ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᓄᖕᓄᑦ ᑐᓴᕋᑦᓴᖅ
ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂ ᐃᓱᒪᒋᔭᖃᕆᐊᕐᓂᖅ
ᓅᕖᐱᕆ 11, 2025 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒋᔭᖃᑦᓯᐊᖅᑐᑎᒃ ᐃᓱᒪᒋᔭᖃᖅᐳᑦ ᐱᔨᑦᓯᕋᖅᑎᐅᓚᐅᖅᑐᓂᒃ ᐊᒻᒪ ᐃᓅᓯᕐᒥᓂᒃ ᐃᓱᒪᒋᔭᖃᖏᓯᐊᖅᑐᑎᒃ ᐱᔨᑦᓯᕋᖅᐸᓚᐅᖅᑐᓕᒫᓂᒃ, ᐊᒻᒪ ᓱᓕ ᒫᓐᓇᒧᑦ ᐱᔨᑦᓯᕋᖅᐸᑦᑐᓂᒃ, ᑲᓇᑕᐅᑉ ᐅᓇᓕᖁᑎᒃᑯᖏᓐᓂ. ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂ, ᕿᑲᕐᓯᖃᑎᖃᓛᖅᑐᒍᑦ ᑲᓇᑕᒥᐅᑕᓕᒫᑦᓯᐊᓂᒃ ᑲᓇᑕᐅᑉ ᐃᓗᐊᓂ ᐃᓱᒪᒋᓗᒋᑦ ᐊᑦᓱᐊᓘᖅᑐᑦ ᕿᒪᒃᑲᑰᓯᒪᔪᓂᒃ ᑕᐃᒃᑯᓄᖓ ᐃᓅᓯᕐᒥᓂᒃ ᑐᓂᕐᕈᑎᖃᖅᐸᓚᐅᖅᑐᓂᒃ ᓴᐃᓕᖓᔪᒦᖁᔨᓂᕐᒥᓄᑦ.
ᐃᖅᑲᐅᒪᕙᕗᑦ ᑕᐃᒃᑯᐊ ᐅᓇᓖᑦ, ᓴᐃᓕᖓᑎᑦᓯᓇᓱᐊᖅᑏᑦ, ᐊᒻᒪ ᐃᑲᔪᕐᓱᐃᔨᐅᔪᑦ ᐱᓕᕆᔨᐅᖃᑕᐅᕙᑦᑐᑦ ᓇᖏᖃᑕᐅᕙᓚᐅᖅᑐᑦ ᓵᖏᓐᓂ ᐊᑭᕋᖅᑐᖅᑎᒥᑕ ᐊᒻᒪ ᐃᓚᒋᖑᔪᓂᒃ ᓇᒻᒪᖃᑕᐅᓚᐅᖅᑐᓂᒃ ᑲᑎᒪᖃᑎᒌᖏᓂᕐᒥᒃ ᐊᒻᒪ ᐊᓯᐅᔨᕙᑦᑐᑎᒃ. ᓴᖕᖏᓂᕆᔭᖏᑦ ᐊᒻᒪ ᐱᓕᕆᔪᒪᓂᕆᓚᐅᖅᑕᖏᑦ ᐋᖅᑭᑦᓱᐃᓚᐅᖅᑐᑦ ᐃᓱᒪᐃᓐᓇᕿᔾᔪᑎᒋᕙᑦᑕᑎᓐᓂᒃ ᐊᒻᒪ ᐊᑦᑕᓇᖅᑐᒦᑦᑎᑕᐅᖏᓂᖅᑎᓐᓂᒃ ᐅᓪᓗᒥᐅᓕᖅᑐᖅ ᐊᓐᓂᕆᒻᒪᕆᑦᑕᑎᓐᓂᒃ.
ᐃᓕᑕᕆᒻᒥᔭᕗᑦ ᐊᒻᒪ ᖁᔭᓐᓇᒦᖅᑐᒋᑦ ᑕᐃᒃᑯᐊ ᐅᓇᓕᐅᖃᑕᐅᓚᐅᖅᑐᑦ ᐃᖃᓗᓐᓂᒃ ᐊᖏᕐᕋᖃᓕᖅᑐᑦ. ᓄᓇᓕᓐᓃᖃᑕᐅᓂᕐᓯ ᐱᓪᓗᒍ ᐊᒻᒪ ᑐᓂᕐᕈᑎᒋᓯᒪᔭᑦᓯ ᐊᑦᓯᐊᓗᒃ ᖁᕕᐊᒋᔭᕗᑦ ᐊᓐᓂᕆᓪᓗᒍ ᐊᒻᒪ ᓱᓕ ᒫᓐᓇᒧᑦ ᓄᓇᓕᑦᑎᓐᓂᒃ ᑲᔪᖏᕐᓴᐃᒍᑎᒋᕙᑦᑕᕗᑦ.
ᐳᐃᒍᔾᔭᐃᕐᓯᒪᑎᓪᓗᑕ, ᖃᐅᑕᒫᑦᓯᐊᖅ ᖃᓄᐃᓕᐅᕈᑎᒋᕙᑦᑕᖅᑎᒍᑦ ᐅᐱᒋᕙᓐᓂᐊᖅᑲᕗᑦ ᕿᒪᒃᑲᑯᕆᓯᒪᔭᖏᑦ ᖃᓄᐃᓕᐅᕈᑎᒋᕙᑦᑕᑎᒍᑦ, ᓇᓪᓕᒍᓱᑉᐸᓂᒃᑯᑦ, ᐃᑉᐱᒍᓱᑦᓯᐊᐸᓐᓂᒃᑯᑦ ᐊᓯᑦᑎᓐᓂᒃ ᐊᒻᒪ ᐃᑉᐱᒍᓱᑦᓯᐊᐸᓐᓂᒃᑯᑦ ᖃᓄᖅ ᐃᓅᖃᑎᒌᑉᐸᓐᓂᑎᓐᓂᒃ.
ᐳᐃᒍᖅᑕᐃᓕᓚᕗᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᔭᕝ ᐴᕐᓐ
ᑐᓴᐅᒪᐅᑎᓕᕆᓂᕐᒥᒃ ᐊᒻᒪ ᐱᔨᑦᓯᕋᖅᑎᓂᒃ ᐊᐅᓚᑦᓯᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 | G.Byrne@iqaluit.ca
