ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᒋᐊᕐᕕᖓ: ᓯᑎᐱᕆ 28, 2015
ᐃᓱᓕᕝᕕᖓ: ᐅᑐᐱᕆ 3, 2015
(ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᒃᑯᑦ ᐃᖃᓗᓐᓂ ᐊᒻᒪᓗ ᕉᑐᕆᒃᑯᑦ ᑲᑐᔾᔨᖃᑎᒌᖓᑦ ᐃᖃᓗᓐᓂ ᑐᙵᓴᐃᒍᒪᕗᑦ ᐃᖃᓗᒻᒥᐅᑕᕐᓂᒃ ᓯᕌᖅᓯᒪᔪᓂᒃ ᓂᕆᑎᑦᓯᓛᕐᑎᓪᓗᒋᑦ ᓇᓪᓕᐅᓂᕐᓯᐅᒍᑕᐅᓗᓂ ᒪᑐᐃᕐᑕᐅᑎᓪᓗᒍ ᓄᑖᖅ ᓄᓇᓕᒻᒥ ᒥᙳᐃᕐᓯᕕᒃ ᐃᖃᓗᓐᓂ ᓈᑦᓯᐅᖑᔭᓛᕐᓂᐊᒥ, ᐅᑐᐱᕆ 3 12:00-ᒥ ᐅᓪᓗᕈᒥᓴᕐᓇᒥᒃ 2:00-ᒧᓄᑦ ᐅᓐᓄᓴᒃᑯᑦ. ᒥᙳᐃᕐᓯᕝᕕᒃ ᐃᓂᖃᕐᑐᖅ ᑕᓯᓗᓕᐊᕆᐊᒥᒃ ᐊᑐᕆᐊᒥᒃ, ᐃᑳᕐᕕᐅᑉ ᓯᕗᓂᐊᓃᑦᑐᖅ. ᓴᓇᔭᐅᓚᐅᖅᑐᖅ ᓄᑖᖅ ᒥᙳᐃᓯᕐᕕᒃ ᐱᔪᓇᖅᓯᑎᑕᐅᓚᐅᕐᑐᖅ ᐱᔾᔪᑎᒋᓪᓗᒍ ᐱᓕᕆᖃᑎᒌᓐᓂᒃᑯᑦ ᐅᑯᑎᒎᓇ, ᐃᖃᓗᓐᓂ ᕉᑐᕆᒃᑯᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐃᖃᓗᐃᑦ ᓄᓇᓕᐸᐅᔭᒃᑯᑦ ᐊᒻᒪᓗ ᑐᓂᓯᕕᐅᓪᓗᑎᒃ ᐃᖃᓗᒻᒥᐅᑕᕐᓂᒃ ᐊᒻᒪᓗ ᓇᒻᒥᓂᖃᕐᑎᓂᒃ. ᑕᒪᓐᓇ ᓯᕗᓕᖅᐹᖓ ᓴᓇᔭᐅᓯᒪᓂᖓ ᐱᕙᓪᓕᐊᓂᖅ ᒥᙳᐃᕐᓯᕕᒃ ᐃᓚᖃᕐᓱᓂ ᐃᒐᒋᐊᑐᕐᕖᑦ ᓵᖃᕐᑐᑎᒃ ᐊᒻᒪᓗ ᐃᑦᓯᕙᐅᑕᑯᑖᖅ ᐃᖅᑲᐅᒪᓪᓗᑎᒃ ᑭᒃᑯᑐᐃᓐᓇᕐᓂᒃ ᑕᒫᓃᒍᓐᓃᕐᑐᓂᒃ ᐱᕕᖃᕐᑎᑦᓯᓗᓂ ᓂᐅᕐᕈᓯᒪᔪᓂᒃ ᐃᖃᓗᒻᒥᐅᑕᕐᓂᓪᓗ ᑳᔾᔮᕆᐊᑐᕐᕕᐅᓗᓂ ᑕᑉᐹᓂ, ᐱᕕᑦᓴᖃᕐᑎᑦᓯᓗᓂᓗ ᖃᑕᙳᑎᒌᓂᒃ ᐊᒻᒪᓗ ᐊᒥᓱᓂᒃ ᐃᒐᒋᐊᕐᑐᒍᒪᔪᓂᒃ ᐊᒻᒪᓗ ᑲᑎᕝᕕᐅᖃᑦᑕᕐᓗᓂ ᓴᓚᒥ ᓱᐃᓛᕿᒍᑎᑦᓴᓂᒃ.
ᑐᑭᓯᒋᐊᑲᓐᓂᕕᑦᓴᖅ, ᐅᖄᓚᕕᒋᓗᒍ:
ᐄᕙ ᒪᐃᑯᓪ, ᑐᓴᐅᒪᔭᐅᔭᕆᐊᓕᓐᓂᒃ ᑲᒪᔨ
ᓄᓇᓕᐸᐅᔭᐃᑦ ᐃᖃᓗᐃᑦ,
ᐅᖄᓚᐅᑦ: (867) 975-8525
ᐅᖄᓚᐅᑎᕋᓛ: (867) 222-5728