ᓄᑖᖅ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐅᓪᓚᓐᓂᖅ ᐊᑐᖅᑕᐅᓛᖅᑐᖅ ᔪᓂ 22

24/05/2019

ᓄᑖᖅ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐅᓪᓚᓐᓂᖅ ᐊᑐᖅᑕᐅᓛᖅᑐᖅ ᔪᓂ 22
ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᓕᕆᕗᑦ ᓯᕗᓪᓕᐹᑦᓯᐅᒥᑦ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐅᓪᓚᓐᓂᖃᓛᕐᓂᖏᓐᓂᒃ - ᐊᔾᔨᐅᖏᑦᑐᖅ ᐃᖃᓗᒻᒥᐅᓕᒫᓄᑦ ᖃᓄᐃᓕᐅᕈᑎᐅᔪᓐᓇᖅᑐᓂ ᐊᑐᖅᑕᐅᓛᖅᑐᖅ ᓈᑦᓯᐅᖑᔭᓛᕐᓂᐊᒥ, ᔪᓂ 22, 2019, ᐱᒋᐊᕐᓗᑎᒃ ᐅᓪᓛᒃᑯᑦ 10-ᒨᖅᐸᑦ 4-ᒧᓄᑦ ᐅᓐᓄᓴᒧᑦ, ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ. ᓯᕋᓯᒪᔪᓂᒃ ᓂᕿᑕᖃᓛᖅᑐᖅ ᐊᒻᒪ ᐱᖕᖑᐊᖅᑎᑕᐅᓗᑎᒃ ᐊᔾᔨᒌᖕᖏᑦᑐᓂᒃ.
ᑐᓂᕐᕈᑎᖃᕐᓗᑎᒃ $25-ᓂᒃ, ᐱᖃᑕᐅᔪᒪᔪᑦ ᐃᓚᖓᓂ ᐅᓪᓚᓐᓂᑭᓴᐅᑎᖃᑕᐅᒐᔭᖅᑐᖅ ᑕᐃᑲᓂ ᐅᓪᓗᕐᒥ - 21 ᑭᓛᒥᑕᓕᒃ, 10 ᑭᓛᒥᑕᓕᒃ, 5 ᑭᓛᒥᑕᓕᒃ, 3 ᑭᓛᒥᑕᓕᒃ ᐊᒻᒪ/ᐅᕝᕙᓘᓐᓃᑦ 1 ᒪᐃᓕᒥᒃ ᐅᖓᓯᓐᓂᓕᒻᒥᒃ ᐅᓪᓚᖃᑕᐅᓗᓂ. ᑮᓇᐅᔭᐃᑦ ᓄᐊᑕᐅᔪᑦ ᑐᓂᕐᕈᑎᐅᓛᖅᑐᑦ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐱᖕᖑᐊᖅᑐᓕᕆᔾᔪᑎᓂᑦ ᑮᓇᐅᔭᓄᑦ, ᑖᒃᑯᐊᓕ ᐃᑲᔪᕐᓱᐃᔾᔪᑎᐅᕙᑦᑐᑦ ᐃᓄᖕᓂᒃ ᓱᕈᑦᓯᓂᒃ ᐊᒻᒪ ᐃᓚᒌᓂᒃ ᐃᑲᔫᓯᐊᖅᐸᑦᑐᓂᒃ ᐃᓄᓕᕆᔨᒃᑯᓐᓂᒃ ᐱᖃᑕᐅᔪᓐᓇᖁᓪᓗᒋᑦ ᐳᐃᔾᔪᕋᕐᕕᖃᕐᕕᒻᒥ ᐱᓕᕆᐊᑦᓴᓂ ᐊᒻᒪ ᖃᓄᐃᓕᐅᕈᑎᓂ. ᐃᑲᔪᕐᓱᐃᔾᔪᑎᐅᔪᓐᓇᖅᑐᑦ ᐳᐃᔾᔪᕋᕐᕕᒻᒧᑦ ᐃᓯᕈᑏᑦ, ᐳᐃᔾᔪᕋᕆᐅᕐᓴᐅᑏᑦ, ᐳᐃᔾᔪᕋᕐᕕᒻᒥ ᓯᕗᓕᖅᑎᐅᓂᕐᒥᑦ ᐃᓕᓐᓂᐊᕈᑎᓄᑦ ᐱᓕᕆᐊᑦᓴᐃᑦ, ᐱᖃᑕᐅᔾᔪᑎᑦᓴᑦ ᐳᐃᔾᔪᕋᖅᑎᓄᑦ ᑲᑐᔾᔨᐊᑎᒌᓄᑦ, ᐊᒻᒪᑦᑕᐅᖅ ᐊᓯᖏᓐᓂ ᖃᓄᐃᓕᐅᕈᑎᓂ.
ᓄᓇᓕᕐᓂᒥᐅᑕᐃᑦ ᐱᖃᑕᐅᔪᒪᒐᔭᖅᑐᑦ ᐊᑎᓕᐅᕐᓯᒪᒋᐊᓖᑦ ᐅᓪᓛᒃᑯᑦ 10-ᒥ ᔪᓂ 22-ᒥ, ᐅᓪᓚᒍᒪᔪᓄᑦ 3 ᑭᓛᒥᑕᓂᒃ, 5 ᑭᓛᒥᑕᓂᒃ ᐊᒻᒪ 10 ᑭᓛᒥᑕᓂᒃ. ᑕᐃᒃᑯᐊ ᐅᓪᓚᒍᒪᓂᐊᖅᑐᑦ 21 ᑭᓛᒥᑕᓂᒃ, ᐊᑎᓕᐅᕐᓯᒪᖁᔭᐅᓂᐊᖅᑐᑦ ᐅᓐᓄᒃᑯᑦ 9-ᒨᖅᐸᑦ ᔪᖤ 21-ᒥ. ᓄᓇᓕᕐᓂᒥᐅᑕᐃᑦ ᐃᓚᒋᔭᐅᖕᖏᑦᑐᑦ ᐅᓪᓚᑦᑐᓄᑦ ᐅᐸᒍᓐᓇᑦᓯᐊᓛᖅᑐᑦ ᓂᕿᓂᒃ ᓯᕋᓯᒪᔪᓂᒃ ᐱᔪᒪᒍᑎᒃ ᐊᒻᒪ ᐊᓯᖏᓐᓂᒃ ᐱᖕᖑᐊᕈᑎᓂ ᐃᓚᒋᔭᐅᔪᒪᓐᓂᕈᑎᒃ ᐱᖕᖑᐊᕐᕕᐊᓗᒻᒥ, ᐊᖏᔫᖕᖏᑦᑐᒥᒃ ᐊᑭᖄᔾᔪᒃᑲᔭᖅᑐᖅ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒋᑦ ᐳᐃᔾᔪᕋᕐᕕᖃᕐᕕᒻᒥ ᐱᔨᑦᓯᕋᐅᑎᓕᕆᔩᑦ ᓵᖓᓄᑦ ᐅᕗᖓ 867.975.8544 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ aquacticcentre@city.iqaluit.nu.ca.