ᓴᓇᔪᓕᕆᓂᖅ ᐊᒻᒪᓗ ᖃᐅᔨᒪᔨᑕᐃᑦ ᓴᓇᓂᒃᑯᑦ

ᓴᓇᔪᓕᕆᓂᕐᒧᑦ ᐃᖅᑲᓇᐃᔭᕐᕕᒃ ᐊᑐᖅᑐᒻᒪᕆᓐᓂᑦ ᐱᔨᑦᓯᕋᖅᑎᐅᔪᑦ ᐃᖃᓗᓐᓂ ᐃᓚᖃᖅᑐᓂᑦ ᐃᒥᕐᒥᒃ ᐊᒻᒪᓗ ᑭᓈᓗᓕᕆᓂᕐᒥᑦ ᐱᔨᑦᓯᕋᕐᓂᕐᒥᑦ, ᐊᑐᕆᐊᓂᑦ ᒪᑭᒪᑎᑦᓯᓂᕐᒥᑦ, ᓴᓂᕐᓂᒃ ᓄᐊᑦᓯᓂᕐᒥᑦ ᐊᒻᒪᓗ ᒪᑭᒪᑎᑦᓯᔨᐅᓪᓗᑎᒃ ᓄᓇᓕᐸᐅᔭᒃᑯᑦ ᐃᓪᓗᖁᑎᖏᓐᓂᑦ. ᐃᖅᑲᓇᐃᔭᕐᕕᒃ ᐱᖓᓲᔪᖅᑐᓂᑦ ᐃᖅᑲᓇᐃᔮᖃᖅᐸᑦᑐᑦ ᐊᑐᓂ ᐊᖏᔪᖅᑳᖃᖅᑐᑎᒃ ᐃᖅᑲᓇᐃᔮᖃᖅᐸᑦᑐᒥᑦ ᖃᐅᑕᒫᑦ ᐊᐅᓚᑦᓯᔾᔪᑎᖏᓐᓂᑦ ᐊᒻᒪᓗ ᐱᔨᑦᓯᕋᐅᑎᓂᑦ ᐱᐅᔪᐊᓗᓐᓂᑦ ᐱᔨᕋᖅᑎᑦᓯᓇᓱᐊᖅᐸᑦᑐᓂ ᐃᖅᑲᓇᐃᔭᖅᑎᓂᑦ ᐱᔨᑦᓯᕋᖅᑎᓂᑦ.

ᓄᓇᓯᐅᑎᒃᑯᕕᒃ ᐊᒻᒪᓗ ᐊᑐᕆᐊᓂᑦ

ᐃᖅᑲᓇᐃᔭᖅᑎᑦ ᐃᖅᑲᓇᐃᔮᖃᖅᐸᑦᑐᑦ ᐊᑐᕆᐊᓕᕆᕙᑦᑐᑎᒃ ᓄᓇᓕᐸᐅᔭᐃᑦ ᐊᑐᕆᐊᖏᓐᓂᑦ ᐊᒻᒪᓗ ᓄᓇᐅᑉ ᖄᖓᓂ ᐱᓕᕆᕝᕕᓐᓂᑦ ᐃᓚᒋᔭᐅᓗᑎᒃ ᐊᑐᕆᐊᓂᑦ ᓇᓗᓇᐃᔭᐃᑎᑦ ᑎᑎᕋᕐᓯᒪᔪᑦ, ᑰᕝᕕᑦ, ᐱᓱᕝᕕᑦ.  ᐊᐳᑕᐃᔭᐅᕙᑦᑐᑦ, ᑰᕝᕕᓐᓂᑦ ᓴᓗᒻᒪᕐᓴᐃᕙᑦᑐᑦ ᓴᓃᔭᐃᓗᑎᒃ ᐊᒻᒪᓗ ᐊᑐᕆᐊᑦ ᐊᑦᑕᓇᓕᖕᖏᒃᑲᓗᐊᕐᒪᖔᑕ ᐃᖃᓗᒻᒥᐅᑕᓄᑦ ᖃᐅᔨᓴᐃᓐᓇᐸᑦᑐᑎᒃ.

ᓴᓂᓕᕆᐅᑎᑦ ᐊᒻᒪᓗ ᓄᓇᓕᓐᓂ ᐊᑦᓯᕕᒃ

ᐃᖅᑲᓇᐃᔮᖃᖅᐸᑦᑐᑦ ᓄᐊᑦᓯᕙᑦᑐᑎᒃ ᓇᔪᒐᖃᖅᑎᒃ ᐊᒻᒪᓗ ᑮᓇᐅᔭᓕᐅᖅᑎᑦ ᓴᓂᖏᓐᓂᑦ, ᐊᒻᒪᓗ ᐋᖅᑭᑦᓱᐃᕙᑦᑐᑦ ᐅᓪᓗᕐᓯᐅᑎᓂᑦ ᑎᒋᖓᔪᓂᑦ ᐸᐃᑉᐹᓂᑦ ᓴᓂᕐᓂᒃ ᓄᐊᑦᓯᕕᐅᕙᓐᓂᐊᖅᑐᓂᑦ ᐅᓪᓗᓂᑦ ᐊᒻᒪᓗ ᓴᓂᑐᐃᓐᓇᕐᓂᑦ ᐊᒻᒪᓗ ᐊᐅᓚᑦᓯᔨᐅᓗᑎᒃ ᓄᓇᓕᓐᓂ ᐊᑦᓯᕕᒻᒥᑦ.

ᐃᑲᕐᕋᐃᑦ ᐊᐅᓚᑦᓯᕕᐅᕙᑦᑐᑦ
ᓇᒡᒋᔾᔭᐅ ᒪᑐᓯᒪᔪᖅ
ᓇᒡᒋᔾᔭᐅᓕᖅᑭ 8-ᒥ ᐅᓪᓛᒃᑯᑦ - 2-ᒧᑦ ᐅᓐᓄᓴᒃᑯᑦ (ᒪᑐᐃᖓᔪᖅ ᖁᓛᓂ ᐅᓪᓗᒃᑯᑦ)
ᐱᖓᑦᓯᖅ 8-ᒥ ᐅᓪᓛᒃᑯᑦ - 2-ᒧᑦ ᐅᓐᓄᓴᒃᑯᑦ (ᒪᑐᐃᖓᔪᖅ ᖁᓛᓂ ᐅᓪᓗᒃᑯᑦ)
ᑎᓴᒻᒥᖅ 8-ᒥ ᐅᓪᓛᒃᑯᑦ - 2-ᒧᑦ ᐅᓐᓄᓴᒃᑯᑦ (ᒪᑐᐃᖓᔪᖅ ᖁᓛᓂ ᐅᓪᓗᒃᑯᑦ)
ᑕᓪᓕᕐᒥᖅ 8-ᒥ ᐅᓪᓛᒃᑯᑦ - 2-ᒧᑦ ᐅᓐᓄᓴᒃᑯᑦ (ᒪᑐᐃᖓᔪᖅ ᖁᓛᓂ ᐅᓪᓗᒃᑯᑦ)
ᓈᑦᓯᐅᖑᔭᓛᕐᓂᐊᖅ 8-ᒥ ᐅᓪᓛᒃᑯᑦ - 5-ᒧᑦ ᐅᓐᓄᓴᒃᑯᑦ (ᒪᑐᕙᑦᑐᖅ ᖁᓛᓂ ᐅᓪᓗᒃᑯᑦ)
ᓈᑦᓯᐅᖑᔭᖅ ᒪᑐᓯᒪᔪᖅ

 

ᐃᒋᑕᓄᑦ ᐊᑭᓕᕆᐊᓖᑦ
ᑮᓇᐅᔭᓕᐅᖅᑎᓂᑦ ᓴᓃᑦ $50.00 / m3
ᓄᓇᓯᐅᑎᒥᓃᑦ ᐊᖏᓂᕐᓴᐃᓪᓗ ᐊᔾᔨᒌᖏᑦᑐᑦ $500.00
ᖃᒧᑕᐅᔭᒥᓃᑦ $200.00
ᐊᖏᔫᑏᑦ ᓱᓇᒃᑯᑖᒥᓃᑦ (ᖃᑯᖅᑕᐅᒐᔪᑦᑐᑦ) $100.00
ᖁᐊᒃᑯᕕᒥᓃᑦ/ᖁᐊᖃᐅᑏᑦ/ᐅᖅᑰᓴᐅᑎᓄᑦ ᓱᓪᓗᓖᑦ (ᐊᒻᒪ ᐃᒪᐃᔭᖅᑕᐅᔾᔪᑎᖏᓐᓄᑦ) $125.00
ᐊᖏᔫᑏᑦ ᓴᓃᑦ ᓄᓇᓯᐅᑎᐸᐅᔭᐅᖏᑦᑐᑦ $160.00 / m3
ᓄᓇᒃᑰᔫᓄᑦ ᕚᑕᓖᒥᓃᑦ $25.00
ᐅᕐᓱᐊᓗᖃᐅᑎᒥᓃᑦ (ᐊᐅᖅᑭᑕᐅᔾᔪᑎᑦᓴᐃᑦ) $200.00
ᐊᑦᓴᓗᐊᒥᓃᑦ $70.00 ᐊᑐᓂ
ᑲᑎᕐᓱᕐᓯᒪᔪᑦ ᐊᑐᖅᑕᐅᑲᓐᓂᕈᓐᓇᖅᑐᑦ ᕿᔪᐃᑦ (ᐊᐅᓚᑦᓯᔾᔪᑎᑦᓴᓂᑦ ᐊᑭᓕᕆᐊᓖᑦ) $12.00
ᓴᓇᔨᓄᑦ ᐃᓪᓗᓂᑦ ᓴᓃᑦ $100.00 / m3

 

ᓇᔪᒐᖃᕐᕕᓐᓂ ᓴᓂᑦᑕᖅᑏᑦ ᐅᓪᓗᕐᓯᐅᑎᖏᑦ

 ᓇᒡᒋᔾᔭᐅᓂ

 100, 200, 300, 400, 500, 600, 900, 1300, 1400, 1500, 1600, 4000

 ᓇᒡᒋᔾᔭᐅᓕᖅᑭᕐᓂ 

 2200, 2400, 2500, 2600, 2700, 2900, 3000, 700, 800, 1000, Q’s, 5000 

 ᐱᖓᑦᓯᕐᓂ

 1300, 1400, 1500, 2600, 2700, 4000, Q’s, 5300

 ᑎᓴᒻᒥᕐᓂ

 100, 200, 300, 400, 500, 600, 700, 800, 900, 1000, 1600

 ᑕᓪᓕᒥᕐᓂ

 2200, 2400, 2500, 2900, 3000, 5000

ᓇᔪᒐᖃᖅᑏᑦ ᓴᓂᕐᓂᒃ ᓄᐊᑦᑎᕕᖏᓐᓄᑦ ᐅᓪᓗᕐᓯᐅᑎ:

- ᓇᒡᒋᔾᔭᐅᒥ: ᕿᑎᐊᑕ ᓄᓇᓕᐅᑉ ᐊᕙᑎᐊ; ᐊᑦᓯᓂᕐᓴᖅ ᐃᖃᓗᐃᑦ ᓄᓇᓕᖏᑕ (ᓄᓇᖕᖑᐊᒥ ᐊᒥᐊᖓ ᖁᖅᓱᖅᑕᖅ)

- ᓇᒡᒋᔾᔭᐅᓕᖅᑭᕐᒥ: ᓂᐊᖁᓐᖒᑏᑦ; ᕿᑎᐊᑕ ᓄᓇᓕᐅᑉ ᐊᕙᑎᐊ; ᑕᓐᑐᕋ ᕚᓕ ᓂᐊᖁᖕᖒᓯᐊᕆᐊᑉ ᐊᑦᓯᓂᕐᓴᖓ (ᓄᓇᖕᖑᐊᒥ ᐊᒥᐊᖓ ᑐᖑᔪᖅᑕᖅ)

- ᐱᖓᑦᓯᕐᒥ - ᕼᐋᐱ ᕚᓕ, ᐃᒥᖅᑕᕐᕕᒥᓂᐅᑉ ᐊᕙᓗᐊᓃᑦᑐᑦ; ᑕᓯᓗᕆᐊᓕᐊᒦᑦᑐᑦ (ᓄᓇᖕᖑᐊᒥ ᐊᒥᐊᖓ ᐊᐅᐸᔮᑦᑐᖅ)

- ᑎᓴᒻᒥᕐᒥ: ᓂᐊᖁᖕᖒᓯᐊᕆᐊᑉ ᖁᑦᓯᓂᕐᓴᖓ (ᓄᓇᖕᖑᐊᒥ ᐊᒥᐊᖓ ᐃᑦᑎᖕᖑᐊᖅ)

ᑕᓪᓕᕐᒥᕐᒥ - ᐱᓱᕐᕋᕐᒥᐅᑕᐃᑦ ᓯᓚᑦᑐᓴᕐᕕᐅᑉ ᐅᖓᑖᓂ (ᓄᓇᖕᖑᐊᒥ ᐊᒥᐊᖓ ᐆᔭᐅᔭᖅ)

ᖃᐅᔨᒪᒋᐊᓕᒃ: ᕿᑲᕐᓇᐅᑎᓪᓗᒍ ᐅᓪᓗᕐᓂ, ᓴᓂᑦᑕᐸᓐᓂᐊᖅᑐᑦ ᐅᓪᓗᖓᓂ ᓯᕗᓂᐊᒍᑦ ᐅᕝᕙᓘᓐᓃᑦ ᖃᐅᖓᑕ ᐅᓪᓘᑉ ᕿᑲᕐᓇᐅᑉ, ᒪᓕᑦᑕᐅᕙᓐᓂᐊᖅᑐᑦ ᖃᖓᒃᑯᑦ ᕿᑲᕐᓇᐅᓂᖏᑦ ᐅᓪᓗᕐᒦᓐᓂᕆᕙᑦᑕᖏᑦ ᐱᓇᓱᐊᕈᓯᐅᑉ ᐃᓗᐊᓂ.

ᐃᓚᓕᐅᑎᓯᒪᔪᖅ ᑕᑯᒋᐊᖁᔪᖅ ᐊᒥᐊᓄᑦ ᓇᓗᓇᐃᔭᖅᑕᐅᓯᒪᔪᑦ ᐅᕙᓂ ᐊᖏᔪᒥ ᓄᓇᖕᖑᐊᒥ ᐅᓇ ᓇᕿᓪᓗᒍ large area map ᐊᒻᒪ ᒥᑭᔪᒥᒃ ᓄᓇᖕᖑᐊᒥᑦ ᑕᑯᔪᒪᒍᕕᑦ ᐅᓇ ᓇᕿᓪᓗᒍ small area map ᑕᑯᔪᒪᒍᕕᐅᒃ ᖃᖓᒃᑯᑦ ᓴᓂᕐᓂᒃ ᓄᐊᑦᑎᕙᓐᓂᐊᕐᒪᖔᑕ ᐊᕙᑎᑦᓯᓐᓂᑦ

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ s.avery@city.iqaluit.nu.ca ᐅᕝᕙᓘᓐᓃᑦ ᐅᖄᓚᐅᑎᒃᑯᑦ ᐅᕗᖓ 867 - 979-5630

 

ᓄᓇᒃᑰᔫᒃᑯᑦ ᐃᒥᖅᑕᖅᑐᑎᑦ ᐊᒻᒪᓗ ᑭᓈᓗᕆᓕᕆᔨᑦ

ᐃᖅᑲᓇᐃᔮᖃᖅᐸᑦᑐᑦ ᓄᓇᒃᑰᔫᒃᑯᑦ ᐃᓪᓗᓂᑦ ᐃᒻᒪᐃᕙᑦᑐᑎᒃ ᐊᒻᒪᓗ ᑭᓈᓗᖃᕐᕕᓐᓂᑦ ᒥᓪᓗᐊᕆᕙᑦᑐᑎᒃ ᓇᔪᒐᖃᕐᕕᓐᓂᑦ, ᑮᓇᐅᔭᓕᐅᖅᑎᓂᑦ ᐊᒻᒪᓗ ᒐᕙᒪᓕᕆᔨᑦ ᐱᔨᑦᓯᕋᖅᑕᐅᕙᖕᖏᑦᑐᓂᑦ ᓱᓪᓗᓕᒃᑯᑦ ᐃᒪᓕᕆᔾᔪᑎᓄᑦ ᐊᒻᒪᓗ ᑭᓈᓗᓕᕆᔾᔪᑎᓄᑦ.  ᐱᔨᑦᓯᕋᖅᐸᑦᑐᑦ ᓂᐊᖁᓐᖒᑎᓃᑦᑐᓕᒫᓂᑦ, ᓂᐊᖁᓐᖒᓯᐊᕆᐊᒦᑦᑐᓂᑦ ᐊᒻᒪᓗ ᐃᓚᖏᓐᓂᑦ ᐊᑦᓯᓂᕐᓴᖓᓃᑦᑐᓂᑦ ᐃᖃᓗᐃᑦ ᓄᓇᓕᖓᑕ.

ᓱᓪᓗᓕᓕᕆᔨᑦ

ᐃᖅᑲᓇᐃᔭᖅᑎᐅᔪᑦ ᒪᑭᒪᑎᑦᓯᔨᐅᓗᑎᒃ ᐃᒪᓕᕆᕝᕕᒻᒥᑦ (ᐃᒥᕆᔭᐅᕙᑦᑐᒥᑦ ᓄᓇᓕᓐᓂ), ᑭᓈᓗᓕᕆᕝᕕᒻᒥᑦ (ᑭᓈᓗᓐᓂᑦ ᐊᒻᒪᓗ ᐃᒥᕈᔪᓐᓂᑦ ᐊᑐᕐᓂᑯᒥᓂᕐᓂᒃ) ᐊᒻᒪᓗ ᒪᑭᒪᑎᑦᓯᔨᐅᓗᑎᒃ ᓄᓇᐅᑉ ᐃᑭᐊᖓᓃᑦᑐᓂᑦ ᐱᓕᕆᔾᔪᑎᓂᑦ ᐃᓚᒋᔭᐅᓗᑎᒃ ᓱᓪᓗᓕᓐᓂᑦ ᖃᐅᔨᒋᐊᕐᕕᑦ, ᑭᓈᓗᓐᓄᑦ ᐊᒻᒪᓗ ᐃᒥᕐᒧᑦ ᓱᓪᓗᓕᓐᓂᑦ ᐊᒻᒪᓗ ᐊᐅᓚᑦᓯᔨᐅᓗᑎᒃ ᐊᒻᒪᓗ ᒪᑭᒪᑎᑦᓯᔨᐅᓗᑎᒃ ᐃᒪᓕᕆᐅᑎᒥᑦ, ᐃᒥᕐᒧᑦ ᐆᓇᕐᓯᑦᓰᔾᔪᑎᒥᑦ ᐊᒻᒪᓗ ᑭᓈᓗᓐᓂᑦ ᒥᓪᓗᐊᖅᑎᓄᑦ ᑯᕝᕕᓯᕕᓐᓂᑦ.

ᐸᐃᑉᐹᓕᕆᔨᑦ ᐊᓪᓚᕕᒻᒥ

ᐃᖅᑲᓇᐃᔮᖃᖅᐸᑦᑐᑦ ᐱᕙᓪᓕᐊᑎᑦᓯᓂᕐᒥᑦ ᐊᒻᒪᓗ ᒪᑭᒪᑎᑦᓯᓂᕐᒥᑦ ᑲᑎᒪᔨᓄᑦ ᑲᔪᓯᑎᑕᐅᓯᒪᔪᓂᑦ ᓱᓇᑐᐃᓐᓇᕐᓄᑦ ᑮᓇᐅᔭᐃᑦ ᐊᑐᖅᑐᑦᓴᓂᑦ, ᓴᖅᑮᔨᐅᔪᑦ ᐊᑐᓕᖁᔨᔾᔪᑎᓂᑦ ᐱᐅᓯᑎᒋᐊᕈᑎᑦᓴᓂᑦ ᐱᔨᑦᓯᕋᕈᑎᓂᑦ ᐊᑦᑕᓇᑦᑕᐃᓕᒪᓂᕐᒥᑦ ᐱᔾᔪᑎᖃᖅᑐᓂᖅ ᐃᖅᑲᓇᐃᔭᐅᑎᓂᑦ, ᐊᒻᒪᓗ ᐅᖃᐅᓯᐅᑉ ᐊᓯᐊᓅᕆᓂᕐᒥᑦ ᐊᒻᒪᓗ ᐊᑐᓕᖅᑎᑦᓯᓂᕐᒥᑦ ᐊᑐᐊᒐᓕᐊᖑᓯᒪᔪᓂᑦ ᑲᑎᒪᔨᓄᑦ ᐊᐅᓚᑦᓯᔾᔪᑎᓅᖓᔪᓂᑦ ᖃᐅᑕᒫᑦ.

ᐊᓯᖏᑦ ᐃᖅᑲᓇᐃᔭᕐᕕᒃᑯᑦ ᐃᖅᑲᓇᐃᔮᑦᓴᑦ

ᒪᑭᒪᑎᑦᓯᓂᖅ ᓄᓇᓕᓐᓂ ᐃᓗᕕᖃᕐᕕᒻᒥᑦ, ᐊᒻᒪᓗ ᒪᑭᒪᑎᑦᓯᓂᖅ ᐃᓚᖏᓐᓂᑦ ᓄᓇᓕᐸᐅᔭᐃᑦ ᐃᓪᓗᖁᑎᖏᓐᓂᑦ ᐊᒻᒪᓗ ᐱᓕᕆᕝᕕᓐᓂᑦ.

 

ᐊᑲᐅᓐᖏᓕᐅᕈᑎᓕᑦ, ᐃᓱᒫᓘᑎᓕᓪᓗ ᐊᒻᒪᓗ ᐃᓱᒪᓕᐅᕆᔾᔪᑎᑦᓴᓕᑦ ᐱᓕᕆᔾᔪᑎᒍᑦ ᑐᖕᖓᓱᑦᓯᐊᐸᑦᑐᑦ ᖃᖓᑐᐃᓐᓇᒃᑯᑦ ᐃᖅᑲᓇᐃᔭᖅᑎᓄᑦ.

ᖃᐅᔨᒋᐊᖁᔪᖅ ᐊᖏᔪᖅᑳᖓᑦ ᐅᕝᕙᓘᓐᓃᑦ ᐊᐅᓚᐅᑎᓕᓐᓂᑦ ᐃᖅᑲᓇᐃᔭᖅᑎᓄᑦ ᐊᖏᔪᖅᑳᕆᔭᖅ ᐅᖄᓚᐅᑎᒃᑯᑦ ᐅᕝᕙᓘᓐᓃᑦ ᖃᕋᑕᐅᔭᒃᑯᑦ ᑎᑎᕋᕐᕕᒋᓗᒋᑦ ᑎᑎᕋᖅᑕᐅᓯᒪᔪᓄᑦ.

ᖃᐅᔨᒋᐊᕐᕕᑦᓴᑦ

ᐊᐱᖅᑯᑎᑦᓴᖃᕈᕕᑦ ᐱᔨᑦᓯᕋᓐᓂᐅᑉ ᒥᑦᓵᓄᑦ, ᐃᒪᖃᙱᓂᕐᒧᑦ, ᐅᕝᕙᓘᓃᑦ ᖃᐅᔨᒃᑲᐃᒍᒪᒍᕕᑦ ᐃᓱᒫᓘᑎᒋᔭᕐᓂᒃ ᐅᕝᕙᓘᓃᑦ ᐅᖃᐅᓯᑦᓴᖃᕈᕕᑦ, ᖃᐅᔨᒋᐊᕐᕕᒋᓗᒍ ᓴᓇᔪᓕᕆᔨᒃᑯᑦ ᐊᓪᓚᕝᕕᓕᕆᔨᖏᑦ ᐅᕗᖓ (867) 979-5630 ᐊᑯᓐᓂᖓᓂ 8:00-ᒥ ᐅᓪᓛᑯᑦ 4:00-ᒨᕋᓱᐊᕐᓂᖓᓂ ᐅᓐᓄᓴᒃᑯᑦ ᐱᓇᓱᐊᕈᓯᐅᑉ ᐃᓗᐊᓂ.

ᖃᐅᔨᒃᑲᐃᒍᒪᒍᕕᑦ ᓄᓇᓕᐸᐅᔭᒃᑯᓂᒃ ᐊᑭᑐᔫᑎᓄᑦ ᐱᔾᔪᑎᓕᒻᒥᒃ ᓲᕐᓗ ᓱᓪᓗᓕᓄᑦ ᖃᐅᔨᒋᐊᕐᕕᒻᒥᒃ, ᐊᑐᕆᐊᑦ ᖄᒥᑕᐅᓂᖏᓐᓂᒃ, ᐃᒪᖃᕈᓐᓃᕐᓂᒃ ᐊᔾᔨᐸᓗᐊᓂᓪᓗ ᐃᓱᒫᓘᑎᒋᔭᕐᓂᒃ, ᐅᕝᕙᓘᓃᑦ ᐱᒍᒪᒍᕕᑦ ᐃᕐᑲᓇᐃᔭᕐᓇᐅᒍᓐᓃᑎᓪᓗᒍ ᐱᔨᑦᓯᕋᓂᕐᒧᑦ ᐅᖄᓚᒍᓐᓇᕐᑐᑎ (867) 979-5650 ᐃᕐᑲᓇᐃᔭᕐᓇᐅᒍᓐᓃᑎᓪᓗᒍ (ᐱᓇᓱᐊᕈᓯᐅᑉ ᓄᙳᐊᓂ ᐊᒻᒪᓗ ᕿᑲᕐᓇᒥ ᐊᒻᒪᓗ 4:00-ᒨᕆᖅᓯᒪᓕᕐᑲᑦ ᐱᓇᓱᐊᕈᓯᐅᑉ ᐃᓗᐊᓂ).

 

ᓴᓇᔪᓕᕆᓂᕐᒥᑦ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᒃ ᐃᖅᑲᓇᐃᔭᑏᑦ ᖃᐅᔨᒋᐊᖅᑕᐅᔪᓐᓇᐸᑦᑐᑦ

ᒫᑎᐅ ᕼᐋᒻᑉ

ᐊᖏᔪᖅᑳᖅ, ᓴᓇᔪᓕᕆᓂᖅ ᐊᒻᒪ ᖃᐅᔨᒪᔨᑕᓕᕆᓂᖅ ᓴᓇᒋᐊᓕᓐᓂᒃ

ᐃᕐᖐᓇᖅᑕᐅᑎᖓ: M.HAMP@CITY.IQALUIT.NU.CA

ᐅᖄᓚᐅᑎᖓ: 867.979.5630

 

ᑳᒧᕋᓐ ᑎᓛᖕ

ᖃᐅᔨᓴᖅᑎᖓᑦ ᓱᓇᑐᐃᓐᓇᕐᓂᒃ ᐊᐅᓚᑦᓯᔨᓂᒃ

ᐃᕐᖐᓇᖅᑕᐅᑎᖓ: C.DELONG@CITY.IQALUIT.NU.CA

ᐅᖄᓚᐅᑎᖓ: 867.979.5630

 

ᐳᕋᐃᐊᓐ ᓯᐅᕆᖑ

ᖃᐅᔨᓴᖅᑎᖓᑦ ᐃᒥᓕᕆᔨᓂᑦ ᐊᒻᒪ ᑭᓈᓗᕆᓂᖅ

ᐃᕐᖐᓇᖅᑕᐅᑎᖓ: B.SPRINGER@CITY.IQALUIT.NU.CA

ᐅᖄᓚᐅᑎᖓ: 867.979.5636

 

ᒪᐃᒃ ᕼᐋᑦᕕᐅᓪᑦ

ᒪᑭᒪᑎᑦᓯᔨᓂᑦ ᐊᐅᓚᑦᓯᔨ

ᐃᕐᖐᓇᖅᑕᐅᑎᖓ: M.HATFIELD@CITY.IQALUIT.NU.CA

ᐅᖄᓚᐅᑎᖓ: 867.979.5632

 

ᔭᕝ ᒪᒃᒪᓐ

ᓴᓂᓕᕆᕝᕕᒻᒥ ᐊᖏᔪᖅᑳᖅ

ᐃᕐᖐᓇᖅᑕᐅᑎᖓ: J.MACMUNN@CITY.IQALUIT.NU.CA

ᐅᖄᓚᐅᑎᖓ: 867.975.2412