ᓄᓇᓕᐸᐅᔭᒃᑯᑦ ᓇᒦᓛᕐᒪᖔᑕ ᖃᐅᔨᒪᔭᐅᖏᓪᓗᑎᒃ ᒪᒃᑯᑦᑐᓂᑦ ᕼᐋᓗᐄᖑᓕᖅᐸᑦ ᒧᒥᖅᑎᑦᓯᓛᖅᑐᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᓇᒦᓛᕐᒪᖔᑕ ᖃᐅᔨᒪᔭᐅᖏᓪᓗᑎᒃ ᒪᒃᑯᑦᑐᓂᑦ ᕼᐋᓗᐄᖑᓕᖅᐸᑦ ᒧᒥᖅᑎᑦᓯᓛᖅᑐᑦ
ᐋᑦᑑᐸ 24, 2016 (ᐃᖃᓗᐃᑦ, ᓄᓇᕗᑦ) - ᒪᒃᑯᑦᑐᓕᒫᓄᑦ ᐊᕐᕌᒍᓕᓐᓄᑦ 13-ᓂᑦ 18-ᓄᑦ, ᐊᓕᐊᓱᖏᑦᑐᓄᑦ ᑐᕐᖓᓂᑦ, ᑲᑉᐱᐊᓇᖅᑐᖅ ᓄᓇᓕᐸᐅᔭᐃᑦ ᐃᖃᓗᓐᓂ ᐃᓕᑦᓯᓐᓂᑦ ᖃᐃᓛᖁᔨᔫᒐᓗᐊᑦ ᐊᕐᕌᒍᑕᒫᕐᓯᐅᑎᒧᑦ ᕼᐋᓗᐄᖑᑎᓪᓗᒍ ᒧᒥᖅᑎᑦᓯᕙᑦᑐᓄᑦ:
ᖃᖓ: ᕼᐋᓗᐄᒥ, ᐋᑦᑑᐸ 31, 2016
ᓇᒥ: ᖃᐅᔨᒪᔭᐅᒋᐊᖃᖕᖏᑦᑐᖅ (ᐃᓯᕈᑎᐅᑉ ᐅᖓᑖᓂ ᑎᑎᕋᕐᓯᒪᔪᖅ)
ᖃᖓᒃᑯᑦ: 5:30 ᐅᓐᓄᓴᒃᑯᑦ - ᐹᓯᓛᖅᑐᑦ ᒧᒥᕐᕕᐅᓛᖅᑐᒧᑦ ᓇᒦᑦᑐᒧᒃᑭᐊᖅ
7-ᒥᑦ 10:30-ᒧᑦ ᐅᓐᓄᒃᑯᑦ - ᒧᒥᓛᖅᑐᑦ (ᓱᓇᑐᐃᓐᓇᕐᓄᑦ ᐋᖓᔮᕆᐊᖃᖕᖏᑦᑐᖅ)
ᐊᓐᓄᕌᓪᓗᖏᑦ: ᐊᓐᓄᕌᓪᓗᑦᓯᒪᖁᔭᐅᔫᒐᓗᐊᑦ - ᐱᔾᔪᓯᐊᖅᑎᑕᐅᖃᑦᑕᓛᖅᑐᑦ ᐊᓐᓄᕌᕐᓗᖏᒍᑦ ᓴᓇᓯᒪᑦᓯᐊᓛᑦ ᐊᒻᒪ ᐱᐅᓛᑦ
ᐊᑭᖓ: $5 ᐃᓯᕈᑎᖓ (ᐹᓯᐅᑎᖓ, ᐃᓯᕈᑎᖓ ᒧᒥᕐᕕᒻᒧᑦ/ᓇᓗᓇᐃᒃᑯᑎ ᓇᒦᓛᕐᒪᖔᑕ)
ᐃᓯᕈᑏᑦ, ᓂᐅᕕᐊᑦᓴᐅᓛᖅᑐᑦ ᐃᓕᓐᓂᐊᕐᕕᐊᓗᒻᒥ ᐱᓇᓱᐊᕈᓯᑦᑎᓐᓂ ᐱᒋᐊᕐᓗᑎᒃ, ᑎᑎᕋᕐᓯᒪᓛᖅᑐᑦ ᓇᒧᑦ ᐹᓯᒋᐊᖅᑐᕈᓐᓇᓛᕐᒪᖔᑕ, ᐃᓚᒋᔭᐅᓛᖅᑐᑦ ᓇᑭᑦ ᐊᐃᔭᐅᔪᓐᓇᓛᕐᒪᖔᑕ, ᐊᒻᒪ ᒧᒥᕐᕕᒻᒨᕈᑕᐅᓕᕐᓗᑎᒃ ᐊᒻᒪ ᓄᖅᑳᑉᐸᑕ ᑕᐃᒃᑯᓄᖓᑦᓴᐃᓐᓇᖅ ᐹᓯᕝᕕᒋᖅᑲᐅᔭᖏᓐᓅᕈᔾᔭᐅᓕᕐᓗᑎᒃ.
ᓄᓇᓕᐸᐅᔭᒃᑯᑦ ᐃᓚᒋᔭᐅᖁᔨᑦᓯᐊᖅᑑᒐᓗᐊᑦ ᓄᓇᓕᓐᓂᒥᐅᑕᓂᑦ ᐊᒻᒪ ᓇᒻᒥᓂᖃᖅᑎᐅᔪᓂᓪᓗ ᒪᒃᑯᑦᑐᓂᑦ ᒧᒥᖅᑎᑦᓯᓂᐅᓛᖅᑐᒧᑦ, ᐊᑭᓕᕐᓱᖅᑕᐅᖏᓪᓗᓯ ᐃᑲᔪᕐᓂᒃᑯᑦ, ᐱᔾᔪᓯᐊᑦᓴᒥᑦ ᐱᑎᑦᓯᓗᓯᓘᓐᓃᑦ ᐅᕝᕙᓘᓐᓃᑦ ᑮᓇᐅᔭᒃᑯᑦ ᐃᑲᔪᕐᓗᓯ.
ᑐᓂᓯᔪᒪᔪᑦ ᐱᖕᖑᐊᕐᕕᐊᓗᒻᒨᕈᔾᔨᔪᓐᓇᓂᐊᖅᑐᑦ ᐋᑦᑑᐸ 28-ᖑᒐᓱᓐᓂᖓᓄᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ, 1-ᒥ ᒪᑐᐃᖅᐸᑦᑐᖅ 5:30-ᒧᓄᑦ ᐅᓐᓄᓴᒃᑯᑦ. ᑐᓂᓯᔪᒪᔪᑦ ᐅᖃᕈᓐᓇᕐᒥᔪᑦ ᓇᑭᑦ ᐊᐃᔭᐅᖁᔨᒻᒪᖔᑕ ᑐᓂᕐᕈᑎᖏᓐᓂᑦ.
ᑐᑭᓯᒋᐊᒃᑲᓐᓂᕈᓐᓇᖅᑐᓯ ᖃᐅᔨᒋᐊᕐᓗᒋᑦ ᓄᓇᓕᐸᐅᔭᒃᑯᑦ ᐱᖕᖑᐊᖅᑐᓕᕆᔨᖏᑦ ᐋᓐᓄᓘ ᓄᓇᔾ ᐅᕝᕙᓘᓐᓃᑦ ᓯᑕᕙᓂ ᑲᓛᒃ, 979-5620 ᐅᕝᕙᓘᓐᓃᑦ ᐃᕐᖐᓇᖅᑕᐅᖏᓐᓄᑦ ᐅᑯᓄᖓ ᓇᓪᓕᐊᓐᓄᑐᐃᓐᓇᖅ S.Clark@city.iqaluit.nu.ca ᐅᕝᕙᓘᓐᓃᑦ A.Nunez@city.iqaluit.nu.ca.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca