ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᒋᐊᕐᕕᖓ: ᐋᒍᓯ 17, 2015
ᐱᔭᕇᕐᕕᖓ: ᐊᓯᐊᒍᑦ ᑐᓴᕐᑎᑦᓯᓚᐅᙱᓂᒃᑎᓐᓂ
(ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᑭᓯᑎᑦᓴᑲᓐᓂᕈᒪᕗᑦ ᐃᖃᓗᒻᒥᐅᑕᕐᓂᒃ ᐃᒥᕐᑕᕐᓂᐅᕙᑦᑑᑉ ᒥᑦᓵᓄᑦ:
ᒫᓇᒧ ᑎᑭᑦᑐᒍ ᐃᕐᒥᕐᑕᕐᓂᐅᕙᑦᑐᖅ , ᐊᑐᓂ ᓄᓇᓯᐅᑏᑦ ᖃᐅᔨᓴᕐᐸᒻᒪᑕ ᓴᓂᓪᓕᕇᑐᓂᒃ ᐃᓪᓗᓂᒃ ᐊᒻᒪᓗ ᐃᒥᕐᓱᐃᕙᑦᑐᑎᒃ ᐃᒪᖃᐅᑎᓂᒃ ᑕᑯᔭᐅᒐᐃᒻᒪᑦ ᐃᒪᖃᐅᑎᓄᑦ ᖃᐅᒻᒪᕐᑯᑏᑦ ᖃᒥᖓᑎᓪᓗᒍ. ᑕᒪᓐᓇ ᐋᖅᑭᑦᓴᐅᓯᒪᓂᖓ ᐊᑲᐅᖏᓗᐊᕐᖓᑦ ᐊᒻᒪᓗᑦ ᐊᑭᑐᓪᓕᕈᑕᐅᕙᑦᑐᓂ ᐊᐅᓚᔾᔪᑎᓄᑦ. ᐊᓯᔾᔨᓗᐊᙳᐊᕐᓂᐊᖅᑐᖅ ᐊᑐᕐᑕᐅᓂᕆᕙᑦᑕᖓᓄᑦ ᒫᓇᒧᑦ ᐃᒪᐃᓚᖓᓕᕐᖓᑦ, ᐊᑐᓂ ᐃᓪᓗ ᐃᒥᕐᑕᖅᑕᐅᖃᑦᑕᕐᓂᐊᓕᖅᑐᑦ ᐃᓕᕐᑯᓯᕆᔭᐅᓕᕐᓗᓂ ᐃᒥᕐᑕᖃᑦᑕᕐᓂᕐᒧᑦ ᒪᓕᒐᒃᓴᖅ, ᐱᕕᖃᕐᑎᑦᓯᓂᐊᖅᑐᓂ ᓄᓇᓕᐸᐅᔭᒃᑯᓐᓂᑦ ᐃᒥᕐᑕᐃᖃᑦᑕᖁᓪᓗᒋᑦ ᐊᔾᔨᒌᓂᖅᓴᒥᒃ ᐊᑲᐅᓂᕐᓴᐅᓕᕐᓗᓂ. ᐃᓚᒋᐊᕐᓗᒍ, ᐊᑕᐅᓯᕐᒥᒃ ᐅᓪᓗᒥ ᐃᒥᕐᑕᐃᖃᑦᑕᙱᑲᐃᓐᓇᕐᓂᖅ ᐱᓇᓱᐊᕈᓯᑕᒫᑦ ᐱᕕᖃᕐᑎᑦᓯᓂᐊᖅᑐᖅ ᓄᓇᓕᐸᐅᔭᒃᑯᓂᒃ ᓴᓇᒍᓐᓇᕐᓯᓗᑎᒃ ᐱᑕᖃᕆᐊᖃᓪᓚᕆᑦᑐᒥᒃ ᐊᑕᓇᖅᑕᐃᓕᒪᓂᕐᒧᑦ ᓴᓇᔭᐅᖃᑦᑕᖁᓪᓗᒋᑦ ᓴᓇᒋᐊᖃᒐᐃᒍᑎᒃ ᓄᓇᓯᐅᑏᑦ, ᓯᕕᑭᓐᓂᕐᓴᐅᓕᕐᓗᓂ ᓱᔭᑦᓴᖃᑦᓯᐊᖃᑦᑕᖏᓐᓂᐅᔪᖅ ᒫᓇᒧᑦ ᑎᑭᑦᑐᒍ. ᐃᒥᕐᑕᐃᓂᐅᕙᑐᖅ ᐊᓯᔾᔨᖏᑑᒐᓗᐊᖅ. ᑕᐃᒪ ᓱᓕ ᒫᓐᓇᒧᑦ ᑎᑭᑦᑐᒍ, ᓇᒥᓂᖅ ᐃᓪᓘᓖᑦ ᐱᓕᕆᐊᕆᒻᒪᒍ ᑲᒪᒋᔭᐅᖃᑦᑕᕐᓂᖓ ᓱᓪᓗᓖᑦ ᐃᒥᕐᒧᑦ ᐊᒻᒪᓗ ᐃᒪᖃᐅᑎᖏᑦ. ᑕᒪᓐᓇ ᐊᓯᔾᔩᔮᖏᑦᑐᖅ ᐃᒥᕐᑕᕐᑕᐅᓂᕆᕙᑦᑕᕐᓄᑦ ᐊᖏᓂᖓᓂᒃ.
