ᓄᓇᓕᖕᓂ ᕿᒻᒥᖅ ᐱᖦᖤᙱᓴᕐᓂᕋᖅᑕᐅᕗᖅ ᐃᖃᓗᖕᓂ

07/01/2022

ᓄᓇᓕᖕᓂ ᕿᒻᒥᖅ ᐱᖦᖤᙱᓴᕐᓂᕋᖅᑕᐅᕗᖅ ᐃᖃᓗᖕᓂ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᓴᖁᔨᕗᑦ ᐃᖃᓗᖕᒥᐅᓂᒃ ᕿᒻᒥᕐᒥᒃ ᐅᐸᒃᑕᐅᔪᖃᓚᐅᕐᓂᖓᓄᑦ ᑎᕆᒐᓂᐊᕐᒥ. ᕿᒻᒥᖅ ᐃᖅᓯᓇᖅᓯᓚᐅᖅᐳᖅ ᑭᖑᓂᐊᒍᓪᓗ ᖃᐅᔨᓴᖅᑕᐅᒐᒥ ᓇᓗᓇᐃᖅᑕᐅᓪᓗᓂ ᐱᖦᖤᙱᓴᖅᑐᒧᑦ ᐊᐃᑦᑐᕐᓗᒃᑕᐅᓂᖓᓂ.

ᕿᒻᒥᖅ ᓇᓗᓇᐃᖅᑕᐅᓚᐅᖅᑐᖅ ᒥᑭᖦᖢᓂ ᖁᔾᔫᓪᓗᓂ ᑕᖅᑭᖃᖅᖢᓂ ᑕᓪᓕᒪᓂᒃ ᐊᕐᕕᓂᓕᖕᓄᑦ ᑎᑭᖦᖢᒍ. ᕿᒻᒥᖅ ᐃᐱᐅᑕᖃᕋᔪᓚᐅᙱᑉᐳᖅ ᐃᐲᙶᖅᐸᒃᖢᓂᓗ ᑕᐅᓇᓂᖅᐸᓯᒃ ᐃᖃᓗᖕᓂ ᓯᒡᔭᖅᐸᓯᖕᒥᓗ. ᑖᔅᓱᒥᖓ ᓇᓗᓇᐃᖅᑕᐅᔪᒥᒃ ᐅᐸᒃᓯᒪᓚᐅᕈᕕᑦ ᑎᓯᐱᕆ 13 ᐊᒻᒪ 28 ᐊᑯᓐᓂᖓᓂ, ᕿᑭᖅᑕᓂ ᐋᓐᓂᐊᕐᕕᓕᐊᖁᔭᐅᕗᑎᑦ ᐅᐸᒃᓯᒪᓚᐅᕐᓂᕐᓂᓪᓗ ᑐᓴᖅᑎᑦᑎᑲᐅᑎᒋᓗᑎᑦ. ᐃᓅᓕᓴᖅᑕᐅᓯᑲᐅᑎᒋᔭᕆᐊᖃᖅᐳᖅ ᑮᔭᐅᓐᓂᕈᓂ, ᐱᖦᖤᙱᓴᖅᑐᒧᑦ ᐊᐃᑦᑐᕐᓗᒃᑕᐅᔪᑦ ᐊᑦᑕᕐᓇᖅᑐᒦᕐᔪᐊᓕᕋᔪᖕᒪᑕ.

ᓄᓇᓕᖕᓃᑦᑐᑦ ᐆᒪᔪᑦ ᓯᓚᒦᒐᔪᒃᖢᑎᒃ ᐃᐱᖅᓯᒪᖃᑦᑕᕆᐊᖃᖅᐳᑦ ᓯᓚᒥ ᖃᐅᔨᓴᖅᑕᐅᕙᒡᓗᑎᒡᓗ ᐃᓕᖅᑯᓯᖓ ᐊᓯᔾᔨᖅᓯᒪᖕᒪᖔᑦ ᐊᒻᒪ ᐱᖦᖤᙱᓴᖅᑰᔨᖕᒪᖔᑦ.

ᐱᖦᖤᙱᓴᖅᑐᑦ ᐃᒪᐃᑦᑐᓐᓇᖅᐳᑦ ᐃᓕᖅᑯᓯᖅᓱᕈᓐᓃᕐᓗᑎᒃ, ᐱᓱᒡᒐᕐᓗᑎᒃ, ᖃᓂᒃᑯᑦ ᖃᐳᐊᒡᓗᑎᒃ, ᐊᓂᖅᓵᖅᑐᒡᒐᕐᓗᑎᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᓗᑎᒃ, ᓂᐊᖅᑭᕆᓗᑎᒃ. ᐆᒪᔪᒥᒃ ᑕᐃᒪᐃᑦᑐᒥᒃ ᑕᑯᒍᕕᑦ ᓱᖁᑎᒋᔭᕆᐊᖃᙱᑉᐳᖅ ᐅᖃᐅᓯᕆᓗᒍᓗ ᐊᕕᒃᑐᖅᓯᒪᔪᓂ ᐊᕙᑎᓕᕆᔨᒃᑯᑦ ᑎᑎᕋᕐᕕᖓᓄᑦ ᐅᕝᕙᓘᓐᓃᑦ ᐆᒪᔪᕐᓂᐊᖅᑎᒧᑦ.

ᑕᑯᒍᕕᑦ ᑎᕆᒐᓐᓂᐊᒥᒃ ᐊᒪᖅᑯᒥᒡᓘᓐᓃᑦ ᓄᓇᓕᖕᓂᑦ, ᕿᒻᒦᓪᓘᓐᓃᑦ ᐊᐳᖅᑕᐅᓯᒪᒃᐸᑦ ᑎᕆᒐᓐᓂᐊᒧᑦ ᐊᒪᖅᑯᒧᓪᓘᓐᓃᑦ, ᐊᕕᒃᑐᖅᓯᒪᔪᓂᑦ ᐊᕙᑎᓕᕆᔨᒃᑯᑦ ᑎᑎᕋᕐᕕᖓᓄᑦ ᐅᖃᓗᒡᓗᑎᑦ ᐅᕗᖓ 867-645-6660 ᐅᕝᕙᓘᓐᓃᑦ ᐆᒪᔪᕐᓂᐊᖅᑎᒧᑦ ᐅᕗᖓ 867-975-7780.

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ 
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ 
867-975-5712 
dsommerville1@gov.nu.ca

 

Notice: