ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ

ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓄᖅᑲᖓᑎᑕᐅᑲᐃᓐᓇᕐᓂᐅᓴᒻᒪᑕ ᓲᕐᓗ ᐃᒥᖅᑕᖅᑏᑦ, ᑭᓈᓗᓐᓂᑦ ᒥᓪᓗᐊᖅᑏᑦ, ᓴᓂᑦᑕᖅᑏᑦ ᐊᒻᒪ ᐊᐳᑕᐃᔭᐃᔩᑦ ᐊᓯᐊᒍᑦ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ, ᐱᓪᓗᒍ ᓯᓚᕈᔫᓗᐊᕐᓂᖓ. ᓯᑎᒃᑯᑦ ᐱᓕᕆᕝᕕᓕᒫᖏᑦ ᒪᑐᓯᒪᓂᐊᕐᒥᔪᑦ ᐱᔨᑦᓯᕋᖅᑎᐅᔪᑦ ᓄᖅᑲᖓᑎᑕᐅᑎᓪᓗᒋᑦ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.
ᐊᖏᕐᕋᕐᓯᒪᖕᖏᒃᑯᕕᑦ, ᐊᖏᕐᕋᑲᐃᓐᓇᖁᔭᐅᒐᓗᐊᖅᑐᑎᑦ ᓯᓚᕈᔫᓗᐊᕐᓂᖓᓂ ᐊᖏᕐᕋᕐᓯᒪᐃᓐᓇᑲᐃᓐᓇᕐᓗᑎᑦ.
ᓄᓇᓕᓐᓂᒥᐅᑕᐃᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᕙᑦᑐᑦ ᐃᒥᕐᒥᒃ ᐱᐅᕐᓱᐊᖁᔭᐅᔪᑦ ᐊᒻᒪ ᑯᕝᕕᕋᓗᐊᖏᑲᐃᓐᓇᕐᓗᓯᓗ ᐊᓐᓄᕌᓂᑦ ᐅᐊᓴᐃᖏᑲᐃᓐᓇᕐᓗᓯ ᐊᒻᒪ ᓂᕐᕆᑎᓄᑦ ᐅᐊᓴᕐᕕᓐᓂᑦ ᐊᑐᖕᖏᑲᐃᓐᓇᕐᓗᓯᓗ, ᐊᒻᒪᑦᑕᐅᖅ ᑎᒻᒥᑳᖅᑐᒧᑦ ᐅᕕᓂᓐᓂᐊᑲᐃᓐᓇᕐᓗᓯ ᐅᕕᓂᓐᓂᐊᕐᕕᒃ ᐊᖏᔪᖅ ᐊᑐᖕᖏᑲᐃᓐᓇᕐᓗᒍ.
ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖓᑎᑕᐅᑲᐃᓐᓇᖅᑐᑦ ᑐᓴᕋᑦᓴᖅ 1
ᓄᓇᒃᑰᔫᖁᑎᒥᓂᒃ ᕿᒪᐃᑐᐃᓐᓇᕐᓯᒪᔪᑦ ᐊᑐᕆᐊᓂ ᐊᒻᒪ ᓄᓇᒃᑰᔫᖅᑐᑦ ᐊᑐᕆᐊᓂᑦ ᐊᐳᑕᐃᔭᐃᓂᖏᓐᓂ ᐊᑭᓖᑎᑕᐅᔾᔭᖕᖒᖃᑦᑕᓂᐊᖅᑐᑦ ᐊᒻᒪ ᓄᓇᒃᑰᔫᖁᑎᖏᑦ ᓅᑕᐅᕙᓪᓗᑎᒃ ᑎᒍᔭᐅᓗᑎᒃ ᒪᓕᓪᓗᑎᒃ ᓄᓇᓕᓐᓂ ᐊᒻᒪ ᓄᓇᕘᒥ ᒪᓕᒐᕐᓂᑦ, ᐊᒻᒪ ᓄᓇᒃᑰᔫᖁᑎᓕᒃ ᐊᑭᓖᑎᑕᐅᑐᐃᓐᓇᕆᐊᖃᖅᑐᓂ. ᓄᓇᓕᐸᐅᔭᒃᑯᑦ ᐸᓯᔭᑦᓴᐅᔾᔮᖏᑦᑐᑦ ᓄᓇᒃᑰᔫᓂᑦ ᓱᕋᐃᓐᓂᕋᓗᐊᕈᑎᒃ ᐊᑐᕆᐊᓂ ᕿᒪᑦᑕᐅᑐᐃᓐᓇᕐᓯᒪᔪᓂᑦ ᐱᔾᔪᑎᐅᓗᑎᒃ ᐊᐳᑕᐃᔭᐃᔪᑦ ᐅᕝᕙᓘᓐᓃᑦ ᓅᑕᐅᕙᓪᓕᐊᑎᓪᓗᒍ ᓄᓇᒃᑰᔫᖅ.
ᑐᓴᕆᐊᒃᑲᓐᓂᕐᕕᑦᓴᖅ ᓄᓇᓕᓐᓂ ᐱᔨᑦᓯᕋᖅᑏᑦ ᐱᔾᔪᑎᒋᓪᓗᒋᑦ ᐅᖄᓚᓗᓂ ᐱᕐᓯᑎᓪᓗᒍ ᐅᖄᓚᕕᐅᒋᐊᓕᓐᓄᑦ 979-5300.
ᐅᓇ ᐃᓄᓐᓄᑦ ᑐᓴᕋᑦᓴᖅ ᐊᑐᖅᑕᐅᖏᓐᓇᓂᐊᖅᑐᖅ ᐊᓯᐊᒍᑦ ᓇᓗᓇᐃᕐᓯᓚᐅᖏᓐᓂᖏᓐᓂ.