ᔪᓂ 8,2015 - ᐸᕐᓇᐅᑕᐅᔪᖅ ᐃᒪᖃᖕᖏᑲᐃᓐᓇᑎᑦᓯᓂᕐᒥᑦ

ᐃᓄᓐᓄᑦ ᑐᓴᕋᑦᓴᖅ

(ᐃᖃᓗᐃᑦ, ᓄᓇᕗᑦ)  ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᕐᒧᑦ/ᑭᓈᓗᓐᓄᑦ ᓱᓪᓗᓕᓕᕆᔨᖏᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᓐᓂᒥᐅᑕᓂᑦ ᐸᕐᓇᒻᒪᑕ ᐃᒪᖃᖕᖏᑲᐃᓐᓇᑎᑦᓯᓂᐊᕐᓂᕐᒥᑦ ᓇᒡᒋᔾᔭᐅᒥ, ᔪᓂ 8, 2015 ᐱᒋᐊᕐᓗᑎᒃ 9-ᒨᖅᑲᑦ ᐅᓪᓛᒃᑯᑦ.

ᐃᒪᖃᖕᖏᑲᐃᓐᓇᑎᑦᓯᒋᐊᖃᕐᒪᑕ ᓴᓇᔭᐅᔭᕆᐊᖃᕐᓂᖓᓄᑦ ᖃᑦᑎᕆᔨᓄᑦ ᐃᒪᖃᕐᕕᐅᓲᑦ ᐊᒻᒪᓗ ᑭᖑᕝᕕᖅᑕᐅᓗᓂ ᐃᒥᕐᒧᑦ ᓱᓪᓗᓕᐅᑉ ᑯᕝᕕᓯᔾᔪᑎᖓ; ᐱᔭᕇᔾᔭᖒᖅᑐᑦ ᐅᓐᓄᒃᑯᑦ 6-ᓯᒥᒐᓚᒃ ᓇᒡᒋᔾᔭᐅᒥ, ᔪᓂ 8, 2015.

ᐃᒪᖃᖕᖏᑲᐃᓐᓇᓂᐊᖅᑐᑦ ᓂᐱᓴ ᐊᑐᕆᐊᕐᒥᐅᑕᐃᑦ, ᐃᓪᓗᓖᑦ ᓈᓴᐅᑎᓕᓐᓂᑦ 100-ᓂᑦ, 200-ᓂᑦ ᐊᒻᒪᓗ 300-ᓂᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᒪᒥᐊᑦᑑᒐᓗᐊᑦ ᐊᑲᐅᖏᓕᐅᕈᑎᐅᓛᖅᑐᓄᑦ ᐊᒻᒪᓗ ᓯᕗᓂᐊᒍᑦ ᖁᔭᓐᓇᒦᖅᑐᑎᒃ ᐃᖃᓗᓐᓂᒥᐅᑕᓂᑦ ᐅᑕᖅᑭᑦᓯᐊᓛᕐᒥᒻᒪᑕ.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒋᑦ ᐃᖅᑲᓇᐃᔭᖅᑎᑦ 222-3263 ᐅᕝᕙᓘᓐᓃᑦ 222-3433.