ᖃᑦᑕᐅᔭᓂᒃ ᐅᖅᓱᐊᓗᖃᐅᑎᒥᓂᕐᓂᒃ ᓴᓗᕐᒪᑦᓴᐃᓂᕐᒃ ᐊᒻᒪᓗ ᐲᔭᐃᓂᖅ ᓯᓈᓂᒃ

ᐱᕙᓪᓕᐊᔪᑦ ᑐᓴᒐᒃᓴᖅ

ᖃᑦᑕᐅᔭᓂᒃ ᐅᖅᓱᐊᓗᖃᐅᑎᒥᓂᕐᓂᒃ ᓴᓗᕐᒪᑦᓴᐃᓂᕐᒃ ᐊᒻᒪᓗ ᐲᔭᐃᓂᖅ ᓯᓈᓂᒃ

ᐋᒋᓯ 26, 2015 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᓐᓂ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, ᐊᒻᒪᓗ ᓄᓇᕗᑦ ᒐᕙᒪᒃᑯᓂᖓᑕ ᐊᕙᑎᓕᕆᔨᒃᑯᖏᑦ ᐱᓕᕆᖃᑎᒌᒪᑕ ᓴᓗᕐᒪᑦᓴᐃᓂᕐᒥᒃ ᐅᕐᒃᓱᐊᓗᖃᐅᑎᒥᓂᕐᓂᒃ ᖃᑕᐅᔭᓂᒃ ᐃᖃᓗᐃᑦ ᓯᓈᖓᓂᒃ ᐊᑯᓂᖓᓂ ᑲᓇᑕᒥ ᐅᒥᐊᕐᔪᐊᑯᑦ ᐸᖅᓴᐃᔨᑯᑦ ᐃᓪᓗᖁᑎᖓᓐᓂᒃ ᐊᒻᒪᓗ ᐃᓗᕕᖃᕐᕝᕕᒻᒥ ᐱᑐᖃᐅᓂᖅᓴᒥ.

ᓄᓇᓕᒻᒥᐅᑕᐃᑦ ᖃᐅᔨᒪᖁᔭᐅᕗᑦ ᐃᓘᓇᑎ ᐅᕐᒃᓱᐊᓗᖃᐅᑎᒥᓃᑦ ᖃᑦᑕᐅᔭᐃᑦ ᐃᖃᓗᐃᑦ ᓯᓈᖓᓃᑐᑦ ᐱᔭᕐᑕᐅᓛᕐᖓᑦ ᐱᒋᐊᕐᓗᑎᒃ ᑎᓴᒻᒥᕐᒃ, ᓯᑎᐱᕆ 10, 2015. ᐃᖃᓗᓐᓂᒥᐅᑕᐃᑦ ᖃᑕᐅᔭᖃᕈᑎᒃ ᐅᕐᒃᓱᐊᓗᖃᐅᑎᒥᓂᕐᓂᒃ ᓯᓈᓂ, ᓅᑦᓯᖁᔭᐅᔫᒐᓗᐊᑦ ᐊᓯᐊᓄᑦ. ᐊᑐᙱᑐᐃᑦ ᐅᕐᒃᓱᐊᓗᖃᐅᑎᒥᓃᑦ ᖃᑦᑕᐅᔭᐃᑦ ᐅᓗᕆᐊᓇᕐᖓᑕ ᑭᒃᑯᑐᐃᓐᓇᕐᓄᑦ ᐊᒻᒪᓗ ᐊᕙᑎᒧᑦ ᐲᔭᖅᑕᐅᒋᐊᖃᕐᑐᑎᓗ.

ᐊᒥᐊᑯᓂᑯᐃᑦ ᐅᕐᒃᓱᐊᓗᖃᐅᑎᒥᓃᑦ ᖃᑦᑕᐅᔭᐃᑦ ᓯᓈᓂᑉᐸᑕ ᓱᓕ ᐊᑦᓯᕕᒻᒨᕈᔾᔭᐅᓛᖅᑐᑦ, ᑲᒪᒋᔭᐅᓗᑎᒃ, ᐊᒻᒪᓗ ᐅᓯᔭᐅᓗᑎᒃ ᐅᒥᐊᕐᔾᔪᐊᒃᑯᑦ ᖃᓪᓗᓈᑦ ᓄᓇᖓᓐᓄᑦ, ᐃᒋᑕᐅᓗᑎᒃ.

ᑕᒪᓐᓇ ᓴᓗᕐᒪᑦᓴᐃᓂᖅ ᐃᓚᒋᒻᒪᒍ ᓯᕕᑐᓂᕐᓴᒥᒃ ᐱᓕᕆᐊᖑᔪᒥᒃ ᓯᓇ ᓄᓇᒋᔭᕗᑦ ᐊᑦᑕᓇᖅᑕᐃᓕᒪᖁᓪᓗᒍ, ᓴᓗᒪᑎᓪᓗᒍᑦ ᐊᒻᒪᓗ ᖃᓄᐃᙱᑦᓯᐊᕐᑐᒦᖁᓪᓗᑕ. ᐊᑏ ᐃᓱᒪᒋᔭᐅᑦᓯᐊᕐᓕ ᓄᓇᕗᑦ ᓴᓗᒪᑏᓐᓇᕐᓗᒍ..

 

ᑐᒃᓯᒋᐊᒃᑲᓐᓂᕕᑦᓴᖅ, ᐅᖄᓚᕕᒋᓗᒍ:

ᒫᑎᐅ ᕼᐋᒻᑉ, ᐊᖏᔪᕐᑳᖅ ᖃᐅᔨᒪᑎᑕᕐᓄᑦ ᐊᒻᒪᓗ ᓴᓇᔪᓕᕆᔨᓄᑦ ᓄᓇᓕᐸᐅᔭᐃᑦ ᐃᖃᓗᓐᓂ ᐅᕗᖓ (867) 979-5630

ᔪᐊᓪ ᕗᐊᑦᓯᐊᕐ, ᐊᕙᑎᒧᑦ ᖃᐅᔨᓴᕐᑎᓄᑦ ᑲᒪᔨ, ᓄᓇᓕᕆᔨᒃᑯᑦ ᐱᓕᕆᕕᙵᓂ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ, (867) 975-8400

ᐋᓕᒃᔅ ᕝᕗᕆᔅᑯ, ᐊᕙᑎᓕᕆᒃᑯᓐᓄᑦ ᒪᓕᒋᐊᓕᓐᓂᒃ ᐊᐅᓚᑦᓯᔨ, ᐊᕙᑎᓕᕆᔨᒃᑯᑦ ᐱᓕᕆᕕᖓᑦ, ᒐᕙᒪᖓᑦ ᓄᓇᕗᑦ (867) 975-7726