ᓄᑖᖅ ᐅᓪᓗᕐᓯᐅᑎ ᓇᔪᒐᖃᖅᑏᑦ ᓴᓂᖏᑦ ᖃᖓᒃᑯᑦ ᓄᐊᑕᐅᕙᓐᓂᖏᓐᓂᑦ

30/05/2019

ᓄᑖᖅ ᐅᓪᓗᕐᓯᐅᑎ ᓇᔪᒐᖃᖅᑏᑦ ᓴᓂᖏᑦ ᖃᖓᒃᑯᑦ ᓄᐊᑕᐅᕙᓐᓂᖏᓐᓂᑦ
ᖃᐅᔨᓴᖅᑕᐅᑦᓯᐊᓚᐅᖅᑐᑎᒃ ᓴᓂᕐᓂᒃ ᓄᐊᑦᑎᕙᑦᑐᑦ ᐊᖅᑯᑎᖏᓐᓂᒃ, ᓯᑎᒃᑯᑦ ᓄᑖᒥᒃ ᓴᓂᕐᓂᒃ ᓄᐊᑦᑎᕕᐅᕙᓐᓂᐊᖅᑐᓂᒃ ᐅᓪᓗᕐᓯᐅᑎᓕᐅᓕᓚᐅᖅᑐᑦ ᐊᑲᐅᓂᕐᓴᒃᑯᑦ ᐱᔨᑦᓯᕋᐅᑎᖃᕈᒪᓪᓗᑎᒃ ᐃᖃᓗᓐᓂ ᓄᓇᓕᒻᒥᐅᑕᓂᑦ.
ᖃᐅᔨᒪᓂᐊᖅᑯᓯ ᐅᑯᓂᖓ ᖃᖓᒃᑯᑦ ᓴᓂᕐᓂᒃ ᓄᐊᑦᑎᕕᐅᕙᓐᓂᐊᖅᑐᓂᒃ ᐅᓪᓗᕐᓯᐅᑎᒍᑦ, ᑕᑯᒋᐊᖅᑕᐅᔪᓐᓇᕐᒥᔪᑦ ᐃᓚᓕᐅᑎᓯᒪᔪᒥ ᐊᒥᐊᓄᑦ ᓇᓗᓇᐃᖅᑕᐅᓯᒪᓪᓗᑎᒃ ᓄᓇᖕᖑᐊᓂ ᖃᕋᑕᐅᔭᒃᑯᑦ ᓇᕿᒋᐊᓕᓐᓂᑦ ᐱᕕᑐᔪᒥᑦ ᑕᑯᔪᒪᒍᕕᑦ (large area map) ᐅᕝᕙᓘᓐᓃᑦ ᐱᕕᑭᓐᓂᕐᓴᒥᒃ (small area map):
- ᓇᒡᒋᔾᔭᐅᓂ (ᖁᖅᓱᖅᑕᖅ): ᕿᑎᐊᑕ ᓄᓇᓕᐅᑉ ᐊᕙᑎᐊ; ᐊᑦᓯᓂᕐᓴᖓᓃᑦᑐᑦ ᓄᓇᓕᐅᑉ
- ᓇᒡᒋᔾᔭᐅᓕᖅᑭᕐᓂ (ᑐᖑᔪᖅᑕᖅ): ᓂᐊᖁᖕᖒᑏᑦ; ᕿᑎᐊᑕ ᓄᓇᓕᐅᑉ ᐊᕙᑎᐊ; ᑕᓐᑐᕋ ᕚᓕ (ᓂᐊᖁᖕᖒᓯᐊᕆᐊᑉ ᐊᑦᓯᓂᕐᓴᖓ)
- ᐱᖓᑦᓯᖅ (ᐊᐅᐸᔮᖓᔪᖅ): ᕼᐋᐱ ᕚᓕ, ᐃᒥᖅᑕᕐᕕᒥᓂᐅᑉ ᐊᕙᓗᐊᓂᒥᐅᑕᐃᑦ; ᑕᓯᓗᓕᕆᐊᕆᐊᒥᐅᑕᐃᑦ
- ᑎᓴᒻᒥᑦ (ᐃᑦᑎᖕᖑᐊᖅ): ᓂᐊᖁᖕᖒᓯᐊᕆᐊᑉ ᖁᑦᓯᓂᕐᓴᖓᓂᒥᐅᑕᐃᑦ
- ᑕᓪᓕᕐᒥᑦ (ᐆᔭᐅᔭᖅ): ᐱᓱᕐᕋᕐᒥᐅᑕᐃᑦ ᓯᓚᑦᑐᓴᕐᕕᐅᑉ ᐅᖓᑖᓂᒥᐅᑕᐃᑦ
ᖃᐅᔨᒪᒋᐊᓕᒃ ᐅᓪᓗᐃᑦ ᕿᑲᕐᓇᐅᓂᐊᖅᑎᓪᓗᒋᑦ ᓴᓂᕐᓂᒃ ᓄᐊᑦᑎᕕᒻᒥ, ᓴᓂᕐᓂᒃ ᓄᐊᑦᑎᕙᓐᓂᐊᖅᑐᑦ ᐅᓪᓗᖓᓂ ᓯᕗᓪᓕᐅᑉ ᕿᑲᕐᓇᐅᑉ ᐅᕝᕙᓘᓐᓃᑦ ᖃᐅᖓᓂ, ᒪᓕᑦᑕᐅᕙᓪᓗᑎᒃ ᐅᓪᓗᐃᑦ ᖃᖓᒃᑯᑦ ᕿᑲᕐᓇᐅᓂᖏᑦ.
ᓯᑎᒃᑯᑦ ᐃᖅᑲᐃᑎᑦᓯᒍᒪᒻᒥᔪᑦ ᓄᓇᓕᒻᒥᐅᑕᓂᒃ ᓴᓂᒃᑯᕕᓐᓂᒃ ᓯᓚᒦᑦᑐᓂᒃ ᓱᓇᑐᐃᓐᓇᕐᓂᒃ ᓵᖓᓃᑎᑦᓯᑦᑕᐃᓕᒪᕙᓪᓗᓯ ᑕᒫᓂᖅᑭᔪᐃᑦ ᓴᓂᕐᕙᐸᓪᓗᒋᑦ ᐃᒋᑉᐸᓪᓗᓕᒋᓪᓘᓐᓃᑦ. ᐊᒻᒪᑦᑕᐅᖅ, ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᐊᑦᑕᓇᖅᑐᒦᖁᓇᒋᑦ, ᓴᓂᒃᑯᕖᑦ ᓯᓚᒦᑦᑐᑦ ᓱᕋᔾᔭᐃᕐᓯᒪᑎᑕᐅᕙᓪᓗᑎᒃ, ᐊᒻᒪ ᓴᓇᒋᐊᑦᑕᐅᑎᒋᕙᓪᓗᒋᑦ ᓱᕋᐃᒐᐃᑉᐸᑕ.
ᓯᑎᒃᑯᑦ ᖁᔭᓐᓇᒦᖅᑐᑦ ᐃᓕᑦᓯᓐᓂᒃ ᑲᑐᔾᔨᓂᒃᑯᑦ ᐱᓕᕆᖃᑕᐅᓂᕐᓯᓐᓂᒃ ᐊᒻᒪ ᐃᑲᔪᕐᓱᐃᓂᕐᓯᓐᓂᒃ.