ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᑦ

*** ᑐᐊᕕᕐᓇᖅᑐᓄᑦ ᐅᖄᓚᐅᑏᑦ: 867-979-4422 ***

 

ᐃᖅᑲᓇᐃᔭᕐᕕᖓᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᐅᑎᓕᕆᓂᕐᒥᑦ ᐱᓕᕆᕕᐊ ᐊᐅᓚᑦᑕᐅᔪᖅ ᖃᑦᑎᕆᔨᒃᑯᑦ ᐊᖏᔪᖅᑳᖓᑦ ᑐᐊᕕᕐᓇᖅᑐᓕᕆᓂᕐᒥᑦ ᐊᒻᒪᓗ ᓴᐳᓐᓂᐊᓂᕐᒥᑦ ᐱᔨᑦᓯᕋᖅᑎᑦ ᐊᒻᒪᓗ ᑐᓪᓕᐊ ᐊᖏᔪᖅᑳᕆᔭᐅᑉ. ᐃᖃᓇᐃᔭᖅᑎᖁᑎᖃᖅᑐᐃᑦ 20 ᐊᒻᒪᓗ ᐃᖃᓇᐃᔭᑲᐃᓐᓇᓱᓂᒃ 5 ᐊᒻᒪᓗ ᐊᒃᑭᓕᕐᓱᕐᑕᐅᖏᑦᑐᐃᑦ ᐃᑲᔫᖅᑏᑦ 15 ᖃᑦᑎᕆᔩᑦ.

ᖃᐅᔨᒋᐊᕈᓐᓇᕐᑐᑎᑦ ᖃᖓᑐᐃᓇᖅ ᐅᖃᐅᓚᐅᑎᖓᑦ 867 979 5650 (ᑐᐊᕕᓐᓇᖏᑦᑐᒧᑦ ᓇᓴᐅᑎᖓ)

ᐊᖏᔪᖅᖄᖓᑦ ᑐᓴᕋᑦᓴᖁᑎᖓ:

ᑐᖓᓱᒋᑦ ᐅᕙᒍᑦ ᐱᔨᑦᓯᕋᐅᑎᓕᕆᓂᕐᒥᑦ. ᐅᑉᐱᒍᓱᑦᑐᒍᑦ ᐊᒻᒪᓗ ᐊᒻᒥᓱᔪᒍᑦ ᖃᓐᓄᐃᑦᑐᑐᐃᓇᐅᑦᑕ ᓇᒃᑭᑐᐃᓇᖅ ᓄᓇᖃᓚᐅᕐᑐᐃᑦ ᑕᒻᒪᓂ ᐱᓕᕆᕋᑦᑕᐅᓕᕐᑐᐃᑦ ᐊᒻᒪᓗ ᐱᓴᑦᓚᓕᒻᒪᕆᐊᕋᑦᑕᕐᑐᒍᑦ ᑕᒻᒪᓂ ᓄᓇᑦᓯᐊᕙᓗᒻᒥᑦ. ᑕᒻᒪᓂᒥᐅᑦᑕᐅᔪᐃᓐᓇᐅᒐᑦᑕ, ᖁᕕᓱᑉᐳᒍᑦ ᑲᔾᔭᕐᐳᒍᑦ ᐊᒻᒪᓗ ᐊᓐᓂᕌᑦᑕᕋᑦᑕᐅᕋᑦᑕᕐᐳᒍᑦ ᓯᓪᓚᒥ ᐊᒻᒪᓗ ᑕᒻᒪᓂ ᓄᓇᖃᕈᒻᒪᕋᑦᑕᐅᕗᒍᑦ ᐊᑦᑕᓐᓇᖏᑦᑐᒻᒥᒃ ᐊᒻᒪᓗ ᑭᒃᑯᓕᒪᑦ ᖃᓐᓄᐃᖏᑦᑐᒥᖁᑦᓗᒋᑦ. ᑕᐃᒻᒪᓕ ᑕᒻᒪᓂᒥᐅᑕᐅᒍᕕᑦ ᐅᕙᓗᓐᓂ ᐳᓛᕋᑦᑎᐅᒍᕕᑦ ᑕᒻᒪᐅᖓᕐᓯᒪᒍᕕᑦ ᓂᕈᐊᖑᑦᓗᑎᑦ, ᖃᐅᔨᒃᑲᐃᕗᒍᑦ ᐃᓪᓕᖕᓄᑦ ᐃᑉᐱᒍᓱᑉᐳᒍᑦ ᑕᒻᒪᓂᑦᑐᓕᒪᓐᓂᑦ ᑐᐊᕕᓐᓇᑐᖃᓕᕐᓂᕈᓐᓂ ᐱᔨᑦᓯᖅᑕᐅᒋᐊᖃᓐᓂᕈᕕᑦ. ᐃᖃᓇᐃᔭᖃᑎᖃᓱᖑᒻᒥᔪᒍᑦ ᓄᓇᓖᖕᓂ ᐱᓯᑦᓯᕋᑦᑐᓕᕆᔨᒃᑯᑦ ᐊᓯᖏᑦ ᑕᒻᒪᓂ ᓱᕐᓗ ᒪᓪᓕᒐᕋᓚᕆᕆᔨᒃᑯᑦ ᐅᕙᓗᓐᓂ ᐹᓖᔅᓰᑯᑦ ᖃᖓᑕᓱᑯᕕᖕᒥ ᑐᐊᕕᓇᕐᑐᓕᕆᔨᑯᖁᑎᖏᑦ ᐊᒻᒪᓗ ᐊᓪᓚᕕᖓᑦ ᖃᑦᑎᕆᔨᒻᒪᕇᒃᑯᑦ ᐊᖓᔪᖃᖅᕕᖓᑦ, ᐊᒻᒪᓗ ᐊᓯᖏᑦ ᓄᓇᓕᐸᐅᔭᐃᑦ ᐊᕕᑦᑐᕐᓯᒪᕕᖏᑦᑕ ᐊᐅᓚᑦᓯᔨᖏᑦ. ᓄᓇᓕᒋᔭᕗᑦ ᐊᖏᑎᒋᓐᓂᖓᑦ ᑕᐅᑦᑐᓗᒍ ᓄᖃᓱᐃᑦᑐᕗᒍᑦ ᐱᔭᑦᓴᓕᒻᒪᕆᐊᓗᕋᑦᑕᕐᐳᒍᑦ ᐅᓐᓄᕐᑐᓂᒃ ᐊᒻᒪᓗ ᐱᔨᑦᓯᕋᐅᑎᑦᓯᐊᕋᑦᑕᕐᐳᒍᑦ ᖃᖓᑯᑦ ᐱᓪᓕᕆᒋᐊᖃᓕᕋᐃᒐᑦᑕ ᐊᒻᒪᓗ ᐅᓐᓄᕐᓯᕙᑦᓕᐊᔪᐃᑦ ᐱᑦᓯᕋᑕᑎᒋᐊᖃᕐᑕᕗᑦ ᑕᒻᒪᓂ ᓱᕐᓗ ᐃᑯᐊᓚᑦᑐᖃᕐᓂᕈᓐᓂ ᐊᒻᒪᓗ ᐊᓐᓂᐊᕕᒻᒧᖓᔪᓄᑦ ᑐᕋᖓᔪᑦ ᐃᑯᐊᓚᑦᑐᖃᖅᑎᑦᓗᒍ ᐅᕙᓗᓐᓂ ᓄᓇᓯᐅᑎᑯᑦ ᐱᕐᕈᓗᐊᕆᔪᖃᕐᓂᕈᓐᓂ ᐅᕙᓗᓐᓂ ᐊᑦᑕᓇᕐᑐᐃᑦ ᑯᕕᔪᒥᓐᓂᑦ, ᐊᓯᖏᑦᓗ. ᐃᑲᔪᕐᑕᐅᑦᓯᓐᓂᐊᖁᑎᑦ ᐃᑯᐊᓚᑦᑐᖃᓕᕐᓂᕐᑎᑦᓗᒍᑦ ᑐᐊᕕᓐᓇᕐᑐᖃᖅᑎᑦᓗᒍ ᐃᑲᔪᕈᓐᓇᖁᑎᑦ ᐊᑦᑕᓇᕐᑐᒥᑦᑐᖃᕐᓂᐊᖏᒻᒪᑦ ᐃᑲᔪᕈᓐᓇᑐᑎᑦ ᓴᓐᓂᕙᑦᓴᐅᑎᒋᐊᕐᓗᒍ ᓄᓇᓯᐅᑎᑦ ᐊᕝᕙᐃᒋᐊᕐᓗᑎᑦ, ᐊᒻᒪᓗ ᖃᓂᑦᑕᐃᓕᒋᐊᕐᓗᑎᑦ ᐱᔨᑦᓯᕋᖅᑎᐅᔪᓐᓂᒃ ᑐᐊᕕᓐᓇᕐᑐᖃᓕᕆᔪᖃᖅᑎᑦᓗᒍ ᐅᕙᓗᓐᓂ ᐃᑲᔪᕐᑎᐅᖃᑦᑕᐅᒍᓐᓇᑐᑎᑦ ᖃᑎᕆᔨᖑᕐᓗᑎᑦ ᐅᕙᓗᓐᓂ ᐱᔨᑦᓴᕋᕐᑎᐅᓗᑎᑦ ᐅᕙᑦᑎᑎᑐᑦ ᐃᓪᓚᓕᐅᑦᔭᐅᓗᑎᑦ ᐅᕙᑦᑎᓐᓄᑦ

ᑕᐃᒻᒪᓕ ᑭᖑᓕᕐᐸᒥᑦ ᐅᖃᐅᑎᒍᒪᕙᑦᓯ ᓇᒻᒥᓂᖅ ᐱᔨᑦᓯᕐᓯᐊᕋᑦᑕᕆᑦᑕᐅ ᓇᒻᒥᓂᖅ ᐅᒻᒪᓗ ᖃᑦᑕᖑᑎᖑᔪᓯ ᐊᖏᕋᓯᓐᓂ. ᖃᐅᔨᓴᕋᑦᑕᕆᖅ ᐊᖏᕋᓯᓐᓂ ᖃᑦᑎᖁᑎᖁᑏᑦ ᐊᒻᒪᓗ ᐳᔪᕐᑐᖃᓕᕐᓂᕈᓐᓂ ᐃᒃᑭᑦᑕᐅᑎᖏᑦ ᐱᔪᓐᓇᕋᓗᐊᒻᒪᖓᑦᑕ ᖃᐅᔨᓴᕋᑦᑕᑭᑦ ᐊᒻᒪᓗ ᐅᖃᖃᑎᖃᕋᑦᑕᕆᑦ ᐃᓪᓗᒥᐅᑕᓕᒪᓐ ᖃᐅᔨᒪᑦᓯᐊᖁᑦᓗᒋᑦ ᖃᓄᐃᒋᐊᖃᕋᔭᕐᒪᖓᑦᑕ ᑐᐃᕕᓐᓇᕐᑐᖃᓕᕐᓂᕈᓐᓂ ᐊᒻᒪᓗ ᖃᓐᓄᐃᑦᑐᖃᓕᕐᓂᕈᓐᓂ ᐊᖏᕋᓯᓐᓂ.

_____________________________________________________________________________________________________________________________________________________________________________________________________________________________________

ᐃᖅᑲᓇᐃᔭᕐᕕᖓᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᐅᑎᓕᕆᓂᕐᒥᑦ ᐱᖓᓱᐃᓕᖓᔪᑦ ᐃᖅᑲᓇᐃᔭᖃᑎᒌᑉᐸᑦᑐᓂᒃ ᓴᐳᒻᒥᑦᓯᓇᓱᐊᖅᑐᑎᒃ ᐃᓅᓯᕐᓂᒃ, ᐱᖁᑎᓂᒃ ᐊᒻᒪ ᓄᓇᐅᑉ ᐊᕙᑎᐊᓂᒃ.

  • ᖃᑦᑎᕆᔨᒃᑯᑦ - ᖃᐅᑕᒫᖅᑐᖅᓯᐅᑏᑦ, ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑏᑦ ᐊᒻᒪ ᒪᒃᑯᑦᑐᐃᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑏᑦ ᖃᑦᑎᕆᔩᑦ
  • ᓄᓇᒃᑰᔫᖅ ᑐᐊᕕᕐᓇᖅᑐᓕᕆᔾᔪᑎ
  • ᑐᓴᐅᒪᑎᑦᓯᓂᖅ/ᑭᐅᔩᑦ

ᖃᑦᑎᕆᔨᒃᑯᑦ ᐊᐅᓚᑦᓯᕙᒻᒥᔪᑦ ᓄᓇᒃᑰᔫᕐᒥᒃ ᑐᐊᕕᕐᓇᖅᑐᓕᕆᔾᔪᑎᒥᒃ; ᑲᑎᒪᓪᓗᒋᒃ ᐱᔨᑦᓯᕋᐅᑎᐅᔫᒃ.  ᐃᓘᓐᓇᑎᒃ ᐃᖅᑲᓇᐃᔭᕐᕕᐅᔪᑦ ᐃᖅᑲᓇᐃᔭᕐᕕᐅᕙᑦᑐᑦ ᐊᒻᒪ ᐊᐅᓚᑕᐅᕙᑦᑐᑎᒃ ᐊᑕᐅᑦᓯᒥ.  ᐃᖅᑲᓇᐃᔭᕐᕕᐅᓂᖓ ᐃᖅᑲᓇᐃᔭᕐᕕᐅᕙᑦᑐᖅ ᑲᑎᖕᖓᐸᑦᑐᑎᒃ ᐃᖅᑲᓇᐃᔭᖅᑎᓪᓚᕇᑦ ᐊᒻᒪ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᑦ ᓄᑖᒥᒃ ᒪᒃᑯᑦᑐᓂᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑕᐅᕙᓕᖅᑐᑎᒃ ᐱᓕᕆᐊᑦᓴᒃᑯᑦ.  ᐃᖅᑲᓇᐃᔭᕐᕕᐅᔪᖅ ᖃᐅᔨᓴᖅᑎᖃᖅᐸᑦᑐᑦ ᐊᑕᐅᓯᕐᒥᑦ ᐊᖏᔪᖅᑳᖃᖅᑐᑎᒃ ᖃᑦᑎᕆᔨᒥᒃ ᐊᒻᒪ ᒪᕐᕉᓪᓗᑎᒃ ᑐᖏᓕᖏᒃ ᖃᑦᑎᕆᔩᒃ.  ᐃᖅᑲᓇᐃᔭᕐᕕᒻᒥ ᐱᓕᕆᕙᑦᑐᑦ 18-ᖑᔪᑦ ᖃᐅᑕᒫᖅᑐᖅᓯᐅᑏᑦ ᖃᑦᑎᕆᔩ/ᐋᓐᓂᐊᔪᓕᕆᔩᑦ (ᖃᑦᑎᕆᔩᑦ/ᐋᓐᓂᐊᔪᓕᕆᔩᑦ), 5 ᑭᐅᔩᑦ ᐊᒻᒪ 25-ᖑᓪᓗᑎᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᑦ ᖃᑦᑎᕆᔨᓂᑦ (ᐱᖃᓯᐅᔾᔭᐅᓗᑎᒃ ᒪᒃᑯᑦᑐᐃᑦ ᐃᓚᒋᔭᐅᕙᑦᑐᑦ).

ᖃᑦᑎᕆᔨᒃᑯᑦ ᐊᐅᓚᑦᓯᕙᑦᑐᑦ ᐅᑯᓂᖓ ᓱᓇᒃᑯᑖᓂᒃ,

  • ᐱᖓᓱᑦ (3) ᓄᓇᒃᑰᔫᑦ ᑐᐊᕕᕐᓇᖅᑐᓕᕆᔾᔪᑏᑦ
  • ᐊᑕᐅᓯᖅ (1) ᒪᔪᕋᐅᑎᓕᒃ ᓄᓇᒃᑰᔫᐸᐅᔭᖅ ᖃᑦᑎᕆᔾᔪᑎ
  • ᐊᑕᐅᓯᖅ (1) ᒥᓪᓗᐊᕈᑎᓕᒃ
  • ᒪᕐᕉᒃ (2) ᐊᖏᔪᖅᑳᓄᑦ ᓄᓇᒃᑰᔫᒃ

ᑖᒃᑯᐊ ᕿᑲᕐᓯᔪᐃᑦᑐᑦ ᐃᖅᑲᓇᐃᔭᖅᑏᑦ ᑭᐅᓚᐅᖅᑐᑦ ᐊᒥᓲᓂᕐᓴᓂᑦ 109,604-ᓂᑦ ᐊᐱᖅᑯᑎᓂᑦ 2018-ᒥ, ᖃᐅᑕᒫᑦ ᐅᖓᑖᓃᑉᐸᑦᑐᓂᑦ 300 ᐊᔾᔨᒌᖏᑦᑐᓂᑦ ᐅᖄᓚᕙᑦᑐᓂᑦ.  ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔾᔪᑎ ᑭᐅᓚᐅᖅᑐᑦ 2,463 ᐅᖄᓚᔪᓂᑦ, ᖃᑦᑎᕆᔨᒃᑯᑦ ᐅᖄᓚᕕᐅᓚᐅᖅᑐᑦ 488-ᓄᑦ, ᑲᑎᑦᑐᒋᑦ ᐊᕐᕌᒍᒥ ᐅᖄᓚᕕᐅᓚᐅᖅᑐᑦ 2,951-ᕌᖅᑎᖅᑐᑎᒃ.  120 %-ᓂᑦ ᐃᓚᒋᐊᕐᓯᒪᔪᑦ ᐅᖄᓚᕕᐅᕙᓐᓂᖏᓐᓂᑦ ᐊᕐᕌᒍᓂ ᑕᓪᓕᒪᓂ (5).  ᐱᓕᒻᒪᓴᖅᑎᑕᐅᖏᓐᓇᐅᔭᖅᑐᑦ ᖃᑦᑎᕆᔨᒃᑯᓐᓂ ᐱᓕᕆᕙᑦᑐᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᑦ ᐊᒻᒪ ᖃᐅᑕᒫᖅᑐᖅᓯᐅᑏᑦ ᐃᖅᑲᓇᐃᔭᖅᑎᐅᔪᑦ ᐱᔭᕇᕐᓯᒪᓕᖅᑐᑎᒃ 11,000 ᐃᑲᕐᕋᓂᒃ ᐱᓕᒻᒪᓴᖅᑐᑎᒃ 2018-ᒥ.  2018-ᖑᑎᓪᓗᒍ, ᐱᖓᓱᑦ (3) ᐊᑭᓕᕐᓱᖅᑕᐅᒐᑎᒃ ᐃᑲᔪᖅᐸᑦᑐᑦ ᐃᓕᑕᕆᔭᐅᔾᔪᑎᑖᓚᐅᖅᑐᑦ ᐅᕘᓇ ᐱᓕᒻᒪᑦᓴᐅᑎᒃᑯᑦ 1001 ᓯᕗᓪᓕᐹᕐᓯᐅᑎᒍᑦ 1 ᐊᒻᒪ ᒪᕐᕉᒃ (2) ᖃᑦᑎᕆᔨᐅᔫᒃ, ᐊᕐᕌᒍᑦᑎᓐᓂ ᐊᑐᖅᑕᑎᓐᓂ ᐊᒥᓲᓂᕐᓴᐃᑦ ᐃᓕᑕᕆᔭᐅᔾᔪᑎᑖᕐᕋᓱᓐᓂᐊᖅᑐᑎᒃ.

ᓄᓇᓕᐸᐅᔭᐃᑦ ᐃᖃᓗᐃᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᐅᑎᓕᕆᔨᖏᑦ ᕿᓃᓐᓇᐅᔭᖅᑐᑦ ᓄᑖᓂᒃ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᓂᒃ ᖃᑦᑎᕆᔨᐅᓂᕐᒥᑦ ᐊᒻᒪ ᒪᒃᑯᑦᑐᓂᒃ ᐃᓚᒋᔭᐅᔪᒪᔪᓂᑦ.  ᑐᑭᓯᒃᑲᓐᓂᕈᒪᒍᑦᓯ, ᖃᐅᔨᒋᐊᓚᐅᕐᓯᐅᒃ ᖃᑦᑎᕆᔨᒃᑯᑦ ᐃᖅᑲᓇᐃᔭᕐᕕᖓᑦ ᐅᕝᕙᓘᓐᓃᑦ ᐅᑯᐊ ᕿᒥᕐᕈᐊᕐᓗᒋᑦ ᓇᓗᓇᐃᔭᐃᑏᑦ ᐃᖅᑲᓇᐃᔮᒥᒃ (introduction to the job.).  ᑎᑎᕋᕐᕕᑦᓴᖅ ᑎᑎᕋᕐᕕᒋᔪᓐᓇᕐᒥᔭᓯ ᐅᓇ  ᐊᒻᒪ ᑐᓂᒋᐊᖅᑐᕐᓗᒍ ᖃᑦᑎᕆᕕᒻᒧᑦ.

ᑐᑦᓯᕋᐅᑎᓕᐅᕈᑏᑦ ᖃᑦᑎᕆᔨᐅᓂᕐᒧᑦ ᑕᑯᔭᐅᔪᓐᓇᕐᒥᔪᑦ ᐅᕙᓂ ᐃᖅᑲᓇᐃᔮᑦᓴᓕᕆᔪᒥᑦ (Careers) ᓯᑎᒃᑯᓐᓂ.

ᒪᒃᑯᑦᑐᓄᑦ ᖃᑦᑎᕆᓂᕐᒥᑦ ᐱᓕᕆᐊᑦᓴᖅ

ᐊᒥᓱᐊᓘᔪᑦ ᓄᓇᓕᓐᓂ ᒪᒃᑯᑦᑐᓄᑦ ᖃᑦᑎᕆᓂᕐᒥᑦ ᐱᓕᕆᐊᑦᓴᖃᐅᖅᑐᑦ ᑲᓇᑕᒥ ᐊᒻᒪ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᓚᒋᔭᐅᓕᖅᑐᑦ ᑕᐃᒃᑯᓄᖓ.  ᐱᔪᒪᓕᖅᑎᑦᓯᓇᓱᐊᕐᓂᐅᔪᖅ ᒪᒃᑯᓐᓂᖏᓐᓂ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᐅᑎᓕᕆᓂᕐᒥᑦ ᐃᓅᓯᓕᒫᒥᓂ ᐊᑦᑐᐊᓂᖃᖁᓪᓗᒋᑦ ᑐᐊᕕᕐᓇᖅᑐᓕᕆᓂᕐᒥᑦ, ᐅᐸᑦᑎᐅᖃᑕᐅᓂᒃᑯᑦ ᐅᕝᕙᓘᓐᓃᑦ ᓄᓇᓕᓐᓂᑦ ᐃᑲᔪᕐᓱᐃᔨᐅᓂᒃᑯᑦ.  ᒪᒃᑯᑦᑐᐃᑦ ᖃᑦᑎᕆᓂᕐᒥᑦ ᐱᓕᕆᐊᑦᓴᐃᑦ ᐃᓕᓐᓂᐊᕈᓐᓇᑎᑦᓯᕙᑦᑐᑦ ᑲᓇᑕᐅᑉ ᒪᒃᑯᑦᑐᖁᑎᖏᓐᓂᑦ ᓄᓇᓕᓐᓂ ᐃᑯᐊᓚᓕᕆᓂᕐᒥᑦ, ᐃᓅᓕᓴᐃᓂᕐᒥᑦ, ᐊᒻᒪ ᑐᐊᕕᕐᓇᖅᑐᓕᕆᓂᕐᒥᑦ ᐋᓐᓂᐊᔪᓕᕆᓂᒃᑯᑦ ᐱᔨᑦᓯᕋᐅᑎᓂᑦ ᑲᑐᔾᔨᖃᑎᒌᓄᑦ ᐊᑐᖅᑕᐅᕙᑦᑐᓂᑦ ᐊᑦᑕᓇᔾᔭᐃᕐᓯᒪᓪᓗᑎᒃ, ᐊᐅᓚᑕᐅᑦᓯᐊᖅᑐᓂᑦ, ᐃᓕᓐᓂᐊᕈᑎᑦᓴᓂᑦ, ᐊᒻᒪ ᖁᕕᐊᓇᖅᑎᑕᐅᕙᑦᑐᑎᒃ ᐊᑕᐅᓯᒃᑯᑦ ᑲᑐᔾᔨᖃᑎᒌᓂᑦ ᐱᐅᔪᐊᓗᒻᒥᑦ ᐱᓕᕆᐊᑦᓴᓕᕆᔨᑦᓴᓂᑦ ᐱᓕᕆᔾᔪᑎᒥᑦ.

ᐃᓵᑉᐸᑦᑐᓂ ᑭᒃᑯᑐᐃᓐᓇᕐᓂᑦ ᒪᒃᑯᓐᓂᖏᓐᓂ ᐊᑯᓂᐊᓗᒃ ᐃᓅᓯᖏᑎᒍᑦ ᐊᑦᑐᐃᓂᖃᕈᓐᓇᕐᒪᑕ, ᐊᒻᒪ ᐊᔭᐅᖅᑐᐃᕙᓐᓂᖅ ᒪᒃᑯᑦᑐᓂᑦ ᐃᓚᒋᔭᐅᖃᑦᑕᖁᓪᓗᒋᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᐅᑎᓕᕆᓂᕐᒥᑦ ᐱᕙᓪᓕᐅᑎᕐᔪᐊᕈᓐᓇᕐᒪᑦ ᓄᓇᓕᓐᓄᑦ ᐊᒻᒪ ᑲᑐᔾᔨᖃᑎᒌᓄᑦ.  ᐃᑲᔫᑎᐅᔪᓐᓇᖅᑐᑦ ᒪᒃᑯᑦᑐᓂᑦ ᖃᑦᑎᕆᓂᕐᒥᑦ ᐱᓕᕆᐊᑦᓴᓕᓂᒃᑯᑦ ᒪᑯᓂᖓ ᐱᖃᓯᐅᔾᔨᔪᑦ:

  • ᒪᒃᑯᑦᑐᓂᑦ ᑕᑯᒋᐊᖅᑎᑦᓯᔪᓐᓇᐸᑦᑐᑦ ᐊᒻᒪ ᐃᓱᒪᓕᕈᓐᓇᖅᑐᑎᒃ ᐊᕐᕌᒍᒐᓴᓂᑦ ᐃᓚᒋᔭᐅᓂᕐᒥᑦ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᐅᑎᓕᕆᓂᕐᒥᑦ;
  • ᐅᔾᔨᕈᓱᓕᒃᑲᓐᓂᑎᑦᓯᒋᐊᖅᐸᑦᑐᑦ ᒪᒃᑯᑦᑐᓂᒃ ᐊᑭᓕᕐᓱᖅᑕᐅᖏᓪᓗᑎᒃ ᐃᑲᔪᖅᑎᐅᓂᕐᒥᑦ ᐊᒻᒪ ᐃᑲᔪᕐᓱᐃᕙᓐᓂᕐᒥᑦ ᖃᑦᑎᕆᓂᒃᑯᑦ ᐊᒻᒪ ᑐᐊᕕᕐᓇᖅᑐᓕᕆᓂᒃᑯᑦ ᐱᔨᑦᓯᕋᐅᑎᓂᑦ;
  • ᑲᑐᔾᔨᖃᑎᒌᖑᔪᓂᑦ ᐃᑲᔪᖅᑕᐅᑲᓐᓂᑎᑦᓯᔾᔪᑎᐅᔪᑦ ᐱᔭᕇᖅᐸᓂᒃᑯᑦ ᐱᓕᕆᐊᑦᓴᓂᑦ ᐊᑦᑐᐊᖏᑦᑐᓂᑦ ᖃᑦᑎᕆᓂᕐᒥᑦ ᐅᕝᕙᓘᓐᓃᑦ ᑐᐊᕕᕐᓇᖅᑐᓕᕆᓂᕐᒥᑦ;
  • ᐊᑑᑎᓕᒻᒪᕆᐅᔪᓂᑦ ᐃᓅᓯᖏᓐᓂ ᐊᑐᕈᓐᓇᖅᑐᓂᑦ ᐱᓕᒻᒪᑦᓴᐅᑎᐅᔪᓐᓇᖅᑐᑦ, ᓲᕐᓗ ᐊᓯᒥᓂᒃ ᐱᓕᕆᖃᑎᖃᕈᓐᓇᓂᕐᒥᑦ, ᐃᑉᐱᒍᓱᒍᓐᓇᓂᕐᒥᑦ ᐱᓕᕆᐊᑦᓴᓂᑦ, ᐊᒻᒪ ᑲᑐᔾᔨᖃᑎᒌᒍᓐᓇᓂᕐᒥᑦ ᑲᓇᑕᒥ ᒪᒃᑯᑦᑐᖁᑎᑦᑎᓐᓂᑦ;
  • ᓯᕗᓕᖅᑎᐅᔪᓐᓇᓂᕐᒥᑦ ᐱᕙᓪᓕᐊᑎᑦᓯᔾᔪᑎᐅᔪᖅ ᒪᒃᑯᑦᑐᓂᑦ, ᖃᐅᑉᐸᑦ ᓯᕗᓕᖅᑎᑦᓴᖏᓐᓂᑦ; ᐊᒻᒪ
  • ᐃᓕᓐᓂᐊᑎᑦᓯᔾᔪᑎᐅᔪᓐᓇᖅᑐᑦ ᐊᖏᔪᖅᑳᕆᔭᐅᔪᓂᑦ ᒪᒃᑯᑦᑐᓄᑦ ᐊᒻᒪ ᐃᓕᓴᐃᔨᐅᔪᓂᑦ ᐱᓕᒻᒪᕆᐅᓂᖓᓂᑦ ᐊᔭᐅᖅᑐᐃᖃᑦᑕᓂᒃᑯᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᖃᑦᑕᓂᕐᒥᑦ.

ᐃᓚᒋᔭᐅᔪᒪᕖᑦ?

ᓂᐱᑎᑦᓯᑐᐃᓐᓇᖁᔪᖅ ᑐᑦᓯᕋᐅᑎᒥᑦ ᐱᓇᓱᐊᕈᑎᒥᑦ, ᐱᔭᕇᕐᓗᒋᑦ ᐊᒻᒪ ᑐᓂᓗᒍ ᑎᑎᕋᕐᕕᑦᓴᖅ ᐊᑎᓕᐅᕈᑎ ᖃᑦᑎᕆᔨᒃᑯᑦ ᐃᖅᑲᓇᐃᔭᕐᕕᖏᓐᓅᕈᑎᓕᕐᓗᒍ.  ᐊᖏᖅᑕᐅᓚᐅᖅᑎᓪᓗᑎᑦ, ᖃᐅᔨᑲᖅᑕᐅᒐᔭᖅᑐᑎᑦ ᐊᒻᒪ ᖃᓄᐃᓕᐅᕐᓂᐊᖅᑕᐃᑦ ᐅᑕᖅᑭᓂᐊᖅᑐᖅ.  ᐱᓕᒻᒪᓴᖅᐸᑦᑐᑦ ᐅᕝᕙᓘᓐᓃᑦ ᖃᑦᑎᕆᔾᔪᑎᓂᑦ ᐃᖃᐃᓕᓴᖅᐸᑦᑐᑦ ᓇᒡᒋᔾᔭᐅᓕᖅᑭᑕᒫᑦ/ᐊᐃᑉᐱᑕᒫᑦ ᐅᓐᓄᒃᑯᑦ ᐱᒋᐊᖅᑐᑎᒃ 7-ᒨᐸᐃᒻᒪᑦ 10-ᒨᕋᓱᓐᓂᖓᓂ.

______________________________________________________________________________________________________________________________________________________________________________________________________________________________________

ᖃᐅᔨᒋᐊᕐᕕᑦᓴᑦ

ᔨᐊᕝ ᓱᕕᒡᔅ - ᐊᖏᔪᖅᑳᖓᑦ ᑐᐊᕕᕐᓇᖅᑐᓕᕆᓂᕐᒥᑦ ᐊᒻᒪᓗ ᓴᐳᓐᓂᐊᓂᕐᒥᑦ ᐱᔨᑦᓯᕋᖅᑎᑦ
ᖃᕋᑕᐅᔭᒃᑯᑦ: firechief@iqaluit.ca
ᐅᖄᓚᐅᑎᖓ: (867)979-5653 

ᓚᓐᑎᔅ ᑲᒻᒪᐃᑯ - ᑐᓪᓕᐊ ᐊᖏᔪᖅᑳᕆᔭᐅᑉ 
ᖃᕋᑕᐅᔭᒃᑯᑦ: l.carmichael@iqaluit.ca
ᐅᖄᓚᐅᑎᖓ: (867)979-5657

ᐅᖄᓚᐅᑎᖓ: (867) 979-5662

ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᑦ ᑭᐅᔨᑦ
ᖃᕋᑕᐅᔭᒃᑯᑦ: dispatch@iqaluit.ca
ᐅᖄᓚᐅᑎᖓ: ᐱᔭᑦᓴᓄᑦ (867) 979-5650
ᑐᐊᕕᕐᓇᖅᑐᓄᑦ: (867) 979-4422