ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-28 ᐱᔨᑦᓯᕋᕈᑎᓂᑦ ᓱᓪᓗᓕᕆᔨᓂᑦ ᐊᖏᔪᖅᑳᖅ
ᐃᖅᑲᓇᐃᔮᑦᓴᖅ ᒪᑐᐃᖓᔪᖅ
ᐱᔨᑦᓯᕋᕈᑎᓂᑦ ᓱᓪᓗᓕᕆᔨᓂᑦ ᐊᖏᔪᖅᑳᖅ
ᐊᖏᔪᖅᑳᕐᓗᓂ ᐃᒥᕐᒥᑦ/ᑭᓈᓗᓐᓂᑦ ᐱᓕᕆᔾᔪᑎᓂᑦ ᐊᐅᓚᑦᓯᔨᒥᑦ ᐃᖅᑲᓇᐃᔭᖅᑎᑦᓴᖅ ᖃᐅᔨᒪᓇᓱᐊᖅᑎᐅᒐᔭᖅᑐᖅ ᑲᔪᓯᔭᐅᑦᓯᐊᓕᕋᓗᐊᕐᒪᖔᑕ ᐊᐅᓚᑦᓯᔾᔪᑏᑦ ᐊᒻᒪ ᒪᑭᒪᑎᑦᓯᔾᔪᑏᑦ ᐃᒥᕐᒧᑦ/ᑭᓈᓗᓐᓂᓪᓗ ᐱᓕᕆᔾᔪᑎᐅᔪᑦ ᐊᒻᒪ ᓱᓪᓗᓖᑦ ᐃᓪᓗᓂ ᒪᓕᓪᓗᑎᒃ ᐊᑐᖅᑕᐅᖁᔭᖏᓐᓂᑦ ᑲᑎᒪᔩᑦ ᐊᒻᒪ ᐃᖅᑲᓇᐃᔭᕐᕕᖏᑕ ᓴᓇᔪᓕᕆᔨᒃᑯᑦ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ. ᐃᖅᑲᓇᐃᔭᖅᑎ ᖃᐅᔨᓴᖅᑎᐅᒐᔭᕐᒥᔪᖅ ᐱᓕᕆᔾᔪᓯᖏᓐᓂᑦ ᐊᖏᕈᑎᒍᑦ ᓴᓇᔨᐅᕙᑦᑐᑦ ᐊᒻᒪ ᖃᐅᔨᓴᖅᑎᐅᕙᑦᑐᑦ ᐱᓕᕆᐊᑦᓴᓂᑦ ᐱᔾᔪᑎᓕᓐᓂᑦ ᐃᒪᓕᕆᓂᕐᒥ ᐊᒻᒪ ᑭᓈᓗᓕᕆᓂᕐᒥᑦ ᐅᕝᕙᓘᓐᓃᑦ ᐃᓪᓗᓂᑦ ᒪᑭᒪᔾᔪᑎᓕᕆᓂᕐᒥᑦ ᐊᒻᒪ ᐅᖃᐅᓯᖃᖅᐸᓪᓗᓂ ᐱᓕᕆᔾᔪᑎᓂᑦ ᐊᒻᒪ ᐃᓱᒫᓘᑎᐅᔪᓂᑦ ᐊᐅᓚᑦᓯᔨᒻᒥᓄᑦ.
ᐱᓯᒪᒋᐊᓖᑦ, ᖃᐅᔨᒪᒋᐊᓖᑦ ᐱᓕᒻᒪᑦᓴᐅᑏᑦ, ᐊᒻᒪ ᐱᓕᕆᓯᒪᓂᒃᑯᑦ
- ᒍᓚᐃ 12-ᒥᑦ ᐱᔭᕇᕈᑎᒥᑦ
- ᐃᓚᒋᔭᐅᔪᓐᓇᕐᓗᓂ ᓄᓇᕘᒥ ᑲᑐᔾᔨᖃᑎᒌᓄᑦ ᓇᓗᓇᐃᔭᐃᑎᖃᕐᓗᓂ II-ᒥᑦ ᐃᒪᓕᕆᕝᕕᒻᒥ ᐊᐅᓚᑦᓯᔨᐅᔪᓐᓇᓂᕐᒥᑦ;
- ᐃᒪᓕᕆᔾᔪᑎᓂᑦ ᖃᐅᔨᒪᑦᓯᐊᕆᐊᓕᒃ
- ᐊᖏᔫᑎᐅᖏᑦᑐᓂᑦ ᐱᓕᕆᐊᑦᓴᓂᑦ ᐸᕐᓇᐅᑎᓕᐅᕈᓐᓇᕆᐊᓕᒃ ᐊᒻᒪ ᐱᓕᕆᐊᖑᒃᑲᕐᓗᒋᑦ
- ᑐᓴᐅᒪᖃᑎᖃᕈᓐᓇᓯᐊᕐᓗᓂ ᐊᒻᒪ ᐱᓕᕆᖃᑎᖃᕈᓐᓇᕐᓗᓂ ᓄᓇᓕᓐᓂ ᐊᖏᕈᑎᒍᑦ ᓴᓇᔨᐅᕙᑦᑐᓂᑦ ᖃᐅᑕᒫᑦ ᐱᓕᕆᖃᑎᒋᕙᓐᓂᐊᖅᑕᒥᓂᒃ
- ᖃᐅᑕᒫᑦ ᐅᓂᒃᑳᓕᐅᕈᓐᓇᕐᓗᓂ ᓱᓇᒃᑯᑖᓂᑦ ᐊᒻᒪ ᐃᓪᓗᓂᑦ ᖃᓄᐃᓕᖓᓕᕐᓂᖏᓐᓂᑦ ᐊᒻᒪ ᖃᐅᔨᒪᑦᓯᐊᕐᓗᒋᑦ ᐊᑐᐊᒐᐃᑦ ᐊᒻᒪ ᒪᓕᒐᕋᓛᑦ ᐊᑐᖅᑕᐅᕙᑦᑐᑦ ᓄᓇᓕᒻᒥ
- ᐃᓄᑦᑎᑐᑦ ᐅᖃᕈᓐᓇᕈᓂ ᐱᕙᓪᓕᐊᑎᔪᓐᓇᕆᐅᓂᐊᖅᑐᖅ.
ᐃᓱᒪᕐᓴᕐᓯᐅᕈᑕᐅᔪᓐᓇᖅᑐᑦ ᐊᔾᔨᒐᓗᖏᓐᓂᑦ ᐱᓕᕆᔾᔪᑎᖃᕐᓯᒪᔪᑦ ᐃᓕᓐᓂᐊᕈᑎᖃᕐᓯᒪᔪᓪᓗ ᐊᒻᒪ ᖃᐅᔨᒪᑦᓯᐊᖅᑐᑦ ᐱᓕᕆᔾᔪᓯᕐᓂᑦ ᐊᒻᒪ ᐱᓕᒻᒪᑦᓴᐅᑎᓂᑦ.
ᒫᓐᓇᓂᓴᕐᓂᑦ ᐃᓚᓕᐅᔾᔨᒋᐊᓕᒃ ᓇᓗᓇᐃᔭᐃᑎᓂᑦ ᐱᓕᕆᔪᓐᓇᐅᑎᓂᑦ ᐊᒻᒪ ᐱᔭᕇᕈᑎᓂᑦ ᐃᓕᓐᓂᐊᕈᑎᓄ ᐱᓕᒻᒪᑦᓴᐅᑎᓄᓪᓗ ᐃᖅᑲᓇᐃᔮᖅᑖᕋᓲᑎᓐᓄᑦ.
ᐊᑭᓕᕐᓱᖅᑕᐅᓂᖓ ᒪᓕᓐᓂᐊᖅᑐᑦ ᐃᖅᑲᓇᐃᔮᑦᓴᒥᑦ ᖃᐅᔨᒪᓂᖏᓐᓂᑦ ᐊᒻᒪ ᐱᓕᕆᓯᒪᔭᖏᓐᓂᑦ. ᓄᓇᓕᐸᐅᔭᒃᑯᑦ ᐃᖃᓗᐃᑦ ᐊᑐᐃᓐᓇᖃᖅᑎᑦᓯᒻᒥᔪᑦ ᐱᐅᔪᐊᓗᓐᓂᑦ ᐃᑲᔫᑎᑦᓴᓂᑦ ᑮᓇᐅᔭᓕᐊᓄᑦ.
ᐃᖅᑲᓇᐃᔮᖅᑖᕋᓲᑏᑦ ᐅᕗᖕᖓᕆᐊᓕᒃ:
ᓇᓗᓇᐃᒃᑯᑎᖓ # 2017-28
ᐃᖅᑲᓇᐃᔭᖅᑎᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
ᐅᖄᓚᐅᑎᖓ: (867) 975-8506 ᓱᑲᑦᑐᒃᑯᑦ (867) 979-5210
hr@city.iqaluit.nu.ca
ᖃᐅᔨᒃᑲᓂᐊᖅᑕᕗᑦ ᑕᐃᒃᑯᐊ ᐊᐱᕐᓱᕈᒪᓂᐊᖅᑕᕗᑦ ᑭᓯᐊᓂ.
ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕈᓐᓇᖅᑐᑦ ᐃᖅᑲᓇᐃᔮᖅᑖᕈᑎᓂᑦ ᓯᕗᓪᓕᐅᑎᕙᓪᓗᒋᑦ ᐃᖅᑲᓇᐃᔭᖅᑎᐅᓯᓐᓇᖅᑐᑦ ᐃᖅᑲᓇᐃᔮᖅᑖᕋᓱᑦᑐᑦ.
ᒪᓕᑦᑐᒋᑦ ᑎᑎᕋᕐᓯᒪᔪᑦ 23-ᒥ ᓄᓇᕘᒥᑦ ᓄᓇᑖᕈᑕᐅᓯᒪᔪᖅ ᐊᖏᕈᑎᒥ, ᓯᕗᓪᓕᐅᑎᑕᐅᓂᐊᖅᑐᑦ ᐊᑎᖃᖃᑕᐅᔪᑦ ᐊᖏᕈᑎᒥ ᒪᓕᑦᑐᑦ ᐊᑐᐊᒐᕐᓂᑦ ᐃᖅᑲᓇᐃᔮᖅᑖᕋᓲᑎᓂᑦ.
