ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – PW-BM-1117 Building Maintainer
ᓯᑎᒃᑯᓐᓂ ᐃᖅᑲᓇᐃᔭᖅᑎᓄᑦ / ᐃᖅᑲᓇᐃᔭᖅᑎᐅᖏᑦᑐᓄᓪᓗ ᐃᖅᑲᓇᐃᔮᑦᓴᖅ ᐃᓪᓗᒥᑦ
ᒪᑭᒪᑎᑦᓯᔨ/ᑲᒪᔨ
ᐱᔾᔪᑎᖓ ᐃᖅᑲᓇᐃᔮᑦᓴᐅᑉ
ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᑖᕐᓂᐅᓴᒻᒪᑕ ᒪᕐᕉᓐᓂᒃ ᐃᓪᓗᓂᑦ ᒪᑭᒪᑎᑦᓯᔨᑦᓵᓂᒃ ᑲᒪᔨᑦᓵᓐᓂᒃ. ᖃᐅᑕᒫᖅᑐᖅᓯᐅᑎᐅᔫᒃ ᐃᖅᑲᓇᐃᔮᑦᓵᒃ ᐊᖏᔪᖅᑳᖃᖅᑐᑎᒃ ᐊᖏᔪᖅᑳᖓᓐᓂᑦ ᓴᓇᔪᓕᕆᔨᒃᑯᑦ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ ᐃᖅᑲᓇᐃᔭᕐᕕᖏᑕ. ᐃᓪᓗᓂᑦ ᑲᒪᔨᐅᔪᑦ ᐃᖅᑲᓇᐃᔭᖃᑎᒌᖑᔪᑦ, ᐱᓕᕆᔨᐅᓗᑎᒃ ᓯᑎᒃᑯᑦ ᐱᓕᕆᕝᕕᓕᒫᖏᓐᓂᑦ, ᐃᓪᓗᖁᑎᖏᓐᓂᑦ ᐊᒻᒪ ᓱᓇᒃᑯᑖᖁᑎᖏᓐᓂᑦ ᑲᒪᕙᑦᑐᑎᒃ ᖃᐅᔨᓴᖅᐸᑦᑐᒋᑦ ᓱᕋᑦᓯᒪᔪᖃᓕᖕᖏᒃᑲᓗᐊᕐᒪᖔᑕ ᓇᐅᒃᑯᑐᐃᓐᓇᖅ.
ᐃᑉᐱᒋᔭᕆᐊᓕᖏᑦ
ᒪᑭᒪᑎᑦᓯᔨᐅᓂᐊᖅᑐᑦ ᑲᒪᔨᐅᓗᑎᒃ ᐊᒻᒪ ᓴᓇᕙᓪᓗᑎᒃ ᓴᓇᒋᐊᓕᓐᓂᑦ ᓯᑎᒃᑯᑦ ᐃᓪᓗᖁᑎᖏᓐᓂᑦ ᓲᕐᓗ ᐊᓐᓂᑭᑦᑐᓛᕐᕕᓐᓂᑦ, ᓯᑎᒃᑯᑦ ᐊᓪᓚᕝᕕᖏᓐᓂᑦ, ᐳᐃᔾᔪᕋᕐᕕᒻᒥᑦ, ᒪᒃᑯᑦᑐᒃᑯᕕᒻᒥᑦ, ᑰᓕᕐᕕᒻᒥᑦ, ᓂᐊᖁᖕᖒᑎᓂ ᐱᖕᖑᐊᕐᕕᕋᓛᕐᒥᑦ ᐊᐃᑉ ᐅᑉᐱᒃᒥᑦ, ᓄᓇᒃᑰᔫᒃᑯᕕᒻᒥᑦ, ᓯᑎᒃᑯᑦ ᐃᓪᓗᖁᑎᖏᓐᓂᑦ, ᖃᑦᑎᕆᕕᒻᒥᑦ, ᓴᓇᔪᓕᕆᔨᒃᑯᑦ ᐃᓪᓗᖁᑎᖏᓐᓂᑦ ᐊᒻᒪ ᐃᓘᓐᓇᑦᓯᐊᖏᓐᓂᑦ ᓯᑎᒃᑯᑦ ᐃᓪᓗᖁᑎᓕᒫᑦᓯᐊᖏᓐᓂᑦ ᐃᖃᓗᓐᓂ ᓇᒥᑐᐃᓐᓇᖅ. ᓴᓇᔭᕆᐊᖃᖅᐸᑦᑐᑦ ᒪᔪᕋᐅᑏᑦ, ᐃᓪᓗᒥᐅᑕᐃᑦ, ᐊᒻᒪ ᐊᓯᕈᓘᔭᖏᑦ. ᓴᓇᔭᕆᐊᓖᑦ ᐊᒻᒪ ᖃᐅᔨᓴᖅᐸᓪᓗᒋᑦ ᑲᒪᒋᔭᕆᐊᖃᓕᕐᒪᖔᑕ ᐃᓪᓗᓄᑦ ᓴᐅᓃᑦ ᒪᑭᑕᔾᔪᑎᐅᔪᑦ, ᐃᓕᔾᔨᕖᑦ, ᓇᑏᑦ, ᐃᑦᓯᕙᐅᑕᐃᑦ, ᐊᓯᕈᓘᔭᖏᓪᓗ. ᓴᓇᔭᕆᐊᓕᓐᓂᑦ ᓴᓇᕙᓪᓗᑎᒃ, ᒪᑐᐃᖅᑕᖅᑐᓕᐅᖅᐸᓪᓗᑎᒃ, ᐅᖄᓕᒫᒐᖃᕐᕕᓐᓂᑦ, ᓂᐱᖕᖓᕕᓐᓂᑦ ᐊᓯᕈᓘᔭᖏᓐᓂᓪᓗ ᐊᒻᒪ ᐃᓪᓗᒥᐅᑕᓂᑦ ᓴᓇᕙᓪᓗᑎᒃ. ᐃᓪᓗᐃᑦ ᐃᓗᖏᓐᓂᑦ ᓯᓚᑎᖏᓐᓂᓪᓗ ᐊᒥᐊᕆᕙᓪᓗᑎᒃ ᐊᒥᐊᕆᔭᕆᐊᖃᓕᕋᐃᒍᑎᒃ. ᓴᓇᕙᓪᓗᑎᒃ ᐊᖏᔫᑎᐅᖏᑦᑐᓂᑦ ᓴᓇᒋᐊᓕᓐᓂᑦ. ᐊᓯᖏᓐᓂᑦ ᐱᓕᕆᐊᖃᖅᐸᓪᓗᑎᒃ, ᐊᒻᒪ ᓴᓇᒋᐊᓕᓐᓂᑦ ᐊᖏᔫᑎᐅᖕᖏᑦᑐᓂᑦ ᐸᐃᑉᐹᖁᑎᖃᕆᐊᑐᖕᖏᑦᑐᓂᑦ ᐊᒻᒪ ᐱᓕᕆᐊᕆᔪᓐᓇᖅᑕᖏᓐᓂᑦ. ᐊᐅᓚᑦᓯᕙᓪᓗᑎᒃ ᐊᒻᒪ ᑲᒪᒋᕙᓪᓗᒋᑦ ᓴᓇᕐᕈᑎᕈᓘᔭᐃᑦ ᓱᓇᒃᑯᑖᕈᓘᔭᐃᓪᓗ.
ᐱᓕᕆᔾᔪᑎᓕᕆᓂᕐᒥᑦ/ᓇᓗᓇᐃᕐᓯᒪᔪᓂᑦ ᐱᓕᒻᒪᓴᕐᓯᒪᒋᐊᓖᑦ ᐅᕝᕙᓘᓐᓃᑦ ᖃᐅᔨᒪᒋᐊᓖᑦ:
- ᒍᓚᐃ 12-ᒥᑦ ᐱᔭᕇᕐᓯᒪᓗᓂ ᐱᔭᕇᕈᑎᖃᕐᓗᓂᓗ
- ᖃᐅᔨᒪᓗᓂ ᐊᒻᒪ ᐱᓕᕆᐊᖃᓚᐅᕐᓯᒪᓗᓂ ᕿᔪᓕᕆᓂᕐᒥᑦ, ᐃᓪᓗᓂᑦ ᒪᑭᒪᑎᑦᓯᔾᔪᑎᓂᑦ ᐊᒻᒪ ᓴᓇᒋᐊᒐᓛᑐᐃᓐᓇᕆᐊᓕᓐᓂᑦ
- ᖃᐅᔨᒪᓗᓂ ᐊᒻᒪ ᐱᓕᕆᓕᓂᐅᓗᓂ ᐊᑦᑕᓇᕐᔭᐃᕐᓯᒪᒍᓐᓇᕐᓗᓂ ᓴᓇᕐᕈᑎᓂᑦ ᑎᒍᒥᐊᕆᐊᓕᓐᓂᑦ ᐊᒻᒪ ᐅᐊᔭᒨᖅᑐᓂᑦ
- ᖃᐅᔨᒪᓗᓂ ᐃᖅᑲᓇᐃᔭᕐᕕᓐᓂ ᐊᑦᑕᓇᑦᑕᐃᓕᒪᐅᑎᓂᑦ ᐊᒻᒪ ᑭᕕᑦᓯᑦᓯᐊᕈᑎᓂᑦ ᓱᓇᑐᐃᓐᓇᕐᓂᑦ ᐊᒻᒪ ᖃᓄᖅ ᓱᓇᑐᐃᓐᓇᐃᑦ ᐱᓕᕆᐊᕆᖑᒋᐊᖃᕐᒪᖔᑕᓗ
- ᐊᐅᓚᑦᓯᔪᓐᓇᕐᓗᓂ ᓱᓇᒃᑯᑖᓂᑦ ᐅᓗᕆᐊᓇᖕᖏᑐᒃᑯᑦ ᐊᒻᒪ ᐃᑉᐱᒍᓱᑦᓯᐊᓂᒃᑯᑦ
- ᐱᔨᑦᓯᕋᖅᑎᐅᑦᓯᐊᕙᐅᔪᓐᓇᕐᓗᓂ ᐊᒻᒪ ᑭᒃᑯᑐᐃᓐᓇᕐᓂᑦ ᐱᓕᕆᖃᑎᖃᕈᓐᓇᓯᐊᕐᓗᓂ
- ᓯᕿᖕᖑᔭᑎᒍᑦ ᐊᐅᓚᑦᓯᔪᓐᓇᓯᐊᕐᓗᓂ ᐱᓕᕆᒋᐊᓖᑦ ᐱᓪᓗᒋᑦ ᐊᒻᒪ ᐊᑕᐅᓯᐅᖕᖏᑦᑐᒥᑦ ᐱᔭᑦᓴᓂᑦ ᐊᑕᐅᑦᓯᒃᑯᑦ ᐱᓕᕆᐊᖃᕈᓐᓇᕐᓗᓂ ᐊᒻᒪ ᓯᕗᓪᓕᐅᑎᒋᐊᓕᓐᓂᑦ ᐋᖅᑭᑦᓱᐃᔪᓐᓇᕐᓗᓂ
- ᐱᔭᕇᕈᑎᖃᕐᓗᓂ ᒪᑦᑐᓯᑦᓰᑦᓯᐊᕈᑎᓂᑦ ᐊᒻᒪ ᐊᓂᖅᑎᕆᔾᔪᑎᓂᑦ ᐃᓕᓐᓂᐊᕈᑎᓂᑦ
- ᓈᓴᐅᑎᕆᔪᓐᓇᕐᓗᓂ ᐊᒻᒪ ᐱᓕᕆᔾᔪᑎᓂᑦ ᐃᖅᑲᕐᓴᐅᑎᖃᕈᓐᓇᕐᓗᓂ ᖃᐅᔨᓴᖅᐸᓪᓗᒋᑦ
- ᓇᓗᓇᐃᒃᑯᑎᓕᒻᒥᑦ 5 ᐊᖁᑦᑐᖅᓯᐅᑎᖃᕐᓗᓂ
ᑕᑎᒋᔭᕐᓂᑦᓯᐊᕆᐊᖃᖅᑐᑎᑦ ᐊᒻᒪ ᑭᖑᕙᖃᑦᑕᖏᓪᓗᑎᑦ, ᖃᐅᔨᓴᖅᑎᖃᓗᐊᖏᓪᓗᑎᑦ ᐱᓕᕆᔪᓐᓇᕐᓗᑎᑦ ᐊᒻᒪ/ᐅᕝᕙᓘᓐᓃᑦ ᐃᖅᑲᓇᐃᔭᖃᑎᖃᕈᓐᓇᕐᓗᑎᑦ ᐊᓯᓐᓂᑦ ᑲᑐᔾᔨᖃᑎᒌᕙᓪᓗᒋᑦ, ᐊᒻᒪ ᐃᖅᑲᓇᐃᔭᕈᓐᓇᕐᓗᑎᑦ ᓯᓚᒥ ᐃᒃᑮᓇᖅᑐᐊᓘᒐᓗᐊᖅᑎᓪᓗᒍ ᓯᓚᕈᔫᒐᓗᐊᖅᑎᓪᓗᒍᓘᓐᓃᑦ. ᑎᓕᒐᕐᓂᑦ ᒪᓕᒍᓐᓇᓯᐊᕐᓗᑎᑦ, ᐊᑦᑕᓇᖕᖏᑦᑐᒥᑦ ᐃᖅᑲᓇᐃᔮᖃᕈᓐᓇᕐᓗᑎᑦ ᐊᒻᒪ ᑐᐊᕕᐊᖃᕈᓐᓇᕐᓗᑎᑦ ᑐᐊᕕᐊᖃᕆᐊᖃᕋᐃᒍᕕᑦ ᐱᔭᑦᓴᓂᑦ ᐊᒻᒪ ᐃᖅᑲᓇᐃᔭᕈᓐᓇᕐᓗᑎᑦ ᑐᐊᕕᐊᕆᔭᕆᐊᓕᓐᓂᑦ ᐊᒻᒪ ᑲᑐᔾᔨᖃᑎᖃᖅᐸᓪᓗᑎᑦ ᐃᖅᑲᓇᐃᔭᖃᑎᓐᓂᑦ.
ᐊᕐᕌᒍᓕᒫᒧᑦ ᑮᓇᐅᔾᔭᑦᓵᑦᓴᖏᑦ ᐃᖅᑲᓇᐃᔭᖅᑎᐅᑉ $47,045.67 ᐊᒻᒪᑦᑕᐅᖅ ᓄᓇᓕᕐᓂᒥᐅᑕᐅᓂᕐᒧᑦ ᐃᑲᔫᓯᐊᖅᐸᓪᓗᓂ $20,907.43 ᐊᒻᒪ ᐱᐅᔪᐊᓗᓐᓂᑦ ᐃᑲᔫᓯᐊᖅᐸᓪᓗᓂ ᐃᖅᑲᓇᐃᔮᒃᑯᑦ.
ᐃᖅᑲᓇᐃᔮᖅᑖᕋᓱᒍᒪᓐᓂᕈᕕᑦ ᐃᖅᑲᓇᐃᔮᖅᑖᕋᓲᑏᑦ ᑐᓂᔪᓐᓇᖅᑕᐃᑦ ᐅᕗᖓ:
ᐃᖅᑲᓇᐃᔭᖅᑎᓕᕆᓂᖅ
ᑎᑎᖅᑲᖃᐅᑎᖓ 460
ᐃᖃᓗᐃᑦ, ᓄᓇᕗᑦ X0A 0H0
ᓱᑲᑦᑐᒃᑯᑦ - 867-979-5210
hr@city.iqaluit.nu.ca
ᓇᓗᓇᐃᔭᐃᑎᖓ # PW-BM-1117
ᑕᐃᒃᑯᐊ ᑭᓯᐊᓂ ᐊᐱᕐᓱᖅᑕᐅᔪᒪᓂᐊᖅᑐᑦ ᖃᐅᔨᒃᑲᖅᑕᐅᓛᖅᑐᑦ.
ᒪᓕᓪᓗᒋᑦ ᑎᑎᕋᕐᓯᒪᔪᑦ ᓈᓴᐅᑎᓖᑦ 23-ᒥ ᓄᓇᕘᒥᑦ ᐊᖏᕈᑎᒥ, ᓯᕗᓪᓕᐊᔾᔭᐅᓛᕐᒥᔪᑦ ᓄᓇᕘᒥ ᐊᖏᕈᑎᒥ ᐊᑎᖃᖃᑕᐅᔪᑦ ᒪᓕᑦᑐᑦ ᒪᓕᒐᕐᓂᑦ ᐃᖅᑲᓇᐃᔮᑦᓴᒧᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᐊᑐᑐᐃᓐᓇᕆᐊᓖᑦ ᓯᕗᓪᓕᐅᑎᒋᐊᓕᓐᓂᑦ ᐃᖅᑲᓇᐃᔮᖅᑖᕋᓱᐊᖅᑐᓂᑦ ᐃᖅᑲᓇᐃᔭᖅᑎᐅᒍᓂ ᐃᖅᑲᓇᐃᔮᖅᑖᕋᓱᐊᖅᑐᖅ.
