ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᐃᑎᑦᓯᔾᔪᑎ: ᑎᒥᒃᑯᑦ ᐊᔪᕈᑎᓕᓐᓄᑦ ᓄᓇᒃᑰᔫᓄᑦ ᓄᖅᑲᑕᕐᕕᖏᑦ ᐊᑐᐃᓐᓇᐅᑎᑕᐅᔪᑦ ᑕᐃᒃᑯᓄᖓ ᑎᒥᒃᑯᑦ ᐊᔪᕈᑎᓕᓐᓄᑦ
ᑏᓰᐱᕆ 8, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖃᓗᒻᒥᐅᑕᓂᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᖅᑲᖓᖃᑦᑕᖁᔭᐅᖕᖏᒻᒪᑕ ᑎᒥᒃᑯᑦ ᐊᔪᕈᑎᓕᓐᓄᑦ ᓄᓇᒃᑰᔫᖏᑕ ᓄᖅᑲᖓᕕᖏᓐᓂ. ᑕᒪᒃᑯᐊ ᓴᓂᕐᕙᑦᑕᐅᓯᒪᒻᒪᑕ ᐃᑲᔫᑎᐅᔪᒪᓪᓗᑎᒃ ᑕᐃᒃᑯᓂᖓ ᑎᒥᒃᑯᑦ ᐊᔪᕈᑎᓕᓐᓂᑦ, ᑎᑎᕋᕐᓯᒪᔪᖅᑕᖃᕐᒥᔪᑦ ᐊᒻᒪ ᒪᓕᒐᑎᒍᑦ ᓴᖅᑭᕐᓯᒪᔪᒥᑦ ᐱᑕᖃᖅᑎᑕᐅᓗᑎᒃ “ᑎᒥᒃᑯᑦ ᐊᔪᕈᑎᓖᑦ ᓇᓗᓇᐃᒃᑯᑕᖃᕆᐊᓖᑦ ᐴᕐᒥᑦᒥᑦ”, ᑕᒪᒃᑯᓇᓂ ᓄᖅᑲᖓᕕᓐᓂ ᓄᖅᑲᖓᒍᓐᓇᕈᑎᒋᕙᑦᑕᖏᑦ.
ᐱᑖᕈᒪᔪᑦ ᒪᓕᒐᑎᒍᑦ ᐱᔭᐅᓯᒪᔪᒥᑦ “ᑎᒥᒃᑯᑦ ᐊᔪᕈᑎᓖᑦ ᓇᓗᓇᐃᒃᑯᑕᖃᕆᐊᓖᑦ ᐴᕐᒥᑦᒥᑦ”, ᐃᖃᓗᒻᒥᐅᑕᐃᑦ ᖃᐅᔨᒋᐊᕆᐊᓖᑦ ᓄᓇᕘᑦ ᒐᕙᒪᒃᑯᖏᑕ ᐃᖏᕐᕋᔪᓕᕆᔨᒃᑯᖏᓐᓄᑦ.
ᖃᐅᔨᒪᓂᐊᖅᑯᓯ ᒪᓕᑦᑐᒋᑦ ᒪᓕᒐᕋᓛᑉ 625 ᑎᑎᕋᕐᓯᒪᓂᖏᑦ, ᐊᑭᓖᒋᐊᖃᖅᐸᑦᑐᑦ ᓄᖅᑲᖓᔪᒥᓃᑦ ᑎᒥᒃᑯᑦ ᐊᔪᕈᑎᓕᓐᓄᑦ ᓄᖅᑲᖓᕕᓐᓂ ᐴᕐᒥᑦᖃᕋᑎᒃ ᑕᐃᒪᐃᑦᑐᓯᐅᒻᒥᑦ $50-ᓂᑦ, ᐊᒻᒪ ᓄᓇᒃᑰᔫᖁᑎᖓ ᓅᑕᐅᑐᐃᓐᓇᕆᐊᖃᖅᑐᓂ ᓄᖅᑲᖓᕕᒻᒥᑦ ᑲᓕᑦᑎᒧᑦ ᓄᓇᒃᑰᔫᓂᑦ. ᐃᖅᑲᖅᑐᐃᕕᑎᒍᑦ ᐊᑭᓖᑎᑕᐅᒃᑲᓐᓂᑐᐃᓐᓇᕆᐊᖃᕐᒥᔪᑦ ᒪᓕᒐᕐᓂᑦ ᓱᕋᐃᓯᒪᔪᑦ ᐊᒻᒪ ᑮᓇᐅᔭᐃᖅᑎᑕᐅᓗᑎᒃ $2,000-ᓄᑦ ᑎᑭᒍᓐᓇᖅᑐᓂᑦ ᑭᓇᑐᐃᓐᓇᖅ, ᐊᒻᒪ $10,000-ᓂᑦ ᐊᑭᓖᔪᓐᓇᖅᑐᑦ ᑎᒥᖁᑎᐅᔪᑦ ᐱᓕᕆᕝᕖᑦ.
ᓇᑯᕐᒦᒃ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᕋᑦᓯ ᐊᒻᒪ ᐃᑲᔪᕐᓱᐃᒐᑦᓯ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca
