ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᐊᕕᕐᓇᖅᑐᒥᑦ ᑐᓴᕋᑦᓴᖅ − ᓇᓗᓇᐃᕐᓯᔾᔪᑎᑦᓴᒥᑦ ᖃᐅᔨᓴᓕᖅᑐᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᓱᓕ ᓯᕗᒧᐊᑉᐸᓪᓕᐊᔪᑦ ᖃᐅᔨᓴᖅᐸᓪᓕᐊᓂᕐᒥᓂᒃ ᐃᒥᖅᑕᐅᔪᓐᓇᖅᑐᒥᑦ ᐃᒥᐅᑉ ᖃᓄᐃᓐᓂᖓᓂᑦ ᐱᔾᔪᑎᐅᔪᒥᑦ. ᐃᒥᖅᑕᐅᒋᐊᖃᖏᓐᓂᖓᓂᑦ ᐃᒥᖅ ᑎᓕᓯᔾᔪᑎᐅᓯᒪᔪᖅ ᓱᓕ ᐊᑐᖅᑕᐅᔪᖅ ᐊᓯᐊᒍᑦ ᓇᓗᓇᐃᕐᓯᓚᐅᖏᓐᓂᖏᓐᓂ.
ᖃᓄᐃᓐᓂᖓ ᐊᒻᒪ ᖃᓄᐃᓪᓗᐊᕐᓂᖓ ᐃᖃᓗᐃᑦ ᐃᒥᖁᑎᖏᑕ ᐱᒻᒪᕆᐊᓘᕗᖅ ᓄᓇᓕᐸᐅᔭᒃᑯᓐᓄᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᓄᖅᑑᕋᓱᐃᓐᓇᖅᑐᑦ ᐱᔪᓐᓇᐅᑎᓕᒫᓂ ᐊᑐᖅᑐᒍ ᓄᓇᓕᕐᒥᐅᑕᐃᑦ ᐊᑦᑕᓇᖕᖏᑦᑐᒥᑦ ᐊᒻᒪ ᐃᒥᕋᑦᓴᐅᓯᐊᖅᑐᒥᑦ ᐃᒥᖅᑕᐅᔪᓐᓇᖅᑐᒥᑦ ᐃᒥᖃᖁᔭᐅᓗᑎᒃ.
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᐱᔭᕇᕐᓯᒪᓕᖅᑐᑦ ᓴᓗᒻᒪᕐᓴᐃᓂᕐᒥᑦ ᐲᔭᖅᑕᐅᓗᓂ ᐸᐅᕈᔪᒃ ᐃᒥᕐᒥᒃ ᓴᓗᒻᒪᕐᓴᐃᕕᒻᒥᑦ ᐊᒻᒪ ᓴᓗᒻᒪᓴᕐᓯᒪᔪᒥᑦ ᐃᒥᒃᑯᕕᒻᒥᑦ. ᓄᓇᓕᐸᐅᔭᐃᑦ ᐃᒥᕐᒧᑦ ᓱᓪᓗᓕᖏᓐᓂᑦ ᑯᕕᑎᑦᑎᕙᓪᓕᐊᓕᖅᑐᑦ ᐊᒻᒪ ᑎᓴᒻᒥᕐᒧᑦ ᑯᕕᑎᑦᓯᔾᔭᖕᖒᖅᑐᑦ. ᓄᓇᓕᐸᐅᔭᒃᑯᑦ ᓇᓗᓇᐃᔭᐃᕙᓪᓕᐊᓕᖅᑐᑦ ᖃᐅᔨᓴᖅᑐᑎᒃ ᐃᒥᕐᒥᒃ ᓴᓗᒻᒪᓴᖅᑕᐅᓂᖓᓂ ᐊᒻᒪ ᐃᒥᕐᒧᑦ ᓱᓪᓗᓕᒃᑰᐸᑦᑐᓂᑦ. ᐱᔾᔪᑎᐅᓗᓂ ᓴᓗᒻᒪᕐᓴᐃᕙᓪᓕᐊᓂᖅ, ᓄᓇᓕᐸᐅᔭᒃᑯᑦ ᓂᕆᐅᑦᑐᑦ ᐱᑎᑕᐅᒐᔭᕆᐊᑦᓴᖅ ᖃᐅᔨᓴᐅᑎᒥᓂᕐᓂᒃ ᓇᓗᓇᐃᔭᐃᔪᓂᑦ ᐱᑕᖃᕈᓐᓃᕐᓂᖓᓂᑦ ᓱᕈᐃᓯᒪᔫᑉ, ᒪᓕᑦᑐᒋᑦ ᐃᓗᓯᓕᕆᓂᕐᒧᑦ ᐊᑐᐊᒐᐃᑦ.
ᓄᓇᓕᐸᐅᔭᒃᑯᑦ, ᑲᑐᔾᔨᖃᑎᖃᖅᑐᑎᒃ ᑭᒃᑯᑐᐃᓐᓇᕐᓂᒃ ᐋᓐᓂᐊᔪᓕᕆᔨᓂᑦ, ᖃᓄᖅ ᑯᕕᑎᑦᓯᖃᑦᑕᕈᓐᓇᕐᓂᐊᕐᒪᖔᑕ ᑕᐃᒃᑯᐊ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᑦ.
ᓄᓇᓕᐸᐅᔭᒃᑯᑦ ᓱᓕ ᖃᐅᔨᓴᐃᓐᓇᓂᐊᖅᑐᑦ ᓱᕈᓐᓇᖅᑐᖃᕈᓐᓃᕋᓗᐊᕐᒪᖔᖅ ᐃᒥᖅ ᓴᓗᒻᒪᓴᖅᑕᐅᓂᖓᓂ ᐊᒻᒪ ᐃᓗᐊᓃᑦᑐᒥᑦ ᓱᓪᓗᓖᑦ. ᐊᒻᒪᑦᑕᐅᖅ, ᓄᓇᓕᐸᐅᔭᒃᑯᑦ ᐱᔭᕇᓚᐅᕐᒥᔪᑦ ᖃᕋᑕᐅᔭᒃᑯᑦ ᐃᒥᕐᒥᒃ ᖃᐅᔨᓴᐅᑎᒥᑦ ᖃᐅᔨᓴᕐᕕᓕᐅᖅᑐᑎᒃ. ᖃᐅᔨᓴᐅᑎᐅᔪᕐᓕ ᓯᕗᓂᐊᒍᑦ ᓱᕈᓐᓇᖅᑐᖃᓕᑐᐊᖅᐸᑦ ᓇᓗᓇᐃᔭᐃᒍᓐᓇᕆᐊᓕᒃ, ᐅᕝᕙᓘᓐᓃᑦ ᐃᒥᐅᑉ ᖃᓄᐃᓐᓂᖓᒍᑦ ᐊᓯᔾᔨᑐᐊᖅᐸᑦ.
##
ᐃᖅᑲᓇᐃᔭᖅᑎᓪᓗᒍ ᐅᓪᓗᒃᑯᑦ ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ:
ᔭᕗᕆ ᐴᕐᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
867-979-5619 | g.byrne@iqaluit.ca
