ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᖃᓄᐃᓕᐅᕈᑎᐅᓂᐊᖅᑐᖅ ᑲᓇᑕᒥ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐅᓪᓗᖓᓂ (ᔫᓐ 21), ᐅᐃᕖᒃᑯᑦ ᓇᓪᓕᐅᓂᖅᓯᐅᕐᓂᖓᓂ (ᔫᓐ 24) ᐊᒻᒪᓗ ᑲᓇᑕᐅᑉ ᐅᓪᓗᖓᓂ (ᔪᓚᐃ 1)

ᖃᓄᐃᓕᐅᕈᑎᐅᓂᐊᖅᑐᖅ ᑲᓇᑕᒥ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐅᓪᓗᖓᓂ (ᔫᓐ 21), ᐅᐃᕖᒃᑯᑦ ᓇᓪᓕᐅᓂᖅᓯᐅᕐᓂᖓᓂ (ᔫᓐ 24)
ᐊᒻᒪᓗ ᑲᓇᑕᐅᑉ ᐅᓪᓗᖓᓂ (ᔪᓚᐃ 1)

ᓄᓇᓕᐸᐅᔭᒃᑯᑦ ᖁᕕᐊᓱᑉᐳᑦ ᑐᓴᖅᑎᑦᑎᔭᕆᐊᔅᓴᖅ ᐅᑯᓂᖓ ᖃᓄᐃᓕᐅᕈᓘᔭᕐᓂᐅᓂᐊᖅᑐᓂᒃ ᐋᖅᑭᓱᖅᑕᐅᓯᒪᔪᓂᒃ ᑕᒫᓂ ᐊᕐᕌᒍᒥ ᑲᓇᑕᒥ ᓄᓇᖃᖅᑳᖅᓯᒪᔪᑦ ᐃᓄᖏᑕ ᐅᓪᓗᖓᓂ (ᔫᓐ 21), ᐅᐃᕖᒃᑯᑦ ᓇᓪᓕᐅᓂᖅᓯᐅᕐᓂᖓᑕ ᐅᓪᓗᖓᓂ (ᔫᓐ 24), ᐊᒻᒪᓗ ᑲᓇᑕᐅᑉ ᐅᓪᓗᖓᓂ (ᔪᓚᐃ 1)
ᑲᓇᑕᐅᑉ ᓄᓇᖃᖅᑳᖅᓯᒪᔪᑦ ᐃᓄᖏᑕ ᐅᓪᓗᖓᓂ
ᖃᖓ ᖃᓄᖅ ᓇᒥ
1-ᒥ ᐅᓐᓄᓴᒃᑯᑦ - 4-ᒧᑦ ᐃᓐᓇᑐᖃᓐᓄᑦ ᐃᓐᓇᑐᖃᐃᑦ ᖃᒻᒪᖓᓐᓂ
ᐃᒃᓄᓯᐅᑎᓂᒃ ᓂᕆᓐᓇᖅ ᐊᒻᒪ ᐱᖕᖑᐊᕐᓇᖅ
11-ᒥ ᐅᓪᓗᒃᑯᑦ - 1-ᒧᑦ ᓄᓇᓖᑦ ᓯᓚᒥ ᐹᐱᑭᐅᓪᓗᑎᒃ/ ᐃᖃᓗᐃᑦ ᐊᓃᖅᕕᖓ ᐸᓖᓯᒃᑯᓐᓂᑦ ᐱᖃᑎᖃᓪᓗᑎᒃ ᓴᓂᐊᓂ ᐃᓐᓇᒃᑯᕕᐅᑉ

Inuktitut

ᐃᖅᑲᐃᑎᑦᑎᒋᐊᕈᑎ: ᓄᓇᒃᑰᔫᓂᒃ ᓱᓕ ᐅᐊᓴᕐᓯᒋᐊᖃᖕᖏᓐᓂᖅ ᐅᖓᕝᕙᒋᐊᖅᑕᖅ

ᐃᖅᑲᐃᑎᑦᑎᒋᐊᕈᑎ: ᓄᓇᒃᑰᔫᓂᒃ ᓱᓕ ᐅᐊᓴᕐᓯᒋᐊᖃᖕᖏᓐᓂᖅ ᐅᖓᕝᕙᒋᐊᖅᑕᖅ
ᓯᑎᒃᑯᑦ ᐃᖅᑲᐃᑎᑦᑎᔪᒪᓕᕐᒥᔪᑦ ᓄᓇᓕᕐᓂᒥᐅᑕᓂᒃ ᐃᒥᕐᒥᒃ ᐅᐊᓴᐅᑎᖃᕆᐊᖃᖕᖏᓐᓂᖅ ᓄᓇᒃᑰᔫᓂᒃ ᓱᓕ ᐊᑐᖅᑕᐅᓂᖓᓂᑦ. ᐊᒻᒪᑦᑕᐅᖅ, ᐅᐊᓴᐅᑎᖃᕆᐊᖃᖕᖏᓐᓂᖅ ᐃᒥᕐᒥᒃ ᐃᓘᓐᓇᖏᓐᓄᑦ ᓄᓇᒃᑰᔫᓂᒃ ᓱᓕ ᐊᑐᖅᑕᐅᔪᖅ, ᐊᒻᒪᑦᑕᐅᖅ ᐅᒥᐊᓂᒃ, ᓇᒻᒥᓂᕆᒐᓗᐊᕈᕕᐅᒃ ᐅᕝᕙᓘᓐᓃᑦ ᑮᓇᐅᔭᓕᐅᕈᑎᒋᒐᓗᐊᕈᕕᐅᒃ.
ᐅᓇ ᓇᓗᓇᐃᔭᐃᑎ ᓴᖅᑭᖅᑕᐅᔪᖅ ᒪᓕᑦᑐᑎᒃ ᑎᑎᕋᕐᓯᒪᔪᓂᒃ 206(3) ᒪᓕᒐᕋᓛᕐᒥ 200.
ᐅᑯᐊ ᐱᓕᕆᔾᔪᑎᐅᒋᐊᖃᕐᒪᑕ, ᐊᒻᒪ ᐃᓚᒋᔭᐅᓗᑎᒃ ᓯᑎᒃᑯᑦ ᐃᒥᕐᒥᒃ ᐊᐅᓚᑦᓯᔾᔪᑎᑦᓴᓂᒃ ᐸᕐᓇᒍᑎᐅᓯᒪᔪᓂᒃ. ᓯᑎᒃᑯᑦ ᐃᖅᑲᐃᑎᑦᑎᔪᒪᒻᒥᔪᑦ ᓄᓇᓕᕐᓂᒥᐅᑕᓂᒃ ᓱᓕ ᐃᒥᒃᑯᑦ ᓯᓚᑦᑑᓯᐊᖁᔭᐅᓗᑎᒃ ᐱᐅᕐᓱᐊᓂᒃᑯᑦ, ᐊᒻᒪ ᐱᐅᕐᓱᐊᐸᓪᓗᑎᒃ ᐃᒥᖁᑎᑦᑎᓐᓂᒃ.

Inuktitut

ᓄᓇᓕᐅᑉ ᐃᓗᐊᓂᒃ ᓴᓂᕐᓂᒃ ᓄᐊᑦᑎᓗᑎᒃ ᓴᓗᒻᒪᕐᓴᐃᓛᓕᕐᒥᔪᑦ ᔪᓂ 14

ᓄᓇᓕᐅᑉ ᐃᓗᐊᓂᒃ ᓴᓂᕐᓂᒃ ᓄᐊᑦᑎᓗᑎᒃ ᓴᓗᒻᒪᕐᓴᐃᓛᓕᕐᒥᔪᑦ ᔪᓂ 14
ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕆᕗᑦ ᐊᕐᕌᒍᑦᑎᓐᓂ ᓄᓇᓕᒻᒥᒃ ᓴᓗᒻᒪᕐᓴᐃᓛᓕᕐᒥᔪᑦ ᑕᓪᓕᒥᕐᒥ, ᔪᓂ 14, 2019, ᐱᒋᐊᕐᓗᑎᒃ 9-ᒥ ᐅᓪᓛᒃᑯᑦ ᖁᓛᓄᓄᑦ 12-ᒧᓄᑦ ᐅᓪᓗᒃᑯᑦ.
ᓄᓇᓕᕐᒥᐅᑕᐃᑦ ᐱᖃᑕᐅᓛᕈᒪᔪᑦ, ᐴᑦᓴᐃᑦ ᓄᐊᑦᓯᕕᑦᓴᐃᑦ ᓴᓂᕐᓂᒃ, ᐊᒡᒑᕐᓂᒃ ᐊᒻᒪᑦᑕᐅᖅ ᐊᓯᖏᓐᓂᒃ ᓱᓇᒃᑯᑖᑦᓴᓂᒃ ᐊᑐᐃᓐᓇᐅᓛᖅᑐᑦ ᐅᓛᖓᓂ ᓴᓗᒻᒪᓴᕐᓂᐅᓛᖅᑑᑉ ᐱᒋᐊᕐᓗᑎᒃ 8:30-ᒥ ᐅᓪᓛᒃᑯᑦ ᓄᓇᒃᑰᔫᕐᓄᑦ ᓄᖅᑲᖓᕕᐊᓂ ᐅᓂᒃᑳᕐᕕᒃ ᐅᖃᓕᒫᒐᖃᕐᕕᐅᑉ. ᓱᓇᒃᑯᑖᑦᓴᐃᑦ ᐊᐃᔭᐅᕙᒌᕈᓐᓇᕐᒥᔪᑦ. ᑐᑭᓯᒋᐊᒃᑲᓐᓂᕐᕕᑦᓴᖅ, ᐅᖄᓚᕕᒋᓗᒋᑦ 979-4636 ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ unikkaarvik@gov.nu.ca.

Inuktitut

ᐊᖏᔫᑎᓂᒃ ᓴᓂᕐᓂᒃ ᓄᐊᑦᓯᓛᕐᓂᐊᖅᑐᑦ ᔪᓂ 17-ᒥᑦ 21-ᒧᑦ

ᐊᖏᔫᑎᓂᒃ ᓴᓂᕐᓂᒃ ᓄᐊᑦᓯᓛᕐᓂᐊᖅᑐᑦ ᔪᓂ 17-ᒥᑦ 21-ᒧᑦ
 ᓯᑎᒃᑯᑦ ᖁᕕᐊᒋᓪᓗᒍ ᓇᓗᓇᐃᕐᓯᒍᒪᕗᑦ ᐊᕐᕌᒍᑦᑎᓐᓂ ᐊᖏᔫᑎᓂᒃ ᓴᓂᕐᓂᒃ ᓄᐊᑦᓯᓛᕐᓂᐊᓕᕐᒥᒻᒪᑕ ᐱᓇᓱᐊᕈᓯᕐᒥᒃ ᐊᑕᐅᓯᕐᒥᒃ, ᐅᕙᖕᖓᑦ ᓇᒡᒋᔾᔭᐅᒥᑦ ᔪᓂ 17 ᑕᓪᓕᒥᕐᒧᑦ ᔪᓂ 21, 2019.
ᐱᓇᓱᐊᕈᓯᐅᓕᖅᐸᑦ, ᓄᓇᓕᕐᒥᐅᑕᐃᑦ ᐃᒋᑦᓯᒍᓐᓇᓛᓕᕐᒥᔪᑦ ᓄᐊᑕᐅᔪᓐᓇᖅᑐᓂᒃ ᒪᕐᕉᓐᓂᒃ ᐊᖏᔫᓐᓂᒃ ᐃᓪᓗᒥ ᓱᓇᒃᑯᑖᒥᓃᓐᓂᒃ ᐊᒻᒪᑦᑕᐅᖅ ᐱᖓᓱᓂᒃ ᓴᓂᐸᐅᔭᓂᒃ ᐅᖁᒪᐃᓐᓂᓕᓐᓂᑦ 50 ᐸᐅᓐᓯᓂᑦ ᐅᖁᒪᐃᓐᓂᕐᓴᓂᓪᓘᓐᓃᑦ, ᐊᒻᒪ ᐊᖏᓗᐊᖅᑐᓂᒃ ᐴᕋᓱᒃᑲᓗᐊᖅᑐᒋᑦ ᕿᓂᖅᑕᓄᑦ ᕿᓪᓚᔪᑭᐊᓄᑦ ᓴᓂᒃᑯᕕᐸᐅᔭᓄᑦ.
ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖃᑦᑕᓛᖅᑐᑦ ᐃᖃᓗᐃᑦ ᐃᓗᐊᓂ ᐱᓇᓱᐊᕈᓯᓕᒫᖅ, ᓄᐊᑦᓯᕙᓪᓗᑎᒃ ᐊᔾᔨᒌᓂᒃ ᓴᓂᕐᓂᒃ ᐅᓪᓗᑕᒫᑦ. ᓲᕐᓗ, ᐅᓪᓗᕐᒥ ᐊᑕᐅᓯᕐᒥ ᐃᖅᑲᓇᐃᔭᖅᑏᑦ ᓄᐊᑦᓯᑕᖅᐳᑦ ᐃᓪᓗᓂ ᓱᓇᒃᑯᑖᒥᓃᓐᓇᕐᓂᒃ. ᕿᓚᒥᐅᒍᑎᒃ ᑖᒃᑯᓂᖓ ᓴᓂᕐᓂᒃ, ᐊᓯᖏᓐᓂᒃ ᐊᔾᔨᒌᓂᒃ ᓴᓂᐸᐅᔭᐅᑎᓂᒃ ᓄᐊᑦᓯᖔᓕᕐᒥᓗᑎᒃ ᐊᓯᐊᓂ ᐅᓪᓗᕐᒥ.

Inuktitut

ᓄᑖᖅ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐅᓪᓚᓐᓂᖅ ᐊᑐᖅᑕᐅᓛᖅᑐᖅ ᔪᓂ 22

ᓄᑖᖅ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐅᓪᓚᓐᓂᖅ ᐊᑐᖅᑕᐅᓛᖅᑐᖅ ᔪᓂ 22
ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᓕᕆᕗᑦ ᓯᕗᓪᓕᐹᑦᓯᐅᒥᑦ ᔨᒥ ᕿᓚᑉᐸᖅ ᐃᓱᒪᒋᓪᓗᒍ ᐅᓪᓚᓐᓂᖃᓛᕐᓂᖏᓐᓂᒃ - ᐊᔾᔨᐅᖏᑦᑐᖅ ᐃᖃᓗᒻᒥᐅᓕᒫᓄᑦ ᖃᓄᐃᓕᐅᕈᑎᐅᔪᓐᓇᖅᑐᓂ ᐊᑐᖅᑕᐅᓛᖅᑐᖅ ᓈᑦᓯᐅᖑᔭᓛᕐᓂᐊᒥ, ᔪᓂ 22, 2019, ᐱᒋᐊᕐᓗᑎᒃ ᐅᓪᓛᒃᑯᑦ 10-ᒨᖅᐸᑦ 4-ᒧᓄᑦ ᐅᓐᓄᓴᒧᑦ, ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ. ᓯᕋᓯᒪᔪᓂᒃ ᓂᕿᑕᖃᓛᖅᑐᖅ ᐊᒻᒪ ᐱᖕᖑᐊᖅᑎᑕᐅᓗᑎᒃ ᐊᔾᔨᒌᖕᖏᑦᑐᓂᒃ.

Inuktitut

ᓯᑎᒃᑯᑦ ᖁᒻᒧᐊᑎᑦᓯᓂᐊᖅᑐᑦ ᐳᕋᐃᑦ ᓴᐃᒻᒪᑎᒥᑦ ᒪᐃ 17

ᓯᑎᒃᑯᑦ ᖁᒻᒧᐊᑎᑦᓯᓂᐊᖅᑐᑦ ᐳᕋᐃᑦ ᓴᐃᒻᒪᑎᒥᑦ ᒪᐃ 17
ᑲᔪᓯᑎᑕᐅᓚᐅᖅᑐᖅ ᑲᑎᒪᔨᓂᑦ ᐱᖁᔨᕗᖔᓕᐅᕈᑎᒍᑦ ᒫᓐᓇᐅᓚᐅᖅᑐᖅ ᑲᑎᒪᔩᑦ ᑲᑎᒪᓂᖃᖅᑎᓪᓗᒋᑦ, ᓯᑎᒃᑯᑦ ᖁᒻᒧᐊᑎᑦᓯᓛᖅᑐᑦ ᐳᕋᐃᑦ ᓴᐃᒻᒪᑎᒥᒃ ᒪᐃ 17, 2019.
ᐃᖃᓗᐃᑦ ᐃᓚᒋᔭᐅᓛᖅᑐᖅ 50-ᖑᓗᐊᓄᑦ ᓄᓇᓕᐸᐅᔭᓄᑦ ᑲᓇᑕᒥ ᓇᒥᑐᐃᓐᓇᖅ ᖁᒻᒧᐊᑎᑦᓯᖃᑕᐅᓗᑎᒃ ᓴᐃᒻᒪᑎᒥᑦ, ᐅᔾᔨᕆᔭᐅᒃᑲᓐᓂᖁᓪᓗᒍ ᐊᕐᕌᒍᓂᑦ 50-ᓂᑦ ᓇᓪᓕᐅᓂᕐᓯᐅᕈᑎᐅᔪᖅ ᐱᔾᔪᑎᐅᓗᓂ ᐃᓚᖏᓐᓂᑦ ᐱᕋᔭᓐᓂᐅᒍᓐᓃᖅᑎᑕᐅᓚᐅᕐᓯᒪᓂᖏᑦ ᐊᖑᑎᐅᖃᑎᒌᑦ ᐊᕐᓇᐅᖃᑎᒌ ᐊᐃᑉᐸᕇᑉᐸᓐᓂᖏᓐᓂᑦ ᑲᓇᑕᒥ.
 

Inuktitut

ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᒪᑐᐃᓛᖅᑐᖅ ᐊᒻᒪ ᑕᕐᕆᔭᖅᑎᑕᐅᓗᑎᒃ ᓱᕈᑦᓰᑦ ᒪᐃ 17

ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᒪᑐᐃᓛᖅᑐᖅ ᐊᒻᒪ ᑕᕐᕆᔭᖅᑎᑕᐅᓗᑎᒃ ᓱᕈᑦᓰᑦ ᒪᐃ 17
ᓯᑎᒃᑯᑦ ᖁᕕᐊᒋᑦᓯᐊᖅᑐᒍ ᖃᐃᓛᖁᔨᓕᕆᕗᑦ ᓄᓇᓕᕐᓂᒥᐅᑕᓂᑦ ᒪᑐᐃᖅᑎᓪᓗᒍ ᐊᒻᒪ ᑕᕐᕆᔭᖅᑎᑕᐅᓗᑎᒃ ᓱᕈᑦᓯᑦ ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᕐᒥ ᓂᐊᖁᖕᖒᑎᓂ ᑕᓪᓕᕐᒥᐅᓕᖅᐸᑦ, ᒪᐃ 17. ᐱᖃᑕᐅᔪᒪᓛᖅᑐᑦ ᕿᒥᕐᕈᐊᕈᓐᓇᓛᖅᑐᑦ ᓄᑖᒥᑦ ᐃᓗᐊᒍᑦ ᓴᓇᔭᐅᒋᐊᓚᐅᖅᑐᒥᑦ ᐊᒻᒪᑦᑕᐅᖅ ᑕᒧᓗᒐᖅᑎᑕᐅᓗᑎᒃ.
5:30-ᒥᑦ 6:30-ᒧᑦ ᐅᓐᓄᓕᖅᑎᓪᓗᒍ, ᓄᓇᓕᕐᓂᒥᐅᑕᐃᑦ ᕿᒥᕐᕈᐊᕈᓐᓇᓛᖅᑐᑦ ᐱᓕᕆᕝᕕᒻᒥᑦ, ᐊᒻᒪ ᓂᕆᓗᑎᒃ ᐃᓄᑦᓯᐅᑎᓂᑦ, ᐸᐅᓛᖅᑐᕐᓗᑎᒃ, ᐊᒻᒪ ᑏᑐᕐᓗᑎᒃ. 6:45-ᒥᑦ 8:15-ᒧᑦ ᐅᓐᓄᒃᑯᑦ, ᐱᖕᖑᐊᖅᑐᓕᕆᔨᒃᑯᑦ ᑕᕐᕆᔭᖅᑎᑦᓯᓛᕐᒥᔪᑦ ᓈᒻᒪᑦᑐᒥᑦ ᓱᕈᑦᓯᓄᑦ ᐊᕐᕌᒍᓕᓐᓂᑦ 6-ᓂᒃ 12-ᓄᑦ. ᐃᒥᒐᑦᓴᖅᑕᖃᓛᖅᑐᖅ ᐊᒻᒪᑦᑕᐅᖅ ᑕᕐᕆᔭᕐᕕᔭᕐᓂ ᐹᑉᑯᐊᕐᓐᓕᐊᖑᕙᑦᑐᑦ ᐊᔾᔨᖏᓐᓂᑦ ᐹᑉᑯᐊᕐᓐᑐᖅᑎᑕᐅᓗᑎᒃ, ᑕᑲᓇᓂ ᓴᓇᔭᐅᕙᓪᓗᑎᒃ.

Inuktitut