ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᕗᒻᒥ ᐊᔪᕈᑎᓖᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒋᖓᑕ ᑐᑭᓯᑎᑦᑎᒋᐊᖅᑐᑎᒃ ᑲᑎᑦᑎᓂᖓ
ᐃᖃᓗᐃᑦ ᓄᓇᓕᐸᐅᔭᖓ ᐅᖃᐅᓯᖃᕆᐊᒃᕈᒪᒻᒪᑦ ᒫᓐᓇᑦᑎᐊᖑᔪᔪᖅ ᑭᒃᑯᓕᒫᓄᑦ ᑐᓴᖅᑕᐅᑎᑦᑎᓂᐅᔪᔪᒥᑦ ᑐᑭᓯᑎᑦᑎᒋᐊᕐᓗᑕ ᑲᑎᒪᖃᑎᖃᕈᒪᓂᑦᑎᓐᓂᑦ ᐃᓐᓇᑐᖃᕐᓂᑦ ᐅᖃᐅᓯᖃᕐᓗᑕ ᐋᓐᓂᐊᕕᓐᓄᑦ ᐃᑲᔪᖅᑕᐅᓪᓗᑎᒃ ᐃᓅᔪᓐᓃᖅᑎᑕᐅᔪᓐᓇᓂᕐᒥᑦ. ᑐᑭᓯᓯᒪᒐᑦᑕ ᑖᓐᓇ ᑐᓴᖅᑕᐅᑎᑦᑎᔾᔪᑎᕗᑦ ᐊᒃᓱᑲᓪᓛᓗᒃ ᐃᑉᐱᓐᓂᐊᓕᖅᑎᑦᑎᓯᒪᒻᒪᑦ ᓄᓇᓕᑦᑎᓐᓂ, ᑕᐃᒫᓪᓗ ᑐᑭᓯᓇᖅᓯᑎᑦᑎᒍᒪᒐᑦᑕ ᓱᒐᓱᐊᕐᒪᖔᑦᑕ ᐊᒻᒪᓗ ᐅᖃᐅᔾᔨᔪᒪᓪᓗᑕ ᐊᖏᖅᓯᒪᓂᖃᑦᑎᐊᕋᑦᑕ ᖃᓄᐃᓐᖏᑦᑎᐊᖁᓪᓗᒋᑦ ᐃᖃᓗᒻᒥᐅᖑᖃᑎᕗᑦ.
ᑐᕌᒐᓪᓗᐊᑕᕆᓚᐅᖅᑕᕗᑦ ᑲᑐᑎᔭᐅᔪᒥᑦ ᑐᑭᓯᑎᑦᑎᒋᐊᖅᑐᑕ ᑲᑎᒪᑎᑦᑎᒍᒪᓪᓗᑕ ᑕᒪᓐᓇᐅᓚᐅᕐᒪᑦ ᑐᓴᕈᒪᓪᓗᑕ ᖃᓄᖅ ᐃᓱᒪᖃᖅᕕᐅᒻᒪᖔᖅ ᐃᓐᓇᑐᖃᖁᑎᑦᑎᓐᓂᑦ, ᐊᒻᒪᓗ ᐃᖅᑲᓗᒻᒥᐅᖑᔪᓂᑦ. ᑐᑭᓯᔪᒍᑦ ᑕᒪᓐᓇ ᐋᓐᓂᐊᕕᓐᓄ ᐃᑲᔪᖅᑕᐅᓪᓗᓂ ᐃᓅᔪᓐᓃᖅᑎᑕᐅᔪᓐᓇᕐᓂᖅ ᐊᒃᓱᒻᒪᕆᐊᓗᒃ ᐃᓗᒃᑯᑦ ᐋᓐᓂᕈᑎᐅᔪᓐᓇᕐᒪᑦ ᐊᒻᒪᓗ ᑕᒪᓐᓇ ᐃᓱᒪᒋᒋᐊᖓ ᐃᓗᒃᑯᑦ ᐃᒻᒥᒃᑯᑦ ᐅᖁᒪᐃᑦᑐᐊᓘᒻᒪᑦ. ᐅᒡᒍᐊᓪᓚᕆᑦᑐᒍᑦ ᐅᖃᑲᒻᒪᓐᓂᕈᑦᑕ ᐅᕝᕙᓘᓐᓃᑦ ᐊᒃᓱᕈᓗᐊᓕᖅᑎᑎᓐᓂᕈᑦᑕ ᑭᒃᑯᓕᒫᓄᑦ ᑐᓴᖅᑕᐅᑎᑦᑎᔾᔪᑎᒋᔪᔭᑦᑎᓐᓄᑦ.
ᓄᓇᓕᐸᐅᔭᒃᑯᑦ ᐅᑉᐱᕆᔭᖃᕐᒪᑕ ᒪᑐᐃᖓᑦᑎᐊᕐᓗᑎᒃ ᓴᖅᑭᔮᑦᑎᐊᕐᓗᑎᓪᓗ ᓄᓇᖅᑲᑎᒥᓂᒃ ᐃᓚᐅᑎᑦᑎᒐᓱᐊᕐᓂᕐᒥᑦ; ᖃᐅᔨᒪᓇᓱᐊᖃᑦᑕᖅᑐᑎᒃ ᐃᖃᓗᒻᒥᐅᑕᐃᑦ ᓂᐱᖏᑦ ᑐᓴᖅᑕᐅᖃᑦᑕᕋᓗᐊᕐᒪᖔᑕ ᑭᓱᑐᐃᓐᓇᐃᑦ ᐱᒻᒪᕆᐅᔪᑦ ᐱᓪᓗᒋᑦ. ᑕᐃᒪᓕ ᐊᒃᓱᐊᓗᒃ ᑕᒪᓐᓇ ᐃᓱᒫᓗᒋᔭᐅᓂᕋᖅᑕᐅᓪᓗᓂ ᐅᖃᐅᓯᐅᖃᑦᑕᓚᐅᕐᒪᑦ ᐃᖃᓗᒻᒥᐅᑕᕐᓄᑦ, ᐋᖅᑭᒃᓯᓯᒪᓕᖅᑐᒍᑦ ᐊᓯᔾᔩᔪᒪᓪᓗᑕ ᖃᓄᖅ ᑕᒪᓐᓇ ᑐᑭᓯᔭᐅᑎᒐᓱᐊᖅᑐᒍ ᐱᓕᕆᐊᕆᓂᐊᕐᒪᖔᑦᑎᒍ.
ᖁᔭᓕᔪᒍᑦ ᐅᖃᖅᕕᐅᖃᑦᑕᓚᐅᕋᑦᑕ ᐃᓱᒫᓗᓐᓂᕋᖅᑐᓄᓪᓗ ᐅᖃᐅᑎᔭᐅᕙᓚᐅᕋᑦᑕ, ᑕᐃᒫᓪᓗ ᐊᖏᖅᓯᒪᓂᖃᑦᑎᐊᕋᑦᑕ ᖃᐅᔨᒪᓇᓱᐊᖃᑦᑕᖅᑐᑕ ᐱᓕᕆᓂᕆᔭᕗᑦ ᐃᑲᔫᑎᒋᔪᒪᓪᓗᑎᒍ ᐃᖃᓗᒻᒥᐅᖑᔪᓂᑦ.
ᓇᑯᕐᒦᒃ ᑐᑭᓯᔪᓐᓇᕋᔅᓯ.
##
ᑐᑭᓯᒋᐊᒃᑲᓐᓂᕈᒪᒍᒃᓯ, ᐅᓇ ᖃᐅᔨᒃᑲᕈᓐᓇᖅᑕᓯ: ᑭᐊᓐ ᑐᕆᔅᑯ, ᑐᓴᐅᒪᖃᑎᒌᑦᑐᓕᕆᔨ ᐊᒻᒪᓗ ᐱᔨᑦᑎᕋᕐᓂᕐᒧᑦ ᐊᐅᓚᑦᑎᔨ 867-979-5607 k.driscoll@iqaluit.ca
