ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᒃᑯᑦ ᐃᖏᕐᕋᔪᑦ ᐅᑕᖅᑭᑎᑕᐅᖃᑦᑕᓛᑐᐃᓐᓇᕆᐊᓖᑦ ᐱᔾᔪᑎᐅᓗᓂ ᓵᓂᑲᓛᓯ ᐊᑐᕆᐊᑰᖃᑕᐅᓂᖓ ᒪᓕᑦᑐᒌᑦᑐᓄᑦ ᓈᑦᓯᐅᖑᔭᓛᕐᓂᐊᒥ ᑏᓰᐱᕆ 10
ᑏᓰᐱᕆ 9, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᒻᒥᐅᑕᓂᑦ ᐊᑐᕆᐊᒃᑯᑦ ᐃᖏᕐᕋᔭᓛᖅᑐᑦ ᐅᑕᖅᑭᑎᑕᐅᖃᑦᑕᓛᖅᐸᓪᓚᐃᒻᒪᑕ ᐃᓚᖏᑦ ᐊᑐᕆᐊᑦ ᒪᑐᓯᒪᔭᐅᑲᐃᓐᓇᖃᑦᑕᓛᕐᒪᑕ ᓵᓂᑲᓛᓯ ᐊᑐᕆᐊᒃᑰᖃᑕᐅᓕᖅᐸᑦ ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 10, 2016.
ᐃᖏᕐᕋᓯᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ ᖁᓛᓅᖅᐸᑦ 12-ᒥ ᐅᓪᓗᒃᑯᑦ, ᖃᖅᑲᓕᐊᕆᐊᑉ ᒥᑦᓵᓄᑦ ᐃᖏᕐᕋᓗᑎᒃ, ᓴᖑᓕᕐᓗᑎᒃ ᑕᓕᖅᐱᒻᒧᑦ, ᐊᒻᒪ ᓄᖅᑲᕐᓗᑎᒃ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᓴᓂᐊᓄᑦ, ᑕᐃᑲᓃᓛᖅᑐᖅ ᓵᓂᑲᓛᓯ ᒪᒃᑯᑦᑐᒃᑯᕕᒻᒥ ᐊᔾᔨᓕᐅᖅᑕᐅᔪᒪᓐᓂᕈᓂ ᐊᒻᒪ ᕼᐋᑦ ᓴᑲᓚᑦᑐᖅᑎᑕᐅᓛᕐᒥᔪᑦ ᐱᔪᒪᓂᖏᑦ.
ᓄᓇᓕᐸᐅᔭᒃᑯᑦ ᐃᓕᑦᓯᓐᓂᑦ ᐃᑉᐱᒍᓱᑦᓯᐊᖁᔨᔫᒐᓗᐊᑦ ᒪᑐᓯᒪᑲᐃᓐᓇᖅᑎᑕᐅᓛᖅᑐᑦ ᐊᑐᕆᐊᑦ ᐱᓪᓗᒋᑦ, ᐊᒻᒪ ᐃᖏᕐᕋᔭᖃᑕᐅᔪᑦ ᐊᑯᓐᓂᖏᒎᖃᑦᑕᓛᖁᔭᐅᖏᑦᑑᒐᓗᐊᑦ.
ᓇᑰᕐᒦᒃ ᑲᑐᔾᔨᖃᑕᐅᑦᓯᐊᕐᒥᒐᑦᓯ ᐃᑲᔪᕐᓂᒃᑯᑦ, ᐊᒻᒪ ᑕᑯᔭᐅᓛᕈᒪᕗᓯ ᐊᑐᕆᐊᒃᑯᑦ ᐃᖏᕐᕋᔭᑦᑐᓂ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: a.spitzer@city.iqaluit.nu.ca
