ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑐᓐᖓᓱᒋᑦᓯ ᐃᖃᓗᒻᒥᐅᑦ!
ᐃᖃᓗᓐᓂ ᐊᒥᓱᐊᓗᓐᓂᑦ ᐱᑕᖃᖅᑐᖅ ᖁᕕᐊᓇᖅᑐᓂᑦ ᐊᑐᖅᑕᐅᔪᓐᓇᖅᑐᓂᑦ ᓄᓇᓕᓐᓂᒥᐅᑕᓄᑦ - ᐱᐅᔪᐊᓗᓐᓂᑦ ᐱᖕᖑᕈᑎᓂᑦ ᖁᕕᐊᓇᖅᑐᓄᑦ ᖃᓄᐃᓕᐅᕈᑎᓄᑦ ᓇᖕᒥᓂᖃᖅᑎᓄᑦ ᐅᐸᑦᑕᐅᑦᓯᐊᐸᑦᑐᓄᑦ. ᐃᖃᓗᒻᒥᐅᑕᐃᑦ ᖃᐅᔨᒪᓂᖁᑎᒋᒻᒪᕆᑦᑕᑎᓐᓄᑦ ᐃᓚᒋᔭᐅᔪᑦ. ᑲᑐᔾᔨᓗᑕ, ᓯᕗᓂᖃᑦᓯᐊᑐᒻᒪᕆᐅᔪᒍᑦ ᑕᑯᑦᓴᐅᑎᑦᓯᔪᒥᑦ ᓴᖏᓂᖏᓐᓂᑦ ᐃᓄᐃᑦ ᐊᒻᒪᓗ ᐅᑭᐅᖅᑕᖅᑐᒥᐅᑕᐃᑦ ᐃᓕᖅᑯᓯᑐᖃᖏᓐᓂᑦ, ᐊᒻᒪᓗ ᐊᑲᐅᓯᑎᑦᓯᒋᐊᒃᑲᓐᓂᖅᐸᑦᑐᑎᒃ ᒫᓐᓇ ᐊᑐᖅᑕᐅᕙᓕᖅᑐᓄᑦ ᐃᓚᓕᐅᑎᕙᑦᑐᒋᑦ ᐊᑲᐅᓂᖏᒍᑦ.
ᓄᓇᓕᑦᓯᐊᕙᐅᔪᒍᑦ ᓄᓇᒋᔪᒥᓇᖅᑐᑕ ᐊᒻᒪᓗ ᐱᖕᖑᐊᕐᕕᒋᔪᒥᓇᖅᑐᑕ ᐊᒻᒪᓗ ᐱᕈᖅᐸᓪᓕᐊᑎᓪᓗᑕ ᐅᕙᑦᑎᓐᓄᑦ ᐱᕈᖅᐸᓪᓕᐊᖃᑕᐅᔪᒥᓇᖅᑯᓯᑦᑕᐅᖅ!
ᓄᓇᓕᐸᐅᔭᕗᑦ ᐱᑕᖃᐅᖅᑐᖅ ᓱᓇᑐᐃᓐᓇᕐᓂᑦ ᖁᕕᐊᓇᖅᑐᓂᑦ ᐊᑐᕈᓐᓇᓯᐊᖅᑐᓂᑦ ᐃᓅᓕᕆᓂᕐᒧᑦ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᕐᒧᑦ. ᓴᖅᑭᔮᖅᑎᑦᓯᓇ-ᓱᐊᖅᐸᑦᑐᒍᑦ ᑭᓐᖒᒪᔭᐅᔪᓂᑦ ᐊᒻᒪᓗ ᑲᔪᓯᒋᐊᕈᑕᐅᔪᒪᔪᓂᑦ ᒪᒃᑯᑦᑐᓄᑦ ᐊᒻᒪᓗ ᐃᓐᓇᐅᓂᕐᓴᓄᑦ, ᐃᓄᖕᓄᑦ ᐊᒻᒪᓗ ᐃᓅᖕᖏᑦᑐᓄᑦ, ᓄᓇᓕᓐᓂᒥᐅᑕᑐᖃᕐᓄᑦ ᐊᒻᒪᓗ ᑕᒫᓂᒥᐅᑕᐅᓕᕋᑖᓄᑦ, ᓇᖕᒥᓂᖃᖅᑎᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ. ᐃᖃᓗᐃᑦ ᐱᓕᕆᔪᒪᐃᓐᓇᓂᐊᖅᑐᑦ ᑐᕌᖓᓗᑎᒃ ᒪᑭᒪᔾᔪᑎᐅᔪᓐᓇᓯᐊᖅᑐᓂᑦ ᐱᕙᓪᓕᐊᑎᑦᓯᓂᕐᒥᑦ ᐊᒻᒪᓗ ᐱᕈᐃᕙᓪᓕᐊᔪᑦ ᓄᓇᓕᓐᓂ ᐱᔨᑦᓯᕋᕈᑎᓂᑦ ᐃᓱᒪᒋᓪᓗᒋᑦ ᐊᒥᓱᕈᖅᐸᓪᓕᐊᔪᑦ ᐊᒻᒪᓗ ᐊᔾᔨᒌᓐᖏᑦᑐᓂᑦ ᐱᕙᓪᓕᐊᑎᑉᐸᓪᓕᐊᔭᖏᓐᓄᑦ ᐱᑕᖃᕆᐊᓕᓐᓂᑦ. ᐊᕐᕌᒎᓂᐊᖅᑐᑦ ᓯᕗᓂᑦᓯᐊᑎᓐᓂ ᖁᕕᐊᓇᕐᓂᐊᖅᑐᑦ ᓄᓇᓕᐸᐅᔭᑦᑎᓐᓄᑦ, ᐸᕐᓇᐃᕙᓪᓕᐊᑎᓪᓗᑕ ᒪᑭᒪᔾᔪᑎᑦᓴᓂᑦ ᐱᓕᕆᕝᕕᑎᒍᑦ ᐱᕙᓪᓕᐊᒍᑎᑦᓴᓂᑦ ᐱᐅᓯᒋᐊᕈᑎᓂᑦ ᑭᓯᐊᓂ ᓴᖅᑮᓂᐊᖅᑐᓂᑦ ᓄᓇᓕᐸᐅᔭᑦᑎᓐᓂᑦ.
ᑐᕌᒐᕆᔭᓂᑦ ᐅᖃᐅᓯᖅ
ᑲᑐᔾᔨᖃᑎᒌᓐᓂᒃᑯᑦ ᐱᓕᕆᖃᑎᒌᓪᓗᑕ ᓄᓇᓕᓐᓂᒥᐅᑕᐃᓪᓗ, ᓴᓇᓂᐊᖅᑐᒍᑦ ᒪᑭᒪᔪᓐᓇᓯᐊᖅᑐᒥᑦ ᐊᒻᒪᓗ ᓄᓇᐅᑉ ᐊᕙᑎᐊᓂᑦ ᐃᑉᐱᒍᓱᑦᓯᐊᖅᑐᒥᑦ ᐅᑭᐅᖅᑕᖅᑐᒥ ᐊᖏᔪᖅᑳᖃᕐᕕᒻᒥᑦ.
ᐃᑉᐱᒋᑦᓯᐊᕐᓗᒋᑦ ᐃᓕᖅᑯᓯᒃᑯᑦ ᕿᒪᑦᑕᐅᔾᔪᑎᒋᑦᓯᐊᕐᓯᒪᔮᓗᕗᑦ, ᑲᔪᓯᑦᓯᐊᕐᓂᐊᖅᐳᒍᑦ ᓄᓇᓕᓐᓂ ᒐᕙᒪᓕᐅᕐᓂᕐᒥᑦ ᓄᓇᓕᓐᓂᒥᐅᑕᓂᑦ ᐃᓚᒋᔭᐅᔪᓐᓇᑎᑦᓯᑦᓯᐊᕐᓂᐊᖅᑐᒥᑦ ᐱᐅᔪᒃᑯᑦ ᓄᓇᓕᓐᓂ ᐱᕙᓪᓕᐊᑎᑦᓯᓂᕐᒥᑦ.
