ᖃᓄᐃᓕᐅᕈᑎᑦᓴᑦ ᐃᒥᖃᖏᑎᑕᐅᑎᓪᓗᒍ

30/08/2021

ᖃᓄᐃᓕᐅᕈᑎᑦᓴᑦ ᐃᒥᖃᖏᑎᑕᐅᑎᓪᓗᒍ

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᒍᒪᕗᑦ ᓄᓇᓕᕐᒥᐅᑕᓂᑦ ᐃᒥᖃᖏᑎᑕᐅᓛᕐᓂᖏᓐᓂᑦ ᐃᖃᓗᐃᑦ ᓄᓇᓕᓕᒫᖓ ᐱᖓᑦᓯᕐᒥ, ᓰᑏᐱᕆ 1, 2021 ᐱᒋᐊᕐᓗᑎᒃ ᐅᓪᓛᒃᑯᑦ 8-ᒥ ᐅᓐᓄᓴᒧᑦ 4-ᒨᕋᓱᓐᓂᖓᓂ ᑭᖑᕝᕕᖅᑕᐅᓛᕐᒪᑕ ᐃᒥᕐᒧᑦ ᓱᓪᓗᓕᐅᑉ ᑯᕕᑎᑦᓯᔾᔪᑎᖏᑦ ᐊᑕᔪᑦ ᐃᒥᓕᕆᔾᔪᑎᓂᑦ ᒪᑭᒪᔾᔪᑎᑦᑎᓐᓄᑦ.

ᐃᖃᓗᒻᒥᐅᑕᐃᑦ ᐅᐸᓗᖓᐃᕐᓯᒪᑦᑎᐊᖁᓪᓗᒋᑦ ᐃᒥᖃᖏᑎᑕᐅᑲᐃᓐᓇᕐᓂᐅᓛᖅᑐᒥ ᐅᑯᐊ ᖃᓄᐃᓕᐅᕈᑎᑦᓴᑦ ᐃᓱᒪᑦᓴᕐᓯᐅᕈᑎᐅᒍᓐᓇᖅᑐᑦ ᐊᑐᕈᒪᖕᖏᒃᑯᑎᒃ ᐊᑲᐅᖏᓕᐅᕈᑎᒻᒪᕆᐅᔪᓂᑦ:

  •  ᐊᖏᕐᕋᖃᖅᑎᐅᔪᑦ ᖃᒥᑦᓯᒋᐊᓖᑦ ᐃᒥᕐᒧᑦ ᒥᓪᓗᐊᕈᑎᖏᓐᓂᑦ ᓯᕗᓂᐊᒍᑦ ᐃᒥᖃᖏᑲᐃᓐᓇᕐᓂᐅᑉ ᐊᒻᒪ ᐃᑭᑕᐅᒃᑲᓐᓂᕐᓗᑎᒃ ᐃᒥᖃᓕᖅᐸᑕ.    ᖃᒥᑕᐅᖏᒃᑯᑎᒃ ᓱᕋᑐᐃᓐᓇᕆᐊᓕᑦᓯᐊᑦ ᒥᓪᓗᐊᕈᑎᖏᑦ
  •  ᐃᒥᕐᒥᒃ ᐃᒻᒪᐃᓗᓂ ᖃᑦᑕᓄᑦ ᐅᕝᕙᓘᓐᓃᑦ ᐊᓯᖏᓐᓄᑦ ᓂᕿᓄᑦ ᐊᑦᑕᓇᖕᖏᑦᑐᓄᑦ ᐴᑦᓴᓄᑦ ᐃᒥᖃᐃᓐᓇᕈᒪᓂᐊᕈᑎᒃ ᐅᓪᓗᖓᓂ ᐃᒥᖃᖏᑎᑕᐅᑲᐃᓐᓇᕐᓂᐅᑉ
  •  ᓄᓇᓕᐸᐅᔭᒃᑯᑦ ᐃᓘᓐᓇᖏᓐᓂᑦ ᐃᒥᖅᑕᐅᓂᐊᖅᑐᓂᑦ ᐊᒻᒪ ᑭᒍᑎᓯᐅᕈᑎᐅᓂᐊᖅᑐᓂᑦ ᑎᖅᑎᑎᑕᐅᖃᑦᑕᖁᓪᓗᒋᑦ 1 ᒪᓇᒥᒃ
  •  ᐅᕕᓂᓐᓂᐊᕐᕕᒃ/ᐅᐊᓴᕐᕕᒃ ᐃᒻᒪᓪᓗᒋᑦ ᐅᓐᓄᖓᓂ ᓯᕗᓂᐊᒍᑦ ᐃᒥᖃᖏᑎᑕᐅᑲᐃᓐᓇᕐᓂᐅᑉ ᐅᓪᓗᒃᑯᑦ ᐊᑐᖅᑕᐅᔪᑦᓴᒥᑦ. ᐊᑐᕆᐊᖃᕐᓂᖓ ᐃᒥᐅᑉ ᐊᑐᖅᑕᐅᓗᓂ ᐊᒻᒪ ᑎᖅᑎᑎᖃᑦᑕᕐᓗᒍ ᐃᒥᖅᑕᐅᓂᐊᕈᓂ/ᓂᕆᔾᔪᑎᐅᓂᐊᕈᓂ/ᐅᐊᓴᐅᑎᐅᓂᐊᕈᓂ
  •  ᖁᕝᕕᕕᑦ ᐃᒪᖃᐅᑎᖓ ᑕᑕᒍᓐᓇᖅᑕᐃᑦ ᐃᒥᕐᒥᒃ ᖁᕝᕖᑦ ᑯᕕᑎᒋᐊᖃᓕᖅᐸᑦ ᐃᕐᕈᖅᑐᐃᒍᑎᑦᓴᒥᑦ
  •  ᐊᑐᖅᐸᓪᓗᓯ ᐊᒡᒐᑦᓯᐅᑎᒥᑦ ᐅᕝᕙᓘᓐᓃᑦ ᐊᓯᐊᓂᑦ ᐃᒥᕐᒥᒃ ᐊᑐᕆᐊᑐᖕᖏᓪᓗᓂ ᓴᓗᒻᒪᖅᓴᐃᑎᑦᓴᒥᑦ ᓱᓇᑐᐃᓐᓇᕐᓂᒃ
  •  ᐃᒥᕐᒥᒃ ᐊᑐᓗᐊᖏᑲᐃᓐᓇᕐᓗᓯ ᐊᑐᕆᐊᑐᖕᖏᒃᑯᑦᓯ
  •  ᑕᐃᒃᑯᐊ ᓄᓇᒃᑰᔫᒃᑯᑦ ᐃᒻᒪᑦᑕᐅᕙᑦᑐᑦ ᐱᐅᕐᓱᐊᖁᔭᐅᓛᖅᑐᑦ ᐅᓪᓘᑉ ᓯᕗᓂᐊᓂ ᐃᒪᖃᐃᓐᓇᕈᒪᒍᑎᒃ ᐅᓪᓗᖓᓂ ᐃᒥᖃᖏᑲᐃᓐᓇᖅᑎᑕᐅᓂᐅᑉ

ᓄᓇᓕᕐᒥᐅᑕᐃᑦ ᖁᐊᕐᓵᖁᔭᐅᓛᖏᑦᑐᑦ ᑕᑯᓐᓂᕈᑎᒃ ᖃᑦᑎᕆᔨᓄᑦ ᐃᒪᖃᐅᑎᓂᑦ ᑯᕕᑎᓪᓗᒋᑦ ᐅᐱᓐᓇᕋᓂ ᑭᓯᐊᓂ ᑯᕕᑎᑕᐅᖃᓯᐅᑎᒋᐊᖃᕐᒪᑕ ᓱᓪᓗᓖᑦ ᐃᒪᐃᔭᖅᑕᐅᓕᖅᐸᑕ.

 

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᓂᖓᓂ ᐅᕗᖓ:

ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ 
S.Avery@iqaluit.ca | 867-979-5630

ᑐᐊᕕᕐᓇᖅᑐᒥᑦ ᐃᒥᓕᕆᔪᒥᑦ ᐅᖃᐅᓯᖃᕈᒪᓂᐊᕐᓗᓂ (ᓄᓇᓕᐸᐅᔭᒃᑯᑦ ᐃᒥᕐᒧᑦ ᓱᓪᓗᓕᖓᓐᓂᑦ ᐅᕝᕙᓘᓐᓃᑦ ᐳᓪᓚᖃᕈᓐᓃᖅᐸᑦ) ᐃᖅᑲᓇᐃᔭᕐᓇᐅᒍᓐᓃᑎᓪᓗᒍ ᐅᖄᓚᕕᑦᓴᑦ: ᓄᓇᓕᐸᐅᔭᒃᑯᑦ ᑭᐅᔨᖏᑦ 867-979-5650

Notice: