ᓵᓚᑦᓴᓚᐅᖅᑐᑦ ᐳᐃᔾᔪᕋᕐᕕᖃᕐᕕᒻᒥ ᐱᖕᖑᐊᖅᑎᓪᓗᒋᑦ ᓇᓪᓕᐅᓂᕐᓯᐅᕈᑎᖃᖅᑎᓪᓗᒋᑦ ᓄᓇᕗᑦ ᐊᕙᑎᓂᒃ (20) ᐊᕐᕌᒍᖃᓕᕐᓂᖓᓂᑦ

07/05/2019

ᓵᓚᑦᓴᓚᐅᖅᑐᑦ ᐳᐃᔾᔪᕋᕐᕕᖃᕐᕕᒻᒥ ᐱᖕᖑᐊᖅᑎᓪᓗᒋᑦ ᓇᓪᓕᐅᓂᕐᓯᐅᕈᑎᖃᖅᑎᓪᓗᒋᑦ ᓄᓇᕗᑦ ᐊᕙᑎᓂᒃ (20) ᐊᕐᕌᒍᖃᓕᕐᓂᖓᓂᑦ

ᓯᑎᒃᑯᑦ ᖁᕕᐊᒋᓪᓗᒋᑦ ᐅᖃᐅᓯᖃᓕᕆᕗᑦ ᓵᓚᑦᓴᓚᐅᖅᑐᓂᒃ ᓄᓇᕗᑦ ᐊᕙᑎᓂᒃ (20) ᐊᕐᕌᒍᖃᓕᕐᓂᖓᓂᑦ ᓇᓪᓕᐅᓂᕐᓯᐅᖅᑎᓪᓗᒋᑦ - ᓯᑎᒃᑯᑦ ᖃᓄᐃᓕᐅᕈᑎᒋᔭᖓᑦ ᓇᓪᓕᐅᓂᕐᓯᐅᕈᑎᒍᑦ. ᐱᖃᑕᐅᔪᒪᔪᑦ, ᐱᔭᕇᕆᐊᖃᓚᐅᖅᑐᑦ 20 ᑭᓛᒥᑕᓂᒃ ᐅᓪᓚᓪᓗᑎᒃ, ᐳᐃᔾᔪᕋᕐᓗᑎᓪᓘᓐᓃᑦ ᐅᕝᕙᓘᓐᓃᑦ ᐊᖑᐊᕐᓗᑎᒃ ᐳᐃᔾᔪᕋᕐᕕᖃᕐᕕᒻᒥ ᐃᐳᕈ ᑕᖅᑭᖓᓂ. ᓵᓚᑦᓴᓚᐅᖅᑐᑦ, ᐊᑎᖏᑦ ᐊᒧᔭᐅᕙᓚᐅᖅᑐᑎᒃ ᐱᖃᑕᐅᓚᐅᖅᑐᑦ, ᐊᒻᒪ ᐊᑐᓂ ᐱᑎᑕᐅᓂᐅᓴᓪᓗᑎᒃ ᑕᖅᑭᒧᑦ ᐊᑕᐅᓯᕐᒧᑦ ᐃᓯᕈᑎᑦᓴᒥᒃ ᐳᐃᔾᔪᕋᕐᕕᖃᕐᕕᒻᒧᑦ, ᐊᐱᕆᔭᐅᓯᒪᔪᑦ ᐊᐃᑦᓯᖁᔭᐅᓗᑎᒃ ᓵᓚᑦᓴᐅᓯᐊᒥᓂᕐᒥᓂᒃ ᐱᔨᑦᓯᕋᖅᑎᓂᑦ.
ᓵᓚᑦᓴᓚᐅᖅᑐᑦ ᐱᖃᑕᐅᔪᑦ: ᓄᐊ ᐃᔨᑦᓯᐊᖅ, ᕙᐱ ᑰᑉ, ᑕᐃᓗᕐ ᒫᑭᓐᑕᐃᐅᕐ, ᓕᓕ ᔭᐃᖕ, ᒪᒃ ᕈᒎᓪᔅᑭ, ᒍᕋᐃᒍᕆ ᑖᓄᕐᔅ, ᑯᕆᔅᑕ ᑖᒻᓴᓐ, ᒪᐃᒃ ᕼᐋᕐᑦᕋᑉ, ᐸᑐᕇᓴ ᒪᒃᓂᐅᓪ, ᒋᓕᐊᓐ ᐴᕐ, ᓂᑭ ᐅᐃᔾ, ᑐᕈᐊᐃ ᐴᑦᔅ, ᔭᓃᓐ ᐸᑦᔨᐅᓪ, ᑯᕆᔅᑏᓇ ᒧᐊᕐᑕᓐᓴᓐ, ᓴᓐᔨᓐ ᔭᐃᖕ, ᓵᓐ ᑲᓛᒃ, ᓯᐅᕋ ᕚᖕ, ᔪᐋᓐ ᑲᓚᒃ, ᓈᑕᓕ ᕼᐋᓐᔮᒃ ᐊᒻᒪ ᕕᒃᑑᕆᐊ ᕌᓪᕝ.
ᑎᓴᒪᐅᓚᐅᕐᒥᔪᑦ ᐱᔾᔪᓯᐊᖅᑐᑦ ᑕᖅᑭᒧᑦ ᐊᑕᐅᓯᕐᒧᑦ ᐃᓯᕈᑎᑖᖅᑐᑎᒃ ᐳᐃᔾᔪᕋᕐᕕᖃᕐᕕᒻᒧᑦ ᐊᒻᒪᑦᑕᐅᖅ ᒪᓵᔾᑕᐅᓗᑎᒃ ᓄᑭᓕᕆᔭᐅᓗᑎᒃ ᐅᑯᓂᖓ ᓵᓚᑦᓴᖅᑐᑦ:
- ᐅᖓᓯᓛᒧᑦ ᐅᓪᓚᑦᑐᖅ/ᐊᖑᐊᖅᑐᖅ - ᑏᓇ ᓂᒋᓚ 304.65 ᑭᓛᒥᑕᓂᒃ
- ᐅᖓᓯᓛᒧᑦ ᐳᐃᔾᔪᕋᖅᑐᖅ - ᓯᐅᕆ ᒐᖕ 21.25 ᑭᓛᒥᑕᓂᒃ
- ᐅᓪᓚᒋᐊᖅᑐᐃᓐᓇᓚᐅᖅᑐᖅ / ᐊᖑᐊᒋᐊᖅᑐᐃᓐᓇᓚᐅᖅᑐᖅ - ᑭᐅᕋᓐ ᒐᐃᑐᐊᕈ ᐳᐃᔾᔪᕋᕐᕕᖃᕐᕕᒻᒨᓚᐅᖅᑐᖅ 22-ᕌᖅᑎᖅᑐᓂ
- ᐳᐃᔾᔪᕋᕆᐊᖏᓐᓇᓚᐅᖅᑐᖅ: ᐅᐄ ᔭᐃᖕ ᐳᐃᔾᔪᕋᕐᕕᖃᕐᕕᒻᒨᓚᐅᖅᑐᖅ 21-ᕌᖅᑎᖅᑐᓂ
ᐊᒻᒪᑦᑕᐅᖅ, ᐃᖃᓗᓐᓂ ᐳᐃᔾᔪᕋᖅᑏᑦ ᐳᕋᐃᑯᕐᔅ ᐱᖃᑕᐅᓚᐅᕐᒥᔪᑦ ᓄᓇᕗᑦ 20 ᐱᖕᖑᐊᓂᕐᒧᑦ, ᐳᐃᔾᔪᕋᖅᑏᑦ ᐳᐃᔾᔪᕋᖅᑐᑎᒃ ᑕᑭᑎᒋᔪᒥᒃ ᑲᑎᑦᑐᒋᑦ 200.6 ᑭᓛᒥᑕᓂᒃ ᐃᐳᕈᑎᓪᓗᒍ. ᑎᓴᒪᐅᔪᑦ 13-ᓂᒃ ᐱᑕᑎᒌᓂᒃ ᐃᓚᒋᔭᐅᓚᐅᖅᑐᑦ ᐱᔭᕇᓚᐅᖅᑐᑦ 20 ᑭᓛᒥᑕᓂᒃ ᐳᐃᔾᔪᕋᖅᑐᑎᒃ.
ᓯᑎᒃᑯᑦ ᖁᔭᓐᓇᒦᕈᒪᔪᑦ ᐃᓘᓐᓇᑦᓯᐊᖏᓐᓂᒃ ᐅᐸᑉᐸᓚᐅᖅᑐᓂᒃ ᐱᖃᑕᐅᒋᐊᖅᑐᖅᑐᑎᒃ ᖃᓄᐃᓕᐅᖅᑐᓄᑦ ᓇᓪᓕᐅᓂᕐᓯᐅᕆᐊᖃᑕᐅᕙᑦᑐᑎᒃ ᓄᓇᕗᑦ 20-ᓂᒃ ᐊᕐᕌᒍᑖᖅᑎᓪᓗᒍ.

ᐊᔾᔨᖕᖑᐊᖅ: (ᓴᐅᒥᒻᒥᒃ ᑕᓕᖅᐱᒻᒧᑦ) ᐅᐃ ᔭᖕ, ᓯᐅᕆ ᔭᖕ ᐊᒻᒪ ᓱᓐᔨᓐ ᔭᐃᖕ ᑎᒍᒥᐊᖅᑐᑦ ᐳᐃᔾᔪᕋᕐᕕᖃᕐᕕᒻᒥᑦ ᐱᔾᔪᓯᐊᒥᓂᕐᒥᓂᒃ ᓄᓇᕗᑦ 20 ᓵᓚᑦᓴᕋᓱᑦᑎᓪᓗᒋᑦ ᓵᓚᖃᐅᓯᐊᕆᓚᐅᖅᑕᒥᓂᒃ.  ᐊᑐᓂ ᐱᖃᑕᐅᓚᐅᖅᑐᖅ ᐳᐃᔾᔪᕋᕆᐊᖃᓚᐅᖅᑐᑦ, ᐅᓪᓚᒋᐊᖃᓚᐅᖅᑐᑦ ᐅᕝᕙᓘᓐᓃᑦ ᐊᖑᐊᕆᐊᖃᓚᐅᖅᑐᑦ 20 ᑭᓛᒥᑕᓂᒃ ᓵᓚᖃᕈᓐᓇᖃᑕᐅᔪᒪᒍᑎᒃ.