ᓵᓐᑎᐅᓪ ᑳᔭ ᓂᕈᐊᖅᑕᐅᔪᖅ ᒥᔅ ᑏᓐ ᓄᓇᕗᑦ

 

 

 

ᐱᕙᓪᓕᐊᔪᒥᑦ ᑐᓴᕋᑦᓴᖅ

 

ᓵᓐᑎᐅᓪ ᑳᔭ ᓂᕈᐊᖅᑕᐅᔪᖅ ᒥᔅ ᑏᓐ ᓄᓇᕗᑦ

 

ᓰᑏᐱᕆ 28, 2016 (ᐃᖃᓗᐃ, ᓄᓇᕗᑦ)  - ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᖓᑦ ᖁᕕᐊᒋᑦᓯᐊᖅᑐᒍ ᐅᖃᐅᓯᖃᕈᒪᓕᕐᒥᔪᑦ ᐃᖃᓗᓐᓂᒥᐅᑕᐅᔪᖅ ᓵᓐᑎᐅᓪ ᑳᔭ ᓂᕈᐊᖅᑕᐅᓚᐅᕐᒪᑦ ᒥᔅ ᑏᓐ ᓄᓇᕗᑦ ᒥᔅ ᑏ ᑲᓇᑕ ᒍᓘᑉ ᐱᓂᑭᓴᐅᑎᔪᓂ, ᐊᑐᖅᑕᐅᕋᑖᓚᐅᖅᑐᖅ ᑐᕌᓐᑐᒥ, ᐋᓐᑎᐅᕆᐅ.

 

“ᖁᕕᐊᒋᔪᒪᕙᕋ ᐅᐱᒋᓗᒍ ᓵᓐᑎᐅᓪ ᓂᕈᐊᖅᑕᐅᓚᐅᕐᓂᖓᓂᑦ ᒥᔅ ᑏᓐ ᓄᓇᕗᑦ 2016,” ᐅᖃᖅᑐᖅ ᐃᖃᓗᓐᓂ ᒪᐃᔭ ᒫᑦᓕᓐ ᕆᐊᑦᕘᕐᓐ.  “ᓵᓐᑎᐅᓪ ᓴᖅᑮᓯᒪᔪᖅ ᐃᒻᒥᓂᒃ ᖁᓚᕆᓇᓂ, ᐱᓕᕆᔪᒪᑦᓯᐊᖅᑐᓂ ᐊᒻᒪ ᐱᑦᓯᐊᓂᒃᑯᑦ ᑭᓇᑐᐃᓐᓇᖅ ᑐᕌᒐᕆᔪᒪᔭᒥᓄᑦ ᑎᑭᒍᓐᓇᕐᒪᑕ ᐊᒻᒪ ᐱᐅᔪᒃᑯᑦ ᐃᑲᔫᑎᖃᕈᓐᓇᓂᕐᒥᑦ ᐃᓅᖃᑎᑦᑎᓐᓂᑦ.”

 

ᐊᕐᕌᒍᓕᒃ 13-ᓂᑦ ᓵᓐᑎᐅᓪ, ᐃᖃᓗᓐᓂ ᐱᕈᕐᓯᒪᓪᓗᐊᖅᑐᖅ, ᐃᓕᓐᓂᐊᕐᕕᒻᒥ ᐱᒋᐊᕋᑖᓚᐅᖅᑐᖅ ᒍᓚᐃ 9-ᒥᑦ ᐃᓄᒃᓱᒃ ᐃᓕᓐᓂᐊᕐᕕᐊᓗᒻᒥ ᓰᑏᐱᕆᒥ.  ᐃᖅᑲᓇᐃᔮᖄᓚᕈᒪᔪᖅ ᐆᒪᔪᓄᑦ ᓗᑦᑖᖑᓗᓂ ᒪᓕᒐᑎᒍᑦ ᓴᐳᓐᓂᐊᖅᑎᐅᓗᓂᓘᓐᓃᑦ. ᐃᕿᐊᖕᖑᐃᔭᐅᑎᒋᕙᑦᑕᖏᑦ ᐅᖃᓕᒫᖅᐸᑦᑐᓂ ᐅᖃᓕᒫᒐᕐᓂᑦ, ᓇᒧᑐᐃᓐᓇᖅ ᓂᐅᕐᕈᖃᑦᑕᕐᓂᖅ, ᓯᕐᓇᖅᑐᓂᑦ ᑕᒧᐊᑦᓴᓕᐅᕐᓂᖅ ᐊᒻᒪ ᓂᖅᑎᐅᕐᓂᖅ.

 

ᓴᖅᑭᖅᑕᐅᓚᐅᕐᓯᒪᓪᓗᓂ ᐊᕐᕌᒍ 2000-ᖑᑎᓪᓗᒍ, ᒥᔅ ᑏ ᑲᓇᑕ ᒍᓘᑉᓕᕆᔩᑦ ᐊᑐᐃᓐᓇᐅᑎᑦᓯᕙᑦᑐᑦ ᖃᓄᐃᓕᐅᕈᑎᕈᓘᔭᕐᓂᑦ ᐃᓐᓇᓵᓄᑦ ᐊᓯᖏᓐᓄᑦ ᐊᔪᕆᑕᐅᔪᓐᓇᖁᓪᓗᒋᑦ ᓄᓇᓕᖃᕐᕕᖏᓐᓂ.

 

 

-30-

 

 

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

 

ᐋᓐᑐᕆᐊ ᓯᐱᑦᔪᕐ

ᑐᓴᐅᒪᑎᑦᓯᓕᕆᓂᖅ

ᓄᓇᓕᐸᐅᔭᐃᑦ ᐃᖃᓗᐃᑦ

ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca