ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᐊᕕᕐᓇᖅᑐᖅ − ᖃᐅᔨᓴᖅᑐᑦ ᐱᓪᓗᒋᑦ ᑐᓴᕋᑦᓴᖅ

ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᐊᕕᕐᓇᖅᑐᖅ − ᖃᐅᔨᓴᖅᑐᑦ ᐱᓪᓗᒋᑦ ᑐᓴᕋᑦᓴᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᓯᕗᒧᐊᒃᑲᓐᓂᕐᓯᒪᔪᒻᒪᕆᐅᓕᖅᑐᑦ ᖃᐅᔨᓵᕆᔭᖓ ᐱᓪᓗᒍ ᐃᒥᖅᑕᐅᔪᓐᓇᖅᑑᑉ ᐃᒥᐅᑉ ᖃᓄᐃᓐᓂᖓᓂᑦ ᐱᔾᔪᑎᒋᓪᓗᒍ.

ᖃᓄᐃᓐᓂᖓ ᐊᒻᒪ ᖃᓄᐃᓪᓗᐊᕐᓂᖓ ᐃᖃᓗᐃᑦ ᐃᒥᕆᕙᑦᑕᖏᑕ ᐱᒻᒪᕆᐊᓘᒻᒪᑦ ᓄᓇᓕᐸᐅᔭᒃᑯᓐᓄᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᓄᖅᑑᑐᒻᒪᕆᐅᕗᑦ ᐱᔪᓐᓇᕐᓂᓕᒫᒥᓂᒃ ᐊᑐᖅᑐᑎᒃ ᓇᓗᓇᐃᕐᓯᓂᒃᑯᑦ ᓄᓇᓕᕐᒥᐅᑕᐃᑦ ᐊᑦᑕᓇᖕᖏᑦᑐᒥᑦ ᐊᒻᒪ ᑕᑎᒋᔭᕐᓂᖅᑐᒥᑦ ᐃᒥᖅᑕᐅᔪᓐᓇᖅᑐᒥᑦ ᐃᒥᖃᖁᓪᓗᒋᑦ.

ᓄᓇᓕᐸᐅᔭᒃᑯᑦ ᖃᐅᔨᓴᖅᑎᖏᑦ ᖃᐅᔨᓯᒪᓕᖅᑐᑦ ᓄᓇᐅᑉ ᐃᑭᐊᖓᓂ ᑯᕕᓯᒪᔪᒥᑦ ᐅᕙᑦᑎᐊᕈᕐᓂᑕᒥᑦ ᐅᕐᓱᐊᓗᒻᒥᑦ ᐊᑦᑐᐊᔪᒥᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥᑦ ᐅᐸᒐᑦᓴᐅᖏᑦᑐᒥ, ᓄᓇᐅᑉ ᐃᑭᐊᖓᓃᑦᑐᒥᑦ ᐃᓯᕐᓴᒥᑦ. ᖃᐅᔨᓴᖅᐸᓪᓕᐊᓕᖅᑐᑦ ᓇᓗᓇᐃᕐᓯᓇᓱᐊᖅᑐᑎᒃ ᖃᐅᔨᔭᐅᔪᒦᖕᖔᕐᓯᒪᒐᓗᐊᕐᒪᖔᖅ ᐅᖃᐅᓯᐅᓯᒪᔪᒧᑦ ᐅᐊᖕᓇᒥ ᐃᒪᖃᐅᑎᒥᑦ ᐱᓯᒪᓂᕋᖅᑕᐅᔪᒥᑦ (ᖁᐊᖅᑕᖅᑐᒥᑦ ᓴᓇᓯᒪᔪᖅ ᖃᑦᑕᖅ) ᐸᐅᕈᔪᒻᒧᑦ ᓱᕈᑦᓯᒪᓂᖓᓂᑦ. ᐅᐊᖕᓇᒥ ᐃᒪᖃᐅᑎ ᐊᓯᒥᓄᑦ ᐊᑦᑐᐊᒍᓐᓃᖅᑎᑕᐅᓚᐅᖅᑐᖅ, ᐃᒪᖓ ᒥᓪᓗᐊᖅᑕᐅᓗᓂ ᐊᒻᒪ ᖄᖏᓪᓗᒑᕈᖅᑎᑕᐅᓗᓂ ᓴᓗᒻᒪᕐᓴᐃᔾᔪᑎᒍᑦ, ᐊᒻᒪᑦᑕᐅᖅ ᐊᓯᖏᑦ ᓄᓇᐅᑉ ᐃᑭᐊᖓᓃᑦᑐᑦ ᖃᑦᑕᐃᑦ ᐱᔾᔭᐃᕐᓯᒪᓂᐊᖁᔭᐅᓗᑎᒃ.

ᐊᒥᓱᑲᓪᓚᓐᓂᑦ ᖃᑦᑕᓂᑦ ᓄᓇᐅᑉ ᐃᑭᐊᖓᓃᑦᑐᓂᑦ ᖄᖐᖃᑦᑕᕐᓂᐊᓕᖅᑎᓪᓗᒋᑦ, ᐃᒥᕐᒥᒃ ᓴᓗᒻᒪᕐᓴᐃᕕᒃ ᓱᓕ ᐲᕐᓴᐅᑎ ᐃᓚᐅᕈᑎᐅᕙᑦᑐᖅ ᐃᓚᐅᕈᓐᓇᑦᑎᐊᖃᑦᑕᓂᐊᖅᑐᖅ ᐊᒻᒪ ᖁᐱᕐᕈᕋᓛᓂᑦ ᑐᖁᓴᐃᔪᓐᓇᕐᓗᓂ ᐱᔾᔪᑎᒋᓪᓗᒋᑦ ᐊᖏᔪᑲᓪᓚᐃᑦ ᐃᒥᖅᑕᐅᔪᓐᓇᖅᑐᒧᑦ ᐃᒥᒃᑯᕕᐅᔪᑦ.

ᓄᓇᓕᐸᐅᔭᒃᑯᑦ ᐅᖃᐅᓯᖃᕐᓯᒪᓕᖅᑐᑦ ᑯᕕᐊᓯᒪᔪᒥᑦ ᒐᕙᒪᒃᑯᖏᓐᓄᑦ ᓄᓇᕗᑦ ᐊᒻᒪ ᐱᓕᕆᔨᒻᒪᕆᐅᔪᓂᑦ ᐱᓕᕆᑎᑦᑎᓂᐊᓕᖅᑐᑎᒃ ᐊᐅᓚᑦᑎᔨᑦᓴᓂᑦ ᑯᕕᓯᒪᔪᒥᑦ ᐊᒻᒪ ᐲᖅᑕᐅᓗᓂ ᐃᓂᖓᓂᑦ. ᓄᓇᓕᐸᐅᔭᒃᑯᑦ ᖃᐅᔨᒪᔨᑕᖏᑦ ᓴᓇᒋᐊᓕᓐᓂᑦ ᐋᖅᑭᑦᓱᐃᕙᓪᓕᐊᓕᖅᑐᑦ ᐊᑐᕐᓂᐊᖅᑕᒥᓂᒃ ᐃᓂᒋᔭᒥᑦ ᓴᓗᒻᒪᕐᓴᐃᔾᔪᑎᑦᓴᓂᑦ ᐱᐅᓯᖓᓄᑦ ᐅᑎᖅᑎᑕᐅᓇᓱᐊᕐᓂᐊᕐᓗᓂ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐃᖅᑲᓇᐃᔭᕐᓇᐅᑎᓪᓗᒍ ᐅᓇ:

ᔭᕗᕆ ᐴᕐᓐ

ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ

867-979-5619 | g.byrne@iqaluit.ca