ᑲᑎᒪᔨᕋᓛᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᖅᐸᑦᑐᑦ ᑲᑎᒪᔨᕋᓛᓂᑦ ᓴᖅᑮᔪᒪᓪᓗᑎᒃ ᐱᔾᔪᑎᐅᔪᓂᑦ ᑲᑎᒪᔨᓄᑦ.  ᑲᑎᒪᔨᕋᓛᑦ ᓴᖅᑮᕙᑦᑐᑦ ᐱᔾᔪᑎᐅᔪᓂᑦ ᐊᑐᓕᖁᔨᔾᔪᑎᓕᐅᕈᑎᒃᑯᑦ ᑲᑎᒪᔨᓄᑦ.  ᑲᑎᒪᔨᓄᑦ ᐅᖃᐅᓯᐅᓕᖅᐸᑦᑐᑦ ᐱᔾᔪᑎᐅᔪᑦ ᐊᒻᒪ ᐊᐅᓚᔾᔭᐃᒋᐊᖁᔨᑐᐃᓐᓇᕆᐊᖃᖅᐸᑦᑐᑎᒃ ᐅᕝᕙᓘᓐᓃᑦ ᐱᔭᑦᓴᓕᐅᕈᑎᒋᓪᓗᒋᑦ.  ᐃᓘᓐᓇᑎᒃ ᑲᑎᒪᔨᓄᑦ ᐃᓚᒋᔭᐅᔪᑦ ᐱᔨᑦᓯᕋᖅᐸᑦᑐᑦ ᐊᔾᔨᒌᖕᖏᑦᑐᓂᑦ ᑲᑎᒪᔨᕋᓛᓂ.

ᑲᑎᒪᔨᕋᓛᑦ ᑲᑎᒪᕙᑦᑐᑦ ᑕᖅᑭᑕᒫᖅ ᐅᕝᕙᓘᓐᓃᑦ ᑲᑎᒪᒋᐊᖃᓕᕋᐃᒐᒥᒃ.

ᓯᑎᒃᑯᑦ ᒪᕐᕉᓐᓂᒃ ᐃᖅᑲᖅᑐᐃᔨᕋᓛᖅᑎᑐᑦ ᐊᐅᓚᓂᓖᓐᓂᒃ ᑲᑎᒪᔨᖃᕐᒥᔪᑦ (ᑎᑎᕋᕐᓯᒪᔪᑦ ᑕᕝᕙᓂ) ᐊᐅᓚᑉᐸᑦᑑᓐᓂᒃ ᐃᒻᒥᓂᕐᓱᐸᓗᑦᑐᑎᒃ ᓯᑎᒃᑯᓐᓄᑦ ᐊᑦᑐᐊᓗᐊᕋᑎᒃ, ᐊᒻᒪ ᐊᐅᓚᑕᐅᒐᑎᒃ ᑲᑎᒪᔩᑦ ᐱᓕᕆᔾᔪᑎᖏᒍᑦ.  ᐊᐅᓚᑕᐅᔪᑦ ᐸᕐᓇᐅᑎᓕᕆᓂᕐᒥᑦ ᐱᖁᔭᑎᒍᑦ ᐊᒻᒪ ᐱᖁᑎᓂᑦ ᖃᐅᔨᓴᐅᑎᑦ ᐊᒻᒪ ᑖᒃᓰᔭᐃᔭᐅᑎᓄᑦ ᐱᖁᔭᑎᒍᑦ.

ᑲᑎᒪᔨᕋᓛᓄᑦ ᐃᓚᒋᔭᐅᔪᑦᓴᑦ

ᒪᓕᑦᑐᒋᑦ ᑎᑎᕋᕐᓯᒪᓂᖏᑦ ᒪᓕᒐᕋᓛᑉ 526:

ᑎᑎᕋᕐᓯᒪᕕᖓᑦ 77: ᒪᐃᔭ ᒪᐃᔭᐅᓂᕐᒥᓄᑦ ᐃᓚᒋᔭᐅᔪᖅ ᐃᓘᓐᓇᖏᓐᓄᑦ ᑲᑎᒪᔩᑦ ᑲᑎᒪᔨᕋᓛᖏᓐᓄᑦ ᐊᒻᒪ ᐊᔾᔨᐅᖏᑦᑐᓄᑦ ᑲᑎᒪᔨᕋᓛᓄᑦ, (ᑕᒪᓐᓇ ᑐᑭᖃᖅᑐᖅ ᓇᓪᓕᐊᓐᓄᑐᐃᓐᓇᑦᓯᐊᖅ ᑲᑎᒪᔨᕋᓛᑦ ᑲᑎᒪᑎᓪᓗᒋᑦ ᐅᐸᒍᓐᓇᖅᑐᖅ).

ᑎᑎᕋᕐᓯᒪᕕᖓᑦ 80: ᓇᓪᓕᐊᓐᓂᑐᐃᓐᓇᖅ ᑲᑎᒪᔨᕋᓛᓂ, ᐊᕝᕙᖏᑦ ᐃᓚᒋᔭᐅᔪᑦ ᐅᐸᑦᓯᒪᑎᓪᓗᒋᑦ ᓈᒻᒪᐸᓐᓂᐊᖅᑐᑦ ᑲᑎᒪᐅᑎᖃᕈᓐᓇᕐᓗᑎᒃ.

ᑎᑎᕋᕐᓯᒪᕕᖓᑦ 81: ᐊᑐᓕ ᐃᓚᒋᔭᐅᔪᖅ ᑲᑎᒪᔩᑦ ᑲᑎᒪᔨᕋᓛᖏᓐᓄᑦ ᐅᕝᕙᓘᓐᓃᑦ ᐊᔾᔨᐅᖏᑦᑐᓄᑦ ᑲᑎᒪᔨᕋᓛᓄᑦ ᐊᑕᐅᓯᐊᕐᓗᑎᒃ ᓂᕈᐊᕈᑎᖃᕈᓐᓇᐸᑦᑐᑦ ᐊᑐᓂ ᑲᑎᒪᐅᑕᐅᔪᒥᑦ ᓴᖅᑭᑕᐅᓯᒪᔪᒥᑦ ᑲᑎᒪᓂᖓᓂ ᑲᑎᒪᔨᕋᓛᑦ ᑕᐃᓐᓇ ᐃᓚᒋᔭᐅᔪᖅ ᐅᐸᑦᓯᒪᓚᐅᑐᐊᕈᓂ.

ᑎᑎᕋᕐᓯᒪᕕᖓᑦ 82: ᑲᑎᒪᖁᔭᐅᓗᑎᒃ ᓇᓪᓕᖏᑦ ᑲᑎᒪᔨᕋᓛᑦ ᐅᖃᐅᔾᔭᐅᑐᐃᓐᓇᕆᐊᓖᑦ ᑲᑎᒪᒋᐊᖃᓕᕋᐃᒍᑎᒃ ᐃᑦᓯᕙᐅᑕᖓᓐᓄᑦ ᑲᑎᒪᔨᕋᓛᑦ ᐅᕝᕙᓘᓐᓃᑦ ᓇᓪᓕᑐᐃᓐᓇᖏᓐᓄᑦ ᒪᕐᕉᓐᓄᑦ ᐃᓚᒋᔭᐅᔫᓐᓄᑦ ᑲᑎᒪᔨᕋᓛᓄᑦ ᐊᒻᒪ ᑲᑎᒪᔨᕋᓛᖑᖃᑕᐅᔪᑦ ᓇᓗᓇᐃᕐᓯᕕᐅᒐᔭᖅᑐᑎᒃ.

ᑲᑎᒪᔩᑦ ᑲᑎᒪᔨᕋᓛᖑᑎᓪᓗᒋᑦ

ᐃᓘᓐᓇᑦᓯᐊᑎᒃ ᑲᑎᒪᔨᓄᑦ ᐃᓚᒋᔭᐅᔪᑦ ᐱᖃᑕᐅᕙᑦᑐᑦ ᐅᑯᓇᓂ ᑲᑎᒪᔨᕋᓛᓂ.

ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ ᐊᒻᒪ ᓴᓇᔪᓕᕆᓂᕐᒥᑦ ᑲᑎᒪᔨᕋᓛᑦ

ᑖᒃᑯᐊᓕ ᑲᑎᒪᔨᕋᓛᖑᕙᑦᑐᑦ ᐃᓘᓐᓇᑦᓯᐊᑎᒃ ᐃᓚᒋᔭᐅᔪᑦ ᓯᑎᒃᑯᑦ ᑲᑎᒪᔨᖏᓐᓄᑦ.  ᐃᑉᐱᒍᓱᑦᑎᐅᔪᑦ ᐱᓕᕆᐊᑦᓴᓂᑦ ᐊᒻᒪ ᒪᑭᒪᑎᑦᓯᔾᔪᑎᖏᓐᓂᑦ ᓄᓇᓕᓐᓂ ᐊᐅᓚᑦᓯᔩᑦ ᐱᔨᑦᓯᕋᐅᑎᖏᓐᓂᑦ, ᐊᒻᒪᑦᑕᐅᖅ ᐃᓘᓐᓇᖏᓐᓂᑦ ᐊᑭᑐᔪᓂᑦ ᐱᓕᕆᐊᑦᓴᓂᑦ ᐊᑦᑐᐊᓂᖃᖅᑐᓂᑦ ᐱᕙᓪᓕᐊᑎᑕᐅᕙᓪᓕᐊᓂᖏᓐᓂᑦ ᓄᓇᓕᓐᓂ ᐱᓕᕆᔾᔪᑎᒍᑦ ᒪᑭᒪᔾᔪᑎᖏᑕ.

ᐃᑲᔪᖅᐸᑦᑐᑦ ᐱᓕᕆᓂᒃᑯᑦ ᐃᖅᑲᓇᐃᔭᖅᑏᑦ: ᐊᖏᔪᖅᑳᖓᑦ ᓴᓇᔪᓕᕆᓂᕐᒥᑦ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ, ᐊᐅᓚᑦᓯᔾᔪᑎᓂᑦ ᐃᖅᑲᓇᐃᔭᖅᑏᑦ ᖃᐅᔨᓴᖅᑎᖓᑦ, ᐱᔨᑦᓯᕋᐅᑎᓂᑦ ᓱᓪᓗᓕᓕᕆᔨᓂᑦ ᐊᐅᓚᑦᓯᔨ, ᑎᒥᐅᔪᒥᑦ ᐊᐅᓚᑦᓯᔨᒻᒪᕆᒃ

  1. ᐃᑦᓯᕙᐅᑕᖅ: ᑲᑎᒪᔨ ᕉᒪᐃᓐ ᓯᑏᕙᓐᓴᓐ
  2. ᑐᓪᓕᐊ: ᑲᑎᒪᔨ ᔪᐊᓇᓯ ᐊᑯᒪᓕᒃ

ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᑲᑎᒪᔨᕋᓛᑦ

ᑲᑎᒪᔨᕋᓛᓄᑦ ᐃᓚᒋᔭᐅᕙᑦᑐᑦ ᐃᓚᒋᔭᐅᔪᓕᒫᑦ ᓯᑎᒃᑯᑦ ᑲᑎᒪᔨᖏᓐᓄᑦ.  ᖃᐅᔨᓴᖅᐸᑦᑐᑦ ᐱᔾᔪᑎᓕᓐᓂᑦ ᐊᑦᑐᐊᓂᓕᓐᓂᑦ ᓄᓇᐅᑉ ᖃᓄᖅ ᐊᑐᖅᑕᐅᔪᑦᓴᖏᓐᓄᑦ ᐸᕐᓇᐅᓂᕐᒥᑦ, ᐱᕙᓐᓂᐊᑎᑦᓯᓂᕐᒥᑦ ᓴᓇᓂᒃᑯᑦ ᐊᒻᒪ ᓄᓇᓕᕆᓂᕐᒥᑦ.  ᐃᓱᒪᑦᓴᕐᓯᐅᕈᑎᖃᖅᐸᑦᑐᑦ ᐱᔭᑦᓴᓕᐅᕈᑎᑦᓴᓂᑦ ᐅᐸᓗᖓᐃᔭᖅᑕᐅᕙᑦᑐᓂᑦ ᐸᕐᓇᐅᑎᓕᕆᓂᕐᒥᑦ ᐊᒻᒪ ᓄᓇᓕᕆᓂᕐᒥᑦ ᐃᖅᑲᓇᐃᔭᖅᑎᓄᑦ ᐊᒻᒪ ᐊᑐᓕᖁᔨᔾᔪᑎᓕᐅᖅᐸᑦᑐᑎᒃ ᑲᑎᒪᔨᓄᑦ ᐱᔾᔪᑎᖃᖅᑐᓂᑦ ᐱᔭᑦᓴᓕᐅᕈᑎᓂᑦ.

ᑲᑎᒪᔨᕋᓛᖑᔪᑦ ᐃᑉᐱᒍᓱᑦᑎᐅᔪᑦ ᐊᐅᓚᑦᓯᔨᐅᓂᒃᑯᑦ ᓄᓇᐅᑉ ᖃᓄᖅ ᐊᑐᖅᑕᐅᔪᑦᓴᖓᓂᑦ ᐸᕐᓇᐃᓂᕐᒥᑦ, ᓄᓇᒥᑦ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ ᐊᒻᒪ ᐸᐃᑉᐹᓕᕆᕙᑦᑐᑎᒃ ᓄᓇᓕᕆᓂᕐᒨᖓᔪᓂᑦ ᓄᓇᓕᐅᑉ ᐃᓗᐊᓃᑦᑐᓂᑦ.

ᐃᑲᔪᖅᐸᑦᑐᑦ ᐱᓕᕆᓂᒃᑯᑦ ᐃᖅᑲᓇᐃᔭᖅᑏᑦ: ᐊᖏᔪᖅᑳᖅ ᐸᕐᓇᐅᑎᓕᕆᓂᕐᒥᑦ ᐊᒻᒪ ᐱᕙᓪᓕᐊᑎᑦᓯᓂᕐᒥᑦ ᓴᓇᓂᒃᑯᑦ

  1. ᐃᑦᓯᕙᐅᑕᖅ: ᑲᑎᒪᔨ ᔪᐊᓇᓯ ᐊᑯᒪᓕᒃ
  2. ᑐᓪᓕᐊ: ᑲᑎᒪᔨ ᒪᐃᔭᐅᑉ ᑐᓪᓕᐊ ᓵᓚᒪᓐ ᐊᕙ

ᑮᓇᐅᔭᓕᕆᓂᕐᒥᑦ ᑲᑎᒪᔨᕋᓛᑦ

ᑖᒃᑯᓄᖓ ᑲᑎᒪᔨᕋᓛᓄᑦ ᐃᓚᒋᔭᐅᔪᑦ ᐃᓘᓐᓇᑎᒃ ᓯᑎᒃᑯᑦ ᑲᑎᒪᔨᖏᑦ.  ᐃᑉᐱᒍᓱᑦᑎᐅᔪᑦ ᐱᓕᕆᔨᐅᓗᑎᒃ ᐊᐅᓚᑦᓯᓂᕐᒥᑦ ᑮᓇᐅᔭᐃᔭᐅᑎᖏᓐᓂᑦ ᐊᒻᒪ ᑮᓇᐅᔭᐃᑦ ᐃᓯᖅᑐᑦᓴᖏᓐᓂᑦ ᓯᑎᒃᑯᑦ ᑮᓇᐅᔭᖁᑎᖏᓐᓂᑦ ᒪᓕᑦᑐᑎᒃ ᑮᓇᐅᔭᓕᕆᔾᔪᑎᓄᑦ ᐱᓕᕆᔾᔪᑎᐅᔪᓂᑦ ᓇᓗᓇᐃᕐᓯᒪᕙᑦᑐᑎᒃ ᒪᓕᒃᑲᓗᐊᕐᒪᖔᑕ ᐊᖏᖅᑕᐅᓯᒪᔪᓂᑦ ᑮᓇᐅᔭᓂᑦ ᐊᑐᖅᑐᑦᓴᓕᐊᖑᓯᒪᔪᓂᑦ ᐊᕐᕌᒍᓕᒫᕐᓯᐅᑎᓂᑦ.

  1. ᐃᑦᓯᕙᐅᑕᖅ: ᑲᑎᒪᔨ ᑲᐃᐅᓪ ᓴᐳᕐᑦ
  2. ᑐᓪᓕᐊ: ᑲᑎᒪᔨ ᕉᒪᐃᓐ ᓯᑏᕙᓐᓴᓐ

ᑲᑎᒪᔨᕋᓛᖁᑎᖏᑦ ᑲᑎᒪᔩᑦ

ᑎᒥᒃᑯᑦ ᐊᔪᕈᑎᓕᕆᓂᕐᒥᑦ ᐅᖃᐅᔾᔪᐃᔩᑦ ᑲᑎᒪᔨᕋᓛᑦ

ᐅᖃᐅᔾᔪᐃᔨᐅᕙᑦᑐᑦ ᓯᑎᒃᑯᑦ ᑲᑎᒪᔨᖏᓐᓂᑦ ᐊᑐᕈᓐᓇᖁᕙᑦᑐᒋᑦ ᑭᒃᑯᑐᐃᓐᓇᑦᓯᐊᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐱᔨᑦᓯᕋᐅᑎᖏᓐᓂᑦ ᑭᒃᑯᑐᐃᓐᓇᕐᓂᑦ ᑎᒥᒍᑦ ᐊᔪᕈᑎᓕᓐᓂᑦ.  ᑲᑎᒪᔨᕋᓛᑦ ᐃᓱᒪᓕᐅᕆᔾᔪᑎᓕᐅᖅᐸᒻᒥᔪᑦ ᐋᖅᑭᒍᑎᑦᓴᐅᔪᓐᓇᖅᑐᓂᑦ ᓇᓗᓇᐃᖅᑕᐅᓯᒪᔪᓄᑦ ᐱᑕᖃᖕᖏᑦᑐᓄᑦ ᐊᒻᒪ ᐊᕝᕕᐊᕈᑎᐅᕙᑦᑐᓄᑦ ᑕᐃᒃᑯᓄᖓ ᑎᒥᒍᑦ ᐊᔪᕈᑎᓕᓐᓂᑦ ᐱᖃᑕᐅᖏᔾᔪᑎᐅᔪᓐᓇᖅᑐᓂᑦ ᐱᖃᑕᐅᔪᒪᕙᑦᑐᓂᑦ ᐃᓘᓐᓇᖏᓐᓂ ᓇᓪᓕᖏᓐᓂ ᐊᑐᖅᑕᐅᕙᑦᑐᓂᑦ ᐃᖃᓗᐃᑦ ᐃᓗᐊᒥᐅᑕᓄᑦ ᐊᒻᒪ ᐱᓕᕆᕙᑦᑐᑎᒃ ᓇᐅᒃᑯᓕᒫᖅ ᐱᖃᑕᐅᖁᕙᑦᑐᒋᑦ ᐃᓅᖃᑎᒌᓐᓄᑦ ᐃᖃᓗᒻᒥᐅᑕᓂᑦ ᑎᒥᒍᑦ ᐊᔪᕈᑎᖃᖅᑐᑦ.

ᐃᑲᔪᖅᐸᑦᑐᑦ ᐱᓕᕆᓂᒃᑯᑦ ᐃᖅᑲᓇᐃᔭᖅᑏᑦ: ᓄᓇᓕᓐᓂ ᖃᓄᐃᖏᑦᓯᐊᖅᑐᓕᕆᓂᕐᒥᑦ ᑐᑭᒧᐊᑦᑎᑦᓯᔨ

ᑲᑎᒪᔨᓂᑦ ᑭᒡᒐᖅᑐᐃᔩᑦ:

  1. ᐃᑦᓯᕙᐅᑕᖅ: ᑲᑎᒪᔨ ᓰᓚ ᐱᓕᐅᕈᑎ
  2. ᑐᓪᓕᐊ: ᑲᑎᒪᔨ ᒪᐃᔭᐅᑉ ᑐᓪᓕᐊ ᔮᓇᑦ ᐳᕉᔅᑐ

 

ᑲᑎᒪᔨᕋᓛᖏᑦ ᑲᑎᒪᔩᑦ

ᐱᖕᖑᐊᖅᑐᓕᕆᓂᕐᒥᑦ ᑲᑎᒪᔨᕋᓛᑦ

ᑲᑎᒪᔨᕋᓛᑦ ᐅᖃᐅᔾᔪᐃᒋᐊᖅᑎᐅᔪᑦ ᐱᖕᖑᐊᖅᑐᓕᕆᓂᕐᒥᑦ ᐊᒻᒪ ᐱᓐᓇᔭᐅᑎᓂᑦ ᐱᔨᑦᓯᕋᐅᑎᓕᕆᔾᔪᑎᓂᑦ ᐃᖃᓗᓐᓂ.

ᐃᑲᔪᖅᑏᑦ ᐃᖅᑲᓇᐃᔭᖅᑏᑦ:   ᐊᖏᔪᖅᑳᖓᑦ ᐱᖕᖑᐊᖅᑐᓕᕆᔨᒃᑯᑦ, ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ

ᐃᑦᓯᕙᐅᑕᖅ: ᑲᑎᒪᔨ ᐊᕙ

ᑐᓪᓕᐊ ᐃᑦᓯᕙᐅᑕᐅᑉ − ᐃᓄᖃᖕᖏᑦᑐᖅ

ᐃᓚᒋᔭᐅᔪᖅ: ᑐᓪᓕᐊ ᒪᐃᔭᐅᑉ ᐳᕉᔅᑐ

ᐃᓚᒋᔭᐅᔪᑦ ᓄᓇᓕᕐᒥᐅᑕᐃᑦ: ᓇᓗᓇᐃᖅᑕᐅᒋᐊᓖᑦ

ᐃᓗᕕᖃᕐᕕᓕᕆᓂᕐᒥᑦ ᑲᑎᒪᔨᕋᓛᑦ

ᑲᑎᒪᔨᕋᓛᑦ ᐅᖃᐅᔾᔪᐃᒋᐊᖅᑎᐅᓂᒃᑯᑦ ᐊᑑᑎᖃᖅᐸᑦᑐᑦ ᐃᓗᕕᓕᕆᓂᕐᒥᑦ ᐊᐅᓚᑦᑎᔾᔪᑎᓂᑦ.

ᐃᑲᔪᖅᑏᑦ ᐃᖅᑲᓇᐃᔭᖅᑏᑦ: ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ, ᓯᑎᒃᑯᑦ ᐊᓪᓚᖅᑎᖓᑦ, ᐊᖏᔪᖅᑳᖓᑦ ᒪᓕᒐᕋᓛᓕᕆᔨᒃᑯᑦ, ᖃᐅᔨᓴᖅᑎᖓᑦ ᓴᓇᔪᓕᕆᔨᒃᑯᑦ ᐊᐅᓚᑦᑎᔾᔪᑎᖏᑕ, ᖃᐅᔨᓴᖅᑎᖓᑦ ᓴᓇᔪᓕᕆᔨᒃᑯᑦ ᓱᓪᓗᓕᓕᕆᔨᖏᑕ

ᐃᑦᓯᕙᐅᑕᖅ: ᑲᑎᒪᔨ ᐊᑯᒪᓕᒃ

ᐃᓚᒋᔭᐅᔪᑦ ᓄᓇᓕᕐᒥᐅᑕᐃᑦ:

ᒫᑎᐅ ᐋᑲᕚᒃ − ᑭᐅᐊᐃᐊᐃ (QIA)

ᕌᔅ ᐹᑐᓴᓐ − ᓄᓇᓖᑦ ᐊᒻᒪ ᒐᕙᒪᒃᑯᑦ ᐱᔨᑦᓯᕋᖅᑏᑦ (CGS)

ᒪᑑᓯᓚ ᑯᓄᒃ − ᐋᖕᓕᑲᓐ ᑐᑦᓯᐊᕐᕕᖓᓐᓂᑦ (ᐃᓚᒋᔭᐅᔪᖅ ᑐᑦᓯᐊᕐᕕᓕᕆᔨᓄᑦ ᑐᑦᓯᕋᕐᓯᒪᔭᖓ ᑐᑦᓯᐊᕐᕕᖓᓐᓂᑦ, ᓱᓕ ᓇᓗᓇᐃᖅᑕᐅᖏᑦᑐᖅ)

ᒫᑕ ᓇᐅᑦᓚᖅ − ᓄᓇᕗᑦ ᑐᖕᖓᕕᒃᑯᓐᓂᒃ

ᐃᕐᓯᕋᕐᔪᐊᖅ ᐊᔪᕆᕐᓱᐃᔨ ᑖᓂᐅᓪ ᐱᐅᕉᓪᑦ

ᐃᓚᒌᑦᓄᑦ ᐱᔨᑦᓯᕋᖅᑏᑦ − ᓇᓗᓇᐃᖅᑕᐅᒋᐊᓕᒃ

 

ᕿᓂᖅᑏᑦ ᐊᒻᒪ ᐃᓅᓕᑦᓯᔩᑦ

ᑐᓪᓕᐊ ᒪᐃᔭᐅᑉ ᔮᓇᑦ ᐳᕉᔅᑐ ᒪᐃᔭᐅᑉ ᑭᒡᒐᖅᑐᐃᔨᖓ ᕿᓂᖅᑎᓂ.

ᑖᑦᓯᓕᕆᓂᕐᒥᑦ ᐃᓄᑦᑕᐅᑎᓂᑦ ᖃᐅᔨᓴᖅᑏᑦ ᑲᑎᒪᔨᕋᓛᑦ

ᑲᑎᒪᔨᕋᓛᑦ ᖃᐅᔨᓴᖅᐸᑦᑐᑦ, ᐊᕐᕌᒍᑕᒫᖅ, ᐊᑭᓕᐅᑎᖏᓐᓂᑦ ᑎᑎᕋᕐᓯᒪᔪᓂᑦ ᑖᑦᓯᓄᑦ ᐃᓄᑦᑕᐅᑎᓄᑦ ᒪᓕᒐᕋᓛᕐᒦᑦᑐᓂᑦ 590 ᐊᒻᒪᑦᑕᐅᖅ ᒪᓕᒐᕋᓛᑉ ᑎᑎᕋᕐᓯᒪᓂᖏᓐᓂᑦ.  ᑲᑎᒪᔨᕋᓛᑦ ᐱᓕᕆᐊᖃᖅᐸᑦᑐᑦ ᐅᓐᓂᕐᓘᑎᐅᓯᒪᔪᓂᑦ ᑐᑦᓯᕋᕐᓯᒪᔪᓂᑦ ᐊᒻᒪ ᑭᒃᑯᑐᐃᓐᓇᕐᓂᑦ ᑖᑦᓯᓕᕆᓂᕐᒥᑦ ᐃᓄᑦᑕᐅᑎᓂᑦ ᐱᓕᕆᔨᓂᑦ ᐊᒻᒪ ᖃᐅᔨᓴᖅᐸᒻᒥᔪᑦ, ᐱᓕᕆᐊᖃᖅᐸᑦᑐᑦ ᐊᒻᒪ ᐅᖃᐅᓯᖃᖅᐸᑦᑐᑎᒃ ᑭᒃᑯᑐᐃᓐᓇᐃᑦ ᐃᓱᒫᓘᑎᖏᓐᓂᑦ ᐊᒻᒪ ᐊᑲᐅᖏᓕᐅᕈᑎᖏᓐᓂᑦ ᐱᔾᔪᑎᖃᖅᑐᓂᑦ ᑖᑦᓯᓕᕆᓂᕐᒥᑦ ᐃᓄᑦᑕᐅᑎᓂᑦ.

ᐃᑲᔪᖅᑏᑦ ᐃᖅᑲᓇᐃᔭᖅᑏᑦ: ᐊᖏᔪᖅᑳᖓᑦ ᒪᓕᒐᕋᓛᓕᕆᔨᒃᑯᑦ

ᑲᑎᒪᔨᓂᑦ ᑭᒡᒐᖅᑐᐃᔩᑦ:

ᐃᑦᓯᕙᐅᑕᖅ: ᑲᑎᒪᔨ ᑲᐃᐅᓪ ᓴᐳᕐᑦ

ᑐᓪᓕᐊ ᐃᑦᓯᕙᐅᑕᐅᑉ: ᑲᑎᒪᔨ ᔪᐊᓇᓯ ᐊᑯᒪᓕᒃ

ᐃᓚᒋᔭᐅᔪᑦ ᓄᓇᓕᕐᒥᐅᑕᐃᑦ: ᓇᓗᓇᐃᖅᑕᐅᒋᐊᓖᑦ

ᐃᖅᑲᓇᐃᔭᖅᑎᓂᑦ ᐅᓐᓂᕐᓘᑎᓂᑦ ᑲᑎᒪᔨᕋᓛᑦ

ᒪᓕᑦᑐᒋᑦ ᐃᖅᑲᓇᐃᔭᖅᑎᓄᑦ ᐊᖏᕈᑎᐅᑉ ᑎᑎᕋᕐᓯᒪᓂᖏᑦ, ᑲᑎᒪᔩᑦ ᓈᓚᑉᐸᑦᑐᑦ ᐱᖓᔪᓯᐅᑎᓂᑦ ᐱᓕᕆᔨᓄᑦ ᐅᓐᓂᕐᓘᑎᐅᓯᒪᔪᓂᑦ ᐱᔾᔪᑎᓕᓐᓂᑦ ᐃᖅᑲᓇᐃᔭᖅᑎᓂᑦ.

ᐃᑲᔪᖅᑏᑦ ᐃᖅᑲᓇᐃᔭᖅᑏᑦ: ᑎᒥᐅᔪᒥᑦ ᐊᐅᓚᑦᑎᔨᒻᒪᕆᒃ ᐊᒻᒪ ᐃᖅᑲᓇᐃᔭᖅᑎᓕᕆᔨᒃᑯᑦ ᐊᖏᔪᖅᑳᖓᑦ ᐅᕝᕙᓘᓐᓃᑦ ᓇᓪᓕᐅᒃᑯᒫᖓ ᐊᒻᒪ ᐊᖏᔪᖅᑳᒻᒪᕆᖓᑦ ᑯᐊᐳᕇᓴᐅᑉ ᐱᔨᑦᓯᕋᖅᑎᖏᑕ

ᐃᑦᓯᕙᐅᑕᖅ: ᐃᓄᖃᖕᖏᑦᑐᖅ

ᑐᓪᓕᐊ ᐃᑦᓯᕙᐅᑕᐅᑉ − ᑲᑎᒪᔨ ᑲᐃᐅᓪ ᓴᐳᕐᑦ

 

ᑲᑎᒪᔩᑦ

ᑲᑎᒪᔩᑦ ᓄᓇᓕᕆᔾᔪᑎᓂᑦ ᐋᖅᑭᒋᐊᕆᔩᑦ

ᑎᑎᕋᕐᓯᒪᕕᒻᒦᑦᑐᑦ 30 ᐱᖁᑎᓄᑦ ᖃᐅᔨᓴᐅᑎᓂᑦ ᐊᒻᒪ ᑖᒃᓰᔭᐃᔭᐅᑎᓄᑦ ᒪᓕᒐᕐᒥ ᑖᒃᑯᓂᖓ ᑲᑎᒪᔨᓂᑦ ᐱᑕᖃᕈᓐᓇᑎᑦᑎᔾᔪᑎᐅᔪᑦ ᖃᐅᔨᓴᖅᑎᐅᖁᓪᓗᒋᑦ ᐱᔭᑦᓴᓕᐅᕈᑎᐅᓯᒪᔪᓂᑦ ᐱᔾᔪᑎᓕᓐᓂᑦ ᖃᐅᔨᓴᐅᑎᖏᓐᓂᑦ  ᐱᖁᑎᐅᔪᑦ ᑖᒃᓰᔭᐃᔭᐅᑎᐅᔪᑦᓴᓂᑦ.

ᐃᑲᔪᖅᑏᑦ ᐃᖅᑲᓇᐃᔭᖅᑏᑦ: ᓄᓇᓕᕆᔾᔪᑎᓂᑦ ᐸᐃᑉᐹᓕᕆᔨ, ᑎᑎᕋᖅᑎᖓᑦ ᑲᑎᒪᔩᑦ ᓄᓇᓕᕆᔾᔪᑎᓂᑦ ᐋᖅᑭᒋᐊᕆᔩᑦ

ᐃᓚᒋᔭᐅᔪᑦ ᓄᓇᓕᕐᒥᐅᑕᐃᑦ: ᓱᓕ ᑎᒃᑯᐊᖅᑕᐅᓯᒪᖕᖏᑦᑐᑦ

ᐱᕙᓪᓕᐊᑎᑦᑎᔾᔪᑎᓂᑦ ᓴᓇᓂᒃᑯᑦ ᐅᓐᓂᕐᓘᑎᓂᑦ ᑲᑎᒪᔩᑦ

ᑖᒃᑯᐊ ᑲᑎᒪᔩᑦ ᓈᓚᑉᐸᑦᑐᑦ ᐅᓐᓂᕐᓘᑎᐅᓯᒪᔪᓂᑦ ᐱᔾᔪᑎᖃᖅᑐᓂᑦ ᐱᔭᑦᓴᓕᐊᕆᓯᒪᔭᖏᓐᓂᑦ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᑲᒪᔨᐅᑉ ᐅᕝᕙᓘᓐᓃᑦ ᑲᑎᒪᔨᓄᑦ ᐱᔾᔪᑎᖃᖅᑐᓂᑦ ᓄᓇᖁᑎᓄᑦ ᑭᓪᓕᓕᐅᕈᑎᓂᑦ ᐊᒻᒪ ᐱᕙᓪᓕᐊᑎᑦᑎᓂᕐᒥᑦ ᓴᓇᓂᒃᑯᑦ ᐱᔭᑦᓴᓕᐊᖑᓯᒪᔪᓂᑦ.

ᐃᑲᔪᖅᑏᑦ ᐃᖅᑲᓇᐃᔭᖅᑏᑦ: ᑎᑎᕋᕐᓯᒪᖓᑦ ᑲᑎᒪᔩᑦ

ᐃᑦᓯᕙᐅᑕᖅ: ᑲᑎᒪᔨ ᕉᒪᐃᓐ ᓯᑏᕙᓐᓴᓐ

ᐃᓚᒋᔭᐅᔪᑦ ᓄᓇᓕᕐᒥᐅᑕᐃᑦ: ᓇᓗᓇᐃᖅᑕᐅᒋᐊᓖᑦ