ᓄᕙᕐᔪᐊᕐᓇᖅ−19 ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᖏᑦ

17/11/2020

ᓄᕙᕐᔪᐊᕐᓇᖅ−19 ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᕋᑦᓴᖏᑦ

 

ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐱᓕᕆᖃᑎᖃᖅᑐᑦ ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᓇᖕᖏᑦᑐᓕᕆᔨᒃᑯᖏᓐᓂᑦ ᖃᐅᔨᓴᖅᐸᓪᓕᐊᓂᒃᑯᑦ ᐊᒻᒪ ᐱᓕᕆᐊᖃᕐᓂᒃᑯᑦ ᒪᓕᑦᑐᑎᒃ ᐱᓕᕆᐊᖃᕆᐊᖃᕐᓂᖏᑦ ᖃᓄᖅ ᓄᕙᕐᔪᐊᕐᓇᖅ−19 ᐱᓪᓗᒍ ᐊᑐᖅᑕᐅᔪᖅ.

ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑦ

ᐊᑦᑕᓇᔾᔭᐃᕐᓯᒪᒍᒪᓪᓗᒋᑦ ᐊᒻᒪ ᖃᓄᐃᖁᓇᒋᑦ ᓄᓇᓕᕐᒥᐅᑕᐃᑦ ᐊᒻᒪ ᐃᖅᑲᓇᐃᔭᖅᑏᑦ, ᐃᓐᓇᐃᑦ ᖃᒻᒪᖓᑦ ᐊᒻᒪ ᒪᒃᑯᑦᑐᒃᑯᕕᒃ ᒪᑐᔭᐅᓂᐊᖅᑑᒃ ᓅᕖᐱᕆ 17, 2020 ᐊᓯᐊᒍᑦ ᓇᓗᓇᐃᖅᑕᐅᖏᓐᓂᖏᓐᓂ.

ᐃᑲᔪᖅᐸᑦᑐᑦ ᐊᑭᓕᕐᓱᖅᑕᐅᒐᑎᒃ ᖁᔭᓈᖅᑕᐅᑲᐃᓐᓇᖅᑐᑦ ᒫᓐᓇᐅᓂᖓ ᐊᓯᐊᒍᑦ ᓇᓗᓇᐃᖅᑕᐅᓚᐅᖏᓐᓂᖏᓐᓂ.

ᐱᖕᖑᐊᕐᕕᐊᓗᒃ ᐊᒻᒪ ᑰᓕᕐᕕᒃ ᒪᑐᔭᐅᓛᖅᑑᒃ ᐱᖓᑦᓯᕐᒥ, ᓅᕖᐱᕆ 18, 2020.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒋᑦ ᐅᑯᐊ, recreation@iqaluit.ca ᐅᖄᓚᐅᑎᒃᑯᓪᓘᓐᓃᑦ ᐅᕗᖓ 867-979-5611.

ᐳᐃᔾᔪᕋᕐᕕᖃᕐᕕᒃ

ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᐃᓂᓕᐅᕐᕕᑦᓴᐅᔪᓐᓃᑲᐃᓐᓇᖅᑐᖅ ᐅᕝᕙᓘᓐᓃᑦ ᐅᐸᑦᑕᐅᒍᓐᓇᐃᓕᓪᓗᓂ ᐃᖃᐃᓕᓴᕐᕕᒃ ᐊᒻᒪ ᐳᐃᔾᔪᕋᕐᕕᒃ ᐊᒻᒪ ᒪᑐᓯᒪᓂᐊᓕᖅᑐᑦ ᑭᒃᑯᑐᐃᓐᓇᕐᓄᑦ ᐱᒋᐊᕐᓗᑎᒃ ᐱᖓᑦᓯᕐᒥ, ᓅᕖᐱᕆ 18, 2020.

ᐊᐱᖅᑯᑎᖃᕈᕕᑦ ᐊᕐᕌᒍᓕᒫᒧᑦ ᐊᒻᒪ ᑕᖅᑭᓕᒫᒧᑦ ᐃᓯᕈᑎᓂᑦ, ᐅᖄᓚᖁᔪᖅ ᐅᕗᖓ 867-975 8544 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᓗᑎᑦ ᐅᕗᖓ aquaticcentre@iqaluit.ca.

ᓯᑎᒃᑯᑦ ᐱᔨᑦᓯᕋᐅᑎᖏᑦ

ᐃᓘᓐᓇᑎᒃ ᓯᑎᒃᑯᑦ ᐱᓕᕆᕝᕕᖏᑦ ᐊᒻᒪ ᐃᖅᑲᓇᐃᔭᕐᕕᖏᑦ ᒪᑐᓯᒪᓛᖅᑐᑦ ᑭᒃᑯᑐᐃᓐᓇᕐᓄᑦ ᐱᒋᐊᕐᓗᑎᒃ ᐱᖓᑦᓯᕐᒥ, ᓅᕖᐱᕆ 18, 2020. ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᑲᐃᓐᓇᖅᑎᑕᐅᓛᖅᑐᑦ ᐊᖏᕐᕋᒥᓐᓂ.

ᓄᓇᓕᕐᒥᐅᑕᐃᑦ ᐊᒻᒪ ᓇᖕᒥᓂᖃᖅᑎᐅᔪᑦ ᐱᓕᕆᑐᐃᓐᓇᖁᔭᐅᔪᑦ ᐊᒻᒪ ᐊᑭᓖᒍᓐᓇᖅᑐᑎᒃ ᖃᕋᑕᐅᔭᒃᑯᑦ ᐅᕝᕙᓘᓐᓃᑦ ᐅᖄᓚᐅᑎᒃᑯᑦ. ᐃᑲᔪᖅᑕᐅᒍᒪᒍᕕᑦ ᐊᑭᓕᕐᓱᐃᓂᒃᑯᑦ, ᖃᐅᔨᒋᐊᖁᔪᑦ ᓯᑎᒃᑯᑦ ᑮᓇᐅᔭᓕᕆᔨᖏᑦ ᐅᕗᖓ accountsreceivable@Iqaluit.ca, 979−5609 ᐅᕝᕙᓘᓐᓃᑦ ᐅᕗᖓ P.VanStrien@iqaluit.ca, 979-5665 ᐱᔨᑦᓯᕋᐅᑎᓕᕆᓂᐊᕈᕕᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᓱᓕ ᐊᑐᐃᓐᓇᖃᖅᑎᑦᑎᔪᑦ ᐊᑐᖅᑐᒻᒪᕆᐅᔪᓂᑦ ᐱᔨᑦᓯᕋᐅᑎᓂᑦ ᐱᖃᓯᐅᔾᔭᐅᓗᑎᒃ ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᐱᔨᑦᓯᕋᖅᑏᑦ, ᓴᓂᓕᕆᔩᑦ ᐊᒻᒪ ᑐᐊᕕᕐᓇᖅᑐᓕᕆᔨᒃᑯᑦ (ᖃᑦᑎᕆᔨᒃᑯᑦ, ᑐᐊᕕᕐᓇᖅᑐᓕᕆᔨᒃᑯᑦ ᓄᓇᒃᑰᔫᒧᑦ, ᑭᐅᔩᑦ).

ᑐᑭᓯᒋᐊᒃᑲᓐᓂᕐᕕᑦᓴᖅ ᐱᑦᑕᐃᓕᒪᔾᔪᑎᓕᕆᓂᕐᒥᑦ, ᐅᕗᖓᖁᔪᖅ:

https://www.gov.nu.ca/health/information/covid-19-novel-coronavirus

 

Notice: