ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑐᓴᕋᑦᓴᑦ
ᑲᓇᑕᒥ ᓇᒧᑐᐃᓐᓇᖅ ᑭᓇᑐᐃᓐᓇᑦᓯᐊᖅ ᐃᓯᕈᓐᓇᕆᐊᖃᕐᓂᖏᓐᓂᑦ ᐅᔾᔨᕈᓱᒋᐊᖅᑎᑦᓯᓂᕐᒥᑦ ᐱᓇᓱᐊᕈᓯᖅ, ᒪᐃ 25-ᒥᑦ 31-ᒧᑦ, 2015 ᐃᖃᓗᓐᓂ, ᓄᓇᕗᑦ
ᒪᐃ 26, 2015 (ᐃᖃᓗᐃᑦ, ᓄᓇᕗᑦ) ᓄᓇᕗᒻᒥ ᑎᒥᒃᑯᑦ ᐊᔪᕈᑎᓕᕆᓂᕐᒥᑦ ᒪᑭᓐᓇᓱᐊᖅᑎᑦ ᑲᑐᔾᔨᖃᑎᒌᖓᑦ ᖃᓄᐃᓕᐅᖅᑎᑦᓯᓂᐅᓴᒻᒪᑕ ᐃᖃᓗᓐᓂ ᐱᓇᓱᐊᕈᓯᐅᓂᐊᖅᑐᒥ ᑲᓇᑕᒥ ᓇᒧᑐᐃᓐᓇᑦᓯᐊᖅ ᑭᓇᑐᐃᓐᓇᑦᓯᐊᖅ ᐃᓯᕈᓐᓇᕆᐊᖃᕐᓂᖏᓐᓂᑦ ᐅᔾᔨᕈᓱᒋᐊᖅᑎᑦᓯᓂᕐᒥᑦ ᓇᓪᓕᐅᓂᕐᓯᐅᕈᑎᖃᕐᓗᑎᒃ.
“ᑭᒡᒐᑐᕐᓗᒋᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐃᑲᔪᕐᓱᐃᔾᔪᑎᕗᑦ ᓇᓗᓇᐃᕈᒪᕙᕋ ᑲᓇᑕᒥ ᐅᔾᔨᕈᓱᒋᐊᖅᑎᑦᓯᓂᕐᒥᑦ ᐱᓇᓱᐊᕈᓯᐅᓂᐊᖅᑐᒥᑦ ᐊᒻᒪᓗ ᐃᖃᓗᒻᒥᐅᑕᐃᑦ ᖃᓄᐃᓕᐅᖅᑐᓄᑦ ᐃᓚᒋᔭᐅᖃᑦᑕᖁᓂᐊᖅᑐᒋᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᐃᓚᒋᔭᐅᔾᔪᑎᖃᓛᖅᑐᑦ ᖃᐅᔨᓴᖅᑎᑦᓯᓗᑎᒃ ᐃᖃᓗᓐᓂ ᐃᓪᓗᒥᑦ ᐃᓯᕋᑦᓴᐅᑦᓯᐊᕋᓗᐊᕐᒪᖔᖅ, ᐊᒻᒪᓗᑦᑕᐅᖅ ᐱᓕᕆᐊᖃᖅᑐᒻᒪᕆᐅᓚᐅᕐᓂᖓᓄᑦ ᐃᕿᐊᓱᑉᐸᖏᑦᓯᐊᖅᑐᓂ ᑲᑎᒪᔨᓄᑦ ᐃᓚᒋᔭᐅᔫᑉ ᓄᐊ ᐸᐸᑦᓯᐅᑉ, ᖃᓄᐃᓕᐅᕈᑎᓂᑦ ᓯᕗᓕᖅᑎᐅᖃᑕᐅᖃᑦᑕᓛᕐᒥᔪᒥ”, ᐅᖃᖅᑐᖅ ᒪᐃᔭ ᒥᐊᓕ ᐅᕕᐅᓪᒪᓐ.
ᔫᒥ ᐃᓕᓐᓂᐊᕐᕕᒻᒥ ᖃᓄᐃᓕᐅᖅᑕᐅᔪᓄᑦ ᐃᓚᒋᔭᐅᓗᑎᒃ ᐅᔾᔨᕈᓱᒋᐊᑦᑎᑦᓯᓂᕐᒨᖓᔪᓂᑦ ᐊᑐᖅᑕᐅᕙᑦᑐᓂᑦ ᑎᒥᒃᑯᑦ ᐊᔪᕈᑎᓕᓐᓄᑦ ᐃᓕᓐᓂᐊᕐᕕᒻᒥ, ᓄᓇᕗᒻᒥ ᑎᒥᒃᑯᑦ ᐊᔪᕈᑎᓕᕆᓂᕐᒥᑦ ᒪᑭᓐᓇᓱᐊᖅᑎᑦ ᐊᕐᕌᒍᑕᒫᕐᓯᐅᑎᒥᓂᒃ ᑲᑎᒪᐅᑎᖃᓛᖅᑐᑦ ᒪᐃ 25-ᒥ ᐊᒻᒪᓗ ᑕᕐᕆᔭᖅᑎᑕᐅᓛᖅᑐᑦ (My Way to Olympia) ᐅᓐᓄᓴᒃᑯᑦ 4:30-ᐸᑦ ᒪᐃ 30-ᒥ ᐃᓪᓗᐊᓗᒻᒥ ᑕᕐᕆᔭᕐᕕᒻᒥ. ᑎᒥᒃᑯᑦ ᐊᔪᕈᑎᓕᒃ ᐱᖕᖑᐊᖅᑎᒻᒪᕆᒃ ᒫᕐᓂ ᐲᑕᔅ ᐅᐸᑦᓯᒪᓛᖅᑐᖅ ᐊᒻᒪᓗᑦᑕᐅᖅ ᖃᓄᐃᓕᐅᖅᑐᓃᑉᐸᓪᓗᓂ ᐱᓇᓱᐊᕈᓯᕐᒥ.
“ᑐᕌᒐᕆᔭᐅᓛᖅᑐᑦ ᖃᓄᐃᓕᐅᖅᑎᑦᓯᖃᑦᑕᓂᒃᑯᑦ ᐅᔾᔨᕈᓱᒋᐊᖅᑎᑦᓯᖃᑦᑕᕐᓗᑎᒃ ᐊᒻᒪᓗ ᑐᑭᓯᕚᓪᓕᑎᑦᓯᓇᓱᐊᖃᑦᑕᕐᓗᑎᒃ ᐊᑐᖅᑕᐅᖃᑦᑕᕐᓯᒪᔪᓂᑦ ᑎᒥᒃᑯᑦ ᐊᔪᕈᑎᓕᓐᓄᑦ ᐊᒻᒪᓗ ᖃᓄᖅ ᓄᓇᓕᖃᑎᒌᖑᔪᒍᑦ ᐋᖅᑭᑦᓱᐃᖃᑎᒌᒍᓐᓇᓂᑦᑎᓐᓂᑦ ᓇᒧᑐᐃᓐᓇᖅ ᐃᓯᕈᓐᓇᐸᖕᖏᑦᑐᑦ ᐱᓪᓗᒋᑦ ᐊᒻᒪᓗ ᐃᓚᐅᑎᑦᓯᔪᓐᓇᓂᑦᑎᓐᓂᑦ ᑭᒃᑯᑐᐃᓐᓇᑦᓯᐊᓂᑦ ᐃᓕᖅᑯᓯᑖᕆᓇᓱᐊᕈᑎᒋᓗᒋᑦ” ᐅᖃᖅᑐᖅ ᑲᑎᒪᔨ ᐸᐸᑦᓯ.
ᓇᒧᑐᐃᓐᓇᑦᓯᐊᖅ ᑭᓇᑐᐃᓐᓇᑦᓯᐊᖅ ᐃᓯᕈᓐᓇᕆᐊᖃᕐᓂᖏᓐᓂᑦ ᐅᔾᔨᕈᓱᒋᐊᖅᑎᑦᓯᓂᖅ ᐱᓇᓱᐊᕈᓯᖅ ᓴᖅᑭᕆᐊᖓᓚᐅᕐᓯᒪᔪᖅ 1988-ᖑᑎᓪᓗᒍ ᓄᓇᓕᓐᓂ ᐱᐅᓯᑎᑦᓯᒋᐊᕈᑎᐅᓇᓱᑦᑐᓂ ᑎᒥᒃᑯᑦ ᐊᔪᕈᑎᖃᖅᑐᑦ ᓇᒧᑐᐃᓐᓇᖅ ᐃᓯᕈᑎᖏᓐᓂᑦ. ᕙᐃᔅᐳᒃᑯᑦ ᑕᑯᒋᐊᖅᑕᐅᔪᓐᓇᖅᑐᖅ ᒪᑉᐱᒐᖓᑦ ᓄᓇᕗᒻᒥ ᑎᒥᒃᑯᑦ ᐊᔪᕈᑎᓕᕆᓂᕐᒥᑦ ᒪᑭᓐᓇᓱᐊᖅᑎᑦ ᑲᑐᔾᔨᖃᑎᒌᖏᑕ ᑕᑯᒋᐊᕐᕕᒋᕙᓪᓗᒍ ᐱᓇᓱᐊᕈᓯᐅᓕᖅᐸᑦ ᖃᓄᐃᓕᐅᕈᑕᐅᖃᑦᑕᓂᐊᖅᑐᓂᑦ.
ᑐᑭᓯᒋᐊᕐᕕᑦᓴᐅᔪᖅ ᓄᓇᕗᒻᒥ ᑎᒥᒃᑯᑦ ᐊᔪᕈᑎᓕᕆᓂᕐᒥᑦ ᒪᑭᒪᓇᓱᐊᖅᑎᑦ ᑲᑐᔾᔨᖃᑎᒌᖏᓐᓂᑦ ᖃᐅᔨᒋᐊᕐᓗᒍ:
ᐅᐃᓐᑎ ᐊᐃᕆᓚᓐ
ᑐᑭᒧᐊᑦᑎᑦᓯᔨᒻᒪᕆᖓᑦ
ᐅᖄᓚᐅᑎᖓ: (867) 979-2228
www.nuability.ca
ᑐᑭᓯᒋᐊᕈᒪᓐᓂᕈᕕᑦ ᐱᔾᔪᑎᒋᓪᓗᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᒻᒪᓗ ᑎᒥᒃᑯᑦ ᐊᔪᕈᑎᓕᕆᓂᕐᒥᑦ ᐅᖃᐅᔾᔪᐃᒋᐊᖅᑎᑦ ᑲᑎᒪᔨᕋᓛᓂᑦ ᖃᐅᔨᒋᐊᕈᓐᓇᖅᑕᐃᑦ:
ᒪᐃᒐᓐ ᒪᑲᓇ
ᓄᓇᓕᓐᓂ ᖃᓄᐃᖕᖏᑦᓯᐊᖅᑐᓕᕆᓂᕐᒥᑦ ᑐᑭᒧᐊᑦᑎᑦᓯᔨ
ᐅᖄᓚᐅᑎᖓ: (867) 975-8530
m.mckenna@city.iqaluit.nu.ca
