ᓄᓇᓕᐸᐅᔭᒃᑯᑦ ᑐᑦᓯᕋᐅᑎᓕᐅᖁᔨᔪᑦ ᓴᓇᒍᒪᒐᔭᖅᑐᓂᑦ ᓴᓇᖕᖑᐊᒐᕐᒥᑦ

19/02/2021

ᓄᓇᓕᐸᐅᔭᒃᑯᑦ ᑐᑦᓯᕋᐅᑎᓕᐅᖁᔨᔪᑦ ᓴᓇᒍᒪᒐᔭᖅᑐᓂᑦ ᓴᓇᖕᖑᐊᒐᕐᒥᑦ​

ᓄᓇᓕᐸᐅᔭᐃᑦ ᐃᖃᓗᐃᑦ ᑐᑦᓯᕋᐅᑎᓕᐊᖑᓯᒪᔪᓂᑦ ᑐᖕᖓᓱᑦᑎᑦᑎᓕᕐᒥᔪᑦ ᖃᓄᖅ ᓴᓇᓯᒪᒐᔭᕐᓂᖓᓂᑦ ᐊᒻᒪ ᐋᖅᑭᑦᑕᐅᓗᓂ ᓴᓇᐅᒐᖅ ᑎᑎᖅᑐᒐᕐᓗᒍ ᐊᑭᓐᓇᕐᒥ ᐃᓗᐊᓂ ᑲᑎᒪᔩᑦ ᑲᑎᒪᕕᖏᓐᓂ ᓄᑖᒥ ᓄᓇᓕᐸᐅᔭᐃᑦ ᐊᓪᓚᕝᕕᑦᑖᕆᓚᐅᖅᑕᖏᓐᓂᑦ ᐃᓪᓗᒥ 1085. ᓄᓇᕗᒻᒥ ᓴᓇᖕᖑᐊᖅᑏᑦ ᑐᖕᖓᓱᑦᑐᑦ ᐊᒥᐊᕆᔨᐅᔪᑦ ᑎᑎᖅᑐᒐᕐᓂᒃ ᑐᑦᓯᕋᐅᑎᓕᐅᖁᓪᓗᒋᑦ.

ᑎᑎᖅᑐᒐᒃᑯᑦ ᑕᑯᑦᓴᐅᔪᒥᑦ ᐅᓂᒃᑳᓕᐅᕐᓯᒪᒍᒪᒐᒥᒃ ᐃᓂᖃᕐᓂᐊᖅᑐᒥᑦ ᐃᓗᐊᓂ ᑲᑎᒪᔩᑦ ᑲᑎᒪᕕᖏᓐᓂ, ᐃᓂᐅᔪᖅ ᑲᑎᒪᔨᓄᑦ ᐃᓚᒋᔭᐅᔪᑦ ᓯᕗᓂᓴᓕᐅᖅᐸᑦᑐᑦ ᐃᖃᓗᐃᑦ ᓯᕗᓂᑦᓴᖓᓂᑦ. ᓲᕐᓗ, ᑐᑦᓯᕋᐅᑎᓕᐊᖑᔪᖅ ᐱᑕᖃᕆᐊᓕᒃ ᓄᓇᓕᐸᐅᔭᐃᑦ ᐃᖃᓗᐃᑦ ᑕᑯᓐᓇᖕᖑᐊᒐᖓᓐᓂᑦ ᐊᒻᒪ ᑐᕌᒐᕆᔭᖏᓐᓂᑦ ᑕᒪᓐᓇ ᑎᑭᑕᐅᖁᓪᓗᒍ ᑕᑯᓐᓇᖅᑕᐅᔪᖅ ᐊᒻᒪ ᓇᓗᓇᐃᔭᐃᓯᒪᒍᓐᓇᓯᐊᕐᓗᑎᒃ ᖃᓄᐃᓕᖓᒐᔭᕐᒪᖔᖅ ᐱᔭᕇᖅᑕᐅᒍᓂ ᓴᓇᔭᐅᔪᑦᓴᖅ.

ᓂᕈᐊᒐᐅᔪᖅ ᑐᑦᓯᕋᐅᑎᓕᐅᕐᓯᒪᔪᖅ ᐱᑎᑕᐅᒐᔭᖅᑐᖅ ᐊᑕᐅᓯᐊᕐᓗᓂ $5,000−ᓂᑦ ᐊᑭᓕᐅᑎᑦᓴᓂᑦ ᐃᓘᓐᓇᖏᓐᓂᑦ ᐊᑭᓕᕆᐊᖃᕋᔭᖅᑐᓂᑦ ᓴᓇᔭᐅᓂᐊᖁᓪᓗᒍ ᐊᖏᓂᓕᒃ 17.50 ᕖᓂᑦ ᐊᒻᒪ 8.0 ᕖᑦᓂᑦ ᐊᑭᓐᓇᕐᒥᑦ. ᓴᓇᖕᖑᐊᖅᑎ ᐃᓱᒪᒋᓯᒪᒐᒥᐅᒃ ᐱᔪᓐᓇᐅᑎᖃᐅᑎᒋᒐᔭᖅᑕᖓ ᐱᖁᑎᒋᓗᓂᐅᒃ ᓴᓇᖕᖑᐊᖅᑕᓂ.

ᓴᓇᖕᖑᐊᕈᒪᔪᑦ ᑐᑦᓯᕋᐅᑎᓕᐅᕈᑎᐅᑉ ᓇᓗᓇᐃᔭᐃᑎᖏᓐᓂᑦ ᐅᕙᖕᖓᑦ ᓇᓂᓯᔪᓐᓇᖅᑐᑦ: https://www.iqaluit.ca/content/call-proposal-art-installation-2021-inukt...

ᑐᑦᓯᕋᐅᑎᓕᐅᕐᕕᑦᓴᖅ ᒪᑐᒐᔭᖅᑐᖅ ᐱᖓᑦᓯᖅ, ᒫᕐᓯ 3, 2021 ᐅᓐᓄᓴᒃᑯᑦ 4:30 ᐃᖃᓗᐃᑦ ᓯᕿᖕᖑᔭᖓ ᒪᓕᑦᑐᒍ.

 

ᑐᑭᓯᒋᐊᒃᑲᓐᓂᕐᕕᑦᓴᖅ, ᖃᐅᔨᒋᐊᖁᔪᖅ ᐅᓇ:
ᔭᕗᕆ ᐴᕐᓐ
ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ
G.Byrne@iqaluit.ca
867-979-5619

Notice: