ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐃᖅᑲᓇᐃᔭᖅᑎᖏᑦ ᐱᓕᕆᔨᐅᒻᒪᑕ ᓄᓇᐅᑉ ᖃᓄᖅ ᐊᑐᖅᑕᐅᓂᐊᕐᓂᖓᓄᑦ ᐸᕐᓇᐅᑎᓕᕆᐅᖅᑎᐅᓗᑎᒃ, ᓄᓇᒥᑦ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐊᒻᒪ ᓄᓇᓕᓐᓂ ᐊᐅᓚᑦᑎᔨᓄᑦ ᓄᓇᖁᑎᖏᓐᓂᑦ ᐱᓕᕆᔨᐅᓗᑎᒃ. ᐃᖅᑲᓇᐃᔭᖅᑎᖏᑦ ᐱᓕᕆᐊᖃᖅᐸᑦᑐᑦ ᑲᑎᒪᔨᓂᑦ ᐱᔭᑦᓴᓕᐊᖑᓯᒪᔪᓂᑦ ᐊᒻᒪ ᖃᓄᑐᐃᓐᓇᖅ ᐊᔾᔨᒌᖏᑦᑐᓂᑦ ᐸᐃᑉᐹᓕᕆᓂᒃᑯᑦ ᐊᒻᒪ ᓱᓇᑐᐃᓐᓇᐃᑦ ᐋᖅᑭᓱᕐᓯᒪᑦᑎᐊᕆᐊᖃᕐᓂᖏᓐᓂᑦ ᐱᔨᑦᓯᕋᐅᑎᓕᕆᔨᐅᓗᑎᒃ.
ᐱᓕᕆᐊᕆᓪᓗᐊᐸᑦᑕᕗᑦ ᐅᑯᓂᖓ ᐱᖃᓯᐅᔾᔨᕙᑦᑐᑦ:
- ᐅᐸᓗᖓᐃᔭᐃᓂᖅ, ᐊᑐᓕᖅᑎᑦᑎᓂᖅ ᐊᒻᒪ ᐊᑐᖅᑎᑦᑎᓂᖅ ᓯᑎᒃᑯᑦ ᓱᓇᓕᒫᓂᑦ ᐸᕐᓇᐅᑎᖓᓐᓂᑦ, ᓄᓇᖁᑎᓄᑦ ᑭᓪᓕᓕᐅᕈᑎᒥᑦ ᒪᓕᒐᕋᓛᖁᑎᖏᒍᑦ ᐊᒻᒪ ᓄᓇᓕᕆᔾᔪᑎᓂᑦ ᒪᓕᒐᕋᓛᖁᑎᖏᒍᑦ.
- ᐅᐸᓗᖓᐃᔭᐃᕙᑦᑐᑦ ᐱᕙᓪᓕᐊᑎᑦᑎᔾᔪᑎᑦᓴᓂᑦ ᐃᓱᒪᒋᔭᐅᔪᓂᑦ ᐊᒻᒪ ᐃᓪᓗᖃᕐᕕᑦᓴᓂᑦ ᐸᕐᓇᐅᑎᓕᐅᖅᐸᑦᑐᑎᒃ.
- ᖃᐅᔨᓴᖅᐸᑦᑐᑦ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐴᕐᒥᑦᓂᑦ ᑐᑦᓯᕋᐅᑎᓂᑦ.
- ᐃᓘᓐᓇᖏᓐᓂᑦ ᐱᓕᕆᔾᔪᑎᐅᔪᓂᑦ ᐊᑦᑐᐊᔪᓂᑦ ᐊᑭᓕᕆᐊᓕᓐᓄᑦ, ᓴᒃᑯᐃᓯᓂᕐᒧᑦ ᐊᒻᒪ ᐊᑐᖅᑐᐊᑎᑦᑎᓂᕐᒧᑦ ᓄᓇᓕᓐᓂ ᓄᓇᖁᑎᓂᑦ.
ᑐᑭᓯᒋᐊᕐᕕᑦᓴᖅ ᐱᔾᔪᑎᒋᓪᓗᒋᑦ ᐊᑐᐊᒐᐃᑦ ᐊᒻᒪ ᒪᓕᒋᐊᓖᑦ ᐊᑐᖅᑕᐅᕙᑦᑐᑦ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐃᖃᓗᓐᓂ, ᑕᑯᔭᐅᔪᓐᓇᖅᑐᑦ ᓄᓇᓕᐸᐅᔭᐃᑦ ᐃᖃᓗᐃᑦ ᓱᓇᓕᒫᓄᑦ ᐸᕐᓇᐅᑎᖓᓐᓂᑦ (ᒪᓕᒐᕋᓛᖅ ᓈᓴᐅᑎᓕᒃ 703) ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᕐᒥᑦ (ᒪᓕᒐᕋᓛᖅ ᓈᓴᐅᑎᓕᒃ 704). ᑐᑭᓯᑦᑎᐊᕈᒪᒍᕕᒋᑦ ᐊᑐᖅᑕᐅᔭᕆᐊᖃᖅᐸᑦᑐᑦ ᓴᓇᓂᐊᖅᑕᓐᓄᑦ ᐊᑦᑐᐊᓂᖏᓐᓂᑦ, ᖃᐅᔨᒋᐊᖁᔪᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᐃᖅᑲᓇᐃᔭᖅᑎᐅᔪᑦ. ᐃᖅᑲᓇᐃᔭᖅᑏᑦ ᐊᑐᐃᓐᓇᐅᖏᓐᓇᐸᑦᑐᑦ ᐃᑲᔪᖅᑕᐅᔪᒪᓕᕐᓂᕈᕕᑦ ᐊᐱᖅᑯᑎᓐᓂᑦ.
ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᐃᖅᑲᓇᐃᔭᕐᕕᒃ ᐃᓪᓗᒦᑦᑐᖅ 2425.
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᐃᖅᑲᓇᐃᔭᕐᕕᒃ ᐃᓪᓗᒦᑦᑐᖅ 2425.
