑦ ᐃᖃᓗᐃᑦ ᐊᔭᐅᕐᓱᐃᔪᑦ ᐊᑭᓕᑦᓴᐃᔭᖁᔨᓪᓗᑎᒃ ᑖᒃᓰᔭᐃᔭᐅᑎᓂᑦ, ᐃᒥᕐᒧᑦ, ᓄᓇᒥᑦ ᐊᑐᖅᑐᐊᕈᑎᓂᑦ ᐊᒻᒪ ᐊᓯᖏᓐᓂᑦ ᐊᑭᓕᕆᐊᓕᓐᓂᑦ ᖃᕋᑕᐅᔭᒃᑯᑦ, ᖃᕋᑕᐅᔭᒃᑯᑦ ᑮᓇᐅᔭᒃᑯᕕᓕᕆᔾᔪᑎᓂ ᐊᑐᕐᓗᓂᐅᒃ. ᐊᑭᓖᔪᓐᓇᕐᒥᔪᑦ ᓯᒃᑭᒃᑯᑦ, ᑎᑎᖅᑲᓂᐊᕐᕕᒃᑯᑦ ᐊᐅᓪᓚᑎᓪᓗᒋᑦ ᐅᕗᖓ ᑎᑎᖅᑲᖃᐅᑎᖓᑦ 460, ᐃᖃᓗᐃᑦ, ᓄᓇᕗᑦ X0A 0H0.

ᐊᐱᖅᑯᑎᓖᑦ ᐊᑦᑐᐊᔪᓂᑦ ᐊᑭᓕᑦᓴᐃᔭᐅᑎᓂᑦ, ᐅᑯᐊ ᖃᐅᔨᒋᐊᕐᕕᑦᓴᐃᑦ ᑮᓇᐅᔭᓕᕆᔨᐅᖃᑕᐅᔪᑦ:

P.VanStrien@iqaluit.ca ᐱᔨᑦᓯᕋᐅᑎᓄᑦ ᐊᒻᒪ;

T.Oram@iqaluit.ca ᐊᑭᓕᑦᓴᐃᕈᒪᔪᑦ ᐊᒻᒪ ᐊᑭᓕᖅᑕᐅᒋᐊᓕᓐᓄᑦ ᓱᓇᓕᕆᓐᓂᕈᑎᒃ;

C.Chabot@iqaluit.ca ᓄᓇᒥᑦ ᐊᑐᖅᑐᐊᕈᑎᓄᑦ ᐅᕝᕙᓘᓐᓃᑦ ᐱᖁᑎᓄᑦ ᑖᒃᓰᔭᐃᔭᐅᑎᓄᑦ.

ᓄᓇᓕᓐᓂ ᒪᓕᒐᕋᓛᓕᕆᓂᖅ

ᐅᖃᐅᓯᖃᕈᒪᔪᑦ ᓱᕋᐃᔪᓂᑦ ᒫᓐᓇᒃᑯᑦ ᑭᒃᑯᑐᐃᓐᓇᕐᓂᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐊᑐᖁᔭᖏᓐᓂᑦ, ᐅᕝᕙᓘᓐᓃᑦ ᐊᑲᐅᖏᓕᐅᕈᑎᓖᑦ ᐃᓅᖃᑎᒌᓐᓂᒃ ᓄᐊᓯᒪᔪᓂᑦ ᐊᑕᐅᑦᓯᒥ ᐃᓪᓗᒥ, ᑭᒃᑯᑐᐃᓐᓇᐃᑦ ᐅᖄᓚᖁᔭᐅᔪᑦ ᐸᓖᓯᒃᑯᓐᓄᑦ ᐅᕗᖓ 979-1111. ᐸᓖᓯᒃᑯᑦ ᖃᐅᔨᒋᐊᕋᔭᖅᑐᑦ ᐱᓕᕆᐊᖃᕆᐊᓕᓐᓂᑦ ᒪᓕᒐᓕᕆᓂᒃᑯᑦ ᐃᓱᒫᓘᑎᐅᔪᖅ ᐱᓪᓗᒍ.

ᓄᓇᓕᐸᐅᔭᒃᑯᑦ ᐃᑲᔪᕐᓱᐃᔪᑦ ᓄᓇᕘᒥ ᑐᐊᕕᕐᓇᖅᑐᑕᖃᕈᑎᐅᔪᒥᑦ. ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᓴᐃᓕᖓᓂᕐᒥᑦ ᑲᒪᔨᐅᔪᑦ ᐃᑲᔪᕐᓱᐃᓂᐊᖅᑐᑦ ᐋᖏᔪᖅᑳᖓᑕ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᑭᒃᑯᑐᐃᓐᓇᕐᓂᑦ ᐊᑐᖅᑕᐅᖁᔭᖏᓐᓂᑦ ᐊᑐᕐᓗᑎᒃ ᐃᓕᓐᓂᐊᑎᑦᓯᔾᔪᑎᓂᑦ, ᒪᓕᒋᐊᓕᓐᓂᑦ ᑭᒃᑯᑐᐃᓐᓇᕐᓂᑦ ᐋᓐᓂᐊᓇᖕᖏᑦᑐᓕᕆᔪᓂᑦ ᐊᑐᖅᑕᐅᖁᔭᓂᑦ, ᖃᓄᐃᓕᑦᓯᒍᑎᓂᑦ ᓱᕋᐃᔪᓂᑦ, ᐊᒻᒪ ᒪᑐᓯᓂᕐᒥᑦ ᐊᑑᑎᖃᖕᖏᑦᑐᓂᑦ ᐱᔨᑦᓯᕋᖅᑎᓂᑦ.

ᑐᑭᓯᒋᐊᕐᕕᑦᓴᖅ ᐆᒪᔪᒥᑦ ᐊᓯᐊᔨᓯᒪᒍᕕᑦ ᖃᓄᖅ ᐊᐃᔭᐅᔪᓐᓇᕐᒪᖔᖅ, ᐱᖃᓯᐅᔾᔨᒐᔭᖅᑐᒥᑦ ᖃᖓᒃᑯᑦ ᐊᐃᔭᐅᔪᓐᓇᕐᒪᖔᖅ. ᖃᐅᔨᒋᐊᖁᔪᖅ ᐅᕗᖓ municipalenforcement@iqaluit.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᐅᕗᖓ 979-5650.

ᐱᖕᖑᐊᕐᕖᑦ

ᒪᒃᑯᑦᑐᒃᑯᕕᒃ, ᐃᓐᓇᑐᖃᐃᑦ ᖃᒻᒪᖓᑦ, ᓄᓇᓕᓐᓂ ᒥᕐᖑᐃᓯᕐᕖᑦ, ᓄᓇᓕᐸᐅᔭᒃᑯᑦ ᓯᓚᒥ ᐱᖕᖑᐊᕐᕕᖏᑦ, ᐊᒻᒪ ᐊᓐᓂᑭᑦᑐᕐᕖᑦ ᒪᑐᓯᒪᓂᐊᖅᑐᑦ ᐊᓯᐊᒍᑦ ᓇᓗᓇᐃᖅᑕᐅᓚᐅᖏᓐᓂᖓᓂ. ᖃᐅᔨᒋᐊᖁᔪᖅ ᐅᓇ Recreation@iqaluit.ca, ᐅᕝᕙᓘᓐᓃᑦ ᐅᖄᓚᕕᒋᓗᒋᑦ ᐅᑯᐊ 979-5611 ᑐᑭᓯᒋᐊᒃᑲᓐᓄᕈᒪᔪᓄᑦ ᖃᓄᖅ ᐊᑐᖅᑐᐊᕐᓂᐊᖅᑕᒥᓃᑦ ᐊᓯᐊᒍᑦ ᐊᑐᖅᑐᐊᕈᓐᓇᕐᒪᖔᑦᓯᐅᒃ ᐅᕝᕙᓘᓐᓃᑦ ᑐᑭᓯᒋᐊᕈᒪᒍᕕᑦ ᖃᖓᑐᐃᓐᓇᖅ ᐊᓯᐊᒍᑦ ᐊᑐᖅᑐᐊᕈᑎᑎᑦ ᑕᐃᒪᐃᓕᖓᑐᐃᓐᓇᕈᓐᓇᕐᒪᖔᑕ ᐅᕝᕙᓘᓐᓃᑦ ᐅᑎᖅᑎᑦᑎᒍᒪᓐᓂᕈᕕᑦ ᐊᑭᓕᐅᑎᒥᓂᕐᓂᒃ. ᐱᖕᖑᐊᖅᑐᓕᕆᔨᒃᑯᓐᓄᑦ ᐅᖄᓚᐅᑎᒃᑯᑦ ᓂᐱᓕᐅᕐᕕᖏᑦ ᐊᒻᒪ ᐃᕐᖐᓇᖅᑕᐅᑎᒃᑯᑦ ᑎᑎᖅᑲᖃᕐᕕᖏᑦ ᐱᓇᓱᐊᕈᓯᑕᒫᑦ ᖃᐅᔨᓴᖅᑕᐅᕙᑦᑐᑦ.

ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᓯᒪᔪᖅ ᐊᓯᐊᒍᑦ ᓇᓗᓇᐃᖅᑕᐅᓚᐅᖏᓐᓂᖓᓂ.

ᐊᐱᖅᑯᑎᓖᑦ ᐊᕐᕌᒍᓕᒫᒧᑦ ᐊᒻᒪ ᑕᖅᑭᒧᑦ ᐃᓯᕈᑎᓕᕆᔪᓂᑦ, ᐅᖄᓚᕕᑦᓴᑦ ᐱᔨᑦᓯᕋᖅᑏᑦ ᐅᕗᖓ 975-8544 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ aquaticcentre@iqaluit.ca. ᐳᐃᔾᔪᕋᕐᕕᖃᕐᕕᒻᒥ ᐱᔨᑦᓯᕋᖅᑏᑦ ᐅᖄᓚᐅᑎᒃᑯᑦ ᓂᐱᓕᐅᕐᕕᖏᑦ ᐊᒻᒪ ᐃᕐᖐᓇᖅᑕᐅᑎᒃᑯᑦ ᑎᑎᖅᑲᖃᕐᕕᖏᑦ ᐱᓇᓱᐊᕈᓯᑕᒫᑦ ᖃᐅᔨᓴᖅᑕᐅᕙᑦᑐᑦ.

ᑭᒃᑯᑐᐃᓐᓇᕐᓂᑦ ᐋᓐᓂᐊᓇᖕᖏᑦᑐᓕᕆᔨᓂᑦ ᐱᓕᕆᔾᔪᑏᑦ ᐃᖃᓗᓐᓂ ᑏᓰᐱᕆ 24-ᒥ, 2021:

https://www.gov.nu.ca/health/information/nunavuts-path

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐊᓕᒃᓯ ᑳᒧᕋᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ 
a.cameron@iqaluit.ca
867-979-5650

Notice: