ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 2017-PW-RMF-0917 ᐊᑐᕆᐊᓕᕆᔨᓄᑦ ᐊᖏᔪᖅᑳᖅ - ᐊᑕᐅᓯᕐᒥᑦ (1) ᐊᕐᕌᒍᒥᑦ ᐃᖅᑲᓇᐃᔭᕋᔭᖅᑐᖅ
ᐃᖅᑲᓇᐃᔮᑦᓴᖅ
ᐊᑐᕆᐊᓕᕆᔨᓄᑦ ᐊᖏᔪᖅᑳᖅ
ᐊᑕᐅᓯᕐᒥᑦ (1) ᐊᕐᕌᒍᒥᑦ ᐃᖅᑲᓇᐃᔭᕋᔭᖅᑐᖅ
ᑎᓕᒐᕆᓗᓂᐅᒃ ᐊᑐᕆᐊᓕᕆᔩᑦ ᐊᐅᓚᑦᓯᔨᖓᑕ, ᐊᑐᕆᐊᓕᕆᔨᓄᑦ ᐊᖏᔪᖅᑳᑦᓴᖅ ᐃᓚᒋᔭᐅᕙᑦᑐᖅ ᓯᕗᓕᖅᑎᐅᔪᓄᑦ ᖃᐅᑕᒫᖅᑐᖅᓯᐅᑎᓕᕆᕙᑦᑐᓄᑦ ᐊᐅᓚᑦᓯᓪᓗᑎᒃ ᐊᑐᕆᐊᓕᕆᓂᕐᒥᑦ ᑲᑎᑦᑐᒋᑦ ᐃᖃᓗᓐᓂ ᐊᑐᕆᐊᓕᒫᑦ ᒪᑭᒪᑎᑕᐅᓇᓱᐊᖅᐸᑦᑐᑎᒃ. ᓴᓇᔪᓕᕆᔨᒃᑯᑦ ᐱᓕᕆᕝᕕᖏᓐᓂᑦ ᐃᑉᐱᒍᓱᑦᑎᐅᒐᔭᖅᑐᖅ, ᓯᐅᕋᓕᕆᓂᕐᒥᑦ, ᑕᕆᐅᓕᕆᓂᕐᒥᑦ ᐊᒻᒪ ᑲᑎᕐᓱᕐᓯᒪᔪᓂᑦ ᑖᓚᐅᔭᕐᓄᑦ ᐊᒻᒪ ᓯᐅᕋᕐᓄᑦ ᐃᓚᑦᓴᓂᑦ ᓴᓂᕐᕙᐃᓯᒪᔨᐅᓗᓂ, ᑰᕝᕕᓐᓂᑦ ᐱᐅᓯᑎᑦᓯᒋᐊᕈᑎᓕᕆᔨᐅᓗᓂ, ᐱᓱᕝᕕᓕᕆᔨᐅᓗᓂ ᐊᒻᒪ ᑐᓪᓕᓂᓕᐊᕆᓯᒪᔪᓂᑦ, ᐊᑐᕆᐊᑦ ᑭᓪᓕᖏᓐᓃᑦᑐᓂᑦ ᓴᓂᕐᕙᔾᔭᐃᒃᑯᑎᓂᑦ ᓴᕕᕋᔭᑯᑖᓂᑦ ᑲᒪᔨᐅᓗᓂ ᐊᒻᒪ ᐊᑐᕆᐊᓃᑦᑐᓂᑦ ᑕᕐᓴᓕᐊᕆᓯᒪᔪᓂᑦ ᐊᒥᐊᕐᓯᒪᔪᓂᑦ ᑲᒪᔨᐅᓗᓂ. ᐊᑐᕆᐊᓕᕆᔨᓂᑦ ᐊᖏᔪᖅᑳᑦᓴᖅ ᖃᐅᔨᓴᖅᑎᐅᔪᖅ, ᐸᕐᓇᐃᔨᐅᔪᖅ, ᑐᑭᒧᐊᑦᑎᑦᓯᔨᐅᔪᖅ ᐊᒻᒪ ᐋᖅᑭᑦᓱᐃᔨᐅᓗᓂ ᐊᑐᕆᐊᓕᕆᓂᕐᒧᑦ ᐊᐅᓚᑦᓯᔾᔪᑎᑦᓴᓂᑦ ᐃᓚᒋᔭᐅᓗᑎᒃ ᑐᐊᐸᓕᕆᓂᕐᒥᑦ ᐱᓕᕆᐊᑦᓴᖅ, ᐊᑐᕆᐊᓂᑦ ᖃᐅᔨᓴᐃᓐᓇᕐᓗᓂ ᓇᓪᓕᖏᑦ ᑲᒪᒋᔭᕆᐊᖃᓕᕐᒪᖔᑕ, ᐊᑐᕆᐊᓕᕆᓂᕐᒥᑦ ᐊᐅᓚᑦᓯᔨᐅᓗᓂ, ᐊᖏᕈᑎᒍᑦ ᐱᓕᕆᔨᓂᑦ ᐊᐅᓚᑦᓯᔨᐅᓗᓂ, ᐊᐳᑕᐃᔭᐃᓕᕆᓂᕐᒥᑦ ᐱᓕᕆᐊᑦᓴᓕᕆᔨᐅᓗᓂ, ᓯᐅᕋᓕᕆᓂᕐᒥᑦ ᐊᑐᕆᐊᓂᑦ ᐊᐅᓚᑦᓯᔨᐅᓗᓂ, ᑰᕝᕕᓐᓂᑦ ᓴᕕᕋᔭᓂᑦ ᓴᓇᔨᐅᓗᓂ, ᐊᒻᒪ ᖃᓄᑐᐃᓐᓇᖅ ᑎᑎᕋᕐᓯᒪᔪᓕᓐᓂᑦ ᑲᒪᔨᐅᓗᓂ.
ᐃᖅᑲᓇᐃᔮᕆᖃᑦᑕᕋᔭᕐᒥᔭᖏᑦ ᐃᑲᔪᖅᐸᓪᓗᓂ ᐱᓕᕆᔾᔪᑎᒥᓂᕐᓂᒃ ᑎᑎᕋᖅᐸᑦᑐᓂᑦ, ᐊᑐᖅᑐᑦᓴᓕᕆᖃᑕᐅᕙᓪᓗᓂ ᐊᑭᑦᓴᓕᕆᕙᑦᑐᓂᑦ ᐊᒻᒪ ᑮᓇᐅᔭᐃᔭᐅᑎᑦᓴᓂᑦ, ᐊᒻᒪ ᐊᖏᕈᑎᒍᑦ ᐱᓕᕆᔪᓂᑦ ᖃᐅᔨᓴᖅᑎᐅᓚᐅᖅᐸᓪᓗᓂ. ᐃᖅᑲᓇᐃᔭᖅᑏᑦ ᐱᓕᒻᒪᑦᓴᐅᑎᓂᑦ ᐃᓕᓐᓂᐊᐸᓪᓗᑎᒃ ᒪᓕᓪᓗᑎᒃ ᐃᓕᓐᓂᐊᕆᐊᖃᕐᓕᖏᑦ ᐊᑦᑐᐊᔪᑦ ᐃᓗᓯᓕᕆᓂᕐᒧᑦ ᐊᒻᒪ ᐊᑦᑕᓇᑦᑕᐃᓕᒪᔪᓕᕆᓂᕐᒧᑦ, ᐱᓕᕆᔾᔪᑎᓕᕆᓂᕐᒧᑦ, ᓄᑖᓂᑦ ᐱᓕᕆᔾᔪᑎᓂᑦ ᐱᓕᒻᒪᑦᓴᐅᑎᓂᑦ, ᓄᑖᓂᑦ ᐱᒋᐊᖅᑎᑦᓯᔾᔪᑎᑦᓴᒐᓚᓐᓂᑦ ᐱᓕᕆᔾᔪᑎᓄᑦ, ᒪᓕᒐᓕᕆᓂᖅ ᐊᒻᒪ ᒪᓕᒋᐊᓕᓐᓂᑦ ᖃᐅᔨᒪᓂᖅ, ᐱᓕᕆᔾᔪᑎᓂᑦ ᐊᒻᒪ ᐱᓕᒻᒪᓴᐅᑎᓂᑦ ᐃᖅᑲᓇᐃᔭᖅᑎᓄᑦ ᑐᕌᖓᔪᓂᑦ ᐋᖅᑭᑦᓱᐃᖃᑕᐅᕙᓪᓗᓂ ᐅᖃᖃᑎᒋᕙᓪᓗᒍ ᐊᑐᕆᐊᓕᕆᓂᕐᒥᑦ ᐊᐅᓚᑦᓯᔨ ᐊᒻᒪ ᐃᖅᑲᓇᐃᔭᖅᑎᓕᕆᓂᕐᒥᑦ ᐃᖅᑲᓇᐃᔭᖅᑏᑦ. ᑕᒪᓐᓇ ᐊᑐᕈᒪᓂᐊᖅᑐᒍ ᐃᓄᑑᓗᑎᑦ ᐃᖅᑲᓇᐃᔭᕈᓐᓇᕐᓗᑎᒃ ᐱᒋᐊᖃᖅᑐᑎᑦ ᐊᓯᓐᓄᑦ ᑎᓕᔭᐅᓯᒪᖕᖏᒃᑲᓗᐊᕈᕕᑦ ᐅᖃᖃᑎᒋᕙᓪᓗᒋᑦ ᐊᐅᓚᑦᓯᔨᐅᔪᑦ, ᐊᖏᕈᑎᒍᑦ ᐱᔭᑦᓴᓕᕆᕙᑦᑐᑦ, ᐃᖅᑲᓇᐃᔭᖅᑏᑦ, ᐊᒻᒪ ᑭᒃᑯᑐᐃᓐᓇᑦᓯᐊᑦ.
ᐃᖅᑲᓇᐃᔮᖓᒍᑦ ᐃᕝᕕᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᓐᓂ ᐃᖅᑲᓇᐃᔭᖅᑐᑦ ᐱᐅᔪᐊᓗᓐᓂᑦ ᐱᔨᑦᓯᕋᕈᑎᒍᑦ ᐃᑲᔪᕐᓱᐃᖏᓐᓇᓂᐊᖅᑐᑦ ᐊᒻᒪ ᐱᔨᑦᓯᕋᖅᐸᓪᓗᑎᒃ ᐊᑦᑐᐊᔪᓂᑦ ᐊᐅᓚᑦᓯᔾᔪᑎᓄᑦ ᓄᓇᓕᓐᓂ ᐊᑐᕆᐊᓕᕆᓂᕐᒥᑦ.
ᐱᔪᓐᓇᐅᑎᒋᔭᐅᑦᑕᖅᐸᑕ ᐃᑯᐊ
- ᒍᓚᐃ 12-ᖃᕐᓗᑎᒃ
- ᓯᓚᑦᑐᓴᕐᕕᒻᒥ ᐃᓕᓐᓂᐊᕐᓯᒪᓗᑎᑦ ᐅᕝᕙᓘᓐᓃᑦ ᓇᓗᓇᐃᕐᓯᒪᔪᒥ ᐃᓕᓐᓂᐊᕈᑎᒥ ᐱᓕᕆᔾᔪᓯᕐᒥᑦ ᐱᔭᕇᕈᑎᖃᕐᓗᑎᑦ
- ᐅᖁᒪᐃᑦᑐᓂᑦ ᓄᓇᒃᑰᔫᐸᐅᔭᓂᑦ ᐊᐅᓚᑦᓯᒍᓐᓇᓂᕐᓂᒃ ᐱᔭᕇᕈᑎᖃᕐᓗᑎᑦ
- ᐱᔭᕇᕈᑎᖃᕐᓗᑎᑦ ᐱᓕᕆᔾᔪᑎᓂᑦ ᐱᓕᕆᔪᓐᓇᓂᕐᓂᒃ (C.E.T) ᓇᓗᓇᐃᕐᓯᒪᔪᒥᑦ ᐅᕝᕙᓘᓐᓃᑦ ᐃᓕᑕᕆᔭᐅᓯᒪᔪᒥᑦ ᐊᔾᔨᐸᓗᐊᓂᑦ
- ᓇᓗᓇᐃᒃᑯᑎᓕᒻᒥᑦ 3 ᐊᖅᑯᑦᑐᖅᓯᐅᑎᖃᕐᓗᑎᑦ ᐳᓪᓚᓕᓐᓄᑦ ᓄᖅᑲᖅᑕᐅᑎᓕᒻᒥᑦ ᐊᖁᒍᓐᓇᓂᕐᓂᒃ ᓇᓗᓇᐃᒃᑯᑎᖃᕐᓗᑎᑦ
ᓇᓗᓇᐃᕐᓯᒪᔪᑦ ᐱᓕᒻᒪᓴᕐᓯᒪᒋᐊᓕᒃ ᐅᕝᕙᓘᓐᓃᑦ ᖃᐅᔨᒪᔭᐅᒋᐊᓖᑦ
- 3-5 ᐊᕐᕌᒍᓂᑦ ᓴᓇᔪᓕᕆᓂᕐᒥᑦ ᐃᖅᑲᓇᐃᔭᖅᑎᐅᓚᐅᕐᓯᒪᒋᐊᓕᒃ, ᐅᑭᐅᖅᑕᑐᒥ ᐃᖅᑲᓇᐃᔭᕐᓂᕈᓂ ᐱᐅᒋᔭᐅᓂᕐᓴᐅᔪᖅ
- ᐱᓕᕆᔨᐅᓯᒪᔪᒻᒪᕆᐅᓗᑎᑦ ᐊᐅᓚᑦᓯᔨᐅᓂᕐᒥᑦ ᐊᒻᒪ ᑲᒪᔨᐅᓂᕐᒥᑦ ᐅᖁᒪᐃᑦᑐᓂᑦ ᓄᓇᒃᑰᔫᐸᐅᔭᓂᑦ
- 3-5 ᐊᕐᕌᒍᓄᑦ ᐃᖅᑲᓇᐃᔭᖅᑎᓂᑦ ᖃᐅᔨᓴᖅᑎᐅᓚᐅᕐᓯᒪᓗᑎᑦ ᐊᖏᔪᖅᑳᖑᓚᐅᕐᓯᒪᓗᑎᓪᓘᓐᓃᑦ
- ᐃᖅᑲᓇᐃᔭᖅᑎᓂᑦ ᖃᐅᔨᓴᖅᑎᐅᔪᓐᓇᕆᐊᓕᒃ ᐊᑕᐅᓯᐅᖏᑦᑐᒥᑦ ᐱᓕᕆᐊᖃᖅᐸᑦᑐᓂᑦ ᓱᓇᒃᑯᑖᑯᑎᖏᓐᓂᑦ ᓯᑎᒃᑯᑦ ᐊᒻᒪ ᓄᓇᒃᑰᔫᖁᑎᖏᓐᓂᑦ
- ᐱᓕᕆᔨᐅᓯᒪᓚᐅᕐᓯᒪᒋᐊᓕᒃ ᐱᓕᕆᔾᔪᑎᓂᑦ ᐱᓕᕆᐊᖃᕈᓐᓇᑐᒻᒪᕆᐅᓗᓂ ᐱᔾᔪᑎᖃᖅᑐᓂᑦ ᓱᓇᑐᐃᓐᓇᕐᓂᑦ ᖃᐅᔨᒪᔨᑕᐅᓂᒃᑯᑦ ᖃᓄᖅᑑᕈᓐᓇᓂᕐᒥᑦ, ᐱᓕᕆᔾᔪᑎᓂᑦ ᐅᐸᓗᖓᐃᔭᐃᑦᓯᐊᕈᓐᓇᕐᓗᑎᑦ ᐊᒻᒪ ᐊᐅᓚᑦᓯᔨᐅᓂᕐᒥᑦ ᐱᓕᒻᒪᓴᕐᓯᒪᓗᑎᑦ
- ᖃᕋᑕᐅᔭᓕᕆᔾᔪᑎᓂᑦ ᐊᔾᔨᒌᖏᑦᑐᓂᑦ ᐱᓕᕆᔾᔪᑎᖃᕈᓐᓇᕆᐊᓕᒃ ᐃᕐᖐᓇᖅᑕᐅᑎᓕᕆᓂᕐᒥᑦ ᐃᓐᑐᓂᐊᓕᕆᓂᕐᒥᓪᓗ
- ᐊᓯᒥᓄᑦ ᖃᐅᔨᓵᖑᓗᐊᖏᓪᓗᓂ ᐱᓕᕆᔪᓐᓇᓂᕐᒥᓂᒃ ᓇᓗᓇᐃᕈᓐᓇᕆᐊᓕᒃ
- ᑎᑎᕋᕈᓐᓇᑦᓯᐊᕆᐊᓕᒃ ᐊᒻᒪ ᐅᖃᐅᓯᖃᕈᓐᓇᑦᓯᐊᕆᐊᓕᒃ ᑐᓴᐅᒪᖃᑎᖃᕈᓐᓇᑦᓯᐊᕐᓗᓂᓗ ᐊᓯᒥᓂᒃ
- ᓇᓗᓇᐃᕐᓯᒪᒋᐊᓕᒃ ᐅᐸᓗᖓᐃᔭᐃᔪᓐᓇᑦᓯᐊᓂᕐᒥᓂᒃ, ᐸᕐᓇᐃᔪᓐᓇᕐᓗᓂ ᐊᒻᒪ ᐊᑕᐅᓯᐅᖏᑦᑐᒥᑦ ᐊᑕᐅᓯᒃᑯᑦ ᐱᓕᕆᐊᖃᕈᓐᓇᕐᓗᓂ ᐃᓄᑑᑎᓗᒋᑦ
- ᐃᓄᑦᑎᑑᕈᓐᓇᕈᓂ ᐱᕙᓪᓕᐊᑎᔪᒻᒪᕆᐅᓂᐊᖅᑐᖅ
ᐊᔾᔨᐸᓗᖏᑦ ᑲᑎᖕᖓᑎᓪᓗᒋᑦ ᐃᓕᓐᓂᐊᕈᑏᑦ, ᖃᐅᔨᒪᓂᐅᔪᑦ, ᐱᓕᒻᒪᓴᖅᑕᐅᓯᒪᔪᑦ ᐊᒻᒪ ᐱᔪᓐᓇᕐᓂᐅᔪᑦ ᐃᓕᓐᓂᐊᕈᑎᓪᓚᕆᓐᓂᑦ ᐃᓱᒪᕐᓴᕐᓯᐅᕈᑎᐅᖃᑦᑕᓂᐊᕐᒥᔪᑦ.
ᐊᕐᕌᒍᒥ ᑮᓇᐅᔭᓕᐅᕋᔭᖅᑐᖅ $70,368.93 - $84,447.41 ᐊᒻᒪ ᒪᓕᑦᑕᐅᓂᐊᖅᑐᑦ ᑲᑎᖕᖓᑎᓪᓗᒋᑦ ᐃᓕᓐᓂᐊᕈᑏᑦ, ᖃᐅᔨᒪᓂᐅᔪᑦ, ᐱᓕᒻᒪᓴᖅᑕᐅᓯᒪᔪᑦ ᐊᒻᒪ ᐱᔪᓐᓇᕐᓂᐅᔪᑦ ᐃᓕᓐᓂᐊᕈᑎᓪᓚᕆᓐᓂᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᐱᐅᔪᐊᓗᓐᓂᑦ ᐃᑲᔫᓯᐊᖃᖅᑎᑦᓯᔪᓐᓇᖅᑐᑦ ᑮᓇᐅᔭᓂᑦ ᓯᓚᑖᒍᑦ ᐃᖅᑲᓇᐃᔮᑦᓴᒃᑯᑦ ᐊᑭᓕᕐᓱᐃᔾᔪᓰᑦ ᐊᒻᒪ ᓄᓇᓕᕐᓂᒥᐅᑕᐅᓂᕐᒧᑦ ᐃᑲᔫᓯᐊᖅᐸᓪᓗᓂ $20,907.43 ᐊᒻᒪ ᐱᐅᔪᐊᓗᓐᓂᑦ ᐃᑲᔫᓯᐊᖅᐸᓪᓗᑎᒃ.
ᐃᖅᑲᓇᐃᔮᖅᑖᕋᓱᐊᕈᑎᓐᓄᑦ ᐃᓚᓕᐅᑎᓯᒪᒋᐊᓖᑦ ᐊᔾᔨᖏᑦ ᓱᓇᒃᑯᑖᖁᑎᕕᑦ ᐃᓕᓐᓂᐊᕈᑎᕈᓘᔭᐃᑦ ᐊᒻᒪ ᐱᔭᕇᕈᑎᒋᓯᒪᔭᖅᑎᑦ ᓇᓗᓇᐃᕐᓯᒪᓗᒋᑦ ᐅᑯᓄᖓ 2017-PW-RMF-0917.
ᐃᖅᑲᓇᐃᔮᑦᓴᖅ ᒪᑐᓛᖅᑐᖅ: ᒪᑐᐃᖓᔪᖅ ᐃᓐᓄᒐᓱᓐᓂᖓᓂ
ᐃᖅᑲᓇᐃᔮᖅᑖᕋᓲᑏᑦ ᐅᕗᖕᖓᕆᐊᓕᒃ:
ᐃᖅᑲᓇᐃᔭᖅᑎᓕᕆᓂᖅ
ᓇᓗᓇᐃᒃᑯᑎᖓ # 2017-PW-RMF-0917
ᓄᓇᓕᐸᐅᔭᐃᑦ ᐃᖃᓗᐃᑦ
ᑎᑎᖅᑲᖃᐅᖓ 460
ᐃᖃᓗᐃᑦ, ᓄᓇᕗᑦ X0A 0H0
hr@city.iqaluit.nu.ca
ᓱᑲᑦᑐᒃᑯᑦ: 979-5210
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᒐᔭᖅᑐᖅ.
ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᕈᓐᓇᖅᑐᑦ ᐃᖅᑲᓇᐃᔭᖅᑖᕆᔪᓐᓇᖅᑕᖏᓐᓂᑦ ᓯᕗᓪᓕᓯᐅᑎᒃᑯᑦ ᐊᑐᐊᒐᕐᒥᑦ ᐊᑐᕐᓗᑎᒃ ᐃᖅᑲᓇᐃᔭᖅᑎᐅᓯᓐᓇᖅᑐᓄᑦ.
ᒪᓕᑦᑐᒋᑦ ᓈᓴᐅᑎᓕᓐᓃᑦᑐᑦ 23 ᓄᓇᕘᒥᑦ ᓄᓇᑖᕈᑎᐅᓚᐅᖅᑐᖅ ᐊᖏᕈᑎᒥ, ᓯᕗᓪᓕᐊᔾᔭᐅᔪᑦᓴᑦ ᓄᓇᕘᒥᑦ ᓄᓇᑖᕈᑎᐅᓚᐅᖅᑐᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᐱᓇᓱᐊᕈᑎᓂᑦ.
