ᓄᓇᓕᐅᑉ ᐃᓗᐊᓂᒃ ᓴᓂᕐᓂᒃ ᓄᐊᑦᑎᓗᑎᒃ ᓴᓗᒻᒪᕐᓴᐃᓛᓕᕐᒥᔪᑦ ᔪᓂ 14

27/05/2019

ᓄᓇᓕᐅᑉ ᐃᓗᐊᓂᒃ ᓴᓂᕐᓂᒃ ᓄᐊᑦᑎᓗᑎᒃ ᓴᓗᒻᒪᕐᓴᐃᓛᓕᕐᒥᔪᑦ ᔪᓂ 14
ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕆᕗᑦ ᐊᕐᕌᒍᑦᑎᓐᓂ ᓄᓇᓕᒻᒥᒃ ᓴᓗᒻᒪᕐᓴᐃᓛᓕᕐᒥᔪᑦ ᑕᓪᓕᒥᕐᒥ, ᔪᓂ 14, 2019, ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ ᖁᓛᓄᓄᑦ 12-ᒧᓄᑦ ᐅᓪᓗᒃᑯᑦ.
ᓄᓇᓕᕐᒥᐅᑕᐃᑦ ᐱᖃᑕᐅᓛᕈᒪᔪᑦ, ᐴᑦᓴᐃᑦ ᓄᐊᑦᓯᕕᑦᓴᐃᑦ ᓴᓂᕐᓂᒃ, ᐊᒡᒑᕐᓂᒃ ᐊᒻᒪᑦᑕᐅᖅ ᐊᓯᖏᓐᓂᒃ ᓱᓇᒃᑯᑖᑦᓴᓂᒃ ᐊᑐᐃᓐᓇᐅᓛᖅᑐᑦ ᐅᓛᖓᓂ ᓴᓗᒻᒪᓴᕐᓂᐅᓛᖅᑑᑉ ᐱᒋᐊᕐᓗᑎᒃ 8:30-ᒥ ᐅᓪᓛᒃᑯᑦ ᓄᓇᒃᑰᔫᕐᓄᑦ ᓄᖅᑲᖓᕕᐊᓂ ᐅᓂᒃᑳᕐᕕᒃ ᐅᖃᓕᒫᒐᖃᕐᕕᐅᑉ. ᓱᓇᒃᑯᑖᑦᓴᐃᑦ ᐊᐃᔭᐅᕙᒌᕈᓐᓇᕐᒥᔪᑦ. ᑐᑭᓯᒋᐊᒃᑲᓐᓂᕐᕕᑦᓴᖅ, ᐅᖄᓚᕕᒋᓗᒋᑦ 979-4636 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ unikkaarvik@gov.nu.ca.
ᐊᑭᓕᕐᓱᖅᑕᐅᖏᓪᓗᑎᒃ ᐃᑲᔪᕈᒪᓛᖅᑐᑦ ᖃᐃᓛᖁᔭᐅᒻᒥᔪᑦ ᓂᕿᓂᒃ ᓯᕋᓯᒪᔪᓂᒃ ᓂᕆᑎᑕᐅᓕᖅᐸᑕ ᐅᓂᒃᑳᕐᕕᐅᑉ ᓴᓂᐊᓄᑦ, ᐱᒋᐊᓛᖅᑐᑎᒃ 11:30 ᐅᓪᓗᒃᑯᑦ, ᓴᓂᕐᓂᒃ ᓄᐊᑦᑎᓚᐅᖅᑎᓪᓗᒋᑦ. ᓄᓇᓕᕐᒥᐅᑕᐃᑦ ᐱᖃᑕᐅᓛᖅᑐᑦ ᓇᓪᓕᐊᓐᓂᑐᐃᓐᓇᖅ ᐱᔾᔪᓯᐊᑦᓴᓂᒃ ᓵᓚᑦᓴᖃᑕᐅᓇᓱᒍᓐᓇᓛᕐᒥᔪᑦ.
ᓯᑎᒃᑯᑦ ᖁᕕᐊᓱᑦᓯᐊᖅᑐᑦ ᐱᓕᕆᖃᑎᖃᕆᐊᑦᓴᖅ ᑲᑐᔾᔨᖃᑎᒥᓂᒃ, ᒐᕙᒪᒃᑯᓐᓂᒃ ᓄᓇᕗᑦᒧᑦ ᐊᒻᒪ ᒐᕙᒪᒃᑯᓐᓂᒃ ᑲᓇᑕᒧᑦ ᑐᑭᒧᐊᑦᑎᑦᓯᓂᒃᑯᑦ ᖃᓄᐃᓕᐅᕈᑎᐅᓛᖅᑐᒥᒃ, ᐊᒻᒪ ᓇᑰᕐᒦᕈᒪᓪᓗᑎᒃ ᐃᓘᓐᓇᑦᓯᐊᖏᓐᓂᒃ ᑲᑐᔾᔨᖃᑎᒌᓂᒃ ᐃᑲᔪᓚᐅᖅᑐᓂᒃ ᐊᑭᓕᕐᓱᐃᔾᔪᑎᒍᑦ ᖃᓄᐃᓕᐅᕈᑎᐅᔪᒥᒃ ᐅᕝᕙᓘᓐᓃᑦ ᑐᓂᓯᓯᒪᔪᑦ ᐱᔾᔪᓯᐊᑦᓴᓂᒃ.
ᓄᓇᓕᓐᓂᑦ ᓴᓗᒻᒪᕐᓴᐃᓂᕐᒥᒃ ᐱᓕᕆᔨᐅᔪᑦ ᓇᑰᕐᒦᕈᒪᑦᓯᐊᕐᒥᔪᑦ ᓄᓇᓕᕐᒥᐅᑕᓂᒃ ᐊᒻᒪ ᑲᑐᔾᔨᖃᑎᒌᖑᔪᓂᒃ ᓯᕗᓂᐊᒍᑦ ᐃᑲᔪᕐᓂᓯᓐᓂᒃ ᐊᒻᒪ ᐃᑲᔫᓯᒋᔭᑦᓯᓐᓂᒃ ᖃᓄᐃᓕᐅᕈᑎᒥᒃ.
ᑐᑭᓯᒋᐊᒃᑲᓐᓂᕐᕕᑦᓴᖅ ᐱᔾᔪᑎᒋᓪᓗᒍ ᐊᕐᕌᒍᑦᑎᓐᓂ ᓄᓇᓕᒻᒥᒃ ᓴᓗᒻᒪᕐᓴᐃᓂᐅᔪᒥᒃ, ᖃᐅᔨᒋᐊᕈᓐᓇᖅᑐᑦ ᐋᓐᑐᕆᐊ ᓯᐱᑦᔪᕐᒥᒃ 979-5607, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒍ ᐅᕗᖓ a.spitzer@city.iqaluit.nu.ca. -30-