ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᒃᑯᑦ ᑲᑎᒪᔨᖕᒋᑦ ᐊᖕᒋᖅᐳᑦ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᐊᖕᒋᖃᑎᒌᒍᑎᒥᒃ ᑮᓇᐅᔭᖃᖅᑎᑦᑎᔪᒪᓪᓗᑎᒃ ᓄᓇᓕᖕᓂ ᐃᒡᓗᓕᕆᓂᕐᒧᑦ ᐱᓕᕆᐊᖕᒍᔪᒧᑦ
ᓅᕕᐱᕆ 30, 2021 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᖁᕕᐊᑦᑐᑎᒃ ᑐᓴᖅᑎᑦᑎᔪᒪᔪᑦ ᐃᖃᓗᖕᓂ ᓄᓇᓕᐸᐅᔭᒃᑯᑦ ᑲᑎᒪᔨᖕᒋᑦ ᐊᖕᒋᖃᑎᖃᕐᒪᑕ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᐃᒡᓗᓕᕆᔨᒃᑯᓪᓗ (CMHC) ᓱᒃᑲᔪᒥᒃ ᐃᒡᓗᓕᕆᓂᕐᒧᑦ ᐱᓕᕆᐊᖕᒍᕙᓪᓕᐊᔪᒪᔪᑦ ᐊᒻᒪᓗ ᑲᓇᑕᒥ ᓇᖕᒥᓂᖅᑖᖅᐸᓪᓕᐊᓂᖅ ᐃᒡᓗᓕᕆᔨᕐᔪᐊᒃᑯᓪᓗ ᑮᓇᐅᔭᓕᐅᕈᑕᐅᓇᓱᒃᑐᑦ, ᓄᓇᓕᐸᐅᔭᒃᑯᑦ $10,734,852,65-ᓂᒃ ᑮᓇᐅᔭᖃᖅᑎᑦᑎᓂᐊᕐᓗᑎᒃ ᐱᕙᓪᓕᐊᑎᑦᑎᔾᔪᑎᒃᓴᓂᒃ ᐊᑭᑐᓗᐊᖖᒋᑦᑐᓂᒃ ᐃᒡᓗᓂᒃ, ᑐᕌᒐᖃᕐᓗᑎᒃ ᐊᒃᑐᖅᑕᐅᓴᕋᐃᑦᑐᓂᒃ ᐱᓕᕆᔨᓂᒃ, ᐃᖃᓗᓂ.
ᔫᓂ 30, 2021-ᖕᒍᑎᓪᓗᒍ, ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᑐᓴᖅᑎᑦᑎᓚᐅᖅᑐᑦ ᓄᓇᓕᐸᐅᔭᒃᑯᑦ ᐃᖃᓗᖕᓂ ᐱᖃᑕᐅᔪᖅ ᓱᒃᑲᔪᒥᒃ ᐃᒡᓗᓕᕆᓂᕐᒧᑦ ᐱᓕᕆᐊᖕᒍᕙᓪᓕᐊᔪᓂᑦ ᐃᓚᒋᔭᐅᖃᑕᐅᔪᑦ $5-ᒥᓕᐊᓃᑦᑐᓂ.
ᑕᐃᒪᐃᓐᓂᖕᒐᓄᑦ, ᓄᓇᓕᐸᐅᔭᒃᑯᑦ ᐱᓇᓲᑎᒥᒃ ᑐᓂᓯᓚᐅᖅᑐᑦ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᑮᓇᐅᔭᖃᖅᑎᑦᑎᖃᑕᐅᔪᓂᑦ $5,734,852.65 ᐊᒻᒪᓗ ᐱᓇᓲᑎᖕᒐ ᐊᖕᒋᖅᑕᐅᓪᓗᓂ.
ᓄᓇᓕᐸᐅᔭᒃᑯᑦ ᐋᖅᑭᒃᓯᑲᐅᖅᑐᓚᐅᖅᑐᑦ ᐱᓕᕆᔾᔪᑕᐅᓂᐊᖅᑐᒥᒃ ᐱᕕᖃᕈᑕᐅᓂᐊᖅᑐᒥᒃ ᐱᓕᕆᐊᒥᒃ ᑲᔪᓯᔪᓐᓇᖅᓯᑎᑦᑎᓗᓂ ᑲᑎᑕᐅᓯᒪᔪᑦ ᐱᕕᒃᓴᕆᑎᑕᐅᔪᑦ ᐋᖅᑭᒃᑕᐅᓯᒪᔪᑦ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᓐᓂ ᐱᔨᑦᑎᕋᕈᑕᐅᓗᓂᓗ ᐆᒃᑑᑎᒋᔭᐅᓗᓂ ᑮᓇᐅᔭᓄᑦ ᓯᕗᓂᒃᓴᒥ ᐃᒡᓗᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ.
ᐃᓚᒋᓪᓗᓂᐅᒃ ᐱᓕᕆᔾᔪᑕᐅᓂᐊᖅᑐᒧᑦ, ᓄᓇᓕᐸᐅᔭᒃᑯᑦ ᐋᖅᑭᒃᓯᓪᓗᑎᒃ ᐱᓕᕆᖃᑎᒌᓂᒃ ᓴᓇᓕᕐᓗᑎᒃ ᐱᓕᕆᐊᒃᓴᒥᒃ. ᐅᕝᕙ ᐃᓚᒋᔭᐅᔪᑦ:
- ᐃᖃᓗᖕᓂ ᓄᓇᓕᐸᐅᔭᖅ (ᓄᓇᓕᐸᐅᔭᖅ) - ᐱᓇᓲᑎ ᐊᒻᒪᓗ ᐱᓕᕆᐊᒃᓴᓂᒃ ᓇᖕᒥᓂᖃᖅᑎ
- ᓄᓇᕗᒻᒥ ᐃᒡᓗᓕᕆᔨᒃᑯᑦ (NHC) - ᐱᓇᓱᒃᑐᖅ ᐊᐅᓚᑦᑎᔨᓪᓗ
- ᓄᓇᕗᒻᒥ ᐃᒡᓗᓕᐅᖅᑎᒃᑯᑦ ᑮᓇᐅᔭᓕᐅᕋᓱᐊᖅᑎᑦ (NCC) ᓴᓇᒪᓂᖕᒐᑕ ᑕᐅᑦᑐᒃᓴᖕᒐ
- ᕿᑭᖅᑖᓗᖕᒥ ᓇᖕᒥᓂᖃᕐᓂᕐᒧᑦ ᐱᕙᓪᓕᐊᑎᑦᑎᔩᑦ ᑯᐊᐳᕇᓴᒃᑯᑦ (QBDC) - ᐱᓕᕆᐊᒃᓴᒧᑦ ᐅᖃᐅᔾᔨᒋᐊᖅᑎ
“ᑖᓐᓇ ᐱᕕᖃᖅᑎᑦᑎᕗᖅ ᐊᐅᓚᔾᔭᐃᒋᐊᕈᑎᓂᒃ ᓯᕗᒧᐊᒃᑎᑦᑎᓗᑎᒃ ᑕᑯᓐᓈᖖᒍᐊᖅᑕᖕᒐᓂᒃ ᒪᐃᔭᐅᑉ ᐃᒡᓗᓕᕆᓂᕐᒧᑦ ᐱᓕᕆᔨᖕᒋᓐᓂᒃ. ᐱᓕᕆᖃᑎᒌᑦᑎᐊᖅᑐᓂ, ᓴᖅᑭᑦᑎᐊᖅᑐᖃᕈᓐᓇᖅᑐᖅ. ᑲᑐᔾᔨᖃᑎᒌᖕᓂᒃᑯᑦ ᓇᐅᒃᑯᓕᒫᖅ ᒐᕙᒪᑎᒍᑦ ᓇᖕᒥᓂᖃᖅᑎᐅᔪᓄᓪᓗ ᐋᖅᑭᒍᓐᓇᕐᓂᐊᖅᑕᕗᑦ ᐃᖃᓗᖕᓂ ᐃᒡᓗᑭᒃᓴᕐᓂᖅ.”
-ᒪᐃᔭ ᐱᐅᓪ
ᓄᓇᓕᐸᐅᔭᒃᑯᑦ ᑲᑐᔾᔨᖃᑎᖕᒋᓪᓗ ᓂᕆᐅᒃᐳᑦ ᑖᓐᓇ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᖅ ᐃᓚᓯᓂᐊᕐᓂᖕᒐᓂᒃ 18-ᓂᒃ ᓄᑖᓂᒃ ᐃᒡᓗᓂᒃ ᐃᖃᓗᖕᓂ ᐃᒡᓗᖁᑎᖕᒋᓐᓄᑦ.
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᐊᓕᒃᓯ ᑲᒧᕋᓐ
ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪᓗ ᐱᔨᑦᑎᕋᖅᑎᓄᑦ ᐊᐅᓚᑦᑎᔨ
867-979-5607 | a.cameron@iqaluit.ca
